小蝠最愛的舞台劇TOP10!2020

2016年版:https://applebat.com/?p=19487
2018年版:https://applebat.com/?p=23052

望住個title一陣,發現係「小蝠最愛的舞台劇TOP10」而唔係「小蝠最愛的H!P舞台劇TOP10」… 即係唔係H!P嘅舞台劇都可以放啦?所以講明啦,今次… 有非H!P。不過其實小蝠又唔係話成日睇非H!P嘅舞台劇,所以都唔係混入好多啦。

同埋上兩次都冇set好條rule,今次就講清楚少少啦… 呢個ranking只排已出DVD/Blu-ray嘅作品。Why?因為有機會俾我重溫確認係咪真係咁愛同埋… 大家睇咗想睇嘅話可以即時睇到。

OK,Here we go!

10 – 舞台「ザンビ」RED

去年鍾意与田嘅朋友推薦我睇,本身已經少睇坂道對乃木3、4期欅同日向(當時嘅平假欅)都唔太興趣,但朋友話我一直會鍾意個設定,加上係戲劇… 嘛,睇下無妨,睇完之後最surprise嘅嘢係朋友真係好了解我嘅喜好(喂)。講真舞台演出呀、個世界觀呀各類嘢其實都唔係話太過鍾意,但人設真係一流。与田同山下又做得好睇,佢兩個最後嗰個scene我睇咁多次都好傷感T___T 与田同山下之間嘅設定都好正,最正係与田無論犠牲乜嘢都要保護好山下嗰嘅我就快喊死。雖然唔鍾意喪屍片。

9 – ミュージカル「マリーゴールド」

TRUMP全系列蝠有follow,其實好多都好睇但最鍾意係呢套マリーゴールド。リリウム嘅時候已經對マリーゴールド呢個角色好有興趣,而呢套マリーゴールド就係講返佢細個(?) 嘅事。點解佢會變成咁。加埋リリウム幾乎就睇曬マリーゴールド短短嘅一生。基本上而家TRUMP已經睇到可以隨時走入嗰個世界咁,啲角色好似全部都係認識嘅人咁w TRUMP系列最強嘅係佢每一套舞台劇都可以單獨睇但如果係follow個系列嘅人會睇到好激動,無限咁多嘅伏線,無限咁多嘅亮點等觀眾回收。下個月嘅朗讀劇係追リリー嗰條線,加上係鞘師演返リリー,我已經期待到唔知講咩好w 佢有搞online直播,蝠已經買定飛等睇。呵呵。

8 – マジすか学園 〜京都・血風修学旅行〜

睇返蝠blog嘅分類就知蝠係好鍾意頭3季嘅マジすか学園,而最愛嘅角色就係我家れなちゃん飾演嘅ゲキカラ。佢… 到今時今日都仲係我嘅神。呢套舞台演係補返完ゲキカラ嘅設定,同ザンビ一樣,舞台演出嗰啲其實就唔係特別鍾意啦,48系感覺嘅舞台。不過故事同設定正就無大問題。ゲキカラ同おたべ都係蝠好鍾意嘅角色,佢兩個做主角嘅舞台實在係完美咗。唯一係おたべ嘅TV設定可能因為劇情需要update咗少少,hmm… 我都還OK嘅,最緊要ゲキカラ様嗰個設定冇俾人撚咗我已經心滿意足。後面我れなちゃん真係型到嘔…。

7 – 舞台「ステーシーズ 少女再殺歌劇」

鍾意末満健一係由ステーシーズ開始,到而家都仲係咁鍾意佢嘅舞台指導。好鍾意ステーシーズ嘅世界觀,好鍾意嗰個舞台。鞘師嗰首歌蝠到而家都仲係咁鍾意。三個主角,三個故事,最後連埋一齊。無可奈何中嘅快樂,絕望中嘅一點希望。呢個故事入面並冇極端… 或者世界上所有嘅嘢係。呢套舞台劇入面どぅー嘅一句對白依然係蝠人生嘅座佑銘:「仕方ないことは仕方ないこととして受け入れる」。

6 – 演劇女子部「不思議の国のアリスたち」

眼鏡りかちゃん優勝!嗰時睇圖我都仲係有少少覺得發揮唔到佢嘅可愛,但蝠去咗睇現場所以收曬100% XD OMG真係淨係睇りかちゃん都排得到呢個位置XDD err… 都唔係嘅,個故事都幾正。ゆはちゃん又好可愛咁。最重要係ほのぴ又喺度live彈琴… 碎咗。同埋佢個角色都好可愛,冇咗聲嗰度cute爆咗。りかちゃん個角色係智能型(咩形容)我又鍾意。雖然未到天才,但聰明嘅小孩加眼鏡加りかちゃん嘅可愛,突然完美咗w 呃… 重申:個故事都好正架!!w

5 – 演劇女子部 ミュージカル「LILIUM-リリウム 少女純潔歌劇-」

演劇女子部嘅名作之一,真係好鍾意。只不過之前都講過,唔係成日都可以擺出嚟睇,因為太太絕望啦。話時話MM已經兩年冇出舞台劇啦… 點解呀!!あゅみん想演劇想到Solo Fes自編自導自演仲要一人分飾兩角啦!XDDDD 為咗佢,為咗廣大嘅MM舞台劇迷,係時候架啦!同埋都想睇下ほまたん同めいちゃん嘅演技w

4 – 演劇女子部 「夢見るテレビジョン」

同リリウム唔同,睇呢個唔洗擇日子XDD 想笑下又微微地感動下就可以睇。最重要呢套劇入面かみこ真係好可愛。蝠好鍾意日本7、80時代嘅劇,呢套真係所有嘢都合曬我心水。アンジュ2018年尾演完アタックno.1就冇劇出過啦(其實汁汁都係…),希望啲演唔會偏曬去ビヨ… 蝠好想睇れらたん嘅演技呀!!!

3 – 大人の麦茶×ゲキハロ 「ごがくゆう」

ごがくゆう終於唔係第1位(喂),其中一個理由係… 蝠已經戒甩咗要睇住片瞓覺嘅習慣(笑)不過睇少都佢都依然係我好鍾意嘅舞台劇之一。故事正一直唔會冇咗。

2 – 演劇女子部「タイムリピート~永遠に君を思う~」

單單以故事喺講嘅話,呢套タイムリピート係蝠嘅最愛。伏線掉到一地都係但全部完美回收,懸疑令人估估下最後一個大shock收尾… 仲要… 係甜甜地嘅bad end。演劇女子部最綿密嘅鋪排(maybe除咗リリウムw),最令人印象深嘅ending。不過佢同リリウム一樣都幾揀時間睇… 話說我好多時都skip咗最尾嗰度唔睇… 因為睇嗰度個心會好唔舒服… 雖然咁係因為まなかちゃん真係演得好,唔係講笑。可能因為佢近我心臟啦,真係… 好… 入心嘅一套舞台劇。真係想佢有多啲演出嘅機會…

1 – 演劇女子部「リボーン~13人の魂は神様の夢を見る~」

リボーン同タイムリピード喺蝠心目中都係no.1,但リボーン贏咗兩樣嘢:1)はまちゃん同2)Chopin。はまちゃん已經唔洗解釋,至於Chopin… 蝠好少喺blog度講Classic,但其實暗暗地好愛Chopin XD 所以當新嘅リボーン加入咗呢個角色嘅時候實在係… 大興奮。有新リボーン之後蝠將原版抹殺咗,應該唔會再睇w 但講咗啦,リボーン本身已經係一套我好愛好愛嘅舞台劇,再演居然係我最愛嘅こぶし主演,基本上已經唔需要再解釋點解會跑出。而且就算除咗Chopin之外新加入嘅角色我都好鍾意(尤其係ゆはちゃん演嘅Marie Antoinette… 也太可愛了)。

Share on FacebookShare on Google+Tweet about this on Twitter

Leave a reply


Optionally add an image (JPEG only)