Hello! Project歌曲ranking TOP36 2019

2013年:http://applebat.com/?p=9931
2014年:http://applebat.com/?p=13279
2017年:http://applebat.com/?p=16532
2018年:http://applebat.com/?p=16532

2019年版〜♪ 沿用嗰條會移動嘅rule:今年就移到2016~目前所有已出碟或配信嘅歌,減去舞台劇曲。話說減咗咁多年舞台劇曲… 係時候寫返一篇係for舞台劇曲啦!

no.36 人生Blues/モーニング娘。’19/2019
與其話好鍾意… 應該話首先蝠唔想leftout MM’19,而MM’19我仲有少少印象嘅係呢首勉強都有聽下嘅人生Blues。不過當然唔係唔鍾意,聽多咗都幾有feel㗎!雖然個MV我依然覺得奇奇怪怪咁。

no.35 Y字路の途中/モーニング娘。’18/2018
同上面有少少近似,都係唔係好特別鍾意又未係唔鍾意。最少MM’18嘅歌入面我最鍾意就係呢首Y字路。

no.34 ロマンスに目覚める妄想女子の歌/モーニング娘。’17/2017
仍然停留在MM’17… 嗰隻album係好聽嘅~ 呢首歌我雖然最近冇聽,但諗起都會覺得可愛♡

no.33 The Vision/モーニング娘。’16/2016
好surprise呢首歌上一次冇上到榜… 唔記得咗係咩原因(定係單純只係唔記得咗w)。不過我鍾意嘅係有どぅーさん唱嘅版本… well?佢唱得點係一回事,蝠就係鍾意有佢把聲。

no.32 若いんだし!/モーニング娘。’17/2017
情意結。

no.31 低温火傷/つばきファクトリー/2018
つばき… 都淨係得呢首XDDDD 我知我知… 佢哋出咗OK多新歌!我知我知… 佢哋出咗album!我知我知… 自己仲係未團式鍾意つばき。請問樹々ちゃん幾時返?

no.30 夢見た15年/アンジュルム/2019
好鍾意落ちサビ嗰段むろたん同かみこsolo!當然本身首歌都好聽,不過唔係特別標青囉。

no.29 君だけじゃないさ…friends(2018アコースティックVer.)/アンジュルム/2018
蝠就係鍾意慢歌。かみこ同むろ嗰段依然最愛!

no.28 夏将軍/アンジュルム/2018
第一次聽嘅時候覺得一般,但有段時間冇新歌,喺公司狂loop之後就覺得好正。好有勢嘅アンジュ。

no.27 邪魔しないで Here We Go!/モーニング娘。’17/2017
又係MM’17。哇啦啦。好似蝠講MM就只有’17。都唔係嘅~ 但嗰年啲歌我又真係好鍾意。呢首嘅ちぃ實在太正,無誤。

no.26 ハロー!ヒストリー/ハロプロ・オールスターズ/2018
雖然我唔係太鍾意こぶし嗰段詞… 佢哋有咁多嘢可以講,點解嗰段嘢咁九唔搭八?つばき嗰段話承傳前輩乜乜… こぶし都係factory好冇?不過都係鍾意呀,無計w

no.25 Good bye & Good luck!/Juice=Juice/2019
蝠唔係やなみんfans,但呢首佢嘅畢業歌我好鍾意♡ 個MV又睇得好開心!歌詞呢… 又好到位。

no.24 闇に抜け駆け/こぶしファクトリー/2017
本來以為自己唔係太鍾意JKニンジャカールズ啲歌,但每次聽到呢首歌都覺得好好聽(仲好好跳XDDD

no.23 恋は時に/モーニング娘。’17/2017
呢首歌除咗係有同どぅーさん嘅回憶之外,仲有少少私人回憶。唔係咩重大回憶,但成日聽住呢首歌嘅時期嘅心情、環境甚至氣味我每次聽呢首歌都會湧返出嚟。所以講真我唔係成日聽,因為唔係太鍾意成日回到過去,但呢首歌remain一首對蝠好重要嘅歌。

no.22 弩級のゴーサイン/モーニング娘。’17/2017
上年入top3嘅《弩級のゴーサイン》依然好鍾意,只不過最近真係好少聽MM…

no.21 帰りたくないな。/アンジュルム/2019
アンジュ今年隻album對我嚟講係… 炒炒地。唔係話好多歌都鍾意,唯獨係呢首一聽就好鍾意,一開頭和田さん把聲好正。

no.21 46億年LOVE/アンジュルム/2018
出嘅時候講真我唔係太大感覺,但又係好似《夏将軍》咁越聽越入耳。最愛かみこ嗰句「これしかないよ実際問題」。蝠好似次次聽都只係期待呢一句咁ww

no.20 ナミダイロノケツイ/アンジュルム/2017
アンジュ最高點係呢首… 本來最愛嘅交差点2015年已經跌出咗今年嘅範圍。呢首歌我覺得會再live聽到嘅機會好好好好好微,但真係好好聽… かみこ把聲(喂w

no.19 YEAH YEAH YEAH/ハロプロ・オールスターズ/2018
雖然人太大堆分薄咗我要睇嘅嘢,但首歌係好聽啊!同埋今次All Stars多次”優待”各團嘅leader呢個安排蝠暗暗地幾鍾意… 嘻。

no.18 残心/こぶしファクトリー/2016
album聽咗好鍾意之後… 第一次去こぶしlive聽咗… 最近一次去こぶしlive再聽… 淚目。當然個feel唔同曬,但依然係好好聽。但呢首歌蝠好似聽CD版,因為… 真係唔同曬。唔好誤會,蝠到而家都鍾意每一個階段嘅こぶし,只係聽過而家嘅版本之後返唔到轉頭(^^;;;

no.17 Goal〜明日はあっちだよ〜/Juice=Juice/2017
蝠第一首一聽鍾情嘅汁曲~ 不過好彩唔係最後一首。容許我好過份咁講一句:我鍾意album收錄嘅8人版多啲。

no.16 きっと私は/こぶしファクトリー/2018
呢首歌唔知點解幾唔開心都好聽到好突然開心幾分鐘,可以boost到mood嘅一首名曲!れいれい仲要咁可愛~

no.15 Oh No 懊悩/こぶしファクトリー/2019
Oh No♡ 但原來我成日唱住都只係得15。只能說最近太多歌鍾意,太多名曲!

no.14 これからだ!/こぶしファクトリー/2018
對蝠嚟講係可以放下心頭大石嘅一首歌。こぶし由谷底爬回來明確地同全世界講佢哋”由而家開始”嘅一首重要嘅歌。

no.13 禁断少女/Juice=Juice/2018
まなかちゃん幫我開咗汁汁度門之後第一件事蝠就去咗聽album,第一首pickup咗就係呢首歌。勁鍾意中間「yeah yeah yeah瞳合うだけで〜」嗰句~ 舞也易學又可愛♡

no.12 ふるさとの夢/かみいしなか かな/2017
かみこ把聲最強說!

no.11 25歳永遠説/Juice=Juice/2019
我唔敢話まなかちゃん睡顏嘅MV冇做嘢XD 但首歌真係越聽越好聽!我最近哼得最多就係嗰句「25歳〜永遠説〜♪」

no.10 微炭酸/Juice=Juice/2019
第一下boost起まなかちゃん嘅其實唔係舞台劇而係呢首歌嘅MV。而我想講如果有一個「一句phrase」嘅ranking,まなかちゃん嗰句「小さな声で」分分鐘係no.1。對我就係咁鍾意嗰句。不過除咗CD之外,已經冇可能聽得返。係好事嚟架!

no.9 辛夷の花/こぶしファクトリー/2016
蝠認知こぶし唱得嘅一首歌。亦係蝠開始鍾意包包嘅歌。唔洗講首歌仲要好好聽啦!

no.8 シンクロ。/Juice=Juice/2018
るーちゃん♪ るーちゃん♪ 首先我想講呢首歌嘅performance太太太可愛。かりんちゃん同まなかちゃん猜拳嗰度真心鍾意!不過講最入心入肺係るーちゃん嗰兩句solo… 真係真係真係太好聽!

no.7 五線譜のたすき/モーニング娘。’17/2017
又係’17,又係好耐冇聽!XDD 不過去卡拉OK都一定會唱。其實都幾掛住嗰個時候…

no.6 未熟半熟トロトロ/こぶしファクトリー/2016
之前係鍾意,而家係好鍾意。hall concert係兇手w

no. 5 明日テンキになあれ/こぶしファクトリー/2018
live一聽到會特別開心嘅歌,因為又可以「何回も!何回も」同「もう一回!もう一回!」XDD 呢首歌嘅氣氛真係好好。蝠對こぶし真係好大部份都建立係live之上。

no.4 シャララ!やれるはずさ/こぶしファクトリー/2017
同上(喂w
都係一首live好正嘅歌。好期待album嘅5人版。頂… 真係好期待orz

no.3 「ひとりで生きられそう」って それってねえ、褒めているの?/Juice=Juice/2019
都講咗太多次呢首係一聽鍾情,仲要係好鍾嗰隻。るる嘅落ちサビ…(倒 而且個MV太有feel~!今次隻舞我都激鍾意先最神奇呀!!

no.2 ハルウララ/こぶしファクトリー/2019
真心覺得ハルウララ超超超好聽>__< 個MV又靚!今年H!P啲歌so far真係… 好正。こぶし最高!

no.1 ナセバナル/こぶしファクトリー/2018
其實都考慮咗好耐no.1同no.2。最後ナセバナルno.1只係因為呢首係一聽就鍾意ハルウララ用咗幾分鐘(喂w

係咪… 好出奇冇BEYOOOOONDS呢!

咁嘅… 「已出碟歌曲」呢個資格係就係已經滿咗… 不過其實蝠未得閒聽XDDD 應該話… 睇曬MV但未有一首令我會撲去loop。well,BEYOOOONDS係新鮮嘅,迎新嘅fans會覺得好fresh嘅,但蝠要少少時間去get use to佢哋個style先XD 我鍾意BEYOOOONDS㗎!只係唔會因為貪新攬住佢哋嚟錫啫XDDD

以上!

PS. 同埋我係特登唔等こぶし隻album㗎!XDDD

Share on FacebookShare on Google+Tweet about this on Twitter

Leave a reply


Optionally add an image (JPEG only)