冇こぶし嘅こぶしの日原來已經第3次。唔知係時間太快定蝠一直停咗喺2年前。其實表面上已經get over咗，但我到而家都係咁抗拒つばき，都係好憎其他人唱こぶし啲歌可能代表緊蝠仲係有啲嘢。
可能有人會話，こぶし啲歌一直被唱、冇被遺忘唔好咩？對啲歌嚟講係好，但對個group… 對member… 我都唔知。我就係接受唔到第二把聲。こぶし啲歌要流存萬世嘅話我會希望係原版。
はまちゃん、あやぱん、れいれい都各有各忙，蝠最follow都貼係はまちゃん，佢演好多舞台又有配信蝠多機會見到佢好開心㗎！包包嘅話我認係跟少咗，但都有望下。至於れいちゃん，蝠終於唔會再睇到佢係こぶし。而家睇返こぶし啲演唱會唔會再比較當時嘅れいちゃん同而家嘅れいちゃん。最近甚至覺得れいちゃん喺汁汁真係好，唔單止覺得佢本身好開心，而係感激佢遇上咗まなかちゃん。佢兩個之前當然互識，但個人覺得れいちゃん嘅加入係帶咗好多正面嘅嘢俾まなかちゃん。
こぶし解散嗰時はまちゃん講過，當時包包想畢業，公司問其他成員想點嘅時候，最先答想留返喺hello嘅係れいちゃん，然後當のむ同さこ選擇唔留嘅時候，はまちゃん都決定離開hello，原因係「如果我留返喺hello嘅話こぶし會存續」。最愛こぶし最愛hello嘅人選擇將こぶし消滅然後離開hello，理由係佢同れいれい兩個留返喺度嘅話こぶし會增員，而佢認為こぶし同こぶし組都接受唔到增員。事實上好多こぶし組都真係咁諗。事隔兩年，當時估唔到嘅係はまちゃん嗰時嘅決定，間接令れいちゃん入咗汁汁，再間接地帶咗幸福俾好多人。
こぶし解散係可惜、係令人傷心嘅。但如果離別係無可避免，知道咗未來嘅現在，當時嘅決定或者係冇錯。
