×ゲーム小說

用多大約一日半睇晒×ゲーム(懲罰遊戲)嘅小說版。
呢本小說都算係幾易睇。同埋情節鋪排上都幾緊張。可能係我本身想像力都算係幾豐富果隻,所以睇到後半係有幾part都睇到個心有啲離。同埋就係有幾part真係大叫好痛同埋好核突。

由於我係因為はるごん做呢套電影而去睇呢本小說,所以少不免會比較留意佢做嘅角色。不過好可惜,我睇完小說版之後可以斷言,小說版同電影版幾乎係兩個唔同嘅故事!

我個人覺得,電影版只係借用咗小說嘅concept,outline,同埋部分人名。除此之外,好多野都唔同。睇咗小說係完全俾唔到電影版嘅感覺你!所以如果你好似我咁想企圖响小說中預先知道電影講乜咁就請你放棄吧,一定會失望~

講多少少。
首先,はるごん飾演嘅角色「小泉智絵」。佢响小說入面係唔存在嘅。不過,「小泉智絵」呢個名應該係由小說中嘅兩個虚擬角色「イズミ」同「チエ」而黎。書中イズミ同チエ係主角嘅網友,但係其實都係變態殺人虐待狂蕪木毬子為咗匿名接近主角而扮出黎嘅人物。即係話如果電影係跟足原著,はるごん就連出現嘅機會都無!><;好彩唔跟原著… 電影中嘅小泉智絵係主角嘅小學同學,而且似乎幾鍾意主角。戲入面佢同あやりん飾演嘅明神理香子唔啱,大家都好憎對方… 另外,智絵係電影版入面唯一玩咗懲罰遊戲嘅女仔。唉,見到佢成身血個幕,真係唔忍心睇落去… 好痛><!

跟住就係あやりん飾演嘅女朋友「明神理香子」。理香子响書入面係一個大大大大大配角。書中嘅理香子就係一個女朋友。幾乎係無人物設定,就只係一個好普通嘅女朋友。仲有一點就係,佢响書入面可以話係一個受害者。佢因為主角而被卷入今次嘅事件。佢有被逼玩懲罰遊戲,被人淋墨汁同埋淋甴曱。睇到我周身痕==;電影版入面嘅理香子應該無玩懲罰遊戲。又好彩… 如果要あやりん拍呢啲我諗我會大叫唔好。はるごん飾演嘅智絵要玩,我已經心痛到爆架啦!あやりん都要玩埋我諗我個心臟會頂唔住…

其實包括理香子在內嘅所有角色都幾乎係零人設。舊同學就係舊同學,老師就係老師,刑警就係刑警。除咗主角嘅小久保英明同蕪木毬子之外,讀者係唔會睇到任何「性格」。究竟係作者想強調主角嘅性格,定係根本就無打算做其他人設咁我就唔知啦。但係由於我自己寫故仔嘅時候係比較著重嘅人設上面,所以我睇呢本小說就硬係有少少覺得唔滿足。我自己鍾意設好晒幾乎所有登場人物嘅性格背景,先再諗故事可以點發展。但係作者山田悠介就明顯係set好晒個故仔先諗人設,甚至係唔做人設。嗯,呢方面係無話邊樣好啲嘅,我覺得係個人喜好囉。

講返套戲。
好明顯而家係借咗山田悠介原著嘅concept,之後幾乎係從頭作過個故仔。電影版嘅人設好明顯係有深思熟慮過。每個角色都有性格,有背景。而且一路响戲入面慢慢轉變。Yeah!好好呀!我就係鍾意睇呢啲之嘛!Character Development嘛!就快上畫嘅「懲罰遊戲」,個公式網站開始多野睇。預告片果啲,越睇就越覺得理香子有古怪…

睇完小說,更加期待電影版。麻煩快啲出Blu-ray!

http://www.x-game.jp/

Share on FacebookShare on Google+Tweet about this on Twitter

4 Responses to ×ゲーム小說

Leave a reply


Optionally add an image (JPEG only)