4th!

こぶし4歲啦~!

當年睇住こぶし結成嘅時候,有邊個會諗到會8變5?不過又話分兩頭,idol嘅話,有邊個話得埋?

對こぶし嘅感覺呢,當初只係:はまちゃん終於出道啦!佢對蝠嚟講好似かりん咁,由細睇到大,亦喺研修期好長嘅研修生,係一個好驚佢捱唔到出道就自己放棄嘅人物之一。真係唔係對佢嘅能力冇信心,只係真係… 長得有啲過份。

而蝠對こぶし整體嘅第一切入點,well, as usual,又係舞台劇。一般嚟講,蝠睇舞台劇中箭機會好大,但講真week end survivor初睇真係… click唔到。首先個story設計係有趣嘅,但係個ending我第一次睇嘅時候有少少消化不良。而重點係,用呢個舞台劇嚟做introduction嘅話,我簡直覺得係最惡orz

i mean, 如果我本身係鍾意こぶし嘅,再睇呢套舞台劇(i.e 而家睇),我覺得係好睇嘅。但如果幾乎唔識佢哋嘅情況下,對佢哋嘅第一印象係嗰幾個角色嘅話,印象真係唔好得去邊。講白啲就係嗰套舞台劇嘅角色除咗はまちゃん演嘅NATSU之外全部都係仆街嚟嘅,借問聲咁嘅first impression點發展落去?

right,於是就係發展唔落去囉XDD こぶし嗰時對我嚟講,就只係「因為想睇はまちゃん」所以睇Hello! Con嘅時候唔skip佢哋程度。

到再重點留意佢哋,已經係《オラはにんきもの》出嘅時候。yes~因為蝠子以前有睇小新,首歌好熟嘅關係,所以好有興趣睇佢地唱成點,嗰下終於click中\(^O^)/

同年11月,こぶし出咗佢哋第一隻album,首《辛夷の花》大大大大大愛。係大大大大大愛呀!同時聽album嘅時候發現こぶし好唱得!其他歌好正!仲有佢哋cover咗℃-ute首《青春劇場》,完全被れいれい把聲搶走咗!不過咁啱嗰時又中咗かみこ,變咗アンジュこぶし兩邊跟,分薄咗。再加上どぅーさん宣怖畢業,俾こぶし嘅時間唔算好多,但佢哋每一次都俾到positive嘅感覺我。

《シャララ!やれるはずさ》我一聽就好鍾意,こぶし喺我心目中確立重要嘅地位,嗰時雖然未鍾意曬全部成員,但開始逐個入緊。

はまちゃん→れいれい→のむさん→あやぱん→さこ…→れなこ(注:さこ之後有 … 係因為由さこ到れなこ之間用咗比較長嘅時間)

去到呢個位嘅時候丼姐話畢業。個心只係「Oh!」咗一下,因為都未愛到佢XDD 但嗰時我已經係鍾意成隊こぶし,都有少少因為形態變咗而失落(?),但比失落更強嘅係擔心包包呢個leader,因為條友暗示佢有因為丼姐走而自責。但丼姐冇「畢業」,反而係「解雇」,呢個衝激更大。但嗰個只係こぶし向低潮出發嘅入口。嗰時蝠正開始鍾意れなこ,佢就喺丼姐之嘅冇耐「休養」,7人嘅こぶし幾乎只有6人活動。嗰時蝠都有勁去睇佢哋,好想れなこ快啲歸隊安定個團。可惜(?) 佢直接走埋,淨返6個。spiritual 7 個嘅時候,雖然實際上都係得6個活動,但たぐ感覺還OK,可能係佢有期待れなこ會返嚟。但係到真係得返6個嘅時候,たぐ嘅情緒、態度所有嘢都好有問題,嗰段短時間見到たぐ都覺得好淹悶XDDDD

有好多人都話而家呢5個人嘅こぶし係最好嘅,比8人7人6人嘅都好。有啲仲會直接話嗰3個走咗係好事,有啲甚至會話一開始呢5個仲好啦,以前嘅こぶし抹咗佢當睇唔到,甚至講到會避咗唔睇之前嘅こぶし。我個人感覺呢,係我都最鍾意而家嘅こぶし。我會追到而家咁迷到而家咁,會係因為こぶし係而家呢5個人。就係因為係呢5個人先做到而家こぶし做到嘅嘢。但係我覺得而家嘅こぶし有而家嘅feel,係因為有過之前嘅經驗同埋經歷,呢兩樣嘢無疑係因為有8人7人6人時代先建築到出嚟。major debut 3周年con嘅時候あやぱん講咗一樣嘢係同我想法一致嘅,就係無論係邊個時代嘅こぶし佢都愛。我喺佢講之前已經係咁諗,佢一講我個心感動咗一下,好高興佢地都係咁諗。有段時間可能係谷底,但絕對唔係黑歷史。8人7人6人嘅こぶし我都會睇,完全冇抗拒嘅感覺。

5人成功再出發再上軌道,而家走出一條新路,group感越來越突出。但呢一個group感其實唔係因為呢5個人「咁啱」夾調,而係當時處於所謂谷底時成員感受到嘅危險感令到佢哋不知不覺再團結起嚟,會為其他成員互補不足。利申先:呢句嘢唔係我講架,係leader講㗎XDD 不過我都係咁覺得啦。

話說有一件事我都幾深刻。以前嘅こぶし係一堆自由人(雖然而家都係),あやぱん反轉咗個飯盒,其他成員係完全冇行動冇諗住去救佢XDD 而家發現一個成員有麻煩,一定有其他成員(if not, 全員)出嚟幫拖。淨係呢個轉變可以睇到佢哋之間嘅絆真係比以前強到冇得比。

4歲嘅今日こぶし喺中野嘅Hello Con新曲發表… 《ハルウララ》… 真係好希望可以喺現場,too bad今年缺席>__< 希望快啲有得聽啦。

Happy Birthday!!

Share on FacebookShare on Google+Tweet about this on Twitter

Leave a reply


Optionally add an image (JPEG only)