只能話… 我真係feel到。所以唔係太shock，有種：「要來的終於來了」嘅感覺。
聽嗰時呆咗一呆，然後隔咗一陣去沖涼嘅時候先識喊。識喊OK㗎，最少意味著個腦理解咗件事，喊完就去接受。
不過接受還接受，都係會痛。同埋… 時間實在係太短。突然之間有咗時限，仲只得返兩個月多少少，2022年下半年嘅汁汁已經冇咗まなかちゃん… 個心有少少… 徬徨。
蝠睇住汁汁結成、出道。儘管鍾意かりん都一直對汁汁提唔起興趣。係まなかちゃん嘅加入令我愛上汁汁，所以對蝠嚟講有まなかちゃん嘅汁汁先係汁汁。
之前提過下覺得自己同まなかちゃん有點緣薄，到而家我都係咁覺得。一直以來都不斷錯過同佢見面嘅機會，硬係差少少。今次就連佢嘅卒con都去唔到。永遠都係我想主動嘅時候機會唔出現，到機會出現嘅時候我又會俾一啲嘢阻住咗（呢種狀況出現次數太多我都講唔曬）。
可能係因為咁，又可能唔係因為咁，我對佢一直比較傲嬌（喂w），推事我做足㗎… 不過我係唔會認嘅（ドヤw）
講返正經，蝠事實上對眼係離唔開佢，其實唔只對眼（掩面）… 佢令我有好多方面都對其他人冇曬興趣。蝠從來都冇要求自己對member專一（idol同fans之間係唔會有one-to-one嘅關係，專一都只能係one-to-many。蝠式追星走many-to-many路線w 當然係搵到所愛嘅情況下，而唔係濫愛w），我對佢都唔係 – 我一直都話佢同るる喺我心目中係同等，so far排名上我都放るるno.1而唔係佢。但佢喺最根本嘅地方修改咗蝠系統一啲嘢，好難解釋… 簡單地表面咁講就係有啲嘢蝠除咗佢之外全部自動拒收，只能係佢。佢係only one。
正正就係因為咁，我肯定愛嘅唔只係Juice=Juice嘅稲場愛香，而係稲場愛香呢個人。所以佢畢業汁汁，我會唔捨得因為以後睇汁汁會覺得少咗啲嘢，會冇咗（or少咗）機會見到まなるる，而（どぅー之前都講過）Idol呢個title的確係特別嘅存在。但我對佢畢業本身唔係太唔開心or難過or絕望。唔捨得係一件事，但既然呢個係佢嘅決定（而我好sure佢係諗到好清楚，まなかちゃん唔會輕易隨便咁做決定），做fan嘅只要支持就好。加上佢唔係引退，最少呢一刻佢唔係plan引退，我相信仲有機會見到佢，即使可能要等下（由佢嘅言語之間可以feel到活動方面可能有一段空白期，至於佢會唔會keep住個instagram就靜待發展）。
等唔係問題喎，我對等佢呢樣嘢都幾有自信XD 之前等到，而家更加等到，因為而家嘅蝠比2016年嗰時更愛佢。
♡ 72 days to go ♡
