蝠仔all stars ranking 2021.6

經過上個月嘅水又死曬心又死咗嘅狀態w 今個月好返少少。其實都係冇乜睇H!P，但最少睇咗花鳥風月！於是就尤如向我嘅死水排名拋咗粒石頭…！チーム風ありがとう！

.

今次唔係因為其他理由，係真係真係見到るー嘅時候好開心好有愛。最單純嘅愛 for るるちゃ♡

然後no.2同一個理由：見到佢嘅時候好開心覺得好鍾意佢，好大班人嘅時候都係會望住佢，佢唱一句半句我就會喺度散花，吸睛度僅次於るる！一直都等緊機會推佢上，終於係時候啦！幾耐冇MM咁前啦！no.2呀！どぅー之後都未有過囉！！！めいちゃん叻叻！！！好感動呀>___<！！

另外關於2日前嘅post尋日修改咗嘅事… 就其實係咁嘅。6/28嗰日… 應該話6月中嘅時候，我已經想話推めいちゃん。嗰時就決定咗不如佢生日嗰日開始啦，於是佢生日嗰日嘅慶生post就話推佢。咁講到推又想講返少少嘅係，蝠由こぶし散解之後就一直”推不在”狀態。候補一直都有嘅，比如るるちゃ、まなかちゃん、れいれい… of courseめいちゃん都一直喺候補之內，但過咗一年蝠依然係完全冇推任何人嘅心情。and then發展到最近真係越來越愛めいちゃん，月中就有咗上面提到嘅想法。但到咗6/28寫咗出嚟之後，突然有咗現實味，就有種莫名嘅擔憂。同晚佢8月出嘅寫真集解禁，睇咗啲圖，再睇埋譜久村さん個blog話佢今年嘅抱負係「想長大（おとなっぽくなることです）」之後，蝠就醒覺到自己嘅未來予想圖入面並冇考慮到めいちゃん會長大（喂），突然成件事好有違和感。到咗第二日，蝠喺度睇こぶし嘅演唱會嘅時候，望住れいれい回想我鍾意佢嘅時候佢13、4歲，都從來冇擔心過我接唔接受到佢嘅成長。諗到呢度蝠就覺得自己根本未有無論發生咩事都企喺めいちゃん嗰邊嘅覺悟。

呃，不過唔好誤會我唔鍾意佢寫真集啲圖，in fact我好鍾意♡ 而成長到呢一刻嘅めいちゃん我都係太愛，只係講到”推”，蝠因為以前亂推嘅黑歷史而比較謹慎。每個人對”推”都有自己嘅standard（淨係我同朋友仔嘅解法都唔同啦），有啲人鍾意就係推，而對蝠嚟講”推”係會推到尾（”轉推”呢個option已經不再存在）。所以連我自己都冇信心嘅時候，我就決定都係唔好推。呢個就係前一個post被修改嘅原因。實質上對めいちゃん嘅愛情度而家嚟講係可以去到”推”嘅level呢樣嘢冇變，只係因為對將來嘅憂慮(笑) 而家呢一刻蝠俾唔到”推”呢個名份佢啫(^^;;;（至於 “話咗推而家又唔推已經唔係推到尾啦！” 之類嘅吐槽… 我只能跪地求原諒… 係我衝動咗… 抱歉。）最後補充返一點，就係今次呢個修正唔代表我永遠都唔會有推めいちゃん嘅一日。只係而家唔明朗我唔敢郁住… 將來去到一個位我覺得自己可以包容佢一切嘅時候，我就會推佢。

冇乜嘢蝠都唔會郁れいちゃん。不過都唔只係因為呢樣嘢嘅，事實上見到れいちゃん就知自己好愛佢。話說蝠而家都仲幾乎日日有睇こぶし嘅片，見到嗰時嘅れいちゃん會覺得佢而家真係唔同咗。蝠認我比較愛こぶし時代嘅れいちゃん，但我接受亦都歡迎佢嘅改變，並且會繼續愛佢。（I mean… 蝠反而(?) 對れいれい有unconditional love…）

睇咗花鳥風月發現（醒起？w）咗自己對かみこ嘅愛（喂w），見到佢嘅時候明顯係比見到れらたん反應更大所以就將佢搬返上少少。

對まなかちゃん嘅糾結由年頭?上年尾?依然持續到最近，一直令我相當痛苦。不過最近我抽離咗少少之後有輕微變化，就係之前我糾結係見到佢覺得好吸引，但同時唔知點解好抗拒。最近見到佢雖然都會覺得可愛但感覺冇之前咁吸引… 唔係唔鍾意佢但係唔知係咪預設咗推開佢而家習慣咗… anyway總之而家呢個moment就係仍然唔太想見到佢+見到佢冇咁大衝擊，所以導理就係有反應嘅人（no.1 & 2）優先。蝠唔知將來幾時可能會後悔今日嘅呢個決定，但呢個等到時發生嘅時候先再懺悔吧w

今個月有諗過俾りかちゃん上，但最後都係覺得佢過唔到れらたん。たこちゃん相當冇問題但就係冇乜驚喜，而且因為我可以望到りんちゃん超過佢嘅未來，所以連同今個月升咗少少嘅ゆはちゃん都可能喺近未來會跌。我家兩個孫（めいちゃん&りんちゃん）強勢中。

後面都冇乜要pick up啦… 呃，りあいちゃん升返少少，對佢嘅感受都仲係一般般。但因為朋友仔好鍾意佢，我都會好好治療。

以上！

P.S. 7月會出歌曲排名！（宣言）