Time Repeat: ほたる祭りの日

睇蝠blog有一段時間又好記性嘅人應該會記得蝠激鍾意《ほたる祭りの日》呢首歌（←好記性都唔係用嚟記你啲嘢啦！ww

如果而家排歌唔係set咗係近3年嘅歌，我諗呢首歌會不斷喺第1位出現。I mean… 我最愛嘅玻璃聲かりん加未壞之前嘅まーちゃん！！同埋of course首歌本身都好聽啦！！

啱啱嘅weekend蝠喺度亂摷嘢睇… 竟然俾我發現咗啲令我尖叫到爛喉嚨嘅嘢！！（漁夫之寶lime味一包，唔該w

原！來！呢！兩！個！唱！過！！（撞牆
仲！收！錄！咗！喺！D！V！D！（再撞牆

.
收錄於2015年Bus Tour DVD。隻DVD我有，但一路都冇睇。不過只限於今次嘅case，蝠俾個GJ自己。GJ自己之前冇睇而家先攞返出嚟睇！因為我而家呢個timing新鮮睇，效果一定強過當時睇。「當時」係指2016年我睇完「気絶するほど愛してる」舞台劇之後嗰段蝠宣言要補まなかん嘅期間。

話說嗰時呢，話補まなかちゃん嘅嘢呢，我睇咗一部份之後係停咗冇再補落去。原因係因為我越睇越掛住佢… 完全係喺度自虐。所以doctor stop咗。於是有啲佢カントリー時代嘅嘢我係一直都冇睇。但而家搵返出嚟… 效果絕大ww 蝠呢一刻已經short咗。

まなかちゃん呢… 對我嚟講係比較近心臟嘅成員。「近心臟」呢個詞我so far只用過嚟形容三個成員：第一個係かみこ，第二個係れいれい，第三個就係まなかん。我鍾意一個成員佢唔一定近心臟，比如同包包其實好有距離，但距離感都可以恰到好處。近心臟呢樣嘢都唔一定話著數好多，只係傾向同蝠嘅情緒有掛勾… 就係點解かみこ周不時都搞到我又喊又笑>_> 至於まなかん… 除咗成Q日搞喊我之外呢，有時候佢會突然令我個心乸一下…！我都唔知咩事w 放心，大概唔係心臟病（喂w

不過睇返以前啲片，會發現成員們完全冇所謂嘅”劣化”。No… No… 先唔係冇劣化，而係個個都進化曬、靚曬。大個咗成熟咗但依然可愛♡ 尤其係睇過而家嘅島村嬉唄之後更覺得H!P係與別不同！

Anyway，呢篇嘅重點係蝠weekend做咗啲好有意義嘅事！（唔係ww

PS. 蝠仲有睇返DMag Vol.1… 睇返嗰次鬼屋… 而家嘅感想同當時一模一樣：「走一次鬼屋讓我感動3次嘅女人，當今世上應該就只有稲場愛香一個」。睇返嗰篇blog好搞笑ww 好想同當時嘅自己講：「大半年之後佢會返嚟啦！！XDDDD」，然後當時嘅自己應該會同而家嘅自己講：「咁你enjoy啦！仲有要珍惜呀！♡」