從SKE48學會的AKB48

一連兩集嘅「從○○48××的○○48」系列!尋日講咗我由迷AKB48變咗迷SKE48。
今日要講嘅,係通過SKE48令我調返轉認識更多關於AKB48嘅野。

尋日講咗啦,其實由我2009年10月迷上48系,到我2010年1月正式轉戰SKE48,扣埋啲頭頭尾尾,我真正投入响AKB48入面只有大約2個月。(當然,我而家都好鍾意AKB48,亦都跟緊佢地嘅野,但係主力放响邊度,始終會有啲分別)

所以細心嘅blog友應該會發現,其實我對AKB48嘅劇場公演歌唔係太熟悉。上次去睇AX我就特別覺得呢個問題好嚴重。因為一出劇場嘅公演歌,我幾乎都係唔識嘅。就算係有啲覺得有點耳熟,但都係聽過一兩次咁。有啲一出啲fans就會尖叫嘅名曲,除咗我响AKB48入面最愛嘅teamB嘅歌之外,好多我都係一頭霧水。但係歷年咁多公演歌,要我spare啲時間去逐一重溫嘅話,對我係有啲難度。因為我專攻SKE48嘛,有時間其實都想用黎睇SKE48啦…

但係有一個都既有效又舒服嘅方法,就係通過SKE48去學識AKB48嘅歌啦!

就响SKE48出咗無幾耐嘅演唱會DVD入面,我就好感受到呢樣野啦。因為佢地唱咗啲我之前唔係好留意嘅AKB48公演歌。

例如一開場就唱嘅「ガラスの I LOVE YOU」。

有無blog友可以話我知係咩team第幾公演嘅歌呢?今次SKE48由須田亜香里,平田璃香子,小野晴香,古川愛李四個唱。我覺得首歌好可愛呀!

另外就係桑原みずき同加藤るみ唱嘅「となりのバナナ」。

呢首我都好鍾意!るみ好cute呀!!佢著咗嗰set衫,真係好似幼稚園生==;哈哈。呢首我都唔知original係咩team咩公演==;

仲有就係高柳明音,高田志織,佐藤聖羅三個唱嘅「Bird」!

嗱!!呢首我有印象呀!我記得見過高橋唱!所以我估係teamA嘅歌?但係其實都係因為明音成日提住我先响AX2011留意到高橋唱(企佢後面係咩人我都唔知呢==;)。

至於矢神久美唱嘅「虫のバラード」我第一次睇嘅時候係呆咗嘅。

因為我知呢首歌嘅原唱係秋元才加!(又係啱啱嘅AX知道==;)估唔到久美一個人perform呢首咁「憤青」嘅歌!比起原唱者,佢當然唔太夠power。不過我個人都幾鍾意,可能係新鮮,又可能係我偏心SKE48(笑)久美真係可以幾型!

松井玲奈+小木曽汐莉+松本梨奈唱嘅「愛しさのdefense」都幾好聽。但係有感玲奈再唱呢類型嘅歌恐怕真係會被定型… 成日俾人話佢就黎死。呵呵。

以上係Disc1昼公演我之前唔識or唔熟,但係而家有咗印象嘅歌!!另外佢地都唱咗其他AKB48嘅公演歌,例如係「禁じられた2人」同「おしべとめしべと夜の蝶々」。但係呢兩隻歌我一早就識啦!(懶叻!)當中「禁じられた2人」嘅JCB演唱會係令我愛上由紀嘅一大原因!

以下就係Disc2夜公演嘅歌。
優子成日話佢好鍾意嘅「背中から抱きしめて」,我好似… 第一次聽?(可能之前聽咗但係零印象)。

SKE48版由高柳明音,石田安奈,向田茉夏,古川愛李,斉藤真木子,松本梨奈,山田澪花七個人唱。原版係咪都係七個人唱架呢?係咩team嘅歌呢?

有一首歌我鍾意到不得了,就係「あなたとクリスマスイブ」。

呢首歌我覺得係AKB48嘅歌黎嘅但係我so far只係聽過SKE48嘅版本。係由出口陽同佐藤実絵子兩個唱嘅。好聽!好聽!好聽啊!!

以上我提過嘅八首AKB48嘅歌,响我個腦入面都幾乎只有SKE48版。但係通過SKE48而學會AKB48嘅歌,我覺得都唔錯吖?

(呵呵,有無留意到我呢個blog寫嘅SKE48成員名全部都係全名?因為我嘅SKE48全員制覇大作戦!實行緊啦!!)

追伸:尋日講嘅マジすか学園2,真係延咗期!而家定咗4月15號做,大家留意啦!

Share on FacebookShare on Google+Tweet about this on Twitter

10 Responses to 從SKE48學會的AKB48

    • H公演啊==;難怪我零印象了… 原來你鍾意えれぴょん… 咁佢畢業時你咪好傷心囉?

  1. 呵呵 ~~ 又是叔叔同妳上堂的時間了!
    「あなたとクリスマスイブ」是 A1 「 PARTY が始まるよ」 的歌,原唱由兩位頗有人氣的畢業生「 星野みちる 、 折井あゆ み 」合唱。 ( 我個人很喜歡 星野みちる 那溫柔的歌聲。 )
    而「ガラスの I LOVE YOU 」就係 A2 公演歌,不過我最有印像是「忘年感謝祭」那場的洗牌演出,因為是由小野、麻友友、愛佳同藤江唱,麻麻友穿上那條紛紅裙,真的超級合襯,可愛死了!說起來,我好像就是因為看了這場演唱會的這首歌,而真真正正愛上麻友友的。
    「虫のバラード」就係 K5 公演歌,除了妳所知的矢神版外,還有 AKB 的三大隊長版 ( 即高橋南、秋元才加和柏木由紀 ) ,三個隊長的版本各有特色,建議妳找來看看。
    「背中から抱きしめて」都是 A2 公演歌,是七個唱的。這首我一般,沒特別感覺,因為這首歌的短版真的很短,感覺一下子就沒有了,怪怪的。
    「 Bird 」就是 A3 的公演歌,雖然是三人合唱,但一般已把它定為高橋的名曲,其地位等同「泣きながら微笑んで」於優子一樣。
    「愛しさの defense 」就是 H1 的歌,不過妳知「 H 」代表甚麼嗎?不是色情哦!
    「 H 」是指 由 Team A 以及 Team K 成員組成「向日葵組 ( ひまわり組 ) 」。
    這組合曾經出現一段短時間,目的是把人氣成員組成一軍,次要成員組成二軍,因那時尚未有研究生做 UG 的關係, A 與 K 做同一公演的話,那便可以互相替補 ( 此乃目的之一 ) ,另外還有一些門面說話,例如說混合成員或許可尋找更多可能性等等……
    而「となりのバナナ」就是 H2 公演歌,巧合的是,我對這首最有印象的都是「忘年感謝祭」這演唱會,因為 Unit 是由大堀惠與野呂佳代合唱的玩野版,看到我有點傻眼了,所以印象深刻。
    好了,課上到這裡,還有甚麼疑問嗎?

    • 謝謝老師~太感動了,有謎團解開嘅感覺! 「虫のバラード」嘅各大版本我啱啱睇過晒啦~(感謝呢個世界有youtube)唔計原來嘅秋元版,我似乎都係最鍾意矢神版。唔係偏心SKE喔!係有理由架!首先我好鍾意秋元同矢神嗰幾下「反音」(還是叫裏声?)就係: 「傷つくことを 恐れてはいない」嘅「おそれ」個「お」音, 「 ちっぽけな ちっぽけな俺は 」 嘅「おれ」個「お」音, 第二段嘅
      「傷つくことを 恐れてはいない」個「 は 」嗰吓聲。 呢幾下音我覺得好好聽啊,但係高橋同由紀版本入面我唔覺有(聽歌好奄尖嘅小蝠)。高橋同由紀個feel好唔同。由紀嗰個直頭係マジすか入面個ブラック個feel囉!佢一出黎,我响公司大叫「 ブラック 」!!哈哈。 H公演我有聽過,但係既唔知來歷亦無睇過。原來啲歌都幾好聽啊!你提咗幾次嘅 「忘年感謝祭」,係咪就係响JCB Hall嗰個? 由紀同小野唱「禁じられた2人」嗰個嗎? 至於「あなたとクリスマスイブ」 … 既然無咗原唱者~咁我就繼續睇SKE版好了! 你真係好勁呀~見到首歌就知咩人唱,咩team,咩公演!!佩服!m(_ _)m

  2. 對!就是在JCB舉行的「 忘年感謝祭」,說起來,我當初其實有很多歌都是從這個演唱會開始認識的。
    其實我都未至於很熟,甚麼team或甚麼公演都勉強記得,但甚麼人唱就不是那首都記得了!好像 「愛しさの defense 」我其實都記不起原唱是誰,只記得有板野。
    H公演真的有不少好歌,好似「RUN RUN RUN、竹內先輩、春青の稻妻」我都好喜歡, H1是 「僕の太陽」, H2是 「夢を死なせるわけにいかない」,有空就找來看看吧!

    • JCB個演唱會我好鍾意呀~敦子+陽菜嗰首,好搞笑呢… 名曲!名曲! 原來玲奈最愛嘅「 竹內先輩 」都係H公演啊!?!強呀!唔知有無人重做呢啲公演呢~?而家睇返以前啲公演好似怪怪地咁… 哈!

Leave a reply


Optionally add an image (JPEG only)