有啲嘢真係唔講（寫）出嚟好谷氣！斷估冇同事得閒到嚟睇蝠blog，就俾我喺度爆一爆。今日嘅blog久違地用廣東話寫。
首先利申：我真係好愛我而家公司嘅同事… Well，個別幾個啦吓。
之前都略略有嘅blog講過，蝠而家做緊嘅公司今年831執粒。蝠做緊嘅部門係一個24/7嘅部門，大部份同事都要輪班輪假，請年假同一個工種嘅同事唔可以一齊放，就算公司一年搞一次嘅全公司旅行，我哋部門都要留幾個人喺度做嘢。所以friend底嘅同事一齊去旅行嘅機會係零。
於是，知道公司要執粒嘅時候同事們都即時諗到想去一次team旅行。831將近，呢個計劃亦開始要安排。
成日聽到人話friend一齊去完旅行分分鐘絕交，蝠呢一刻再認同不過！我唔係主力搞手，如果唔係，應該已經絕曬交。
唔好以為好多人呀！！6個咋，陰公！都搞成咁呀！！
首先地點佢哋就咗我去日本（因為蝠基本上冇打算去其他國家），我遷就返佢哋去我麻麻地嘅大阪。why？有人話東京有輻射喎。fine。
之後日期，又用咗幾個星期去夾。最後夾到。OK。直到呢一part都唔係我直接有份安排，都仲可以接受。
好啦，戲肉嚟啦。
到安排行程啦！搞手話我比較熟日本，叫我幫手book酒店，plan下去邊同埋睇下啲日文咁。OK呀。
酒店：佢叫我睇，我搵到間我鍾意嘅，其他同事都話OK，叫搞手book，X佢，佢唔book，走去send其他出嚟。冇人濕佢，到我問佢佢又嫌三嫌四。最後又話book返我揀嗰間，but，嗰時已經冇房。然後？到而家都未book。2個星期有多啦！
好，我唔理呢啲。
行程方面，問班人有邊度想去，全部答：冇所謂，跟大隊。
咁點plan？個個係咁點plan？！你叫人點plan？！大佬呀，你咁答唔係隨和呀，係仆街呀！！
我最初決定同佢地去，係因為想同某兩位同事去玩下，但係未去已經咁，我都冇眼睇！！
講到呢度，我已經決定唔理啦。佢地鍾意點就點啦～ 大不了我去到失蹤。真心慶！
…… 不過講完就算啦，嬲嘅時候講嘅說話無論點修飾都會傷到人，所以呢啲moment我會自己想辦法拆掂佢… 例如寫一篇咁嘅blog XDDDDDD
如果真係完全無意見，到時去邊度都無異議的話，咁樣都還好。
但有Ｄ人每次都係口裡話無所謂，實際要去的時候，就多多意見又乜又七，呢種人真心討厭…
希望你Ｄ同事只係前者啦，如果係後者就不如真係玩失蹤……
你… 講到重點啦orz
因為真係有「後者」…！
之前話大阪京都奈良普通，我話咁去金澤囉～ 佢地又：冇所謂跟大隊…
然後有人背後講話其實都未去過日本～ 想去下京都！
我知道之後話咁不如唔好去金澤啦，去返京都奈良嗰啲啦，
返嚟嘅答案就係上面嗰張圖！！（怒）
我想退group啦！！（怒）
唔駛嬲喎，再同佢地講一次：「再問多次，有無地方想去？有就出聲，我會安排，無人出聲就由我話事，唔好等我決定好先至話唔想去呢度、想去嗰度。」如果仍然出現同樣問題，索性留返啲錢，我約妳去～ XDDDD
你算罷啦！你咪又係嗰啲無所謂～ 去邊都得～ 嗰啲！
點同呢？我講得無所謂就真係完全無所謂，唔會之後又乜又七，而且去日本的話，我一定有大量目標想去，點可以同澳門嘅情況混為一談呢～XD
點知你～ 我對你嘅印象就係咁XDDDD
旅行同伴真係可遇不可求…..
所以好多情侶去完旅行會分手…
我知自己好麻煩所以都唔太敢同人約去旅行…
幾年前同一位朋友去過好成功XD 所以今次才敢應承…
點知今次未去就已經咁啦… oh my god！
六個人好多的啦，夾唔到好正常
對於聲稱冇意見既人我又ok，一來我自己都通常冇意見，二來第日有咩不滿的話，我大條道理話佢當時冇意見
反而我最討厭扮晒民主既搞手，明明自己諗好晒想點，然後人地比意見時又唔理人
算啦，既然你目標係同兩個好朋友去旅行而已，行程內容就算，唔好理了。同好朋友，唔駛特別做咩去邊都可以好開心的
原來6個係多啦？orz 之前仲話成10幾個orz 我未有過呢啲群體生活嘅經驗orz 以為6個係算少orz
但係我諗覺得呢，多多少少都俾啲意見吖>___< 比如問：去○○好唔好？咁正常一係"好"一係"唔好"... 咁都好做啲嘛>___< 我哋嘅個搞手都好攞命啊... 而家乜都話要投票先行動，但班友就個個唔會投，只係無所謂XDD 可能結果也都搞唔成都唔定～ 不過你最後一句講得啱！都係志在同佢兩個去玩(^^)
六個人真係好多的了。而且，你之後仲要好忍得！
我很有深切體驗哦！這方面。
如果，你有任何不滿想呻的~~
歡迎找我~~！
你居然自動送上門！！！（準備拉住你講三日三夜XDDDDDD
好想知你有過什麼體驗啊！
不過我呢個人好衰，對住鍾意嘅人／事物我也是好無所謂，
但唔鍾意嘅就好直接… 個搞手… 我同佢唔friend…←這可能係重點XD
我~~講到會反枱喎~~(笑)~
無所謂~我們交流一下心得~
(其實係呻苦大會)
我有好多枱俾你反！XDD twitter見（偷笑w
第一次見蝠神爆X街 ~ 看來非同小可 ~
沒所謂，便安排一次認識46/48日本之旅囉 ~ 睇下劇場、卜場公演、食下cafe囉 ~
都ok嘅～ 呢度講咗我咪唔會對住佢地發脾氣囉 (^^)