Buy or Not buy

大家好,我係明明冇收入但最近(?)不停亂買嘢嘅蝠(^o^)/

雖然大洗唔係今時今日嘅事,但最近比較大嘅問題係冇咗目的嘅亂嚟(危險

講真偶像嘢真係要買可以買不停,自制能力差嘅人(蝠)冇明確嘅購買準則真係真係會大件事,尤其係我唔係有洗不完嘅錢。

之前どぅーさん仲喺H!P,2017年嘅時候蝠嘅目的好明確地養緊3個:どぅーさん、かみこ、よこやん。其他鍾意嘅成員有好鍾意嘅生寫都會買,但量好少。另外就係去event嘅記念品之類。

到どぅーさん畢咗業之後蝠直接接駁咗こぶし,こぶし行all or nothing政策,一係全員買,一係一個都唔買。かみこ買生寫。月別買當時鍾意嘅成員(當時我人在日本可以單一張咁買,當時覺得月別睇返會知道自己嗰時留意邊個)。雖然由どぅー同よこやん轉咗こぶし全員人數好似多咗,但こぶし養曬5個都冇MM 2個咁貴。trust me。另外本身已經少咗去無謂人(すみません)嘅event,去都唔會買記念品,所以嗰度不單少咗出費,屋企都少咗垃圾(come on, let’s face it. 偶像嘅生寫同goods當個成員喺你心目中唔再重要嘅時候真係只係一件垃圾)。

然後2019年開始加咗まなかちゃん同るるちゃ,但佢兩個係依存體:要買就兩個一齊買,唔買就兩個都唔買。同樣地我買月別嘅時候好多時はち同れらたん會一齊買,ゆめちゃん同りあいちゃん會一齊買。對,蝠就係有呢個奇怪嘅癖好,唔係都唔會有雙子效應呢樣嘢。

以上係生寫、goods嘅buying rule,突發嘢例如寫真集呀,現場呀就會睇商品本身嘅質素。當然本身都要對嗰個成員有興趣嘅。

anyway,講咗咁耐,就係想講蝠買嘢係有一set rule去follow。我排名上幾十人,個個忍唔手我咪好大獲?w 而呢啲衝動買大多數都會變垃圾。

但呢啲咁重要嘅rule… 喺こぶし解散之後消滅咗wwwwwww

點解會咁呢?係因為我呢幾年こぶし無限優先,一次過咁冇咗最大嗰舊,令我個標準塔冧咗orz 同埋真係未搵得返咁鍾意最投入嘅。於是就出現咗亂買嘅嚴重問題XDDDDD

當然かみこ呢個base係唔會冇咗,まなかちゃん同るるちゃ呢一pair都健在,最先出現嘅問題係れいれい得返一個。當佢係こぶし又冇咗4個,當佢係汁汁又… 唔係咁鍾意(因為蝠鍾意まなかるるpair),於是就唔知點好。另外就係突然喺唔知邊度殺咗入嚟嘅めいちゃん。呢個真係頭痛。真係頭痛!(重要嘅事要重覆講)養一個MM!!係養其他成員嘅5~6位支出orz 明明打算不沾手…. 世事嘅嘢真係唔到自己控制(遠目

又因為最近亂買嘅情況越來越嚴重… 蝠不知不覺咁買咗ほまたん同りかちゃま本寫已經嚇到,仲對小野瑞歩嗰本心思思先最得人驚。所以決定要快啲set返條rule出嚟。

趁今日係9月嘅開始… 咁就由今日開始實行。

  • かみこ照舊 – 生寫全收,FSK、其他goods都睇情況購入。要求等級[中]
  • めいちゃん生寫FSK睇情況購入,其他goods基本pass。要求等級[中]
  • まなかちゃん、るるちゃん依舊一蓮托生。生寫FSK睇情況購入,其他goods基本pass。要求等級まなかちゃん[中]るるちゃ[低]
  • れいれい基本上同めいちゃん。要求等級[高]
  • れらたんFSK睇情況購入。要求等級[高]
  • 月別生寫:以上成員購入,如果可以單張買的話會加購りかちゃま同れらたん。

※「睇情況」生寫同FSK係指造型我鍾唔鍾意、啲相影得靚唔靚,成員嗰日顏嘅狀態等等。而goods就係用嘅相靚唔靚,本身件嘢嘅品質、造工,實用性… 等等。

以上rule以外嘅成員不購入(寫真集、會場除外)。另外堅決唔會俾錢つばき洗(喂w

其實決定咗養めいちゃん之後我好努力咁研究點樣cut其他人嘅用量(喂),只係呢兩個月已經感覺到MM有幾食錢…>_< 但點cut都總係有啲人cut唔到… 嘛~ 呢3個月就好好研究下,到年尾(or年頭)再review一下睇下有冇修改空間。希望下年個plan會現實返少少XD

即日實施喔!

PS. 有好一大堆生寫都未處理orz 上圖嗰幾舊磚…orz

Share on FacebookShare on Google+Tweet about this on Twitter

6 Responses to Buy or Not buy

  1. 幾磚相好勁lol感覺剩係拆同入folder都好花時間
    養MM真係咁貴咩?!めいちゃんphotobk系列FSK款款都勁得意你點揀xDDD

    話說どぅー畢左業之後阿禾比以前更節制(笑)
    ● どぅー寫真集-必收
    ● どぅー生寫-靚先買(其實我多數都覺得官方影得麻麻lol)
    ● 其他goods-新出唔收(有合價錢嘅中古會考慮)
    but唔知係好彩定唔好彩我開唔到メルカリacct, 好多想入手嘅野都入唔到(無奈笑orz)

    • 仲有磚呀… 冇影曬出嚟呀… 不過啲磚多數係こぶし,一買就5個好易成磚orz 我唔夠相簿搞嗰堆A5呀!

      養MM係真係貴!我而家㨂住咁養めいちゃん都已經feel到出費多過養5個こぶし(解散前嗰段時間唔計啦!嗰期係暴出)。
      めいちゃんphotobook嗰堆嘢我就係㨂唔到所以全部買曬了。仲有佢halloween都可愛死了… 好老實講我而家只能cutまなかちゃん同れいちゃんbudget…。

      我覺得最近hello shop出嘅どぅー麻麻地。佢本lively… 我未收orz すみません!!!
      生寫我都冇收了。基本上蝠覺得喺hello同唔喺hello嘅分別都幾大,「idol」同「非idol」點都會有分別。i mean, 如果包包出生寫之類我都未必會買了(雖然目前為止はまちゃん仲收緊)。

      メルカリ係咪要日本手機號碼先開得?

    • [仲有佢halloween都可愛死了…]
      >> couldn’t agree more~ 萬聖節人仔我覺得めい同れいれい最得意~(れいれい個pose!!)

      [佢本lively… 我未收orz]
      >> 笑笑
      >> 話說ちぃちゃん新嗰本蝠有打算買嗎?

      [メルカリ係咪要日本手機號碼先開得?]
      係..我本身以為轉VPN就得,結果原來一定要用日本手機驗證,仲要聽講每個號碼只可以用一次…想問人借都借唔到(淚)

    • couldn’t agree more~ 萬聖節人仔我覺得めい同れいれい最得意~(れいれい個pose!!)
      >> 所以我兩隻都買曬嘅悲劇orz めいちゃん我其實仲想買1:1嗰張嘢… 因為太可愛。但又好似冇乜用…

      話說ちぃちゃん新嗰本蝠有打算買嗎?
      >> 有!in fact我已經order咗。本身睇咗封面唔係太鍾意以為可以慳返,點知amazon個限定封面靚到傻咗… 即入XDD

      メルカリ我記得都係跟電話… 但香港唔係好多代購咩?我朋友都會用代購。

    • ちぃちゃんamazon cover我都覺得好好睇!!Amazon版成日都有驚喜~~

      代購…因為我有鍾意自己搞掂嘅傾向lol 或者話唔想次次煩人(/俾錢人賺)喇
      不過太想要嗰樣item嘅話都無計就是了

    • 真!的!よこやん2nd我都係買咗amazon版。

      我明!我都鍾意自己搞(握手)
      好似yahoo日拍當年自己冇辦法嗰時真係俾人賺得太多啦!!!!

Leave a reply


Optionally add an image (JPEG only)