ほぼ日の怪談 あの人はどこにいるの?

其實呢集我真係睇唔明。純粋攞出嚟討論下(如果有人肯同我討論嘅話w)… 同埋にし太可愛想貼圖(喂

OK,整理一下。一開始三母女搬屋,言語之間似乎係同父親嗰邊有啲唔開心嘅事,佢哋係好渴望搬開。

母親下午(?) 離家,留低兩姊姐喺屋企,並放低咗錢叫佢哋晚餐叫外賣,兩個就決定叫pizza。阿妹先沖涼,到家姐去。等pizza嘅時候阿妹倒咗杯奶飲,然後聽到少少怪聲,望過去見到有人影,嚇到之下掉咗杯奶,隻杯爛咗佢踩到啲玻璃,隻腳流血。so far以為係個突然嘅人影係嚇位,但其實唔係!最creepy嘅係佢見到自己隻腳流曬血喺度… 笑。

另一邊箱,家姐喺度沖涼嘅時候都聽到同樣嘅怪聲,然後個頭俾人壓落水。

呢件事發生緊嘅時候,外面有人按鐘,阿妹以為係pizza,開門後發現冇人。然後唔知點解燈光變暗… 佢個樣都變得好詭異…

但更神奇嘅係家姐沖完涼出嚟(仲要完全若無其事!)個pizza出現咗… 但打開並唔係佢哋叫嘅嗰款… 係啲好… 核突嘅嘢。

我唔想諗佢哋有冇食到,總之到咗嗰晚瞓覺,家姐又聽到之前嘅怪聲,張開眼就見到自己房門慢慢打開有個女人企咗喺佢門口。嗰個「人」走到好近佢塊面度問咗一句:「嗰個人喺邊?」。家姐嚇到大叫,然後阿妹叫佢,家姐擰返完頭見到阿妹企咗喺度。佢話自己一個瞓有啲驚,想同家姐一齊瞓。

然後跳咗去第二日,三母女一邊傾計一邊食早餐。母親提到佢尋晚返到嚟喺sofa瞓著咗,發咗個怪夢。

個夢入面佢聽到怪聲,見到度門開咗,有個女人嚟咗喺度,個女人走埋佢度問… 「嗰個人喺邊度?」完全同家姐之前嗰晚見到嘅嘢一模一樣。但重點係母親講呢件事嗰事超超超超恐怖。然後更恐怖嘅係佢地三個喺度勁笑。可唔可以話俾我聽個笑點喺邊…?

最後係家姐唔知想嘔定乜突然走咗去,母親跟去睇佢有冇事,得返阿妹一個喺度。佢望咗望自己受傷嘅腳,血滲到包帶上,佢又望住微笑。

睇到呢度我喺度諗,套嘢一直強調佢哋由父親度「解放」,同阿妹對血嘅執著,會唔會佢地殺咗個父親?又因為有個女人,會唔會係佢有外遇,佢哋連個外遇到殺埋?所以佢哋對啲奇怪嘅事都若無其事?

但最後一幕…  又令到我好迷網。阿妹自己一個坐喺度,係咁用筆插自己屋企人嘅合照。而佢做呢個動作時嘅聲,就係有怪事發生之前必定會聽到嘅怪聲。so, 其實有怪聲=阿妹喺度插張相=佢嘅精神唔穩定=怪事都係佢搞出嚟?

Share on FacebookShare on Google+Tweet about this on Twitter

2 Responses to ほぼ日の怪談 あの人はどこにいるの?

  1. 我嚟討論喇w
    我覺得如果唔係阿妹有思覺失調就係…
    個女人係隻靈/鬼, 只可以依附喺阿妹嘅身體, 而佢鍾意?迷戀?執著?老豆
    (!!?所以過往一家人住嘅時候阿妹同老豆@.@???)
    可能隻靈上返阿妹身時突然發覺honey唔見左跟住又屋都搬埋
    就開始發癲搞事同問其他人「嗰個人喺邊度?」
    至於”對血嘅執著”…我未解釋到xD純粹係女鬼視覺?Honey以外想見到同食到嘅嘢?w

    P.S. にし可愛!!

Leave a reply


Optionally add an image (JPEG only)