mo娘年表??

响我諗緊今日要寫咩嘅時候, 一位朋友仔間接俾咗個idea我, 咁是事我就決定講下我最花時間嘅野 – morning娘啦.

首先要講下, mo娘同其他組合最大嘅唔同, 就係佢唔會有固定嘅成員. 佢地會有新血加入, 亦都會有舊人離開(佢地稱之為”畢業”). 所以大家可以將mo娘理解成一間”學校”, 新生加入, 舊生學滿師之後畢業 (當然, 為保持人氣, 有好多時都會有d叻人好耐都唔走). 大大話話, 而家都增咗6次員, 而家暫時最新最細係第7期成員. (其實第8期選拔已經進入最後階段, 12月10號就會有新成員加入…. 完全唔期待中…. )

好啦, 講咗個背景, 而家係時候講下d人啦. 由於佢地轉人轉得太多太快, 有d唔係跟死佢地嘅fans都會”跟甩”. 正常嘅, 係我呢d咁嘅”全職”先跟得咁足. 咁就先講一講而家在籍嘅成員先啦.

現時mo娘有8位成員, 已經無晒第1期(即初期)成員架啦. 而家係由4, 5, 6, 7期成員組成:

後排 (左到右):
吉澤ひとみ (Yoshizawa Hitomi) – 1985年4月12日出生 (21歲) – 4期成員&現時隊長 
藤本美貴 (Fujimoto Miki) – 1985年2月26日出生 (21歲) – 6期成員&副隊長
亀井絵里 (Kamei Eri) – 1988年12月23日出生 (17歲) – 6期成員
高橋愛 (Takahashi Ai) – 1986年9月14日出生 (20歲) – 5期成員

前排 (左到右):
新垣里沙 (Niigaki Risa) – 1988年10月20日出生 (18歲) – 5期成員
久住小春 (Kusumi Koharu) – 1992年7月15日出生 (14歲) – 7期成員
田中れいな (Tanaka Reina) – 1989年11月11日出生 (17歲) – 6期成員
道重さゆみ (Michishige Sayumi) – 1989年7月13日出生 (17歲) – 6期成員

mo娘歷年來有過22位成員, 初期5個, 2期3個, 3期1個, 4期4個, 5期4個, 6期4個, 7期1個. 最少成員在藉係5個, 最多係16個. 以下係已經畢咗業嘅成員:

1期: 中澤裕子、石黒彩、飯田圭織、安倍なつみ、福田明日香
2期: 保田圭、矢口真里、市井沙耶香
3期: 後藤真希
4期: 石川梨華、辻希美、加護亜依
5期: 紺野あさ美、小川麻琴

 而家等我列個表比大家睇吓啦. (呢d都係我記憶中嘅野, 有d日期唔記得咗, 剩係記得個月份)

1997年9月 –  組成. 第1期5位成員
1998年1月 – 出道
1998年5月3日 – 第2期3位成員加入 (總人數8名)
1999年4月 – 第1期成員福田明日香退出 (總人數7名)
1999年8月22日 – 第3期成員後藤真希加入 (總人數8名)
2000年1月 – 第1 期成員石黑彩退出 (總人數7名)
2000年4月 – 第4期4位成員加入 (總人數11名)
2000年5月 – 第2期成員市井沙耶香退出 (總人數10名)
2001年4月 – 第1期成員中澤裕子畢業 (總人數9名)
2001年8月26日 – 第5期4位成員加入 (總人數13名)
2002年9月23日 – 第3期成員後藤真希畢業 (總人數12名)
2003年1月19日 – 第6期4位成員加入 (總人數16名)
2003年5月5日 – 第2期成員保田圭畢業 (總人數15名)
2004年1月 – 第1期成員安倍なつみ畢業 (總人數14名)
2004年8月1日 – 第4期成員辻希美、加護亜依畢業 (總人數12名)
2005年1月 – 第1期成員飯田圭織畢業 (總人數11名)
2005年4月 – 第2期成員矢口真里退出 (總人數10名)
2005年5月 – 第7期成員久住小春加入 (總人數11名)
2005年5月7日 – 第4期成員石川梨華畢業 (總人數10名)
2006年7月23日 – 第5期成員紺野あさ美畢業 (總人數9名)
2006年8月27日 – 第5期成員小川麻琴畢業 (總人數8名)

就係咁, 兜兜轉轉, 而家就有8位成員啦. 出咗31隻細碟, 大約10隻大碟, 同好多隻dvd…

而我就係2001年1月開始鐘意mo娘, 開始嘅時候鐘意第4期嘅加護亜依, 之後鐘意第2期嘅矢口真里, 2001年8月28號(第5期加入後2日)開始鐘意愛妹, 就一直到而家啦. 由於2001年前嘅事我唔係自己親身經歷, 所以好多都唔記得日子. 但係後期嘅大部份都記得架啦~

其實關於mo娘, 我仲可以有好多野講, 但係今次太長啦, 留返有緣再講啦!!

Share on FacebookShare on Google+Tweet about this on Twitter

10 Responses to mo娘年表??

  1. 嘩…….果然係唔可以睇少…..你嘅才能…..你可以幫佢哋寫埋biography都得喎 咁我又講我識得邊幾個啦 第1期:安倍なつみ、福田明日香 第2期:矢口真里、市井沙耶香 第3期: 後藤真希 4期: 冇個識 5期: 紺野あさ美 跟住落去果期都剩係識得一個:你個至愛”高橋愛”囉

  2. 以前我記得晒d日期架… 而家… 同愛妹有關就記得lor~ 得架~ 我諗住下次寫佢地出過嘅細碟~ 同埋而家寫到high high地, 想寫埋berryz添呀~ 哈哈. 但係你… 你… 你竟然唔識石川梨華!!!!!  佢係繼安倍之後最廣為人知嘅成員黎wor~ 咦~ 好好奇想知道, 你點識紺野あさ美?? 我個愛妹都係5期架~ 其實我最有感情就係5期. 好似睇住佢地大咁. 5期阿Nini (新垣里沙) 就係我mo娘入面嘅第二最愛啦~

  3. 唔駛好奇…其實之前唔係唔識你個愛妹嘅,只係後來太忙,到咗第3期之後果啲就冇乜點留意喇,搞到最後有唔記得咗佢邊個打邊個啫 至於你話紺野あさ美,我識得佢個名唔出奇吖,因為我不嬲都”崇日”,我以前好鐘意留意啲日本嘢架,但係近呢幾年就少咗咯,至於mo娘咁出名,我梗有留意啦,不過樣就…見到就應該記得嘅

  4. … 佢都畢咗業lu, 算啦~ 唔洗記啦~ 要記就記下d新人啦. 哈哈哈 講開佢畢業… 係今年7月, 本來我都好想去睇佢個畢業concert, 但係時間唔夾, 睇咗就去唔到睇愛妹主演嘅舞台劇(8月果個). 所以唯有放棄最後一次見konkon(紺野あさ美)嘅機會啦~ 後來睇返dvd, 都好慶幸無去到睇 – 因為個concert (除咗佢嘅”畢業典禮”之外)實在太差啦…!

  5. 吓? 去下lor, 有錢果時… 但係就唔好好似我咁無啦啦無事都去lor… 有野睇先去啦~ 你儲定錢等佢開concert你去咪得lor~!! 不過記住, 你要買到好飛, 係要付上好大代價… 呢個係一個買過第2行中間位炒飛嘅人嘅忠告… 愛妹我諗你想唔記得都好難lor… 雖然呢排我個msn係用雅ちゃん張相, 但係好快又會變返愛妹架啦…

  6. 我都諗過儲錢去架,但係去一次成皮幾兩皮嘢,我諗要去到都要等幾年咯 ,同埋黃牛飛咁貴,我諗我都係要儲半個月唔食飯先買到 至於愛妹喇喎,估到你會咁講啦……我家陣發夢都記得佢呀 …唔記得佢,絕對係冇可能嘅(唔係剩係因為你成日提嘅,其實佢又的確係幾attractive嘅 )

  7. 唔食飯儲半個月, 咁你食飯儲一個月lor… 加油加油… 我而家都唔知幾時可以再見到愛妹, 個心都不知幾難頂…. 我睇我嘅最後一場舞台劇, 喊到收唔到聲, 一路由新宿個劇院喊到返酒店(响池袋)… 好yeah~ 愛妹萬歲~~~!!

Leave a reply


Optionally add an image (JPEG only)