路面電車の街

最近loop到有少少過份嘅係乃木坂46嘅新曲「路面電車の街」。

咁啱因為一啲事(?) 同乃木坂46飯嘅朋友講開山下美月，可能加上有みおな… （雖然有我maybe唔係太想見到嘅あすかちゃん）朋友就默默咁貼咗呢首歌嘅link俾我。

無論係個PV定首歌本身蝠都好鍾意。睇得H!P多間唔中望下乃木坂46往往會俾佢哋充滿故事感嘅PV吸引。係咁啱㗎啦！嗰時成日睇乃木坂46嘅時候睇到麻木咗就連嗰少少嘅吸引少少嘅感動都冇埋。哈！

故事內容蝠唔小心睇咗comment，大概有被其他人嘅讀解影響咗少少，但其實都係差唔多。三個各有自己問題嘅女生因為認識咗「ひかり」之後friend咗，但ひかり唔喺度（死咗？）之後，佢哋唔係唔想見大家，但就無原無故地冇再見面。5年過去，佢哋其中一個（相信係あすかちゃん）搵咗個藉口見面，地點就係故鄉嘅路面電車上。

睇完個PV第一感想係：みおな你又做咩呀！XDDDD

撇開蝠唔係好想見あすかちゃん，今次個PV其餘兩個非常有feel。みおな預設鍾意，山下美月戲感都好重。

and then我特別鍾意佢坐喺電話亭入面嗰一幕… 唔想承認但佢啲表情真係好腦殺我。

仲有佢同あすかちゃん喺電車度好似尷尷尬尬咁嘅嗰幕… 好有感♡

今次呢個PV除咗覺得成員靚、有故事性、好聽有feel之外，唔知點解click中咗我嘅思考制XDD 不過講廢話之前貼多張みおな先～ 同埋其實下面各位可以唔睇(^^;;

就咁… 假設… 呢個故事入面嘅ひかり真係死咗（應該都係㗎），雖然咁早離開呢個世界對佢同埋佢嘅朋友屋企人都係一件好遺憾嘅事，但睇咗呢個PV 50幾次之後加埋反復咁思考個故事同每一個人物嘅心情之後（係呀，蝠呢排個腦好得閒，可以俾我好充份咁思考），我突然覺得一個人離開咗5年之後，仲有人會咁重視佢，回憶起同佢一齊嘅時光，諗起佢仲佢流眼淚… 會係一種不幸中嘅幸福。蝠點都唔覺得如果我死咗5年之後仲會有人記得我或者提起我… 唔好5年啦，兩年我都應該喺地球完全不留痕跡地消失，就好似冇存在過咁。唔係晦氣說話都唔係覺得傷感定咩，而係我真係咁覺得。事實上我有故意地盡量唔喺人哋著留實體嘅生存証據… 所以我唔鍾意同朋友影相，尤其係佢哋會留到底嘅嘢。呢個blog都係㗎，如果我唔更新個hosting… 最多3年就會消失㗎啦。

另外あすかちゃん條線同欺凌有關… 真係… 好想知道欺凌有乜咁好玩。朋友話有啲人就係藉著踩低其他人嚟得到優越感。喂唔好玩啦，做埋啲咁嘅嘢只會令你嘅人格越跌越低，去到一個點可能連自己都會鄙視自己（未必係即時）。傷害人自己會好過嗎…？真係唔明白點解可以咁。做之前諗多一秒，如果你愛嘅人被人欺凌，你個心會有幾痛… 就你就唔會做。呃，蝠唔係被欺凌緊所以有感而發（嘛… 經驗倒是有w），只係睇呢個PV時見到咁過份嘅欺凌… 就冇辦法點都想寫出嚟… 而已。以上！