Category Archives: 小蝙蝠日記

2021年嘅蝠慢慢由こぶし解散嘅陰霾恢復！比起上年真係冇心機去由心再去全力愛成員，到2021年終於鼓起勇氣(?) 再去有推，蝠自己就覺得已經相當有進步。上年嘅Looking back暗示要為佢哋而努力嘅嗰兩個，今年就變咗蝠嘅推♡ 感激佢哋俾時間我復活，まなかちゃん嘅話有啲嘢佢仲等緊我（笑），但我努力緊架啦！ 從こぶし解散復活唔代表蝠唔愛佢哋。れいれい仲喺hello唔洗講啦（終於開始將佢當汁汁成員去愛！），蝠仲係全力follow浜浦さん！ 另外今年多咗睇舞台劇。除咗因為はまちゃん演咗都幾多舞台劇之外，仲有就係愛上咗人狼TLPT。對於鍾意睇人玩人狼遊戲＋鍾意舞台嘅蝠嚟講，人狼TLPT就係集齊咗我最愛嘅兩樣嘢。內容又好睇，又鍾意咗幾個役者，發掘到除咗hello之外一樣都可以埋頭嘅嘢。 同埋… 其實仲有一樣嘢。人狼TLPT有路過蝠個twitter大概都會見到我成日retweet佢哋啲嘢，但今年鍾意咗一樣嘢（一啲人？）係蝠邊度都冇講過嘅… 就係… ジャにのちゃんねる。睇開蝠blog應該會知蝠對男人冇乜興趣（講法！w），唯一係幾鍾意睇二宮和也。2021年佢開咗佢youtube channel之後蝠路過睇咗一下就… 入咗坑。越睇就唔只ニノ，其他嗰3個都鍾意埋，尤其係菊池風磨。所以主要係Sexy Zone嘅坑>_> 係… 蝠都估唔到自己會踏咗入Johnny’s門口… 仲第一次用咗Johnny’s嘅online store… 自己都覺得好得人驚。不過話坑啫，其實都唔係話迷上佢，係對hello嘅千分一落力都冇，只係多咗可以睇嘅嘢啫！ 估唔到Covid-19到而家都唔走… 所以都係嗰句啦，各位蝠blog友！Stay safe, Stay Healthy, Stay Happy！！Happy New Year！！ PS. らいひさんが16歳になったの？！ Continue Reading

今日純雜談。但我冇自信可以令各位都睇得明我想講咩… 抱歉。可能唔睇比較好，但蝠想記錄一下而家呢一刻嘅想法。 啱啱喺twitter見到個trend「推し疲れ」，咁啱同尋晚睇咗一個演出家+役者嘅blog有少少呼應，亦都好啱而家嘅自己用。 回流冇幾耐之後唔知咩事開始儲起DVD上嚟，去到自己都唔知點解買嘅地步。好多DVD我都冇睇，興趣都唔大，但就係。點名講，2015年、2016年、2017年MM出嘅DVD/blu-ray我全部都有，包括咗個人嘅BDE嗰啲，就係連唔知喺唔喺排名上嘅人嘅個人DVD我都有入手，仲有順便見到舊嘅DVD價錢啱都會入手，但我諗我睇咗1/10都冇。但嗰時有返工而且個pay唔錯，正所謂玩得起。直到どぅーさん畢業之後我都仲買咗一段時間，總係覺得要有、要齊。 呢個心理狀態どぅーさん畢業之後直接轉駁到こぶし。當時こぶし啲嘢唔貴，而且得8個人，蝠就開始成group儲。到後來得返5個更加係所有嘢都5份。唔知點解唔齊就好唔安樂咁。生寫就算係こぶし嘅都係，買咗返嚟大部份都不見天日（還記得嗰幾舊磚嗎？），有部份有幸入咗相簿，都係入完擺埋唔會睇返。 到こぶし散解咗，但病態冇完。明明唔係推唔知點解買但係都係會買。好似係用喺こぶし身上嘅錢「多咗出嚟」就必定要轉去俾另一個人咁。仲會自己刻意去搵新目標，明明推都唔係就開始收めいちゃん嘅嘢。買咗返嚟有冇望多眼？其實係冇嘅。但就係有種義務感使命感好似一定要儲，買嘅時候冇諗係咪想要，甚至我係會走去elineupmall，search個成員個名之後將new嘅全部入cart結帳。寄到返嚟掉曬返櫃桶… 到櫃桶滿咗就入紙箱pack走… 我諗我都唔知自己買咗啲乜。 身邊唔係fans嘅朋友唔會主動走去話我（佢哋都唔清楚我點買idol goods），係fans嘅朋友某程度上都有類似嘅收集癖。於是喺我嘅世界入面呢樣嘢好正常，做fans就要支持嘛，用咩方法支持，咪就係買goods，收齊啲嘢。仲會覺得自己都已經唔係無限回收，已經係理性嘅一族(?) idol們都會用各式各樣嘅方式希望得到fans嘅支持，「記得支持我喔」、「記得要嚟live呀」、「賣緊啲乜乜乜記得買喔」等等。當然只係去instagram like曬啲嘢，去twitter retweet曬啲嘢，去blog度留言呢啲都絕對係支持，亦冇唔妥，佢地都會話好高興。但除咗呢啲形態上嘅嘢，「支持」入面絕大部份都係要攞錢出嚟嘅實質嘢，當然fans同idol之間本來就係呢種關係，我冇覺得唔妥，一直就係咁活過來。唔會去諗究竟自己所謂嘅「支持」係到唔到，同埋真係「支持」咗啲乜。有人會駁我話你買goods係有嘢到手，你自己都開心高興，咁就算所謂嘅「支持」唔會直接去到idol度，都唔係問題。但係如果我話，goods已經唔知幾時開始由「好想要嘅嘢」，變成「一定要買嘅嘢」，再變成咗「買咗冇用嘅嘢」呢？ 當然蝠都係成年人，理性係有嘅。我唔會話傾家蕩產，問銀行借都死要買。只係我已經好耐冇喺自己俾咗錢嘅嘢裡面得到快樂，但一直都係咁已經成為咗習慣，而我自己唔覺。 其實都有突然醒覺嘅位，但自己預設咗去忽略。hello shop咪每個月都會出月別嘅？我好耐之前已經有個個月買自己鍾意嘅成員，但again買咗返嚟我都唔會點睇，但就係覺得唔可以miss。我有問過自己點解唔可以miss，但冇好似強迫症咁，唔買硬係周身唔舒服。 之前盲買DVD，想唔買都花咗幾個月時間去停，最後只係停咗MM嗰啲。但其實停咗都冇乜嘢，過咗時限買唔到我都唔會好渴望得到佢，真係只係可以訂嘅時候真係好有購買慾，到而家都有。 一直浸喺hello嘅ecosystem，就好似溫水煮蛙，唔覺得有問題。以前買嘢係令自己快樂，而家變咗唔買擔心會唔快樂。又或者可以話，以為買咗會快樂但事實係說明咗另一樣嘢。こぶし嘅解散雖然冇即時令我發現問題，但就令問題明顯咗，令我不得不面對。 上面提到嗰位演出家嘅blog入面寫到： 「無理してまで追いかけようとしてしまうと、いつしか「義務」になり「面倒な用事」になってしまいます。」 「勉強去追，唔知幾時會變成「義務」，然後再演變成「麻煩嘅事」。」 我睇到呢時候覺得完全就係我而家嘅狀態，同時亦都推我行咗處理佢嘅第一步。因為而家追hello對我嚟講已經去咗上述嘅「麻煩事」階段。就係因為我勉強咗自己，要去要去要去要賣要賣要賣要齊要齊要齊，變成咗義務覺得一定要、唔做唔得。就係因為咁開始覺得煩… 不知不覺間已經完全變咗一件麻煩嘅事。 講得清楚啲，追hello已經由之前嘅好開心，變成一定要追一定要支持一定要睇嘅義務，再變成咗而家覺得係好麻煩嘅事。 仲有鍾意嘅成員，但我唔想自己再惡化落去。方法强硬少少都好，我已經決定咗要處理。最近蝠走咗入另一個ecosystem，嗰種有衷嘅期待同興奮真係好久違地令我醒起娛樂應該係令我快樂，而唔係責任。 今次我唔會勉強去追，唔會俾佢變成義務，而係因為想去睇而睇。同時剛好比咗啲空間我抽離hello少少去解決現有嘅問題。 Continue Reading

啱啱睇返上年嘅”Looking back”，發現咗自己好大聲咁話： 「2019年… 我唔係「希望」自己繼續愛こぶし，而係我「知道」自己會。」 而家睇返感想係：OMG！！哪來的自信XDDDDDDDD 但事實上… 又冇錯架喎！蝠嘅2019年，又真係滿滿的こぶし。 或者，有啲嘢真係要講出口。 今年除咗真係繼續愛こぶし之外，自己嘅宅活入面最有成就嘅一項就係終於… 終！於！跟到汁汁。雖然程度上同こぶし係有距離，但6年空白終於俾我攻入咗汁汁蝠係真心高興。 2020年，繼續愛こぶし係必然！繼續為まなかちゃん&るるちゃん睇汁汁～ 另外有時間嘅話期待はちれらりんたこりあい同ビヨ嘅發展！ 預祝各位蝠blog友Happy New Year！！ Continue Reading