蝠式追星論SP-勢力分佈表2020年

蝠式追星論SP-勢力分佈表2017年上半期
蝠式追星論SP-勢力分佈表2017年下半期
蝠式追星論SP-勢力分佈表2018年
蝠式追星論SP-勢力分佈表2019年(半完成)

尋日放咗個2019年未完成ver出嚟,係我打算寫2020 ver. 時發現原來2019年未寫完XDDD 因為感覺唔同咗,所以照出咗先,再寫呢一篇。上一篇大概係一年前嘅9月~10月寫嘅。

盡可能呢個勢力分佈表都每年寫一次,因為咁樣先睇到變化,先會有意義(^^)

モーニング娘。’20

等咗好耐嘅救世主似乎出現在,但都未算好肯定。因為有當年よこやん嘅經驗,我覺得都係睇定啲先叫佢做救世主比較好。不過比起上年同前年,蝠呢兩個月左右已經睇返多啲MM。喺排名都應該睇得出有返少少起色。不過MM啲歌依然唔係咁啱我耳仔,所以我又唔覺得會有機會返到去どぅー喺度嘅年代嗰種鍾意。

9期

明明9期早就冇咗兩個,但唔知點解蝠見到而家嘅9期會覺得好完全。可能9期已經變咗家長,啱啱好一人一角。ふくちゃん同えりぽん嘅關係又唔會過密又唔會過疏,個balance其實幾好。

譜久村聖 – 一直都幾鍾意作為leader嘅佢… 同埋如果自己主動去接觸佢嘅話次次都會有點小感動,只可惜蝠唔會。15期入咗之後ふくちゃん呢個leader令我更加鍾意,因為而家心動嗰個係15期,而佢對15期嘅母愛(喂)會令我散花XD

生田衣梨奈 – えりぽん成個style(包括佢而家嘅外表同佢sell自己嘅方式)都唔係我杯茶,雖然未至於討厭但我唔會想見到佢。不過又係喺15期加入咗之後見到佢對後輩嘅支持同照顧又有返少少嘅好感。如果ふくちゃん係媽媽,えりぽん就一定係爸爸了XDD 仲要係一個好型好man嘅爸爸XDDD

10期

冇咗どぅー同はるなん之後10期嘅期感已經冇曬。好似散散地咁(也有可能係我冇留意)。可能係あゅみん同まーちゃん以前都唔會一直將10期放喺口邊嘅人掛?(我知其實まーちゃん好愛10期)

石田亜佑美 – 而家嘅あゅみん對我嚟講係… 空氣。我對佢已經清空咗XD 而家對佢嘅興趣(?) 只係等佢幾時會同啲後輩有互動,令我有多啲機會見到佢啲後輩。講白啲啦,我想睇13、14、15期!XDDD 係架我都覺得好過份。好似之前solo fes,我都會覺得佢個表演好勁,但完全就係對佢冇feel,咁囉。

佐藤優樹 – 最近睇まーちゃん已經變成欣賞佢嘅才能。雖然一早知まーちゃん係天才,但呢排睇佢嘅時候天才感好似爆出嚟咁。佢講唔到俾你睇係咩,但就表演到俾你睇。另外まーちゃん過咗20歲仲keep到佢嘅童真,GJ!

11期

小田さくら – 一段時間之前發現ODA唱歌唔同咗,我唔太鍾意就開始放置佢。最近知道原來唔係佢故意轉係把聲某程度上叫做出咗啲事。怪錯咗佢,但唔合耳緣就係唔合,冇辦法。而家連同はまちゃん嘅關係(?) 已潛咗水,我都唔知對ODA有咩期望了orz 可能有少少似あゅみん咁,靠佢睇後輩啦~ 因為見佢同後輩嘅關係真係超好的。

12期

hmm… 死水XDDD 就算我多睇咗MM,12期都係保持死水… 可以話係一個記錄XD 不過我真係唔係討厭佢哋,如果問係鍾意定唔鍾意,真係偏鍾意嗰邊。但佢哋就係唔牽心,冇乜感情放落去咁囉。好似有次見到張相冇咗個人,諗極都諗唔到唔見咗邊個。最後對名先知係野中XDDDD 就係唔關心到呢個地步。

野中美希 – 一直對好洋嘅佢冇乜大興趣,條友成日扮美國人我唔知佢想點。不過佢會彈鋼琴令我有時都會留意下佢。可惜(?) 嘅係H!P又唔只佢一個會彈琴,亦唔係彈得最好。咁嘅情況之下蝠特設嘅「鋼琴席」佢都坐唔到,對我嚟講野中只係「一個我識嘅人」,唔係路人甲已經好好XDDD

牧野真莉愛 – 牧野有令我鍾意嘅元素,但同時又有我唔鍾意嘅元素。中和咗=無感嘅可悲狀態XDD 但我唔抗拒睇佢,只係唔會主動去睇佢。以前佢做嘅嘢會令我有無名火XDD 而家少咗,同埋覺得佢真係幾lovely嘅… 不過hmm… 都係無感。

羽賀朱音 – ねちん同牧野相反,佢除咗係當年嘅最年少之外我完全睇唔到有啲乜會令我鍾意佢。但因為佢好愛どぅー,どぅー又好錫佢,愛屋及烏嘅原理上,有一期都有少少留意佢。嗰時作為一個人嚟睇都OK,只係唔係作為一個成員嚟愛。而家どぅー唔喺MM,佢亦已經唔係最年少,我又再一次睇唔到有咩會令我留意返佢… 不過當年係睇佢作為小妹妹被照顧,而家睇佢照顧15期可以睇到佢長女嘅一面。都~ 幾得意嘅。

13期

雖然よこやん已經唔係我嘅主打,DiDi都已經唔係我記憶中嘅DiDi,但係我依然支持13期最強說。唔講單打,佢兩個嘅互動同關係我真係好鍾意。佢兩個真係勁兄妹感,我超超超鍾意。本身佢兩個唔係嗰啲攬頭攬頸friend過打band嘅期,但嗰種表面上各自各精彩但其實都好重視對方嘅潛感情蝠一直睇到心心心心心。

加賀楓 – 喂型呀佢真係。solo fes正到嘔呀!之前覺得DiDi成日都死硬硬冇乜感情咁(喂),但今次solo fes真係對佢改曬觀。同埋冇睇一排佢做乜喺hello多咗咁多fans XDDD 完全係被捕食嘅狀態。如果睇返多啲MM,大概都會對佢有少少興趣… 順便睇埋嗰隻。

横山玲奈 – 先講唔好嘅。係,我係對佢有少少失望。但其係佢嘅問題,係我擅自嘅對佢失望佢。首先我唔expect佢玩咁大XD 變我預咗,但佢外表上嘅突變我只能講我跟唔上。其次係佢瘋婦(?) 嘅定位我又… follow唔到,唔知幾時開始對佢已經靜靜地冇咗心跳。而佢成日話嘅鑽研嘅表現力我又唔係點睇到,只係見到啲唔知想表達咩嘅表情XDD 不過最近嘅佢最少外在係我鍾意嘅型態,最少冇咗睇到佢覺得唔靚嘅問題,又係睇開會順便留意下佢咁囉而家。

14期

森戸知沙希 – 首先又係又係又係嗰句:多謝你加入MM。依然係好appreciate佢加入MM,雖然我而家唔叫自己係MM飯都唔知以咩身份講呢句說話,但係都係想講。最近睇返MM發現ちぃ已經玩開咗XDDDD 真正嘅ちぃたん尤其係同13期嘅時候真係好搞笑好可愛,我好鍾意而家睇到嘅ちぃ呀真係!同埋因為佢同よこやん好close,雙子會效應發動,而家睇返多啲MM,蝠應該會重新愛上ちぃたん。

15期

第一次接觸時植入失敗,蝠執曬はちれらりん(アンジュ)、たこりあい(汁汁)返屋企就係唔要呢3個。而家都係對15期as a whole冇乜感想,可能我未睇夠嘢,暫時感覺上佢3個唔係好有期感,而且數量「3」我又冇乜特別偏愛,於是15期以期嚟講暫時就擺住先啦。個別先發展。

北川莉央 – 暫時無感。同埋私人理由對叫「りお」嘅人冇乜好感XDD 未知會唔會睇睇下變鍾意… 最少暫時未見有先兆。

岡村ほまれ – 15期3個之中我第一個覺得有少少可愛嘅係ほまたん,但之後再睇多幾眼之後又覺得冇乜點(喂)。而家睇返多咗MM… 見多咗佢真係覺得冇乜嘢(喂)。但我有期待一樣嘢就係佢會同めいちゃん發動雙子效應。觀望。

山﨑愛生 – 對めいちゃん嘅第一印象係喺Hello Shop想要ゆはちゃん講「山﨑さん」嘅時候被店員反問係邊個山﨑さんXDDD 嗰時先醒起めいちゃん都係山﨑さん。佢加入咗MM之後我除咗記得佢係最年少之外都冇乜點留意佢。直到こぶし解散咗,蝠最空虛嘅時候,唔知點解突然之間好似成日有意無意都會見到佢嘅嘢,嗰時真係有俾佢救返上岸嘅感覺。可能咁啱個心又有空位啦,就真係好突然咁開始有少少留意佢,視線都好出奇咁會去搵佢。又突然無論佢做乜都覺得佢好可愛… 而家就係呢個狀態。不過我幾乎肯定呢個狀態唔會last forever,真係要睇佢定唔定著到啦。不過機會都幾大… 佢仲要係左撇呀!!!めいちゃん加油!!!

アンジュルム

MM有望脫死水,到アンジュ死水緊XDD 成日覺得かみこ唔睇都冇問題(某程度上still true)所以懶得睇アンジュ,同埋佢地嘅瘋狂真係唔係全天候都啱睇。於是唔睇唔睇就開始死水(個別幾個成員除外)。不過最近會出嘅新曲蝠勁鍾意,可能會比死水好少少?

2期

竹内朱莉 – 原來2期已經得返佢。真正經歷過S/milage嘅就得返佢一個,アンジュ就快換好曬血。對竹内一直都冇乜感想,不過佢嘅leader我都幾鍾意,承傳到和田さん嘅leader方針,アンジュ冇因為和田さん畢業而失去團感。另外蝠好鍾意佢寫嘅書法。

3期

佐々木莉佳子 – 好得人驚原來3期都係得返一個。對りかこ都係冇乜特別感想。佢做model,搞fashion我又唔係咁啱,佢型得嚟又唔係我鍾意嘅類型,同佢真係冇乜交集。佢同かみこ繼續開開心心就夠了(咦w

4期

上國料萌衣 – 蝠對かみこ依然係放任型嘅愛,好愛好愛佢,但我真係唔會好理佢做乜。間唔中望到佢知佢好就已經好滿足,但一見到佢仍然係知道自己好愛佢。雖然之前完全被こぶし食住咗,但given我有幾唔睇佢vs我有幾跟こぶし,其實同level已經好厲害。今後大概都會係繼續咁嘅方法去守護佢。

5期

笠原桃奈 – 又係冇乜感想嘅成員。佢啱啱入嗰時覺得佢太細個等下先,等到啱歲數嘅時候佢又正值反抗期(其實正常成員反抗期我完全冇問題,但佢嘅反抗期唔知點解有少少討厭),到過咗個反抗期佢個外型已經唔係我想要嘅嘢。加上佢歌舞都唔係特別突出,所以我暫時見唔到留意佢嘅需要。

6期

其實我成日都唔覺得佢兩個係同期。首先佢地真係唔係同期,船木有カントリー歷,完全冇同期feel。之後川村做咗sub-leader之後基本上被放到竹内身邊,唔係咁寫下blog真係唔覺佢地係同期…

船木結 – 本來已經畢咗業嘅人,因為むろ推咗一次,再因為covid19再推一次。冇嘅,我偏向覺得佢喺hello仲有未完成嘅事,個天唔俾佢走。唔討厭佢,但亦都唔鍾意,對我嚟講有少少可有可無。不過佢同かみこ真係好friend,又同るるちゃ好friend… 呢啲link會令到我對佢嘅感覺良好。

川村文乃 – 唔知點解我覺得佢個人真係好好,明明我無真正接觸過佢,但佢發出嚟嘅氣色就係說我知佢個人好好XDD 所以雖然我對佢唔係好大興趣,但我都會順便睇下佢。講真選佢做sub-leader真係太好了,最少佢夠安定。

7期

はち同れらたん兩個一入自動發動咗雙子效應令到我兩個同時抱回家。但係如果你問我,我又覺得佢兩個其實冇乜特別嘅期感。MM 13期嗰兩個兩極得來有牽引,呢兩個反而係平平淡淡咁。當然佢兩個入咗之後嘅アンジュ我睇得太少深入評論唔到,但係佢兩個冇乜依靠感。可能呢個係アンジュ嘅優點,成員都唔會期別咁聚集,而係整個group一齊。

太田遥香 – 蝠有諗過要唔要寫佢,不過戶藉上佢仲喺アンジュ,所以都寫兩句啦。7期兩個加入嘅時候我係先睇中はち,只係因為… 識佢XD 雖然蝠唔太搞研修生,但都唔抗拒,hello con唔會skip走佢地(現場冇得skip添啦XD),所以係見過佢嘅。但都講過啦,其實佢同れらたん入咗之後嘅アンジュ我好少睇,所以都唔知佢融入成點,但我睇到嘅小部份會覺得佢未入局。而家仲搞到自己活動休止,我都唔知佢點啦… 衰衰地咁講,我越睇而家嘅アンジュ就越覺得佢冇生存空間,れらたん已經超咗佢太多… 返嚟會更辛苦… 只希望佢有回來嘅勇氣。

伊勢鈴蘭 – 最近嘅れらたん我真係心心到不得了。又可愛,又有趣,歌舞又急成長… 完全離開唔到佢。我睇アンジュ最新MV嘅時候望佢仲望多過かみこ,呢個真係幾… 不得了。大注目中嘅hello成員之一。而家好希望アンジュ有舞台劇… 唔知點解我覺得れらたん演舞台劇我會被佢嘅表情炸死。大期待。

8期

橋迫鈴 – りんちゃん又係佢入嘅一秒已經接受兼大歡迎,應該又係因為係認識嘅人。雖然りんちゃん最近嘅化妝一時時唔得,但我覺得呢個係… 小朋友嘅必經之路,同埋佢喺アンジュ個個前輩都係化妝達人佢都會偏向派手。我信りんちゃん會搵到啱自己嘅style。呢個最年少真係好可愛♡

Juice=Juice

一直到まなかちゃん加入之前蝠都對汁汁冇乜感覺,但到まなかちゃん加入咗,睇埋るるちゃ之後,汁汁喺我心目中開始發大。到而家こぶし冇咗我嘅心靈寄托基本上都偏咗去汁汁,更上汁汁幫我收留咗れいれい,而家蝠大概會喺汁汁靠岸。啊,最重要嘅一點係,汁汁啲歌啱聽呀!!

1期

有鍾意嘅成員但唔知點解最近嘅5人點都唔係好到heart。而家都係咁上下嘅感覺。

金澤朋子 – 佢做咗leader之後我先發現佢嘅好處,不過佢同前leader又唔同嗰種leader。各有各好吧。金澤leader嗰種適度嘅關心我個人覺得感覺唔錯。對金澤本身就冇乜感覺,但嗰次偶然嘅握手會覺得佢同fans好似朋友咁,又會自動講嘢(本來我冇諗住

高木紗友希 – 無感,但唔影響我睇汁汁?唔知係最近嘅汁曲solo分配平均咗定點,佢把聲喺汁曲冇咁突出,同時令我冇咁抗拒。keep住咁ok架啦,唔期待自己會鍾意佢。

宮本佳林 – 由以前覺得佢好細小好可愛,到覺得佢係正統派,到發現佢嘅癲嘅… 都依然係咁鍾意佢。かりん係我嘅初心,呢樣嘢唔會變。本來佢已經畢咗業,同船木一樣推遲咗。感激可以俾佢陪多我一陣… 其實蝠真係想像唔到冇咗かりん嘅hello! project…

植村あかり – うえむ要睇郁動。最近圖我真係唔係太被佢吸引,但有時都幾鍾意睇佢同成員玩,尤其是係同後輩。去年偶然去咗汁汁一個握手會,被佢嘅對應感動咗。雖然一秒嘅感動唔會發展到啲乜,但有令我留下印象,覺得佢個人好好XDD 呢個人應該係唔會有討厭嘅一日。嘻。

2期

段原瑠々 – るるちゃああああ♡ ←最近叫得最多嘅一句嘢。るるちゃ真係好可愛。佢可愛唔單只外表而家由入面可愛出嚟。我真係咁諗。るる嗰種單純嘅可愛我零抵抗力。加上我好鍾意佢唱歌,るるちゃ係我現在好鍾意並期待將來嘅一個人。

3期

稲場愛香 – 冇咗佢乜事都唔成。出post今日嘅呢一刻,まなかちゃん應該係蝠VVVVVIP。如果話呢一刻冇咗邊個唔得,我唔洗考慮就會話係まなかちゃん。唔知呢,我就係需要佢。不過對佢又唔係溺愛喎,佢做嘅事我都會有鍾意同唔鍾意,唔鍾意嘅我唔會努力去鍾意但會接受。冇咗むろ嘅而家,就係佢坐緊喺蝠嘅「女友席」,同時係3位近心臟嘅成員之一。

4期

唯一發動唔到雙子效應嘅兩人。可能佢地感覺太唔同… err… 其實我都唔知點解,但由始至今蝠都係冇將佢哋group起過。汁2期當年又有個係カントリー解散收返嚟,3期又係病休回來,結果大家都冇乜新人感。たこりあい就比較有新成員嘅感覺,但佢地都秒間融入先最正XDDD

工藤由愛 – 兩個之中我係先對たこ有好感,大概又係因為嗰某個偶然嘅握手會。我個覺感覺たこ係一個好認真嘅小孩,但同時都好有趣。有少少死板但因為又有甩漏所以唔會覺得佢一成不變。極度緊張症嘅努力家。不過話說北研真心勁,八爪魚又好熊貓又好… 真係好… 咳,投入。不過最少一開始會有人記得。最近たこ比出道初期可愛咗好多♡

松永里愛 – 一開始有擔心過佢會搞到我聽少咗るるちゃ,但end up不但只冇,仲俾多咗個option我聽好嘢。初時成日有人話りあいちゃん聲底同るるちゃ好似,我個人覺得呢… 係有少少似,但明顯聽到有唔同,而且係唔同嘅好聽。雙重享受。

5期

井上玲音 – 嗱咁。作為こぶし組,就一定會support唯一留返喺hello嘅れいれい架啦。呢個係唔會變。但而家蝠嘅問題係,未太接受到「汁汁嘅井上玲音」。可能有機會係佢未正式合流我睇唔到現狀,但因為心裡一直都會有こぶし,喺汁汁嘅れいれい都可能會一直有啲嘢。不過真係好感恩れいれい留返嘅hello,都好感恩汁汁極速咁收留咗佢。again,作為こぶし組我會一直supportれいれい,但佢係咪一直都會喺高位我就唔敢講啦。れいれい都係3位近心臟嘅成員之一… end up三分之二近心臟都喺汁汁… 好得人驚囉!!

つばきファクトリー

抱歉,暫時對つばき真係冇乜嘢想講。こぶし宣佈咗解散之後蝠就對つばき越來越抗拒。真係睇唔到短期內會有好轉。至於成員,樹々ちゃん仲會望兩眼之外其餘都唔想理,所以今年嘅勢力分佈表都唔寫啦。

BEYOOOOONDS

ビヨ嘅concept唔係好啱我,雖然我鍾意戲劇,鍾意故事感,但我同時都想好好聽下歌架!一首半首有對白我都仲OK,但佢哋嘅基本製作就係喺個台上半歌半戲… 真係恕我唔係咁接受得到。i mean一開始會覺得好得意,但長久嚟講我都會想聽返歌… 所以ビヨ我應該唔會太過迷上。最可惜(?) 係我覺得ビヨ有好多人唱得…

CHICA#TETSU

對於電車迷(我)對呢個名好感度滿高的XDD

一岡伶奈 – 我記得我睇完℃-ute舞台劇《さくらの花束》之後覺得のむちゃん好可愛同時覺得一岡有啲乞人憎XDDD 之後一直都冇理過佢,直到佢升格,因為咁啱嗰時まなかちゃん又出現返,同升格組有一齊出現過所以見到佢,當時嘅感覺係:呀~ 當年嗰個細路啊?但都冇乜感覺嘅。不過去年(?) 佢剪咗頭髮之後我覺得幾好睇~

島倉りか – 當初會留意咗ビヨ係因為アンジュ舞台劇時鍾意咗りか様,到而家蝠都係覺得りか様係要睇live。睇圖睇片佢都係可愛架,只不過真人係200倍左右。真的。另外佢嘅反差都好可愛… 睇佢好似好女仔好文靜咁,原來係極不器用又好活潑嘅恐龍控。天。萌死咗。最重點佢仲要係こぶしfans。真係好最要XDD 佢唔係得個講字,自己BDE同solo fes都唱こぶし… 淨係咁都夠我睇住佢啦!

西田汐里 – 啱啱望到下佢嘅時候,覺得佢幾可愛,但睇真啲又覺得冇乜點就放棄咗deep dig。直到去年ビヨ同こぶし共同舞台我被逼日日見到佢嘅時候,就越睇越順眼咗XDD 同埋佢演技、唱歌都幾OK,幾我對佢越來越有興趣。尤其鍾意佢把聲。

江口紗耶 – 有被騙嘅感覺XDD ビヨ嗰首《文化祭実行委員長の恋》佢個眼鏡look令我即時對佢有少少興趣,但除咗眼鏡嘅佢我完全冇興趣XDDD oops,好彩XDDDD

雨ノ森 川海

蝠已經放棄咗記佢哋嘅個名。難記到嘔好冇?呢個都係頭先去官網copy出嚟XDDD

高瀬くるみ – 熟悉而來嘅安心感。佢出現過喺好多MM舞台劇所以ビヨ入面最熟就係高瀬啦。不過就僅只如此…

前田こころ – 因為係女飯而且鍾意どぅーさん令好多人誤會我鍾意中性啲嘅成員,有朋友default就覺得我會鍾意前田。err… 可惜其實我唔係架… 蝠一直都話自己內藏おっさん,唔係一般嘅女飯XDD 而且どぅーさん都只係咁啱… 睇我個女友席就知架啦。於是要澄清嘅係前田完全唔係我個type,暫時亦冇打算去研發佢。

山﨑夢羽 – 當年pizzala個CM見佢又唔係話好鍾意,只係對佢有啲印象,但當佢入咗ビヨ我再見到佢,我居然唔認得佢XDD 但係係好轉!!喺《不思議の国のアリスたち》見到佢完全被佢吸引到(雖然我係去睇りか様)。而且佢仲要係AB型左撇♡ 呢個係一個好大嘅plus point!XD

岡村美波 – 我有覺得佢可愛架,但就唔係我好鍾意嘅可愛?不過有時候我見到佢笑嘅時候會閃過「佢嘅個笑容係天然定係演技呢」?唔知點解真係見到佢會有少少違和感。

清野桃々姫 – 舞台劇《MODE》認識佢,嗰時佢好似得13歲?記憶中好似覺得佢演技都唔錯喎?但就只係到呢個地步。err,佢唔係我鍾意嘅type,於是到而家冇乜感覺,亦冇打算發展。

オーディション組

完全唔明點解一隊要內部再分三隊仲要有唔同嘅名然後有三個冇group名。不過呢三個真係有才而入,比起上面嘅人我比較對呢3個入面嘅2個有興趣。

平井美葉 – 冇乜興趣,但因為包包同さこちゃん嗰時成日提起佢,加上reborn有見到佢,我同意佢把聲係幾… ASMR。

小林萌花 – 蝠嘅「鋼琴席」住客。佢彈琴我真係真心地鍾意,呢個音大生真係好吸引我。佢喺ビヨ最好嘅地方係有機會俾佢發揮同表演。reborn我唔係望住はまちゃん就係望住佢,佢仲要係演我最愛嘅Chopin…. 咳咳。總之ほのび係黑馬。

里吉うたの – 佢啱啱出道嘅時候我幾鍾意佢個樣,但又係睇睇下hmm咗XDD 唔係唔鍾意但又唔係特別鍾意咁囉。但我保持好鍾意佢講嘢嗰把聲,唱歌就… 可以啦!

卒業生

梁川奈々美 – 最後幾個月突然之間好唔捨得佢。明明一向都唔係好理佢,但佢宣佈咗畢業引退之後,我先覺得如果佢俾多少少時間我我可能會鍾意咗佢。同埋真心想睇多啲佢同まなかちゃん嘅互動。also好鍾意佢同るるちゃ嘅同期愛… 所以明明唔係咁鍾意佢都覺得可惜。不過佢有自己想目標同理想,走條新嘅路,都係好架!雖然已經係一年前,但… ななみん、ありがとう。

和田彩花 – 我個人覺得最好嘅leader,包括アンジュ同整個H!P。和田さん我都算由細睇到大,真係估唔到嗰個傻妹仔會做s/mileage嘅leader,更加估唔到佢可以將S/mileage仲谷底拉返上嚟,更加估唔到佢可以將アンジュ帶到咁勁。一直都好鍾意和田さん嘅表現力,所以好鍾意睇佢演嘅舞台劇。其實我覺得まーちゃん同佢有少少似,都係會表演嘅時候變咗另一個人。和田さん、ありがとうございました。

宮崎由加 – 如果まなかちゃん冇入到汁汁,我應該唔會認識更加唔會了解到呢個人。但因為まなかちゃん嘅加入,令我遇到呢個人。我好感激まなかちゃん讓我有機會認識佢。佢真係… 好sweet又好warm嘅人,真係越來越鍾意佢。同ななみん一樣如果佢留多陣,我一定會愛上佢。不過而家都唔遲嘅,佢唔係引退,仲有機會見到佢。佢去睇汁汁演唱會入後台時まなかちゃん見到佢跑過去真係好開心。宮崎さん、ありがとうございました。

勝田里奈 – 幾年前其實我有鍾意過佢,應該係2014~5年咁上下。蝠成日覺得りなぷー有種潛魅力,佢樣子唔係突出嘅可愛,但佢性格好有趣。我唔話佢性格可愛係因為… 我知佢唔可愛嘅時候可以好唔可愛XDDD 不過唔係燒到埋身我就覺得有趣XDDD 後來對佢冇乜感覺之後,就開始睇到佢對後輩嘅好,namely對かみこ好。於是我又對佢保持返適度嘅好感。勝田さん、ありがとうございました。

中西香菜 – 蝠應該已經提過幾次因為一次握手會令我好難捨棄かななん。2014年睇完リリウム之後小鍾意過佢一排,後來冇咗感覺。到我鍾意咗かみこ去アンジュ活動嘅時候被佢嘅對應KO咗。之後即使唔係特別鍾意佢,我都唔會掉咗佢XDDD 不過蝠default唔係太鍾意關西嘅member,佢當年算係幾特別,可能會關西感唔重。かななん、ありがとう!

室田瑞希 – 蝠嘅前「女友席」住人。最鍾意佢係2017年左右吧。當時由鍾意佢唱歌,到鍾意咗佢個人,再奇怪地一直話佢係女友。但後來佢做好做到冇曬心機,我都唔係好明發生咗咩事,我直情覺得むろ唔同咗。於是就比較少理佢了。聽到佢畢業都唔shock先最嚴重。蝠同むろ嘅關係最可惜嘅地方係最後我已經對佢淡曬… 但我都好慶幸愛過佢。むろたん、ありがとう!

こぶしファクトリー

蝠史上、唯一、亦覺得唔會再搵到、最最最最愛嘅團。前無古人後無來者有今生冇來世XD 少少誇但真係咁覺得。我從來冇全group都愛,咁多個都一樣咁愛。啲歌又鍾意,啲MV又鍾意,個style又鍾意,團感又鍾意,成員嘅balance又鍾意。咁多咁多嘅偶然,我對將來已經冇期望(喂)。其實我8人時代都愛,7人時代都愛,6人時代都愛,只係5人時代係最愛。我高興嘅係佢哋5人形態咁結束咗こぶし,唔係加入減入搞到こぶし唔係こぶし,只係我估唔到咁快。我仲有好多好多事想同佢地一齊做,仲有好多大場未到こぶし&こぶし組一齊去。我真係好想同こぶし去武道館。呢啲一堆又一堆未完嘅心願永遠冇辦法達成係我覺得作為こぶし組最遺憾嘅事。講真,雖然蝠而家都有其他鍾意嘅成員,但係我已經冇打算去同佢地建立到好似同こぶし建立嘅關係。こぶし係永久不滅。こぶし伝説。

広瀬彩海 – 我鍾意包包,但佢有好多嘢我都唔係太認同。但鍾意佢唔代表要認同佢。also,佢已經被我確定咗佢係我嘅過敏源XDD 佢真係令到我怕咗佢。但咪就係又怕又鍾意咁囉點啫。こぶし5個入面我最講唔到嘢嘅係佢,我去年年尾已經決定咗唔會再去佢單獨XDD 結果真係唔洗去添,哈。理性上我會話我冇怪包包嘅決定消滅咗こぶし,但唔多唔少… 個腦嘅一角有呢個念頭。如果佢肯俾多一年我多好… 呃,諗返轉頭都冇用。あやぱん、好きだよ。ありがとう。これからもよろしく♪

野村みな美 – のむ你去咗邊orz 解散嘅時候のむ話佢去留學之後返嚟先再同大家見面,但而家留乜鬼嘢學呀!邊有得留架orz 我會好想佢浮一浮出嚟先… 不過のむ決定咗嘅嘢係一定會做到呢個我地全部人都知… 所以可能只能等到佢想出現嘅時候先會再見。のむちゃん宣佈咗畢業之後我覺得佢潛潛地有啲改變,好似比之前黏咗XDDDD 最後幾個用嘅のむちゃん真係好可愛T___T 搞到我真係好掛住佢。のむちゃん、ありがとう!早く帰ってきて!

浜浦彩乃 – 本身已經好愛はまちゃん,睇完reborn之後我完全傻咗,比溺愛更溺愛。嗰期仲咁啱多咗機會同はまちゃん講嘢,發現佢真係好錫こぶし組之後對佢嘅忠誠心爆發咗。解散後我跟得最貼嘅係はまちゃん,大佐同部下嘅關係應該唔會點變。蝠好鍾意はまちゃん唔會太明言但有心人會feel到佢對fans嘅愛。浜浦軍真係好幸福!はまちゃん、ありがとう!これからもよろしくね!

和田桜子 – 從蝠blog嘅background各位應該都估得到… 我好掛住さこちゃん。我真係好掛住さこちゃんT___T 未有時限嘅時候,我掛住睇はまれい比較少理佢,有時限嘅時候,我就爭取俾曬啲時間はまれい,到各散東西嘅時候… 我就發覺一直以來都俾唔夠時間同愛さこちゃん。其實我有好多嘢想同佢講只係喺追こぶし嘅過程之中我將佢嘅priority放到好低orz 我愛さこちゃん,佢係我嘅情緒安定劑,冇咗佢我會痴線,而家搵緊新寄托。我真係好掛住さこ… さこちゃん、お疲れ様。いっぱいありがとう。絶対幸せになってね。

Share on FacebookShare on Google+Tweet about this on Twitter

2 Responses to 蝠式追星論SP-勢力分佈表2020年

  1. 估唔到仲有機會喺妳呢度見到由加個名!我都好掛住佢~
    不過佢而家走去搞時裝,仲要係女裝,我想支持都支持唔住… orz

    • 佢搞時裝我都冇乜興趣呀,不過佢應該係同現役成員互動最多嘅畢業生,所以都仲有幾會望多幾眼。

      你想支持嘅,女裝買咗唔一定係你著嘛!!XDDDD

Leave a reply


Optionally add an image (JPEG only)