之前提過小蝠尋日要參加考試。地點係香港。
因為人懶,所以本來諗住直接去考,考完直接搭返船返澳門。
但係見到blog友話尋日去專門店or展覽館買野有張好靚嘅poster送,咁我就決定要為AKB走一趟啦!
上次到專門店係1月尾,感覺係放咗好多野但係無乜野吸引到我去買。
事隔一個月,今次去到,竟然搵到一見鍾情嘅商品!
呢三個Key Holder我一見到就鍾意啦!價錢仲要非常之經濟!28大元就買到一個!
如果有SKE就好啦… 我要SKE呀…
買滿咗100蚊,就可以登記C3嘅握手劵同搵一張「桜の木になろう」嘅poster!
好鍾意呢張poster呀!最重要係,有玲奈呀嘛!真係不枉此行!
今個月係展覽優子嘅相。我決定咗,有由紀嘅時候會再去睇!
至於因為游咗落銅鑼灣同响展覽館唔捨得走而令我差啲考試遲到就細細聲講咗就算啦… 哈!