蝠仔all stars ranking 2021.1

1月係一年一度唔睇住前個月嚟排，於是出現咗失蹤人口… 好努力咁都諗咗一陣搵返一個，但另外一個搵唔返… 所以就照出咗先。有諗過放下アンジュ啲新成員，但又唔太識佢哋，我又極少睇アンジュ，感覺會好快鍾意咗佢哋嘅機會比較細。不過想話其實3個都唔抗拒，幾好吖佢哋，不過最細個個太幼… 又係等佢14歲先講。

不過講真對三次元嘅投入度係細咗。こぶし散解之後一直都係無推狀態，有好愛嘅成員但已經做唔到對こぶし嘅感情，所以一直都空置中。然後擺擺下個心就飄咗去二次元…。

anyway，蝠想表達嘅係我最愛嘅都係浜浦さん。

No.	メンバー	グループ	変動	前回順位	最高順位
29	与田祐希	乃木坂46	-1	28	12
28	大園桃子	乃木坂46	+2	30	17
27	北川莉央	モーニング娘。’21	±0	27	27
26	遠藤さくら	乃木坂46	+3	29	26
25	高瀬くるみ	雨ノ森 川海	±0	25	25
24	小田さくら	モーニング娘。’21	-2	22	11
23	一岡伶奈	CHICA#TETSU	+3	26	23
22	加賀楓	モーニング娘。’21	-2	20	6
21	西田汐里	CHICA#TETSU	-9	12	12
20	川村文乃	アンジュルム	-1	19	19
19	譜久村聖	モーニング娘。’21	+2	21	14
18	佐藤優樹	モーニング娘。’21	±0	18	2
17	里吉うたの	SeasoningS	+6	23	17
16	植村あかり	Juice=Juice	-1	15	13
15	岡村ほまれ	モーニング娘。’21	+2	17	15
14	森戸知沙希	モーニング娘。’21	+2	16	4
13	横山玲奈	モーニング娘。’21	+1	14	2
12	山﨑夢羽	雨ノ森 川海	-1	11	7
11	松永里愛	Juice=Juice	-1	10	8
10	橋迫鈴	アンジュルム	+3	13	10
9	工藤由愛	Juice=Juice	±0	9	9
8	小林萌花	SeasoningS	±0	8	8
7	島倉りか	CHICA#TETSU	±0	7	6
6	山﨑愛生	モーニング娘。’21	±0	6	6
5	伊勢鈴蘭	アンジュルム	±0	5	5
4	上國料萌衣	アンジュルム	-3	1	1
3	井上玲音	Juice=Juice	+1	4	2
2	段原瑠々	Juice=Juice	±0	2	2
1	稲場愛香	Juice=Juice	+2	3	1

.
今個月其實糾結到連個排名都唔想出。坦白講我唔想將まなかちゃん放no.1… 實在係各式各樣嘅oh no。但而家嘅hello佔咗我個腦80%以上嘅係佢，我鍾意佢但總覺得佢唔係我no.1嘅嗰個。就係嗰種佢樣樣都好但就係唔係囉！you know？就係嗰種唔想帶返屋企介紹嘅女朋友（喂w

事實上我真係唔會同朋友介紹佢（非飯朋友有時都會問我最近鍾意邊個成員呀～咁）… 如果而家蝠去汁汁現場，都係會橙住去。其實有諗過放るるちゃ上no.1（事實上佢可以），將まなかちゃん留返嚟no.2我覺得我會舒服好多，講得衰啲用るるちゃ擋一擋我反而會認我自己鍾意佢。唔知做乜而家對まなかちゃん預設咗ツンデレ模式，總之no.1實在係幾億萬個錯。講來講去就係我唔想放佢喺no.1。

但同時我又驚自己會後悔。有機會嘅時候唔放行，唔通又要等到宣佈畢業先開始珍惜時間？同佢已經miss咗一次，喺好多人休完唔會返嚟嘅現狀之中佢返嚟就好似俾多咗次機會我咁。而且如果こぶし一直喺度佢都冇咁嘅機會。天時地利人和都啱曬，缺嘅只係蝠嘅勇氣嘅話，唔做就完全係我嘅問題。老實講佢都… 唔細，已經到咗隨時宣佈畢業都唔出奇嘅年紀。推しは推せる時に推せ。錯過咗就返唔到轉頭。雖然蝠暫時都係會維持無推狀態，但而家hello最愛佢係事實。

於是大局同真相之間選咗真相，同埋如果將來要後悔嘅話「做咗後悔」好過「冇做後悔」嘅呢個原則，決定咗放佢喺TOP。不過呢個選擇大概會令我而家對佢嘅態度不變… 都唔知係好事定唔好事。

るるちゃ已經去到我可以考慮放佢喺no.1嘅地步，最後放咗まなかちゃん，所以佢no.2好正路。而且而家蝠最大嘅治癒就係るるちゃ，冇咗佢完全會懷疑人生。

3同4係我今次另一個頭痛點。我真係仲係好愛かみこ（雖然冇乜點理佢），但蝠330之後零猶疑咁繼續做ハロヲタ100%係因為れいれい。係因為れいれい留低，我先一次都冇出坑嘅念頭，れいれい可能唔係蝠嘅最高位，但絕對係好多方面都好重要嘅人，我唔想佢離開我視線範圍…。雖然れいれい入咗汁汁之後有好多嘢都變咗（定我應該話長大咗），但佢依然係我哋こぶし組嘅れいれい。佢嘅重要性令我唔覺かみこ應該喺佢上面，givenかみこ唔係令我留低嘅人。

蝠排到呢度… 見到自己top3都係汁汁實在係感概良多。由好開心見到かりんちゃん有得debut，到發現完全對汁汁呢個圍提唔起興趣。到game chargerまなかちゃん加入，因為想睇佢睇多咗汁汁之後愛上るるちゃ… 然後最愛嘅こぶし散解後唯一留返喺hello嘅れいれい加入… 呢個世界真係充滿 who knows…

top5入面有2個アンジュ，我唔覺得呢個排位穏定。少睇アンジュ喺冇乜愛情補充嘅情況下，溺愛中嘅めいちゃん要過真係話都冇咁易（其實又唔係… 話都冇咁易嘅話一早就過咗啦ww）。不過蝠而家個feel係想喺唔郁れらたん嘅情況下升めいちゃん… 嘛… 詳情就唔好問啦… 要發生嘅時候就由佢發生啦。

めいちゃん… pick up咗之後放唔低orz 呢個小妹妹就係有令人無條件愛佢嘅能力。近兩個月蝠幾次想放棄佢。我覺得我要嘅人都聚曬喺汁汁，咁不如專心啲算啦… 反正冇乜時間又冇乜財力。但係就係點都唔捨得めいちゃん。所以我相信佢好快就可以搬位… 執定嘢啦我嘅ちびちゃん♡ 好快嚟接你♡

top10後半都冇乜點變，唯一郁咗嘅係りんちゃん跳咗幾級。唔知自己係咪對2005年生真係有啲偏愛，蝠都唔知/唔明點解りんちゃん會升ww 不過其實りんちゃん喺蝠個排名上一直都有啲好奇妙嘅軌跡，可能有啲解釋唔到嘅嘢令蝠對りんちゃん有少少偏心。

よこちぃ同ほまたん都微升咗少少。明明除咗めめたん都冇乜睇MM，不過都好嘅… 雖然MM嘅style真係唔啱我，但MM喺蝠心目中始終有個位置。

之後都係嗰堆人… 有少少變動，但蝠唔覺得重要到需要攞出嚟講。啊，唯一係蝠而家對ビヨ嘅興趣基本上去曬SeasoningS，所以うーたん升咗，就係咁。

蝠已經決定咗2021年主力放二次元同埋跟はまちゃん。不過都一樣會愛hello愛汁汁愛めめ＼(^o^)／