ザンビ #1

各位要小心損友(認真貌

剛好一個月前,蝠被人抓去睇ザンビ… 雖然套劇真係好爛,但同時又真係很毒。因為みおな&よだちゃん實在太可愛>__<

蝠已經睇完全曬套劇,現階段打算逐集寫(最少一星期寫一集嘅pace),但因為前段太爛了,如果寫到發現冇乜內容唔排除會有合集嘅出現。嘛,其實都主要係交代一下故事內容(有嗎?)、蝠個人感想(”投訴”)、貼圖、貼圖同貼圖(重要嘅事要說三遍!因為今集唔覺,但往後會以みおな同よだ中心亂貼圖w)

故事由一班寄宿學校女子由修學旅行回程嘅巴士開始。一幕就睇曬交友關係!勁!

途中發生咗數件不幸嘅事:第1係高速公路有意外佢地架巴士兜遠路,第2係巴士故障喺山邊跪低咗,第3係佢哋個老師個腦生喺個pat pat度。發生呢啲情況嘅時候!特別係全車都係女孩子嘅時候!唔該!全喺同我留喺車上面!我唔明佢老師做乜會叫啲學生去求救。WTF?!

一行人行到一半行雷準備落雨,同時又搵到條村。雖然喺村口よだちゃん飾演嘅甲斐聖(ひじり)感覺到唔妥,但佢應該知道講出嚟都根本冇人會理佢,為免被遺棄,只能跟住繼續行。呢個係第4個不幸。

山入面嘅村真係唔好亂入。亂入咗都唔好去敲門… 敲咗門冇人更加唔好自己開門走入去呀…!!朋友一早話咗睇呢套嘢會好忟,因為佢哋做嘅嘢太唔make sense。估唔到睇咗6分鐘已經反白眼n次orz 不過みおな飾演嘅諸積実乃梨(みのり)太可愛,又鬧佢唔落(?)

喺完全唔知內容嘅狀況情況下睇到呢度,其實蝠好有期待的。因為本身喜歡用「村子的習俗」做題材嘅故事,這正正就係!只不過九唔搭八嘅點太多,而且呢一集之後幾乎忘記咗條村囉!另外唔知邊個做編劇同剪片… 睇得出好想做啲伏線出嚟,但完全係求其掉咗出嚟就算。

入咗間吉屋避雨嘅佢哋坐坐下聽到有人唱歌,明明個個都好驚嘅…

然後突然之間就跳去咗第二朝,あすかちゃん飾演嘅山室楓(かえで)自己一個坐喺屋入面瞓咗。係喎,咁恐怖一定係瞓曬啦~ 啲同學朝早出曬去又會留低佢一個啦~!問題係佢唔係冇朋友嘛,咁冇義氣㗎咩?如果被留低嘅係ひじり我可以接受,但かえで咁樣被人留咗喺屋入面我個人覺得好唔make sense囉。成件事就係要佢solo出現,只因為佢係主角。Oh yeah!

最fun係佢醒咗行出去,成晚唔見人嘅「村民」突然出現… 點解要日抖白白出現呀!我覺得如果要古古怪怪嘅話,夜晚出現日抖冇曬人會唔會更有氣氛?Anyway,かえで去搵返啲同學嘅途中,遇上一個奇怪嘅記者。係~係~係~係~ 呢啲咁嘅story就係需要一個出嚟講背景嘅記者。

記者叔叔知道かえで迷路,就陪佢(?) 搵,嗰班人居然好似觀光咁orz

佢哋喺一個好似寺嘅前面,中間有一個祠,5邊有風車圍住。かえで見到個祠就走埋去睇,明明ひじり叫咗佢唔好orz

雖然佢無惡意,但唔知頭唔知路嘅嘢做咩要走埋去拜拜… 不過佢個friendあすみ更正!攞起埋隻風車… 咩事呀你哋!雖然套嘢佢哋學校係天主教啫… 都唔係咁百無禁忌呀?!

然後有個應該係村民嘅阿伯走出嚟趕佢哋走(好突然w),再然後個記者又好突然咁同かえで講呢條村叫「ザンビ村」…orz

不過更突然嘅係呢一幕之後直接跳咗返學校…(O_O) 冇交代佢啲點走,冇交代條村做乜… 乜都冇交代就跳咗返嚟… 總之就返咗嚟。然後唯一知道嗰條村叫咩名嘅かえで上網search… 居然搵到條介紹片。WTF?!邊個拍㗎?又邊個擺上網㗎?!不過總之かえで就知道咗「ザンビ」指嘅係生同死之間嘅一瞬(… 咁上下嘅嘢)

然後衝撃事實係有個白痴偷咗隻風車返嚟。究竟有乜咁靚要偷嘢… 我不懂… 我真的不懂orz

條友見隻風車冇風自己轉轉下… 之後唔知幾時邊度嚟咗隻嘢喺佢後面咬咗佢一嘢。かえで開始發現被咬嗰條友怪怪地,頭髮同指甲喺咁甩,照鏡仲會有一邊面走曬樣。

最funny係唔知點角かえで突然覺得事態嚴重,衝去拍佢個friend度門。更funny係,度門lock咗,但あすかちゃん咁嘅size撞幾下就開!\amazing/

衝到入去見到あすみ跳咗樓~ 但衝到落去屍都冇埋~

第1集就咁完咗。今集ひじり同みのり太少>__< 但少都可以少得可愛!!

蝠覺得個設定其實唔錯,只係故事發展好似好突然同埋啲剪接有少少差加阿主角零演技… 不過一邊鬧住嘅話都仲可以睇下去嘅程度!XDDD

Share on FacebookShare on Google+Tweet about this on Twitter

Leave a reply


Optionally add an image (JPEG only)