OTODAMA SEA STUDIO 2018 ~こぶし夏魂! ! ~

呢隻こぶしOTODAMA期待咗好耐,因為… 單純地係こぶし嘅live多數都唔出DVD,可惡到9/2嘅3周年特別live都唔出,難得有隻睇下,完全係撲過去。

首先將啲麻麻地嘅部份講咗先。今次隻DVD最大問題係,啲收音好差!!記憶中雖然OTODAMA係比正常live差啲啲,但係都未至於差成咁(O_O) 好似member騎唔住啲音樂咁… 今次真係對耳朵不太好嘅感覺。

另外member成日話OTODAMA個setlist好正… 應該咁講,比較特別係嘅,但係咪好正呢?我個人嚟睇就一般啦,覺得こぶし平時啲live個setlist仲正,感覺順啲,但OTODAMA嘅的確係好夏feel嘅setlist。

先來個《This is運命!》,聽聞こぶし喺H!P夏巡睇咗メロン記念日嘅原版之後改咗自己《This is運命!》嘅唱法… 但點解我唔覺嘅XDD anyway, 話說一開波頭兩首就《This is運命!》加《シャララ!やれるはずさ》罷明係要害命。唔講真係會以為係encore… 會死人㗎知嘛?!兩首都係跳到行㗎!成員都兩首完咗之後啲汗好似落雨咁(好彩蝠冇喺現場>_> 不然大概會被抬出去ww

之後係最近比較少見嘅《懸命ブルース》… 又好似唔係話好少見ww 蝠嘅感覺上冇乜邊首こぶ嘅歌我會覺得少聽咗ww 佢哋上年嘅巡迴live幾乎曬冷… 呢首歌後段有一句solo有人唔記得咗唱(個人覺得可能係のむ)… 今場OTODAMA算多happening… but again, 有happening先有live~!

三首之後突入member一人一首嘅solo,亦係蝠最期待又最失望嘅一段。選曲係正嘅!はまちゃん《夏ダカラ!》、さこ《蝉》、れいれい《Yeah!めっちゃホリディ》、のむちゃん《ドットビキニ》、あやぱん《GOOD BYE夏男》,但givenこぶし一般唱歌嘅穏定… 今次除咗阿包之外好似突顯唔到。

solo完咗冇停就《TEKI》。Err… 蝠愛《TEKI》嘅其中一個好大原因係れいれい後段唱嘅嗰一句「いい子にするからもう許して」但今次又好似唔係好夠勁。

下一首歌… 聽咗咁耐先知佢原來叫《さあ、早速盛り上げて 行こか~》XDD 我一直以為首歌叫「それが記念日」wwww 講緊係メロン記念日時代錯到今時今日XDD こぶ真係大量導入メロン記念日同Berryz工房啲歌… 嗱嗱嗱… 話口未完就嚟啦XDD

今次《マジ夏すぎる》前嘅MC成員不停「マジ!マジ」,全世界都知係咩歌啦XD 但勁在係Acappella~ 正呀!不過呢~ 如果長少少會更開心~

《マジ グッドチャンス サマー》開頭嘅讀白好正XDDD 首歌由電話響開始,member就指住fans話邊個唔關手機XDD こぶし喺live同fans嘅互動我之前覺得算多~ 不過最近發現一山還有一山高XDD anyway,蝠好鍾意呢句歌呀!こぶし唱勁可愛,尤其係はまちゃん把聲唱嘅首歌好啱聽呀真係!

《マジ グッドチャンス サマー》之後又進入戰鬥狀態。《本気ボンバー!!》→《サンバ!こぶしジャネイロ》→《バッチ来い青春!》… 淨係睇歌名啲感嘆號就知攰(喂w

就好似驚上面3首攰你唔死咁… 直駁《亀になれ!》… 呢首歌喺蝠字典入面係出最多汗嘅一首(O_O) 但真係好鍾意呢首歌… 首歌好聽唔在講,但因為初披露嗰日蝠喺現場,之後再去幾次こぶlive睇住呢首歌develop真係好正㗎!暫時只有live,冇CD化過… 不過蝠覺得CD化咗都唔會夠live正,唯一係會音源清啲。蝠特別鍾意はまれい一人一邊一人一句嗰度~ 激可愛♡

Encore出嚟~ 當然要唱返首新曲。預咗唔會有《ナセバナル》,所以咪就係《きっと私は》囉。都鍾意!

最後一首叫《夏》嘅歌… 個心忍唔住覺得whoever整呢個setlist係夾硬放曬H!P同夏天有關嘅歌入去ww 而且又係メロン記念日!一個咁短嘅live 3首係有幾愛?!

然後唔知係我太耐冇cap圖定係こぶし嘅live係高難度… cap得勁差… 同埋蝠箱推こぶし,慣咗all or nothing,搞到好多圖都係cap遠鏡全員… 張張都差唔多XDDD 後來要入去補返個人圖~

話說れいれい同さこ真係成日撞埋一齊>_> 上年X’mas Event蝠坐第一行左邊通道,佢兩個落台就喺我面前撞埋咗(^^;;; 都唔知俾埋反應佢兩個(^^;;; OTODAMA又撞。

總括嚟講~ こぶしlive係fun嘅!只係可能係我期待太高(?) 又可能我慣咗こぶし要現場,所以呢隻唔算係好盡興,但都係好睇嘅!

Share on FacebookShare on Google+Tweet about this on Twitter

Leave a reply


Optionally add an image (JPEG only)