蝠式追星論SP-勢力分佈表2019年(半完成)

※注意:呢個post好似原本諗住上年10月出但寫咗一半唔記得咗XDDD 而家睇返好多都唔用得要重寫好浪費,所以就… 半完成咁放佢出嚟,呢兩日會出最新嘅2020完全ver.

蝠式追星論SP-勢力分佈表2017年上半期
蝠式追星論SP-勢力分佈表2017年下半期
蝠式追星論SP-勢力分佈表2018年

一年一次嘅勢力分佈表… \(^o^)/

モーニング娘。’19

天啊~ どぅーさん畢咗業就快兩年啦我對MM仲係死水啊有冇人救到我呀呀呀呀呀呀呀呀呀呀呀!!!今年蝠同MM’19嘅關係就好似係一條皮勾住嘅感覺(會唔會有啲難明?)… 上年寫勢力分佈表嘅時候一定唔會諗到一年後仲係咁囉!興趣好乏呀!!

今年MM’19連舞台劇呢位仙丹都冇埋… 真係冇計… 個人最大希望係佢哋下年有舞台劇… 最少蝠會對佢哋有返一啲興趣… >__<

※由於今年真係太少接觸MM… 下面嘅期同成員部分應該都冇得太大感想。靜等復活。見諒。

9期

論輩份9期都almost係hello最大啦… 真心感覺怪怪地,因為佢哋初披露嗰時嘅DVD我仲好深印象wwww 不過其實我幾鍾意佢兩個lead MM。

譜久村聖-ふくちゃん依然係ふくちゃん… 蝠今年對佢嘅感覺冇乜變。不過今年和田さん畢業後ふくちゃん成為咗H!P leader… 雖然話呢個leader冇乜實質工作… 唔知ふくちゃん心態上有冇嘢改變呢?

生田衣梨奈-えりぽん今年外表變化好大啊!style我就唔係話特別鍾意,但えりぽん就是要活得自由自在先係えりぽん(^^)

10期

得返兩個嘅10期,期感冇曬… 冇辦法㗎啦,咁啱仲喺度嗰兩個都唔係對10期呢個名太痴情嘅成員,或者應該話唔係太識show對10期感情嘅人。10期好似喺はるなん畢業嘅時候消失咗。對我嚟講冇咗どぅー嗰一刻已經散咗…

石田亜佑美-做咗sub仔嘅あゅみん成日俾我嘅感覺好努力w 呢個… 但可惜呢個並唔係compliment. 我唔知啊… 我都係唔知佢喺度做乜。好想知道あゅみん向緊邊個方向走。佢performance層面上冇問題,但就係成日覺得佢唔知想點,咁囉。

佐藤優樹-上一年蝠覺得まーちゃん一直都喺度九唔搭八。right, 佢今年都係。但今年睇佢,同一件事感覺又唔同咗。之前冇咗どぅー睇住佢,我唔多唔少想佢生性w 但今年嘅少量接觸入面,佢俾到我一個感覺係佢其實好多嘢諗。但佢表現/表達唔到,搞到好多人會誤會咗佢。識咗まー咁耐,一路都知佢係咁,一路都明佢其實好deep。點解上年自己會突然會唔記得咗呢個道理。抵打。之前まー喺我心目中都係一直要孖住どぅー,而家覺得自己終於ready可以獨立個體咁睇まー啦。不過我會記得睇佢嘅時候帶好自己嘅耐性(^^)

11期

小田さくら-今年睇小田個BDE,突然、真係突然覺得錯曬。我之前一直未鍾意小田之前都會因為想聽佢唱歌而睇佢嘅event。每次都覺得好好聽。但今年個BDE… 佢唱返曬好似佢自己event唱過嘅歌,我聽嘅時候覺得有唔妥,但又講唔出係咩。之前同blog友談過かりん之前唱歌作狀,小田… 好似走緊去呢條死路。佢之前明明話想唱令人聽到舒服嘅歌,但如果呢個BDE唔係一次性出事,咁佢絕對係行錯咗路(O_O)

12期

好得意,蝠明明一直都唔係點理12期,但呢段睇片見到佢哋3個站埋一齊嘅時候,我居然覺得少咗啲嘢。又係一個不完全嘅感覺。咦?WHY?

野中美希-ちぇる都係… 同樣。佢冇乜唔好,但完全唔過電。

牧野真莉愛-唔知點解覺得今年牧野冇之前咁搶眼…

羽賀朱音-ねちん終於要交返個「最年少」出嚟w 但我睇到佢會係一個好前輩。外表maybe都係唔係咁吸引我,但12期嘅話蝠會偏向睇ねちん。

13期

雖然蝠對小小妹嘅狀況有變,但現役入面我依然覺得13期最強。2人加入依然最good!自動有輕微嘅雙子效應呀!

加賀楓-DiDi喺MM而家係走型吧?唔知呢,我成日都覺得佢好型w 但就冇當過佢係女仔睇(好嚴重w)好想睇Di演舞台劇… 2017年イザイ最強說。

横山玲奈-上年唔理佢勉強稱為「穩定」,今年我搵唔到靚嘅修詞w 就係冇理佢ww 最近佢染埋個頭… good, 頭髮控蝠表示可以收皮。

14期

森戸知沙希-ちぃ,多謝你加入MM。真係好appreciate!今年佢染咗個頭之後… 感覺有少少… 變咗。不過我依然好感激佢加入MM,呢個冇變。所以我覺得我只要睇慣咗佢個新color之後所有嘢都會返嚟。OK㗎,愛你㗎ちぃたん!

15期

喺蝠對MM最疏離嘅時候加入嘅15期,其實以狀況嚟講有少少似12期。唔同嘅係當年冇而家咁離。今年幾個新成員入H!P,蝠唯一完全無感嘅就係MM呢3個。雖然我望埋去覺得佢地嘅「MM新成員」感好強(13同14期冇嘅嘢!),覺得佢地係適合入MM嘅… 有朋友x2同我講15期好可愛呀,睇下佢哋啦!我兩個同一個答案:我都希望自己咁覺得。可惜… 暫時真係望到佢哋完全冇kawaii嘅感覺。maybe later。

北川莉央-唔知點解第一眼第一個feel佢remind我鞘師里保。唔係話佢會好似りほ咁勁,但就有啲嘢令我見到佢會諗起りほ。希望呢個feeling遲啲會散。唔會嘅話我對呢個人發展唔到落去。

岡村ほまれ-唔認得佢個樣,但佢個名一炮記得ww 特別!XDDDD 3個入面可能比較對佢有興趣。不過都係想等佢大個啲先,而家太幼齒… 唔得住。

山﨑愛生-北海道研修生今年勁!まなかちゃん一定好開心ww 不過除此之外就未有其他感想啦… 都係等大個啲先講啦。

アンジュルム

上年開始同アンジュ嘅距離越來越遠… 我都唔知點解or點搞。雖然我仲係好鍾意佢哋呢個團,但performance真係好少睇… 最近嘅アンジュ好似有少少悶… 對我嚟講。

2期

好快就變成只有竹内嘅2期。感覺… 好奇怪啊!!我印象中嘅2期係好close所以冇咗めいめい都已經夠怪,就嚟得返一個真係… 會唔慣。

中西香菜-かななん!!最近對かななん嘅印象就係佢對包包好好。嗯,真係已經好少留意佢。

竹内朱莉-so far見佢做leader都幾稱職呀!well, 其實唔擔心。佢OK架做leader我覺得!

3期

hmm… 太耐冇睇アンジュ,3期嘅期感好似弱咗ww 不過其實本身アンジュ嘅期感又唔係話太強?

室田瑞希-むろ有時候突然好認真嘅表情會令我小鹿亂撞wwwww 不過我最愛都仲係佢嘅笑聲。前排佢同たけさん打機實況,久違了聽佢笑得好開心,睇嘅我都自然地開心咗XDDD

佐々木莉佳子-同上年冇乜變,都係興趣不太大。

4期

上國料萌衣-かみこ最最勁嘅係無論咩情況我一見到佢就會愛情度暴升。我依然唔會成日搵佢啲嘢睇… 仲越嚟越少睇アンジュ… 但睇多睇少對かみこ根本冇關係!stay as my 最愛喔,かみこ♡

5期

笠原桃奈-ももな突然邊好大個嘅感覺。一般我覺得成員過咗18歲會突然長大,但ももな會唔會太快咗啲… 好想話期待佢本visual book… 但真係冇乜興趣>__<

6期

少咗睇アンジュ… 就幾乎完全冇見過佢兩個…

船木結-尤其係船木。就好似喺我嘅世界完全消失咗咁(O_O) 但我真係唔係想佢由H!P消失… hmm… 有少少可惜>__< 夢組冇咗一個點算好呀>__<

川村文乃-Err… 對佢最後嘅印象係佢本寫真集幾靚…(^^;;;

7期

一入就好順眼嘅アンジュ7期。2人加入default就有雙子效應♡

太田遥香-唔明點解但我對はち嘅感覺一開始就好好,覺得佢個人好可愛♡ 傻傻的♡

伊勢鈴蘭-佢兩個一齊入アンジュ我真係好鍾意。開始先愛上はち,但好快就feel到れらたん嘅可愛。總之就好鍾意見到佢哋一齊!

8期

橋迫鈴-未知係りんちゃん之前仲有少少不滿點解咁快就又增員,はちれら都未坐定!知道係りんちゃん之後就大歡迎wwww 研修生入面最可愛就係佢~ アンジュ攞到佢實在太好啦!話說除咗雙子之外,蝠仲有一個幾鍾意嘅形態就係2+1。而家アンジュ嘅小朋友們就咁啱係2+1。正呀!!

Juice=Juice

被まなかちゃんKO咗之後,汁汁就一直向好。MY GOD!!!!!! 蝠終於可以大大聲咁話自己愛上汁汁啦啦啦啦啦!!!♪ 今年嘅勢力分佈表同上年比較嘅話最大分別應該就係汁汁呢一段啦!XDDD

初期

初期成員早就有種理所當然嘅感覺(雖然知道唔係)。

金澤朋子-新leader!但我對佢感覺唔太強烈。

高木紗友希-雖然依然唔係太鍾意,但抗拒感已經大減。唔影響我睇汁汁!

宮本佳林-同上年一樣:我真係好鍾意かりん架!對かりん嘅偏愛同偏心已經去到一個好完整嘅地步w

植村あかり-睇多咗汁汁對あーりー感覺又好返好多XDD 同埋汁汁裡面我真係覺得佢真心nice。

2期

一年前感覺零嘅2期,而家已經好唔同!但2期本身都變化咗… 咁快就冇咗一個>__<

段原瑠々-るる〜♪ 一年過後,已經太太太鍾意佢啦!!今年最大嘅成長♡ 過去一年有好多機會聽佢唱歌,佢已經完全令我迷上佢把聲。另外佢可愛嘅性格都係令我越來越愛佢嘅原因… 真係好鍾意るる!

3期

稲場愛香-上年話佢危險,佢真係好危險XDDD 因為有佢蝠而家先會睇汁汁,先會還かりん一個合理嘅地位,先會愛上るる。超感激!佢仲係制覇曬我所有機器嘅wallpaper XDDDDD 好想睇まなかちゃん演戲!

4期

用咗大概2日時間鍾意咗佢哋wwww 實在太快wwwww 但佢兩個真係好可愛… 係佢兩個入汁汁太好了!

工藤由愛-

松永里愛-

Share on FacebookShare on Google+Tweet about this on Twitter

Leave a reply


Optionally add an image (JPEG only)