フラリ銀座/自由な国だから

我絕對唔會話我唔記得咗訂隻SP啱啱先訂XDDD 不過由於而家H!P啲歌我全部都會買HiRes,所以實體碟全部都只係為儲而買。順便一提,蝠而家會買HiRes+實體碟嘅有MM、アンジュ同こぶ。至於汁汁同つば仲有產量唔多嘅カントリー都只會買HiRes。至於新嗰兩團… 暫時應該唔會出手住…。

Anyway,今日係MM嘅新Single《フラリ銀座/自由な国だから》。両A面+一隻additional track。

フラリ銀座

故意形造70年代(?) feel嘅呢首歌… 撇個PV唔講,呢種feel嘅歌本來應該唔係太係我杯tea,但事實上係聽聽下又幾順耳。但係其實呢首歌有少少耳熟… 因為唔知點解我聽住有時會pop到高橋愛個樣出嚟… 係咪以前MM有過呢個feel嘅歌呢?一時間又醒唔起… 呃,講返呢隻。歌曲其實幾得意,聽聽下會笑ww 因為好似睇住有個人喺銀座周圍逛又食下嘢咁樣。但我唯一嘅不滿係,我其實覺得呢首歌嘅style好夾よこやん嘅唱腔… 點解難得有首歌啱佢唱都唔俾多少少機會佢唱呢…?其實定係咁已經係「俾咗」呢?下面都會講,但歌唱班而家係咪太偏咗去某幾個member身上呢?有一期嘅MM(大概係玩殘咗りほ之後)嘅重點分佈得比較平均,我個人就幾鍾意嗰時嘅安排… 但どぅーさん畢業之後就又好似偏側返咁。

自由な国だから

好鍾意呢個封面… 一定唔係因為よこちぃ喺前面中間㗎!一定唔係㗎!ww 呢首歌就好有近代嘅MM感。但又唔知點解我pop咗田中れいな出嚟ww 今日蝠個腦有少少OG祭XDDD 首歌我覺得算好聽嘅,但蝠就… 一般般啦。本身MM嘅表題曲我都唔會太大期望,どぅーさん畢業嗰隻single嘅全曲大愛奇蹟又有幾何會發生?不過我會label咗首歌係MM嘅style,我都會聽得好開心(^^) 不過我有少少呢… 聽厭咗重ふくODAまー嘅歌… 即係我唔介意話佢地lead住唱歌嗰邊真係(除咗まー之外)佢地係唱又好live又穩嘅… 但99%嘅solo都係佢哋3個玩曬我又唔係太keen… 好冇驚喜好冇變化… 另外嗰1%呢首歌嚟講好似係ちぇる?悲劇係蝠本身唔係太鍾意ちぇる嘅聲底… 唔嚴格嚟講即係成首歌嘅solo炒曬XDD 而家究竟係其他member真係handle唔到首歌定係staff想MM嘅”sound”變化唔好咁大去固定一個屬於MM嘅sound brand呢?可能我諗太多… 最後出嚟嘅原因可能只係順手… 做開咁就係咁…XDDD 澄清返:我好鍾意聽ふくちゃん同ODA把聲㗎,只係同時亦好想聽多啲其他member把聲…。

Y字路の途中【Additional Track】

今朝搭巴士返工第一次聽呢一隻碟、呢一首歌,第一印象係一開始ふくちゃん把聲超好聽… 聽到個人有好醉(←你確定唔係只係暈車浪?ww),然後聽落去1:45嘅まーちゃん超喪有feel啊!!最近蝠對麻煩耳朵會好自動咁去追ちぃ把聲,呢首係聽得最清楚佢把聲!雖然唔係「所以」,但今次3首歌入面我最最鍾意呢首。上面兩首,都會放入playlist,聽到正常唔會skip,但係呢首我係會想聽而聽,今日喺公司heavy rotate預定。歌詞又好正… 因為咁啱我自己都係企住咗喺Y字路,都有少少被鼓勵嘅感覺。不過我有件事要懺悔… 頭先喺度聽,心諗:「呢首歌咁特別嘅… 啲歌詞好似畢業歌咁,又唔係有人畢業…(腦海閃過どぅーさん)…(腦海閃過はーちん)… はーちゃん嗰時出就啱…(做咗其他嘢>>30分鐘後…)WAIT(O_O)!!はるなん畢業喎!原來真係畢業歌嚟㗎!!orz」… 最近個腦真係唔喺MM度… 哈!

Share on FacebookShare on Google+Tweet about this on Twitter

2 Responses to フラリ銀座/自由な国だから

Leave a reply


Optionally add an image (JPEG only)