音楽朗読劇『黑世界』<雨下の章>

正式title係:

shared TRUMPシリーズ 音楽朗読劇『黑世界 ~リリーの永遠記憶探訪記、或いは、終わりなき繭期にまつわる寥々たる考察について~』<雨下の章>

蝠由演劇女子部ミュージカル「LILIUM-リリウム 少女純潔歌劇-」開始迷上咗TRUMP嘅世界,聽到今年都有TRUMP系列真係好開心。仲要,鞘師正式回歸嘅第一作就係做返リリー。淨係咁都已經太emo。

今次嘅黒世界用咗所謂entertainment嘅新形態,標題話佢係「朗讀劇」,演出家嘅末満健一さん叫佢做「行動朗讀 (Motion Reading)」,但實情就係渣住本書並有social distance配慮嘅舞台劇。講真上年睇咗某朗讀劇之後對呢三個字冇乜好感,但因為係TRUMP,又係鞘師嘅關係無論點都要睇。事實證明相信末満さん係大正確,蝠睇過佢製作嘅舞台係零失望。雖然今次唔係全部內容都係佢寫,有部份係用佢嘅plot分俾幾個作家寫劇本,所以今次叫「shared TRUMP」。

黑世界分咗<雨下の章>同<日和の章>,末満さん最鍾意一個舞台劇分兩個版,嗯,我都好鍾意XDD 今次雨下同日和各有6個故事,係被ファルス強逼得到永生後嘅リリー流浪世界時遇到嘅部份人同事。

==以下劇透==

1.「イデアの闖入者」(作:末満健一)

沉睡中嘅リリー夢到本來等住佢嘅未來 – 繭期過後由施設返到自己屋企,等住聽佢講喺施設生活嘅爸爸同媽媽。リリー同佢一一介紹佢識到嘅朋友,但講到スノー係佢最好嘅朋友嘅時候… 佢腦內製造嘅幻覺(喺呢個劇入面佢叫チェリー,因為リリー話佢講嘢有少少似チェリー,為方便個幻覺就用咗呢個名)提配咗佢呢個咁美好景象只係佢嘅理想,佢並冇脫出繭期,都冇因為長大而離開施設,因為嗰個施設係佢一手一腳摧毀咗。而呢個幻覺版チェリー話自己係代表リリー心入面嘅罪惡感,可能因為咁所以成套劇佢都對リリー唔太友善。

然後リリー聽到有人叫醒佢,リリー創造出嚟嘅美好幻像破碎,佢被殘忍地拉回現實。喚醒佢嘅男人叫シュガー佢話俾リリー知有組織喺度追捕佢,因為佢係後天得到永生者,佢哋擔心リリー會係令世界動搖嘅元素。(←呢個concept係TRUMP世界內嘅常識,因為全部嘅吸血種都係True of Vamp後裔,所有吸血種都受ToV嘅情緒影響。而仲未有人知道,呢啲後天嘅永生者會唔會對ToV有影響)

佢哋將リリー用麻醉槍麻醉,正要回收佢嘅時候,シュガー出現將所有人殺曬之後叫返醒リリー。リリー問佢係咩人,シュガー話佢只係一個觀察佢嘅傍視者。講完就走咗。獲救(?) 嘅リリー就開始咗佢冇目的亦永無休止嘅旅途…

2.「ついでいくこと、こえていくもの」(作:宮沢龍生)

リリー同佢製造出嚟嘅幻象チェリー去到一間破屋,以為冇人住嘅佢哋入咗去借宿。點解瞓瞓下就個大叔走嚟叫醒佢問佢做乜走入佢屋企,正當リリー應承話走嘅時候,佢因為好攰頂唔住直接再瞓咗。大叔由得佢瞓,仲叫佢佢嘅弟子稍微照顧下佢。到佢醒返,大叔問佢要去邊,リリー同佢講咗之後,佢話去嗰個地方條橋因為大雨爛咗,而大叔同佢嘅弟子同埋啲工人正喺度起條永遠都唔會壞嘅新橋。反正有無限時間嘅リリー就留低幫手等條橋完成。

大叔就話條橋一起好リリー就要走,想同佢飲返杯預祝條橋完成。傾計嘅時候,大叔原來一早就知道リリー係吸血種,而大叔後生嘅時候係吸血種Hunter。吸血種殺咗大叔嘅父母,佢被造橋佬收養咗。長大後佢放唔低對吸血種嘅仇恨,就去咗做Hunter,殺咗大量嘅吸血種。但有一刻,佢突然發現自己殺太多,比填補佢嘅仇恨更多,佢開始理解到人間種同吸血種都係有限嘅生命,根本唔需要分彼此,最後佢就retire咗返咗去造橋。

條橋就快起好嘅時候,地方又再次大雨成災,明明就快起好嘅橋被破壞,仲喺工地嘅弟子走唔切差啲被山泥壓死,大叔救咗佢,但自己就重傷去世。弟子後來就用大叔留落嚟俾佢嘅所有技術起好條橋,並立志要收自己嘅弟子將大叔嘅技術一代傳一代咁永遠留存。話雖然生命唔係永恆,但意志可以永生。而リリー就係第一個踏上呢條橋,繼續佢嘅旅程。

3.「求めろ捧げろ待っていろ」(作:中屋敷法仁)

リリー嘅旅程途中,喺山路遇上一個吸血種Hunter,佢同リリー講呢條路有逃走出嚟嘅繭期吸血種出現,會襲撃途人叫佢唔好行呢度。リリー話佢會走,Hunter就離開咗。但行行下落大雨,リリー停低避雨嘅時候遇到一個婦人。リリー同佢講返有吸血種,提意一齊下山,點知個婦人話佢知道,而且佢喺度等佢哋嘅出現。呢個時候リリー聞到佢身上有血腥味,發現婦人自己用刀割傷自己,意圖用血腥味吸引吸血種。

原來佢叫嘅,唔係真係吸血種,而係當佢吸引咗吸血種嚟襲撃佢嘅時候會出嚟救佢嘅Hunter。之前同樣情況下被Hunter救咗嘅佢迷上咗Hunter殺吸血種時候嘅英姿。但Hunter口就話唔想再做Hunter,但因為被期待又欲罷不能。感覺就等同吸血種之間被咬後嘅主僕關係。

玩上癮嘅婦人為咗吸引更多嘅吸血種不斷自殘,最後玩出火喪命。リリー就同Hunter講,而家冇咗束縛,佢可以自由引退啦,但原來好似婦人咁嘅女人唔只佢一個,Hunter為佢滿足佢哋,無限係咁loop。但リリー對於可以自己選擇死亡嘅婦人感到少少羨慕…

4.「少女を映す鏡」(作:末満健一)

繼續旅程嘅リリー有一日遇到一個老婦人,最初老婦人對リリー唔錯,見佢係旅人就請咗佢入屋休息,但佢喺リリー嘅食物入面落咗安眠藥,將佢鎖咗喺塊鏡入面。但原來呢個老婦人剛好同リリー相反:活咗N百年都唔會老嘅リリー,同埋患咗怪病變老嘅時間係正常人5倍嘅少女。外表係老婦人嘅Aida來原先啱啱過咗15歲生日。Aida嘅父母因為接受唔到佢極速變老,只係留咗間大屋俾佢就走咗。Aida雖然外表好老,但個心依然係少女,日日就對住塊「鏡」講嘢,將年輕貌美嘅リリー當成係自己。

由嗰日起,リリー就變成咗Aida嘅傾計對象,Aida問リリー有冇戀愛過,因為佢冇。佢咁老出到街,都冇後生仔會回頭望佢 ,佢只能從睇書認識愛情,但有一日佢好想自己親身試下。越聽Aida講佢自己嘅嘢,リリー就越對Aida同情,反正佢有無限嘅時間,都唔係太急走。就咁就過咗一年。有一日當Aida出咗街嘅時候,有一隻繭期嘅吸血種爬咗入Aida屋企,就同鏡入面嘅リリー講佢想見喺呢間屋入面住嘅女孩子。リリー同佢講呢間屋入面就只有佢同Aida,個男仔就話佢喺街見過Aida之後鍾意咗佢。

原來男仔繭期嘅症狀係睇到別人嘅心,佢睇到Aida心靈好漂亮,對佢一見鍾情。明明好想戀愛嘅Aida到有男仔鍾意佢嘅時候佢因為自己嘅老樣而唔敢接受。有一日リリー終於忍唔住問佢點解,Aida同佢講個男仔係因為繭期而睇咗幻象,佢愛嘅根本唔係佢。

又過咗兩年,Aida 18歲生日之後冇幾耐嘅一日,Aida突然由鏡裡面放返リリー出嚟,然後話攰去咗瞓覺… 就咁就老死咗。個男仔再嚟搵佢嘅時候,リリー同佢講Aida已經死咗,再個男仔再睇唔到Aida嘅心靈仲係咪咁鍾意佢。個男仔依然話Aida係佢見過最漂亮嘅女仔…

呢個時候第一個故事出現過嘅シュガー突然出現,再佢係咪同情Aida。シュガー話希望佢已經晨早已經掉咗悲傷嘅感覺,因為擁有永生嘅リリー如果會悲傷嘅話實在太痛苦。但リリー就答佢如果佢而家feel緊嘅感覺係悲傷嘅話,佢係唔會掉失呢個感覺。

5.「馬車の日」(作:降田天)

リリー又繼續佢嘅旅程。喺落大雨嘅一日,リリー避雨嘅途中遇到一個母親佢同嘅馬車夫正送緊佢繭期嘅仔去療養院。佢哋見リリー濕曬又行唔到,就邀請佢上車車佢去town。

然後幾年之後,リリー又再一次嚟到附近,又同樣係落緊大雨,リリー又喺避雨嘅時候遇到一架馬車。同之前情況完全相同,同一個女人,同一個馬車夫,同樣請咗佢上車車佢去town,個母親同樣係車緊佢個仔去療養院… 唯一唔同咗嘅係… 佢個仔唔同咗人。

雖然覺得整個畫面似曾相識,但リリー一來活得太久,二來正直繭期(佢係永遠的繭期),佢都唔肯定自己嘅記憶有冇問題。就喺呢個時候,前面嘅路山泥傾瀉,佢母親同個馬車夫出咗去睇,於是馬車內就剩返佢同個仔兩個。個仔確認咗嗰兩個人都走咗之後,就想逃走,リリー問佢點解,佢話佢根本唔係個女人個仔。點知佢一出去到就撞到個母親,個母親呢個時候發現個仔條呔打得好好就突然發狂話佢唔係佢個仔。喺佢發緊瘋嘅時候,馬車夫返到嚟,一槍將個仔射殺咗,仲順手(?) 殺埋リリー。但個母親好似若無其事咁,見到不死身嘅リリー起返身,居然認錯咗リリー係佢個仔(WTF?!

之後リリー就被人捉咗返去做人個仔。原來個母親因為N年前唔見咗個仔之後傻咗一定喺度搵仔,而個馬車夫就一直喺度搵啲繭期嘅男仔返嚟扮佢個仔。每年到雨季佢送個仔去療養院嘅時候,必定會發現嗰個唔係佢個仔,而馬車夫就會殺咗個細路。個細路死咗之後所有嘢都會reset從頭嚟過。個馬車夫已經殺咗好多個繭期嘅吸血種,直到佢遇上不死嘅リリー可以循環再用(好變態…)

被困咗好耐嘅リリー加上繭期嘅症狀自己都搞唔清楚狀況,直到個母親提到要去療養院,就click中咗リリー一啲嘢,佢醒返起自己係リリー,個母親話佢去到療養院會有好多朋友等佢,但リリー就一直話療養院唔會有人,因為係佢一手將所有人殺死曬。呢個時候個母親突然發現リリー條呔打得好好,就開始發瘋。個馬車夫入到嚟殺リリー想再reset咗個母親嘅記憶。但當佢開槍嘅時候個母親幫リリー擋咗結果自己中搶。

個馬車夫衝過去抱住個女人大叫咗聲媽媽,原來佢就係佢個仔。當年佢被送去療養院嘅逃中逃走咗,佢媽因此而傻咗。幾年之後佢返屋企嘅時候佢媽已經唔認得佢,仲係不斷咁搵仔。於是佢就去捉啲男仔返嚟扮仔”滿足”佢阿媽。但リリー同佢講,佢令佢阿媽一直活喺幻象入面其喺好殘忍…

不過最後母親都冇死到,個馬車夫留低陪伴,個母親發現馬車夫條呔打得唔好,話佢好似佢個仔…

6.「枯れゆくウル」(作:末満健一)

<雨下の章>最後一個故事,係嗰個一直都追住リリー、一直做旁觀者,只係非出手不可嘅時候先會出手幫下佢… 自稱シュガー嘅人嘅回憶。第一個故事佢第一次 遇上リリー之後,已經過咗近百年。不老不死嘅リリー就過唔會老,咁點解呢個叫シュガー嘅男人,都可以一啲都唔變呢?

但其實嗰個”第一次遇見”,並唔係真係第一次。シュガー好耐以前,係一個負責監察True of Vamp嘅觀察官。有一日佢被選上成為研究員,去研究一個因為一件事變成不老不死嘅少女。而呢個研究係要睇下佢係咪真係唔死,所以研究員每一日都用各式各樣殘酷嘅方法去殺死少女,睇下佢係咪真係唔死。少女對研究員對佢做嘅事都毫無反應,研究員都覺得佢係一個活死人。有時候シュガー會為準備實驗而同少女短暫單獨相處,呢個時候シュガー會同少女講下嘢,雖然少女從來都冇回應。直到有一日,シュガー帶咗一朵snowflake花去俾佢,當少女見到朵花嘅時候突然流淚。(呢度講到研究員將リリー剁碎,又講嘅活死人,令我即時諗起ステーシーズ… 雖然唔係リリー,但もも都係鞘師… wow末満さん你令我起曬雞皮…)

呢個時候身為研究員嘅佢先意識到,原來少女嘅心跟本未死,佢仲有感情,仲有感覺。シュガー突然為佢對少女所做嘅所有殘酷行為慚愧內疚… 於是佢決定要放走佢。但放走咗佢之後又好擔心佢,覺得自己有責任守護佢。於是佢偷咗組織回收咗嘅ウル(喺LILIUM入面ファルス用自己嘅血造嘅長生藥),食咗之後シュガー停止咗老化,就開始找尋少女… 就係第一個故事嘅時候搵返佢,嗰個少女就係リリー。(呢個moment我已經喊死咗orz 因為對リリー太有偏愛太有執著… 知道佢喺LILIUM之後過成咁個心痛到爛曬)

但遇返リリー之後又過咗成百年,シュガー偷出嚟嘅ウル已經食曬,佢開始食ウル之後200年嘅老衰開始降臨喺佢身上… 佢倒地後被リリー發現,安置咗佢喺間房度休息。リリー問佢係咪身體有病,シュガー就話唔係,只係時間到咗,個天俾佢守護リリー嘅時間已經就快用完而已。

リリー問佢嗰日(第一個故事嘅時候)點解大開殺界都要救佢,シュガー就同佢講,如果要講理由嘅話,大概係因為佢想贖罪。リリー嘅記憶一直都斷斷續續,活太長忘記,又或者係繭期嘅症狀,所以シュガー以為佢唔識得佢。但其實リリー(唔知幾時開始)所以有返係研究所時候嘅記憶,亦都記返起シュガー。

シュガー聽到佢咁講,話咁嘅記憶其實忘記咗仲好(的確係…>_<)。シュガー話佢唔會同リリー道歉,因為佢嘅所作所為根本唔係道個歉就可以算。リリー冇回應佢,反而同佢講返佢嗰日帶俾佢嘅嗰朵snowflake好靚,令佢記返起佢嘅好朋友。佢話當時嘅研究員個個都已經癲曬,只有シュガー一個既溫柔又可憐。シュガー答佢話:你都係呀!明明如果你都瘋癲咗嘅話會舒服好多,點解你一直保存做自己嘅心靈呀?

リリー覆一句:我可能只係唔想變成好似佢咁… 嗰個令我變成不老不死嘅人。

講到呢度,シュガー嘅身體好似好唔掂,リリー送咗佢最後一程之後,望住佢嘅屍體,同佢講:「太好了…」シュガー得到咗リリー一直渴望、一直追尋嘅嘢。

而リリー又繼續佢嘅旅程… 永遠都唔會完結嘅旅程。

<日和の章> 續…

Share on FacebookShare on Google+Tweet about this on Twitter

2 Responses to 音楽朗読劇『黑世界』<雨下の章>

Leave a reply


Optionally add an image (JPEG only)