なったん、11年間ありがとう♡

前幾日先知なったん畢業，唔係畢業公演佢貼咗啲相係instagram我可能有排都未知XDD 有緣份realtime知，就講兩句啦。

對佢畢業嘅感想其實冇乜，主要係對「畢業」呢樣嘢已經冇以前咁大感受。可能係之前蝠一直「現役優先」，呢幾年都唔到我再做呢樣嘢。愛嘅人全部都已經唔係現役idol，個心一早已經跟佢哋走咗佬XDD

なったん呢～可能係蝠飯48 group短短嘅3年間最特別嘅存在。

嗰日同朋友講開，朋友話原來佢仲喺HKT48。我講笑話差啲1年都捱唔到嘅佢居然玩到11年XD 初期嘅HKT蝠跟得好貼，後來48 group各式各樣我接受唔到嘅事件發生，なったん嘅待遇令我逐漸疏遠HKT48，呢個亦直接係我唔再飯48 group嘅原因之一。唔鍾意group，但鍾意嘅成員唔係話bye就bye，なったん我係點都放唔低，所以一直都暗隨。

なったん喺我心裡面永遠都仲有個位置，每過一排都會諗下佢而家點，有想望下佢嘅衝動，認真愛過嘅都唔會消失。佢引退，將來大概冇乜機會再見到佢，但蝠偶爾會諗起佢嘅個呢個習慣應該都會繼續落去。