こぶしファクトリー解散。

有留意開H!P嘅blog友們一定知道,尋晚こぶしファクトリー透過官網公佈佢哋將會喺今年3/30解散。広瀬、野村、浜浦會同時H!P畢業作個人發展,井上會留喺H!P,而和田將會引退。

好省略咁講就係包包上年年頭已經有畢業嘅念頭,但こぶし就得5個成員,而且佢哋係一隊缺一不可亦不能取替嘅group。佢哋已經建立咗自己咗空間,唔係隨便搵個人就可以頂上… 唔似而家H!P入面嘅其他group咁可以話增員就增員。佢哋嘅「こぶし就係呢5個人」感比當年汁汁嘅同等感覺更強更堅固。

於是當包包開始想鋪排人生嘅時候,經過好多考慮同成員之間嘅討論之後,佢哋做咗呢一個解散嘅決定。

尋晚睇咗呢個消息之後,作為現在為こぶし而活嘅蝠第一件事係… 去咗瞓覺XDDD

雖然瞓唔著,但係我唔想衝動地去結論任何嘢。

今朝起身,冷靜咗之後對こぶし嘅解散… 我係… positive嘅。當然我唔想佢哋就咁解散,我覺得太快咗啲,同埋こぶし而家個graph係x² (+ve) 狀態,我估唔到佢哋會喺呢個時候捨得放手。但換個角度睇,佢哋喺呢個timing放手,決意真係好強,所以我唔想將呢件事變成一件太negative嘅事。而且如果你問我,我寧願佢哋呢個形態解散,都唔想又增員又畢業,更加唔想將來見到面目全非嘅こぶしファクトリー。最起碼こぶし係喺最完全嘅形態完結… 我愛每一個階段嘅こぶし,8人、7人、6人、5人我都鍾意。

唔捨得?當然唔捨得。蝠由自己未有記憶就已經追星,咁多咁多咁多年,從來未試過有一個團令我咁愛。我愛こぶし,愛佢哋每一個,愛佢哋嘅互動,愛佢哋嘅活動,愛佢哋嘅作品,愛佢哋嘅音樂。我當然係想可以同佢哋嘅時間多一啲,想睇佢哋耐啲,想聽更多更多佢哋嘅歌,想睇佢哋繼續嘅進步同發展,想同佢哋去越來越大嘅演唱會場… 我甚至決定咗同佢哋去到武道館之前唔會再去武道館公演… 我係有信心佢哋一定會得,只係時間問題,而家只不過係佢哋冇俾呢一日出現。

但係我成日都話,做fans嘅最多都只係支持佢哋,無論你俾幾多愛幾多心機幾多金錢落去俾佢哋,都冇辦法對佢哋嘅人生負責。所以當佢哋做咗決定嘅時候,fans應該做嘅就係支持同鼓勵。はまちゃん今日出嘅blog入面有一句我睇到嘅時候喺我個心響得好大聲:

私は、こぶし組の笑顔が見たいんです。だから、悲しい顔をしないで。

嗰一刻明明喺條街度,但我真係忍唔住 😥 😥 。但既然係大佐嘅命令(?) 就只能遵命了~(攤手

蝠飯咗IDOL咁多年,好清楚一件事:離別嘅一日一定會來臨,而且往往比想像中更快。

所以我由成為こぶし組嘅嗰一秒開始,可以work around嘅情況下唔會放棄可以同佢哋共享嘅時間。我覺得我大致做到,特別係2018同2019呢兩年我對自己嘅wota活動冇後悔。我好多嘅第一次都係こぶし… 第一次live house,第一次簽名會… 第一次shop event… 第一次接到禮物… 第一次簽名寫真集… 第一次遠征… 第一次舞台制覇… 第一次被成員識認… 還有更多更多未能盡錄。

佢哋話2019年年頭就開始傾呢樣嘢,而家睇返轉頭,2019年佢哋咁多嘅好成績… hall con,豊洲PIT,2nd album,舞台… 可能都係刻意係留俾fans嘅禮物(雖然hall con係之前已決定),尤其係11月嘅舞台,對蝠嚟講真係冇嘢珍貴得過呢一次舞台。所以雖然真係好唔捨得,但與其為咗佢哋嘅解散喺度唔開心,不如同佢哋一齊笑住行埋最後呢兩個幾月。我唔想同こぶし嘅時光被眼淚浸濕。

I LOVE こぶしファクトリー!!!!!

PS. りーだー!音大合格おめでとう!!

Share on FacebookShare on Google+Tweet about this on Twitter

2 Responses to こぶしファクトリー解散。

  1. 蝠可以咁正面咁面對實在太好了><老實講之前有啲擔心….
    睇到個消息嗰時真係好驚訝,雖然我唔係成日留意こぶし,但係都覺得佢地19年成績唔錯,而家搞到鄉娘咁…
    希望成員同粉絲都好好享受埋餘下嘅時間!

    • 謝謝關心喔!
      我… 係被逼正面(^^;; 但其實我未必係自己講得咁開心w
      呢個消息… 影響咗我一個決定,係好定唔好,可能要等一段長時間先知,但我有希望係好嘅。
      都係嗰句啦,聽大佐話!

Leave a Reply to Ar Wo. Cancel reply


Optionally add an image (JPEG only)