蝠仔all stars ranking 2019.1

新年新開始～ 今個月係大掃除過排名！Refresh一下各位嘅記憶：排名大掃除係蝠唔睇住上個月嘅排名，亦唔去search，offline咁用紙同筆brainstorm曬腦（心？w）裡面存在嘅成員，再幫佢哋加number咁樣排出嚟嘅。每年第一個排名都係咁排出嚟嘅。

今次係好明顯唔見咗啲人。我排嘅時候已經發現唔夠數。明明加咗幾個人最終竟然得返38個。當然我開blog寫呢個post嘅時候要copy返個table出嚟執，所以我而家係知道邊啲人唔見咗。但係所謂大掃除排名就係要以pen and paper嗰個version為準啦。

公唔公平真係好難講，比如我最近睇多咗汁汁，當然會記得佢哋多啲，即使係唔鍾意嘅成員。但係如果我坐底專登去諗，某啲成員都係冇喺我腦海擦過嘅話… 我覺得暫時抽起一陣都冇壞嘅？

No.	メンバー	グループ	変動	前回順位	最高順位
40	高瀬くるみ	雨ノ森 川海	new	new	new
39	江口紗耶	CHIKA#TETSU	new	new	new
38	太田遥香	アンジュルム	new	new	new
37	生田衣梨奈	モーニング娘。’19	±0	37	36
36	野中美希	モーニング娘。’19	-6	30	17
35	小野瑞歩	つばきファクトリー	-2	33	33
34	船木結	アンジュルム	-5	29	27
33	川村文乃	アンジュルム	+2	35	33
32	島倉りか	CHIKA#TETSU	+2	34	32
31	佐々木莉佳子	アンジュルム	+1	32	31
30	羽賀朱音	モーニング娘。’19	-4	26	26
29	竹内朱莉	アンジュルム	+2	31	29
28	中西香菜	アンジュルム	-3	25	25
27	和田彩花	アンジュルム	-4	23	13
26	堀未央奈	乃木坂46	-6	20	2
25	白石麻衣	乃木坂46	-4	21	6
24	大園桃子	乃木坂46	-2	22	17
23	山岸理子	つばきファクトリー	+1	24	20
22	段原瑠々	Juice=Juice	new	new	new
21	牧野真莉愛	モーニング娘。’19	-2	19	11
20	植村あかり	Juice=Juice	+7	27	13
19	笠原桃奈	アンジュルム	-1	17	17
18	譜久村聖	モーニング娘。’19	-2	16	14
17	佐藤優樹	モーニング娘。’19	+1	18	2
16	石田亜佑美	モーニング娘。’19	-2	14	5
15	小片リサ	つばきファクトリー	±0	15	15
14	浅倉樹々	つばきファクトリー	-1	13	12
13	小田さくら	モーニング娘。’19	-2	11	11
12	室田瑞希	アンジュルム	±0	12	4
11	稲場愛香	Juice=Juice	+17	28	11
10	和田桜子	こぶしファクトリー	±0	10	10
9	野村みな美	こぶしファクトリー	±0	9	8
8	加賀楓	モーニング娘。’19	-1	7	6
7	宮本佳林	Juice=Juice	+1	8	7
6	森戸知沙希	モーニング娘。’19	±0	6	4
5	横山玲奈	モーニング娘。’19	±0	5	2
4	井上玲音	こぶしファクトリー	±0	4	4
3	広瀬彩海	こぶしファクトリー	±0	3	3
2	浜浦彩乃	こぶしファクトリー	±0	2	2
1	上國料萌衣	アンジュルム	±0	1	1

.
新一年1-6都冇變，基盤唔錯吧？XDDD 感謝かみこ嘅穩定令我唔洗煩，唔洗糾結。而家かみこ呢，對我嚟講好有坐陣嘅感覺。我唔會成日追住佢嚟睇，只要俾我知道佢OK（例如間唔中望下佢嘅twitter、instagram、blog）基本上就可以。當然アンジュ有嘢我會睇，但我實際上真係冇話成日諗住佢或者追到好貼，我俾好大空間佢㗎XDD。不過每次見到佢我都會知道&感覺我真係真係好鍾意佢。かみこ♡

こぶし繼續覇佔咗我個心同個腦嘅好大一部份（點解唔係full？一望下11位啦），蝠真係好愛こぶし，所以暫時未能預見佢哋會變弱。加上こぶし自己本身都係⤴︎⤴︎⤴︎緊，呢個moment睇住佢哋係最過癮～ 我先唔會咁蝕而家退場XDD

よこちぃ今次都係完守冇郁，雖然睇落喺呢度都算幾OK，但其實我唔敢講佢哋絕對OK… 因為如果蝠而家呢個比較少睇MM’19嘅狀態持續，佢哋未必安全。不過未來又未必黑暗嘅，MM’19好快有album出，起碼有嘢刺激一下～

點解我上面話よこちぃ唔係咁安全？因為… 大家睇下，かりん已經嚟到門口(O_O) 我相信有人會覺得かりん人畜無害… 不過唔怕長氣再講吖，かりん係蝠嘅初心，就算之前完全唔榨汁（睇Juice=Juice），蝠都會確保返かりん喺視線範圍。而家成日想飲fresh juice（2018年6月後嘅Juice=Juice）… 如果情況keep得住，睇怕かりん都幾大機會再浮上幾個身位。之前我好努力咁幫かりん諗緊嘅時候，有人話まなかん嘅reappear會拉起埋かりん，估唔到俾佢講中～ 哇哈哈

估到會喺呢個位附近見到まなかん嘅朋友揮個手(^o^)／
蝠都預咗睇完套舞台劇會出事，估唔到嘅係睇之前就被個新MV KO咗。其實再之前… 佢本寫真集已經咬實咗我（佢本寫真集我會寫… 俾啲時間我… 一直未得閒scan）。再再之前其實個FC Tour DVD都已經搞到我唔知點算… 之前口硬話要準備對策，但望到佢仲對乜鬼嘢策吖！XDD 而且somehow我其實係等緊佢。佢當初復歸我不知幾開心！不過未知佢去向，以為佢會同其餘幾個組新group，但我又知自己新嘢要時間適應，佢入新group我未必會睇。擔心緊嘅時候知佢入汁汁我心諗：咁多隊唔入，係入一隊我唔睇嘅！雖然其實覺得入汁汁for佢係好過入新group，但汁汁真係一隊我唔知點解點都提唔起興趣嘅group，蝠唔係冇主動努力過… 但就係夠膽死去睇演唱會咁嘈都坐喺度瞓著咗。所以まなかん被編入汁汁蝠都有輕輕失望咗… 咁嗰時蝠又主力向曬こぶ，諗住既然冇緣都冇辦法啦。但後來我醒起其實佢係有能力帶我去睇新嘢嘅人… 之前我直頭好憎睇カントリー・カールズ添啦，但佢可以搞到我睇曬佢在藉時期嘅所有DVD。所以當知道佢有套咁嘅舞台劇（+知道咗劇情），我開始期待佢會唔會帶到我去榨汁。turn out雖然排名只係+17，都唔算升得太誇… 但佢經已令我將佢加入後可以睇得嘅汁都睇曬XDD 今個月保守少少放佢喺no.11先。其實no.11係一個我個人覺得幾有… 靈氣嘅位。當年かみこ都有路過過呢一個位。以我而家嘅個人感覺，佢最少都有超越よこやん嘅potential。yes, 我講嘅！！至於會唔會發生啦喎… 蝠都好期待 XDDD

今次排名中段我覺得比較冇事發生，冇睇住上個月嘅嚟排都係咁上下冇乜特別變動，basically就係MM’19跌多過升，同埋あーりー升返少少。るーちゃん呢排睇得多覺得佢好可愛。問題係唔知點解我覺得之前排過佢但又搵唔返… 可能係排過但出之前又刪咗之類…？總之因為我搵唔到所以”new”佢，雖然喺我心目中佢係”return” XDD 不過就算真係出現過最多都係45、46位之類，所以都冇乜所謂啦XDD 佢入咗之後嘅汁汁蝠幾乎冇睇過，除咗上上年嘅countdown con同上年嘅新春con喺現場想skip都skip唔到之外ww 所以fiesta! fiesta!我有聽過有睇過亦都知道佢好唱（嗌）得。but蝠唔係特別鍾意聽嗌，所以冇因為咁而對佢有咩特別感覺。但係最近橫掃咗一輪fresh juice，除咗覺得るーちゃん好黏人好可愛之外，仲發現咗佢唱歌感覺超鬆動！我意思係明明嗰句嘢應該係比較難唱嘅，但佢好似唔洗好用力就唱到出嚟咁！(O_O) 只能夠話聽得好爽感XDDD 大家都知道むろ都嗌得過（而家唔知…XDD），但原來るーちゃん係另一個次元！(O_O) 佢17歲嘅Birthday Event蝠睇得幾咁開心♡ 多得まなか，蝠終於有心機望下佢。

つばき暫時人數沒變，但係其實要加都冇話唔得嘅，最少岸本ゆめの如果要放我都冇問題… 小野田紗栞其實都可以放，因為佢哋都有閃過我記憶… 不過一來兩個都唔係特別閃，二來小野田可以唔放我會想唔放囉。都仲未太get over到之前單嘢（搞咁耐XDDD），加上佢係嗰種狂話自己可愛嗰類… I mean, 我知你好可愛，但太主張我會縮XDD

最後～ 加咗三個新妹妹落去（高瀬算唔算妹妹>_>？）。WHY？！アンジュ嗰個成日喺かみこ佢哋個blog出現>_> 睇睇下有一個都幾可愛… 另外一個睇BEYOOOOODS嘅時候覺得都OK，為咗我可以多個理由睇島倉りか，又反正都只係榜尾，冇所謂啦，放住先XDDD 最後剩返一個位嘅時候… 其實有幾個候補… 因為我仲係未想放小野田，所以… 用高瀬頂住先XDD 冇所謂啦～XDD 我知我去到尾段不停咁話冇所謂… 因為真係都幾冇所謂XDD

至於非H!P，嗰3個喺中段嘅乃木坂46我都唔知佢哋喺度做咩。我而家又唔睇又唔聽，都唔知放喺度為乜。不過如果問我有冇記得佢哋… 係有嘅，因為有friend提住XDD 講開個friend提住… 其實… 我係打算放乃木坂46嘅与田祐希上去㗎，就係因為朋友提住，我排嘅時候都有閃過佢… 仲有けやき坂嘅佐々木美玲都係呢個狀況… 不過諗諗下又覺得好無謂。唔係專登要玩清一色H!P，但去到咁榜尾真係冇乜意思囉，重點係我唔會因為榜上有名而走去睇佢哋，咁不如唔好搞咁多嘢啦！放幾個將來真係會走去望下嘅好過啦！

就係咁！以上！