Hello! Project歌曲ranking TOP36 2018

2013年：https://applebat.com/?p=9931
2014年：https://applebat.com/?p=13279
2017年：https://applebat.com/?p=16532

2018年版嚟啦～♪♪

上年2017年版set咗條會移動嘅rule，上年係2014～目前嘅歌，今年就移到2015～目前所有已出碟或配信嘅歌，減去舞台劇曲。點解今次由TOP20加到TOP36？因為蝠而家幾乎只聽ハロプロ，坂系都戒埋… 聽得多啦喎，自然鍾意嘅歌都多好多啦！而且呢兩年ハロプロ啲歌真係好啱聽呀！仲有album呢？淨係MM’18都出咗兩隻新啦！呢兩年ハロプロ真係返曬嚟呀！

唔講咁多先啦，GO RANK！

no.36 キソクタダシクウツクシク／アンジュルム／2017
アンジュ2017年最後嘅呢隻single我竟然最鍾意呢首我自己都好surprise XD 其實呢，聽得最多係《君だけじゃないさ…friends》嘅，不過最搶耳同喺concert入面最搶眼嘅反而係呢首我覺得。

no.35 Style of my love／モーニング娘。’17／2017
有懷疑過自己係咪真係鍾意呢首歌，定係只係一味想聽ODA。ODA把聲無論講嘢定係唱歌我都太鍾意不能自拔，所以可能呢首歌都只係純粋因為ODA。

no.34 ナルシス カマってちゃん協奏曲第5番／モーニング娘。’17／2017
本來完全唔記得咗呢首歌XDD 明明人哋Album曲最推就係呢首XDD 最後因為諗起句「もっと、みつめて」先記得！因為よこやん嘅呢一句，上榜係常識吧！

no.33 Goal〜明日はあっちだよ〜／Juice=Juice／2017
蝠喺唯一一次去汁汁concert嘅時候唯一一次一聽汁汁嘅歌就鍾意。汁汁嘅歌我真係好少可鍾意，let alone一聽就鍾意XDD かりん把聽真係好好聽… 依然鍾意玻璃聲線嘅蝠XDD 個melody中正咗我鍾意嘅pattern，大愛！

no.32 書いては消しての ”I Love You”／カントリー・ガールズ／2017
ちぃちゃん！ちぃちゃん！ちぃちゃん！因為ちぃ入咗MM搞到我愛佢愛到有少少危險，仲掂埋之前死都唔睇死都唔聽嘅カントリー。呢首冇咗ももち先輩嘅新曲，嘩… 順眼順耳咗幾咁多。雖然カントリー其他成員我依然唔太好，但為咗ちぃ蝠已經放低咗個圍欄仆咗過去。

no.31 私のなんにもわかっちゃない／モーニング娘。’17／2017
呢首歌等佢出碟好耐！演唱會聽咗幾次就愛上，まーちゃん同ODA同ふくちゃん嗰幾句「あぁ〜♪」係勁勁勁好聽！好靚呀真係唱得… 每次聽呢首歌都喺度期待嗰幾句XDD

no.30 低温火傷／つばきファクトリー／2018
嗚！好唔忿氣要放つば上榜！！蝠對つば真係… 唔係太好XDD 我認我故意無視佢哋㗎！係呀，點吖？（喂）不過我又唔會壓佢哋，所以被逼(?) 聽咗幾次呢首《低温火傷》係覺得好聽就放上嚟囉唯有(^^;;

no.29 ジェラシー ジェラシー／モーニング娘。’17／2017
有得意，呢首歌我唔係成日聽，都會唔無啦啦想聽，但每次比如演唱會度一聽就會覺得好鍾意。最近睇親都有ちぃ喺度啦，但最初個原版係一開始13期兩個企喺中間嗰度我見到會有種莫名嘅高興XD 加咗ちぃ就冇咁high啦。不過呢首歌到而家都係feature 13期兩隻嘅，尤其係13期嘅推廣期好短，所以呢首歌好有記念價值！

no.28 未熟半熟トロトロ／こぶしファクトリー／2016
福田花音作詞嘅呢首歌… 一句：好啱こぶし。

no.27 ピーナッツバタージェリーラブ／カントリー・ガールズ／2017
就算我之前完全唔聽カントリー，呢首歌都有辦法入咗我腦。WHY？！因為嗰句「Peanut Butter Jelly Love～♪」XD 我一見到花生醬或者啫喱就會不自覺地喺度唱。話說我而家份工係有賣花生醬，死得啦，一見到佢我就唱。我同事… 嗯，白眼XDD

no.26 もう 我慢できないわ〜Love ice cream〜／モーニング娘。’17／2017
各位知道我咁愛よこやん，呢首歌喺呢個名次出現會唔會有人覺得surprise呢？事實上我唔係唔鍾意呢首歌 ，但我覺得唔係咁特別唔係咁搶耳。演唱會見到佢哋唱我都會好開心，特別係歌以少人數地見到よこやん，不過好鍾意又唔係。

no.25 お天気の日のお祭り／モーニング娘。’18／2018
二十歲嘅mini album入面，蝠最聽得多嘅新曲係呢首，一首melody我又鍾意，歌曲又可愛，よこやん把聲又好出嘅歌。what else can I ask for？

no.24 A gonna／モーニング娘。’18／2018
好似係ひなフェス第一次聽？就已經上曬腦，有時坐坐下個精神一飛咗去唔知邊度嘅時候就會喺度唸「ええがな〜Ohええがな～」，好病態XDD

no.23 残心／こぶしファクトリー／2016
如果呢首歌係上年呢個時間寫，分分鐘上top5。可惜… 8人變5人，5人こぶし有好多歌已經唱咗但又係冇唱呢首>__< get唔到呢首歌喺而家我最愛嘅こぶし入面嘅image，所以放一放先觀望。但我要強調呢首歌真係超好聽啲歌詞超正！我去卡拉OK必唱嘅歌！

no.22 BRAND NEW MORNING／モーニング娘。’17／2017
每次有新成員加入MM，蝠都會cool down少少… 應該話，step back一步觀望。13期幾乎冇呢個期，少少啦，但compare to 12期真係幾乎唔覺。第一次聽呢首歌已經鍾意，第一次見到13期兩隻喺PV已經冇違和感。可能佢哋做唔到火花嘅角色，但fit in真係一流。講返首歌，我最鍾意嘅係9期同13期問答式嗰兩段歌詞，好有message性！

no.21 Uraha=Lover／アンジュルム／2018
アンジュ新曲之中因為歌種關係呢首歌只係屈居第2，本來仲係第3添㗎！越聽越好聽～ 尤其係後段かみこ嗰句：「君に大嫌いなんて言ったわ 振り向き歩き出す」我直頭想cap咗做ringtone呀！不過佢太短咋！XDDD かみこ把靚聲好出呀！講開又講吖，佢呢兩年唱功真係好咗好多，但又唔會毀滅咗把聲，非常好呀！

no.20 続いていくSTORY／Juice=Juice／2015
好彩汁汁有首慢歌，上得一首得一首呀真係要！唔係真係對かりん唔住>__< 唔知點解汁汁真係唔啱聽。つば我想唔理都聽到覺得好聽，但汁汁我唔抗拒啲歌大部份都聽唔入耳>__< 我要followかりん呀！俾啲驚喜我啦！>__<

no.19 交差点／アンジュルム／2015
上一届(?) 嘅no.1雖然今次得19位，但冇辦法蝠真係聽多咗好多其他ハロプロ。淨係こぶし都冇得輸！仍然好鍾意呢首歌，仍然係去親卡拉OK都會唱，但呢首歌冇かみこ係蝕水少少架啦。

no.18 花が咲く 太陽浴びて／モーニング娘。’18／2018
冇咗どぅーさん之後嘅第一首歌… 而且畢業後好快咁推出，所以我第一次聽嘅時候… 心理上唔係太鍾意。但係最後都係物理上取勝，因為真係好聽♡ 我仲好鍾意個PV添呀！（難得

no.17 ロマンスに目覚める妄想女子の歌／モーニング娘。’17／2017
album本來掛住聽《恋は時に》好少聽其他歌，但係呢一首只要用心咁聽一次，聽出啲歌詞就會迷上。why？因為真係十二級可愛！「抱きしめた後に口付けて 逃げるから その後すぐに追いかけて…」OMG！會唔會太可愛啦自己咁講出嚟♡♡

no.16 君だけじゃないさ…friends(2018アコースティックVer.)／アンジュルム／2018
アンジュ連續出兩次《君だけじゃないさ…friends》我都唔知講咩好，係都隔多一隻single先吖>_> 仲要啲成員出之前喺度講到「今次好唔同㗎～ 成首歌唔同曬呀～」咁，搞到我好鬼期待，一聽… 喂，唔係差好遠咋喎大佬>_> 然後我喺原版好鍾意かみこ開波嘅第一句… 今隻變咗和田さん… 唔orz 但係點解我上榜會反而係新版呢？原因係… 的確係新版可以清楚咁聽曬成員本身嘅聲線同唱腔，當中かっさー（笠原桃奈）嗰句實在太有驚喜！超好聽呀！而最重要係佢沿用返かみこ同むろ對唱嗰段「You are not alone〜♪」，收曬貨㗎啦！

no.15 これからだ！／こぶしファクトリー／2018
我好surprise呢首喺呢度出現，因為我以為佢會高好多。點知砌砌下… 原來先得15。成日大大聲話自己最鍾意聽こぶし… 以後都係細聲返少少好啲（但會繼續講XD）。呢首歌喺新年嘅ハロコン第一次聽，當時覺得首歌雖然非常之こぶしfeel，但first impression就係普普通通啦，但こぶし咁耐冇出新曲，加咗偏愛分就超出預期啦（喂XD）不過聽多幾次之後，句：「綺羅星、いま輝け！」原來勁上腦！屬於越聽越好聽型！個PV又正喎！曲中仲包含咗5個人嘅こぶし嘅成長係「由現在開始」呢個message！對こぶし組嚟講真係感受良多。

no.14 辛夷の花／こぶしファクトリー／2016
我會被こぶし擊中，唔多唔少係因為呢首《辛夷の花》。記得第一次聽嘅時候嚇到，先發現こぶし大部份都咁唱得，好有power嘅歌聲！而且咁啱當時自己本身生活上（人生？）都有啲問題，迷茫之間聽咗呢首歌係好大力咁推咗我一把。聽過好多人話自己嘅人生因為ハロプロ而改變，係嘅，我自己都係嘅，但要講改變咗啲咩嘅時候反而會因為大多大空泛講唔到個重點出嚟。真係咁明顯自己都睇到嘅一個轉捩點，就係呢首歌。

no.13 青春Say A-HA／モーニング娘。’17／2017
由演唱會曲出現之後，蝠一直都好想佢HiRes化，因為聽到啲music係好正。果然！呢首歌表演嘅時候呢，嗰句「こんなのこんなのは青春なんかじゃない」嘅よこやん可愛到尖叫，有機會記得望下佢♡

no.12 Are you Happy?／モーニング娘。’18／2018
最近MM啲歌真係超級上腦orz… 呢首歌聽完第一次之後，我個腦一直都出現住「ここから出してここから出して」×∞。重點係… 表演嘅時候呢句嗰段敲牆動作好正！

no.11 邪魔しないで Here We Go！／モーニング娘。’17／2017
蝠2013年全面回歸ハロプロ之後第一隻MM嘅Single我係每一首歌都大愛！I mean，呢一首係3首之中最低位但佢係no.11！ちぃちゃん把聽原來好啱唱呢類型嘅歌囉！好聽呀真係！

no.10 ミンミンロケンロー！／船木結、横山玲奈／2017
唔洗講啦，明顯係因為よこやん。咁可愛嘅PV，咁大段solo，第一個unit，唔大愛都唔敢走出嚟話係推佢啦！

no.9 ナミダイロノケツイ／アンジュルム／2017
可能係かみこ入アンジュ之後我最愛嘅一首歌！！只可惜呢首歌太有主角（明顯係送俾當時休養中嘅相川㗎啦），而家佢唔返嚟，應該都冇乜機會再唱。呢首歌聽かみこ把靚聲簡單係the best choice。三個主唱之中かみこ同むろ我都大愛，佢哋兩個把聲真係可以好夾，唱呢種歌會聽到人好舒服。唯一不滿係佐々木さん唔穩定>_> 佢狀態好嗰日好正，但佢狀態唔好嗰日成首歌就衰喺佢身上。嗯，表演少都好。

no.8 若いんだし！／モーニング娘。’17／2017
どぅーさん嘅畢業曲點解唔係TOP3？err… 的確係一個好好嘅問題XDD 但其實我又唔係話特別地瘋狂地鍾意呢首歌。係好聽嘅，係有記念價值嘅，個PV係完美嘅，但係咁內容滿滿嘅一首歌我反而唔係話有好大偏愛令我覺得唔可以將佢放大高。加上呢… 其實呢首歌最初我唔係太敢聽… 出嗰時睇咗個PV幾次之後就封咗XDD 直到ルパンイエロー嘅出現我先開始聽返…>__< 呃不過我而家有勁repeat㗎！

no.7 Oh my wish!／モーニング娘。’15／2015
呢首都係記念價值大於一切嘅歌：どぅーさん嘅初center（雖然係W center）。咁又咩令到佢高過《若いんだし！》呢？其實兩首真係冇乜分高下，只係排呢個榜嘅時候我問咗自己一個問題：呢一刻如果二選一我會聽邊首？答案係呢首《Oh my wish!》所以就放咗佢上一位。其實呢首歌我唔係一聽愛上，嗰期硬係覺得MM啲歌唔係好啱我對耳。後來玩Tap Live玩到呢首歌上曬腦所搵返出嚟聽，就越聽越愛啦！有少少懷念當時嘅どぅーさんXD 因為我個人覺得2014年尾～2015年頭佢介乎係少年+少女同女性之間嗰段造物主恩賜嘅時間係超！勁！可！愛！

no.6 明日テンキになあれ／こぶしファクトリー／2018
聽咗呢首之後《これからだ！》掉開咗一段時間XDD 由れいれい開口嗰一句蝠已經尖叫XDD 到中間「何回も 何回も」同「もう一回 もう一回」演唱會真係high到一個點！蝠發現自己好鍾意こぶし嘅歌，真係撇開咗自己最鍾意嘅團係こぶし呢個事實，齋談歌我好鍾意こぶし個style。講開又講，演唱會歌度聽咗首新歌叫《亀になれ》，愛到上天！如果佢出咗CD或者配信，佢一定會喺TOP10次內出現…！呃，講返呢首歌先，由谷底上嚟地面嘅こぶし包括呢首歌兩首single歌都係勵志！睇住こぶし有高落到低再由低爬返上去真係好令蝠感動。

no.5 ふるさとの夢／かみいしなか かな／2017
かみこ把聲勁靚！第一句勁好聽！完！XDDD No la，再補少少就係，SATOYAMA&SATOUMI系嘅歌蝠一般都幾鍾意♡

no.4 恋は時に／モーニング娘。’17／2017
當各位以為蝠會大叫どぅーさん嘅時候，其實呢首歌我係勁望ちぃちゃん。當然どぅーさん都好正，但唔知點解呢首歌無論係感情部份定係歌聲部份我都被ちぃちゃん深深吸引。冇咗どぅーさん係有違和感，但有ちぃちゃん呢首歌我可以繼續愛下去。蝠都幾鍾意呢首歌嘅歌詞，尤其係「足が疲れたら少し休むけれど 別にサボる為じゃない 充電よ」呢句！的確係呀！

no.3 シャララ！やれるはずさ／こぶしファクトリー／2017

蝠一聽就大愛嘅歌！in fact，TOP3三首都係一聽鍾情！無論係melody，歌詞定PV都中曬紅心！而家蝠聽歌雖然會聽歌詞但真係唔會走去記，但呢首歌我係聽到記得曬啲歌詞！加上呢首歌去演唱會嘅時候fans係玩得特別high嘅一首，我都好鍾意「タイムリミットが来る前に、やれること全部やろう」嗰度跟住揮螢光棒♡ 另外はまちゃん、れいれい同のむさん三個solo嗰幾段真係非常好聽！而家嘅こぶし真係個個都唱得㗎！

no.2 弩級のゴーサイン／モーニング娘。’17／2017

明明比較鍾意靜嘅歌，好奇怪地呢首嘈到鬼嘅《弩級のゴーサイン》蝠愛到入肉。PV… 得意但唔算特別鍾意（畫面太快都唔俾我好好地咁睇よこやん！），個別歌聲… どぅーさん、ちぃちゃん同よこやん咪都冇拎喺手。逐忽砌出嚟唔係太多優點，但係呢首歌就係有啲嘢好吸引我，令我好想去聽好想不停咁repeat。

no.1 五線譜のたすき／モーニング娘。’17／2017

一聽我就知道… 本年度蝠像奬最佳歌曲奬嘅得主一定會係呢首歌。完全best fit曬蝠要嘅嘢！melody、歌曲、舞步、PV、歌割都係完美，and其實佢先係どぅーさん最後一首歌！同埋對於加加減減追咗ハロプロ17年嘅古參蝠嚟講，的確係可以感受到呢首歌嘅重量。我後來先知呢首歌係星部ショウ作曲児玉雨子作詞，忍唔住笑咗出嚟，因為我早就發現自己近年好鍾意嘅ハロプロ曲都係同佢兩個有關，呢首係佢兩個合作我有種「果然～」嘅感覺。

=====

睇返上年寫嗰篇同呢篇對比下，就會見到蝠呢一年真係開咗竅。上年仲要係啱啱聽返アンジュ先做到個TOP20出嚟，基本上係得MM同アンジュ兩團玩曬，各位睇下今年幾豐富？最少全部團都有得亮個相！唔知係愛嘅力量真係咁強，定係蝠終於完完全全咁接受咗而家ハロプロ個style，呢一兩年啲歌真係好好聽>__< 搞到我都完全唔想聽其他嘢嚕…

ハロプロ今年20週年，由MM開始整體都真係醒神返曬呀！希望佢哋可以keep住個勢啦！！ハロプロ最高！ハロプロ最強！