Memories with 48 & 46

啱啱幾日前,蝠setup咗可以喺澳門屋企唱K(喺日本唱過之後個人太講究,一直都搞唔到一個滿足嘅環境完全冇心機唱,終於set到個OK㗎啦!),當然入咗大量嘅こぶし同汁汁唱到講唔到嘢XDD

唱完一堆hello之後,都會唱下其他歌,咁我識唱嘅,不外乎之前鍾意過嘅48系、坂道。好多以為自己好熟嘅歌,結果唱唔到。但同時好多以為已經遺忘咗嘅歌,原來記憶好深。

然後發現,蝠飯48嘅時代同飯46嘅時代,鍾意過好多成員(幾乎去到亂推狀態w),但而家過後再聽返(唱返?)啲歌,原來兩個時代分別係會有一個人喺回憶入面特別閃。於是又… 突然有啲嘢想講下。

48系入面,嗰個人係なったん(HKT48松岡菜摘)。in fact其實佢都未算係「回憶」,因為我而家仲會望下佢。不過當聽到48係嘅歌,諗起嘅唔係好多鍾意過嘅AKB,都唔係自己跟れなちゃん跟到佢畢業嘅SKE,居然係自己冇乜自覺有跟貼嘅HKT。有少少surprise不過未至於估唔到。記憶同情緒緊扣,對一個member情緒波動都強嘅時候(無論good or bad),記憶特別深都唔出奇。因為如果你問我飯idol咁耐最痛苦嘅邊個我可以即答你係なったん。嗰時蝠同周圍喺關於佢嘅事上面好多情緒上嘅問題出現咗,呢個同我最後退出HKT都幾大關係。但鍾意嘅始終都係鍾意,唔推都想遠遠咁守護佢w 或者因為咁啦,到而家聽到48啲歌,諗返起嘅都係佢。

至於坂道… 就全部都係ひめたん。唔嚴格嚟講蝠係跟咗ひめ走。當時好多本來好有興趣嘅嘢喺佢走咗之後突然變得沒趣,當時我又有hello睇,所以就直接抽走埋。ひめたん同上面なったん一樣,係有好多情緒跟住。我記得當然有人同我講過,ひめたん嘅飯一跟咗佢就唔會走,一係唔鍾意(唔了解)佢,但一旦鍾意咗佢就唔會放手。當時聽咗就算,但而家好似有啲明XDD 同なったん唔同嘅係蝠推ひめ嘅時候唔係自己嘅痛苦,只係成日都會被佢嘅情緒拉住走。ひめ飯大概唔多唔少都知道佢當時都幾牛角尖,被佢影響到同佢一齊開心一齊唔開心,呢個大概係點解ひめ會留咗係蝠個心度。同なったん一樣,ひめ都唔係銷聲匿跡,要稍微留意下佢都仲有途徑。

蝠一向現役(i mean我推嘅現役)優先,去者不留。但係以上呢兩個人我諗到我死嗰日都仲會住喺我個心入面。

Share on FacebookShare on Google+Tweet about this on Twitter

4 Responses to Memories with 48 & 46

  1. 無試過喺日本唱K所以唔講究(笑笑
    最緊要有自己想唱嘅歌,然後可以盡情發洩情緒就夠~
    (雖然環境限制唔可以爆音嘈到隔離屋,然後自己又怕羞屋企人附近行過就唱得唔自在⋯⋯
    まあまあ咁嘅環境同時勢有得唱已經好幸福)

    松岡さん、中元さん果然係有一定地位呢,我都係透過蝠blog認識佢地兩位~

    • Ar Wo~~~!我諗咗陣要唔要寫出嚟但最後冇~
      我其實係路過見到你條tweet激發起我去set嘢!XDDD
      所以我而家可以日日喺度唱歌係要多謝你XDDD ありがとう!

      竟然因為蝠blog?太令人感動啦XDD

    • 竟係係咁XDDD
      我本來就係間中自己去bk房唱K嘅人(獨w
      所以當初知道有呢種玩法簡直係發現新大陸ww

Leave a Reply to Arwo. Cancel reply


Optionally add an image (JPEG only)