[含劇透] マジすか学園2 (第2話)

今集一開場小蝠就笑到拍晒手。

雙胞胎都算啦,做乜要整三胞胎!!
總之,原來無鬼==;係優子前輩嘅兩個姊妹啫。佢地話優子死前一個星期聯絡佢地叫佢地搵敦子,原因不明。所以佢地就黎搵敦子,但係敦子又無返學。

老鼠仔同珠理奈搞晒全校啲人反吹奏樂部。班烤肉隊即時用漫畫做避彈衣。

成班人要沖上吹奏樂部室之際,聽到令人毛骨悚然嘅笑聲。

今集叫中辛嘅ゲキカラ… ==;大佬啊,可唔可以唔好集集都改一改個名呢?

將個頭fing兩fing就由甘口變中辛再變激辛。由POP變返做ROCK。

fing完個頭可以髮型都變埋!喂勁啊!我都想學==;

Anyway,珠理奈恨打架恨到出晒面,難得ゲキカラ喪喪地,就梗係打返兩手先啦!但係真係只係打得兩手。

因為好快,就有人阻住晒。

响マジ女內鬨緊嘅時候,本來簽定咗和平條約嘅矢場久根嗰邊就四出搞事,仲搞埋ラッパッパ嘅人,一啲都唔放マジ女在眼內。

於是優子… 唔係,係優香同優希(笑)就出黎話無論幾想打,都要對咗外先。

原來矢場久根嗰邊嘅總長都畢咗業,TOP個位空咗出黎。三年生嘅三個人諗緊要邊個坐正嘅時候,佢地嘅二年生出踢館!

就係呢四個。

好型呀,菊地!!
最妙嘅對白係,SDN佐藤同佢講:「你就係嗰個退咗學之後又返翻黎嗰個?」
仲要個名叫Come Back。菊地,呢幕你型晒啦真係!

但係點解呢四個會咁勇出黎搞事?梗係有後台啦!!

シブヤ(Shibuya/渋谷)?!?!

唔只佢添呀… 佢仲帶埋ダンス(Dance)過檔!!久美啊~你做乜要入矢場!!

點解畢咗業嘅四天王之一嘅シブヤ會响度?佢唔係入咗IT公司做咩?唉~原來佢俾上司鬧,之後就打人兼唔撈!

正呀,如果我都可以咁就好啦…(怨念… 怨念…)

總之,シブヤ姐就過咗矢場,因為佢好憎前田,要打倒佢,打倒馬路須加!

下個星期好似好太獲… 老鼠仔都會出事?不會吧?

以下呢張無乜特別意思。只係小蝠覺得幾靚罷了。(I mean個天空)

明天,ゲキカラ專post。

Share on FacebookShare on Google+Tweet about this on Twitter

4 Responses to [含劇透] マジすか学園2 (第2話)

  1. W松井對決的確好唔夠喉, 等我期待左成個禮拜 -_- 發覺自己真係好鬼鍾意ネズミXセンター既場面, 見親佢地上天台談心都會覺得, 其實佢地係咪friend底架…? 係咪以前就識架啦..? 最好整番場センター義氣拯救ネズミ既戲wakakaka~~~ 不過今集有幕就真係好想skip, ネズミ 「つの字連合」個個動作, 好唔型囉.
    邊個打ネズミ打成咁 「逃げてください」又係同邊個講??  點解係「ください」? 今輯ネズミ多左戲份, 正~ 我暫時注意點會落係ネズミ, 敦子, 你繼續食下花先, 珠理奈, 你繼續打下散交先, 橫掂遲早個focus一定會去返你地度, 依家俾ネズミ出下場先啦 ^^
    等你聽日ゲキカラ專post

    • 夠架啦~咁快打得咁勁唔好嘛!!再打落去我會擔心了!哈哈。老鼠仔+珠理奈嗰啲天台scene,唔講以為係無間道XD 第二集有一幕我好鍾意但係無講到嘅,就係珠理奈想打ゲキカラ嘅時候老鼠仔出黎同佢擋咗佢。萌到大叫呀真係!正!! 你覺得啱,「つの字連合」我真係嘴到O埋==;睇第二次我已經skip咗嗰part。我唔太鍾意响呢套劇入面見到其他唔係AKB嘅人…

  2. 優子的回歸真係………橫豎都係, 不如叫總長做其中一個啦. 橫豎唔同胞唔知樣係唔奇怪的!(真係想總長出來哦. 佢上次好小戲………)
    今集ゲキカラ好正!雖然W松井對決的確唔夠, 但亦表現到ゲキカラ對優子的尊崇. 優子一向都有槍口對外的睇法. ゲキカラ知道矢久場攻過來, 情願向センター道歉, 都唔繼續打, 完全係繼承優子的宗旨!
    敦子繼續路人化!連指原都比佢多戲!究竟搞乜鬼……..但聽佢對白, 似乎佢變成咁, 同優子有極大關係!究竟發生乜事……..(話時話, 今次唔只手有血, 連面都有……….)
    估唔到涉谷會係呢種情況下回歸, 似乎上次被敦子一下KO, 令佢受好大打擊. 不過, 既然涉谷係呢種情況下回歸, 究竟其餘兩位前天皇和前副部長會否又再回歸呢……………尤其是SODA. 佢對優子的尊崇, 絕對不下於ゲキカラ, 佢不可能讓優子最在意的マジ女被入侵, 何況入侵者是涉谷!
    好想睇女皇的回歸哦………(上集最喜歡麻理子的演出, 真的帥到不行……)

    • 我都好想知たかみな會做啲咩角色… 唔係又係鬼呀? 今次ゲキカラ真係生性咗好多了~ 學樓下riri話齋,敦子遲早都會攞返晒啲focus,不如趁而家俾其他角色出多啲吧~不過我記得,佢第一集食花嘅時候塊面都有血架喎? 睇完SHIBUYA,SADO,BLACK將會有咩行動令我超期待!有睇上一輯嘅人呢輯真係會覺得好high!正呀!

Leave a reply


Optionally add an image (JPEG only)