Author Archives: 蝠仔

キミノタケ

2/17~2/25喺こくみん共済 coop ホール(全労済ホール)/スペース・ゼロ上演,はまちゃん個人發展後第二套舞台劇 – 「キミノタケ」。繼上次「あいまいばかりの世界」之後再次係Flying Trip嘅製作。 今次はまちゃん演嘅係有錢女城ヶ崎恵(メグ),係兩個男主角圭人同修二嘅朋友。 兩兄弟嘅哥哥圭人係靈媒,而弟弟修二冇固定工作,靠打工為生但每次都做唔長。佢內心好鍾意メグ,但又唔敢講出嚟,因為佢知道メグ鍾意嘅係諸星くん。諸星くん係明星,做緊啲兒童節目,但佢其實係想做動作影星。佢知道メグ鍾意佢,就一邊keep住佢,同時又同メグ好朋友嘅京香拍拖,仲叫京香唔好同メグ講住。我唔知佢為乜要咁,可能係因為メグ係有錢女,佢想利用佢。 就喺呢個時候,メグ發現咗諸星くん同佢好朋友京香原來拍緊拖,覺得被騙。修二知道咗之後去安慰メグ,講講下向佢表白咗,但メグ就表示暫時冇得發展。 呢個時候一個叫德永嘅人接觸諸星くん,佢話自己開藝能事務所向佢挖角,諸星くん正同事務所有啲分歧,想轉過間。心大心細,於是就去咗信賴嘅靈媒圭人度問佢可唔可以幫佢睇下德永係咪真係好公司(注:諸星くん同圭人係認識,而且一直相信佢嘅能力,有大決定都會搵佢幫手決定),但圭人就好反常地吞吞吐吐唔係好想咁。 然後諸星くん本身嘅事務所原來嗰間公司本身係黑底,收到風呢個德永要挖佢嘅人,就想辦法搞德永,但德永都唔係綿羊,好似唔係好怕佢哋。公司老闆就話要搵究竟邊個介紹德永俾諸星くん識,查查下就查到係佢地喺メグ個生日party識嘅,就搵メグ麻煩。 圭人最後都決定幫諸星くん,佢猶疑原來係因為其實佢係假嘅,真嘅靈媒係細佬修二,但修二想低調,圭人就扮靈媒,由修二提供訊息。但佢哋會見德永嘅期間,修二收到電話話メグ被人捉咗,就趕咗去救佢。冇咗修二圭人根本就睇唔到人嘅氣場,只係喺度拖時間。等到唔耐煩嘅德永就話佢一早就知圭人其實乜都睇唔到,佢要玩到幾時? 修二去救メグ嘅時候見到諸星くん事務所老闆有心結,救咗メグ之後又唔知點解帶咗佢返圭人嘅office,又唔知點解老闆突然又認出德永係30年前佢放貴利嘅人… 總之就係德永當年係新人電影監製,為咗拍電影借咗錢之後還唔起搞到好慘。唔知點搵到錢之後返嚟報仇,所以故意去搶佢旗下嘅明星(WTF?! 又唔知點修二話老闆其實為當年嘅事好後悔,又唔知點德永放下仇恨離開,本來死都要攬住諸星くん唔放嘅老闆又突然同佢さよなら(WTF?! 最後就大事化小,小事化無… 諸星くん自己去到美國… 其他人就好似原地冇郁過咁(WTF?! 睇到呢度,希望各位blog友都有發現個故事九唔搭八到一個蝠都唔知點形容嘅地步。尤其係最後嘅三個WTF。因為はまちゃん而睇咗嘅兩次flying trip嘅劇,真係… 唔係太得。上次嘅「あいまいばかりの世界」蝠睇完都勉強砌得返個故事出嚟,但今次呢套「キミノタケ」我真係完全睇唔到重點。 首先我覺得人設係OK嘅。 メグ有錢女之中仲有一個設定係佢有個小學就死咗嘅家姐,一直喺佢身邊守護佢(修二睇到) 修二同圭人有個有靈力嘅媽媽,佢兩個細個時都有靈力,但大大下圭人就冇曬,得返修二有 圭人嘅助手有個中國嘅女仔,係修二嗰時喺夜總會打工識嘅女仔,後來因為個女仔被炒就叫咗佢去幫圭人 呢三個setting我以為係重要會發展落去,但end up完全只係setting,一啲用途都冇!我明白人設係要有background,但舞台劇開始嘅時候爆曬出嚟但完全唔收返嘅時候,我作為觀眾會覺得掉咗啲伏線出來完全唔用又完全唔收。我最愛嘅演出家末満健一さん嘅TRUMP嘅人設都好有background,但係佢唔會將啲setting亂咁掉出嚟。好似リリー其實成個人生(?) 都已經被佢set好曬,但一次嘅舞台就只會用到啲同嗰次有關嘅,唔係將個設定口頭講曬出嚟就算咁囉。奇奇怪怪咁。 嗰個中國嘅女仔完全只係一個助手,佢嘅話佢講兩講就完咗。完全同佢嘅國藉冇關係嘅,咁… 想表達啲咩呢? 修二同佢哥嘅setting又係,點解要set到本身兩個都有靈力但大大下冇咗得返修二有?喂你掉咗咁多”疑團”出嚟,都收返下吖?比如話圭人因為自己冇咗能力而喺細佬面前抬唔起頭之類呀咁都叫做”用”過個setting吖? メグ家姐仲奇,佢一開始講到佢有個守護靈,我以為佢有危險咁時佢家姐會出手啦,冇囉又!咁佢家姐呢個設定又係想點呢? 其實上述諸星くん點解要呃住メグ都完全冇講,除咗佢係渣男之外我完全唔明點解。 I mean,最簡單一個問題:以上嘅setting冇咗,或者唔講出嚟對個故事有咩影響呢?最少我個人覺得冇囉。 另外最尾真係好似趕收工咁,無限嘅巧合、無限嘅突然、無限嘅理解不能… 話說我都明白演劇做嘅嘢唔一定太邏輯,可以天馬行空,可以突然之間唱歌跳舞,唔係下下都要完全合理。我認為自己已經係極之睇劇唔駁嘅人… 只要個世界觀係咁我入咗去好多離奇嘅設定我都好接受。但今次我實在係由頭到尾都代入唔到又理解唔到。我一共睇咗兩次,第一次真係唔知睇唔明定入唔到腦,於是第二次我係take住note咁睇(因為打算寫blog),資料收好曬,但都係覺得「好多事發生咗,但完全睇唔到個point」。或者我直接接受成件事只係為咗睇はまちゃん,套劇本身冇point就算(努力忘記佢其實戲份/對白都唔係好多…)。 雖然「キミノタケ」係はまちゃん有份演出嘅舞台劇,我好感激flying trip又再一次搵佢演,都好感激有配信令到我可以唔洗等blu-ray可以快啲睇到はまちゃん。但內容真係半點都唔收貨囉。不過如果問はまちゃん可唔可愛~~~ 咁就絕對收曬貨啦!!♡ はまちゃん6月取代咗田中れいな出演舞台「剣が君-残桜の舞-」嘅再演。唔係特別鍾意睇時代劇,但真係好開心はまちゃん有演出嘅機會。希望內容滿意啦! Continue Reading

あーりー《がんばれないよ》REC

又係等到就發霉先有嘅汁汁REC。講來講去咪就係因為某個人令到所有嘢delay… 不過又唔係怪佢嘅,只係真係overwaited囉(喂 再補充少少點解我會咁講… 各位回想一下第一次聽到《がんばれないよ》係幾時?如果我冇記錯係12月2日嘅The Ballad Special Number武道館公演。之後かりん卒コン再聽。但到今時今日隻single仲未出,隻MV3月29日出都幾乎成個月… 我同呢隻single嘅熱戀期完全已經過去咗。我想講嘅係,每次有single出都會有一段時間不停loop,但之後就會變返正常。「がんばれないよ/DOWNTOWN」已經冇曬嗰種期待同新鮮感… 嗰日同朋友講「原來隻single未出wwww」 嘛,但係《がんばれないよ》我係鍾意嘅,都大概會放入playlist,「DOWNTOWN」就只係一般。 呃,講返個REC。其實我想睇嘅順序係るるちゃ→れいれい→まなかちゃん… 但居然出あーりー。OH orz 不過都睇咗,而且好surprise。係知道佢唱歌好咗好多,而且睇ballad時發現自己都幾鍾意佢把聲,但咁睇佢REC佢真係進步超超超多…!反而會覺得5人時代嘅佢係咩事?XDD るるちゃ講得好啱呀,佢把聲第一句真係好夾,我個人覺得係佢把聲將聽眾拉入歌曲嘅故事世界。 希望るるちゃREC都係「がんばれないよ」啦>___< Continue Reading

Juice=Juice 発売記念インターネットサイン会

等了又等終於等到汁汁嘅網上簽名會\(^o^)/ 蝠買咗るるちゃ、まなかちゃん、れいれい各2 set共6 set。中咗2次youtube,1次まなかちゃん1次れいれい。講真冇中るるちゃ有少少可惜,但中到れいれい真係好開心。到蝠嚟講,れいれい係拉位我喺hello嘅人(最近對hello淡得好嚴重,雖然一日れいれい喺度蝠一日都會keep住一隻腳喺裡面),所以抽到佢真心感激… れいれい、ありがとう! 另外嗰場簡單講就係搞到我而家唔係咁妥松永里愛。我唔係唔鍾意人發癲(れいれい實際上都幾喪!w),但我覺得最基本嘅常識要有,尤其係呢啲簽名會其實都係”工作”。佢前輩們可以覺得好有趣,佢嘅fans可以覺得好可愛,其他ハロヲタ可以覺得汁汁令佢咁自由係好事,幫佢搵藉口話佢得15歲仲係小朋友… 但我最率直嘅感覺係佢過咗火。15歲?小朋友?我都唔想每一秒都拎めいちゃん出嚟講 – 佢上次簽名會讀message嘅時候有啲漢字唔識,今次就做曬對策先嚟。係呀,めいちゃん都係15歲。 Continue Reading

蝠仔all stars ranking 2021.3

好突然咁發現已經月尾,又突然發現今個月又除咗排名之外冇乜點寫blog。下個月目標係8 post。がんばる! No. メンバー グループ 変動 前回順位 最高順位 30 為永幸音 アンジュルム new new new 29 佐々木美玲 日向坂46 +1 30 29 28 与田祐希 乃木坂46 +1 29 12 27 北川莉央 モーニング娘。’21 ±0 27 27 26 小田さくら モーニング娘。’21 ±0 26 11 25 一岡伶奈 CHICA#TETSU ±0 25 23 24 大園桃子 乃木坂46 ±0 24 17 23 遠藤さくら 乃木坂46 ±0 23… Continue Reading

#こぶし伝説 #こぶし330 から1年。

こぶし散解一年,老實講我仲係未完全接受到。呃,應該話,仲係有啲模糊。 蝠依然係每日聽こぶし啲歌,睇こぶし嘅影片,房間每一個方向都擺放住こぶし嘅精品。某程度喺蝠嘅世界入面,こぶし仍然好鮮明咁存在緊。 無觀客嘅last live令到休止符發揮唔到作用,個感覺就係唔知係咪真係解散咗?現實味好低。加上因為疫情關係令現役嗰班都少咗好多發售同活動,呢樣嘢令到冇咗こぶし同其他group少咗/冇咗活動分別唔大,解散咗嘅感覺更低… 唯一令我有「こぶし已經解散咗」嘅感覺係れいれい喺汁汁嘅活動。但除咗かりん個卒コン之外,hello con呀the ballad嗰啲拆散曬,れいれいis汁汁嘅感覺又唔係好強,個腦要避其實又唔係太難w 講來講去蝠都係想逃避現實。呢個亦係我睇汁汁唔會留意れいれい嘅原因。 不過咁啱尋晚睇咗汁汁個新MV… 加埋330一年嘅呢個timing… err… 有少少清醒咗。之前蝠腦要拗live點都有得拗(當佢係嘉賓又好,當佢代役又得XD),但喺蝠嘅認知入面,MV好代表個group,雖然MV之前都試過有代役,但兩個MVれいれい都咁main我個腦已經處理唔到。 Oh, れいれい係Juice=Juice,こぶし已經散解咗。←呢個message而家先開始響(遲w 解散咗足一年,はまちゃん同包包而家都有各自各嘅活動,或者真係係時候接受(好遲w 但無論如何こぶし依然係我最愛嘅group,呢個唔會變。 こぶし伝説1周年おめでとう。ありがとう。 Continue Reading

蝠仔all stars ranking 2021.2

同排名冇乜關係,但今個月中高木嘅突然脫退都講兩句啦。講真對我嚟講就冇乜直接嘅影響,但係因為佢影響咗汁汁令到我間接受到影響。本來3月尾出嘅汁汁single推到4月尾,本來個人已經好dry架啦,啲雨又遲一個月到,唉,真係有少少唔開心。但single因為「制作上趕唔切」而推遲令我覺得唱嘅solo part甚至MV都有可能重新制作(唔重拍都重剪),以一個仆街諗嘅嘢係 – 剩返落嚟嘅members嘅solo parts可能會多咗… 呢一點有少少少少嘅暗喜。當然我最希望嘅係乜事都冇發生過隻single如期出,但事情已經發生咗,就想喺唔開心之中尋一點喜悅。 以下單純係我個人嘅諗法… 以高木喺ハロプロ嘅地位(好多fans講嘅所謂”功績”),如果件事穿咗高木係選擇同個男仔分手留低嘅話,我覺得事務所都唔會一刀切(maybe休止一陣避下風頭之後回歸之類。事實上N年前夏焼雅都有出現過男性問題,死口唔認咁帶過咗wwww)。所以高木應該係㨂咗離開… 如果係咁嘅話,作為一個人(喂)嚟講,我祝佢幸福快樂架!但作為ハロヲタ(+唔係佢嘅fans)嚟講… 就對佢咁樣做對汁汁嘅打擊有少少失望咁囉。 蝠一向都覺得idol戀愛禁止好唔合理架。I mean, idol係份工,私生活其實唔應該加埋落去。member仲細嘅時候的確理應管下,但成年咗(跟返日本20歲計)嘅member我個人覺得可以解禁。佢對自己做嘅嘢負責咪得囉。當然我都知有fans會因為member「成為咗人哋嘅嘢(人)」而唔再支持… 如果你問我,呢啲邊係愛呀!真係鍾意佢唔會因為佢變咗人地個女朋友就變成唔鍾意囉… 不過而家個trend仲係咁樣又未有能力去改變條rule嘅時候咪要守囉。講近啲,你去見分工,簽約嗰時講明係唔可以做兼職,咁你偷偷地去做,發現咗公司有權炒你我覺得合理,不過唔代表我覺得兼職禁止係合理。只係不幸地有呢條rule,咁對你嚟講係份工重要定係份兼職重要啫,講到底咪係取捨囉。 蝠嘛~ 而家自由身嘅浜浦さん要戀愛我都全力支持架!嘻♡ No. メンバー グループ 変動 前回順位 最高順位 30 佐々木美玲 日向坂46 return return 30 29 与田祐希 乃木坂46 ±0 29 12 28 高瀬くるみ 雨ノ森 川海 -3 25 25 27 北川莉央 モーニング娘。’21 ±0 27 27 26 小田さくら モーニング娘。’21 -2 24 11 25… Continue Reading

みなみなのむのむ。

去年今日,蝠喺マイナビblitz赤坂同のむちゃん慶生仲記憶猶新,原來已經過咗1年。可能當時同こぶし嘅每一次都係「最後」,記憶嘅印刷特別鮮明。 今日21歲嘅のむちゃん。HAPPY BIRTHDAYYYYYY!! 330之後完全唔見咗人嘅のむちゃん,講真… 真係好掛住佢。間唔中喺其他人(はまちゃん、あやぱん)口中知道佢少少消息,知道佢生活愉快又依然冇變,就會不其然心情變好。不過都希望佢露下面… 雖然覺得仲有排等。 のむ話解散後佢會先去留學,返嚟再返藝能界。はまちゃん都話佢讀緊英文,仲話のむちゃん話自己講得兩嘴w COVID-19大概令佢嘅plan有變,但一向話咗做就會做嘅のむ一定會去留學,但返嚟之後會唔會再出現我覺得未必。私心想見佢,但somehow覺得佢未必有回到幕前嘅執著。 無論如何,作為こぶし組(現役!)蝠只希望のむちゃん開心健康,同埋做到佢想做嘅嘢! Love you, のむちゃん!Happy Birthday!! Continue Reading