喺追星上，蝠一向深信3嘅定理：
過到3日呢個人確定可以令我快樂。睇數字可能好似好易過，但啱啱對一個人有興趣嘅時候蝠嘅真係可以瞓一覺就冇咗。
過到3個星期係認真想追，可以開始投資w 一般開始對外公開(?)就係呢個時期。
過到3個月就會考慮要唔要推/担。←重大決定！！！
過到3年呢個人永遠會喺蝠心目中有一個固定嘅位置。
呢4個3一向都好靈，然後蝠最近偶然地搵到另一個3 – 係3 x 3嘅9。不過呢個3 x 3只適用喺hello，同埋未係好夠data叫佢做定理，呢個moment只可以話係假設。就係蝠對hello似乎大約9年會有一次冷淡期XD
蝠第一次愛上hello係2001年，而到2010年因為追睇咗48系而漸漸疏遠。回流係2013年，然後2022年まなかちゃん畢業之後我乜都睇唔順眼XDD 可能係巧合，都可能係女性Idol嘅正常周期。呢個唔sure，但嗰日發現咗又有9年嘅時候，有種「おー」呢感覺。
其實自己每個月做排名都知… 邊個喺邊個位真係冇乜所謂，有少少為傳統(?) 為習慣而排。而且蝠而家有時一個月就係個排名先會寫一次blog（預告：今年可能會有多啲雜談），如果連排名都唔寫個blog真係唔會再郁。解說嘅時候蝠有好努力咁令自己聽起嚟冇咁bored，不過個排名本身真係… 最少而家呢一刻，冇乜大意義。
喺少數機會睇嘅時間，都會覺得かわいい嘅，呢個係事實嚟… I mean, 我可以冇feel，但客觀事實係可愛嘅就係可愛，我鍾唔鍾意係另一回事。一個人、一樣嘢可以好可愛，但我唔一定會鍾意，唔hit就係唔hit我都冇辦法。