H!P Best Voice 2018

蝠最近好努力喺度update之前寫過嘅各類排名w 今日先嚟一篇Best Voice!

上一次寫原來已經係2014年啦原來!4年日子,好多轉變啦,人又多咗呢又少咗人呢~ 又有人條喉嚨爛曬呢…(悲)

好,先講新勢力!而家蝠嘅絕對no.1聲線,係かみこ無誤!一點猶疑一點質疑都沒有!雖然而家かみこ係我嘅排名no.1,但絕對唔係因為排名而影響到呢個Best Voice嘅評價。more like係因為佢嘅Best Voice有份推佢上no.1。我已經講過唔只一次,かみこ蝠係由聲線入坑,仲越來越鍾意!本身佢把聲我已經鍾意,而家唱功仲越來越好。好慶幸Angerme嘅Voice Training無損かみこ嘅靚聲!啱啱鍾意佢嘅時候都有啲擔心ww 因為睇住まーちゃん把聲炒。當時蝠成日話如果H!P搞爛かみこ條喉嚨我會心灰意冷企唔返起身… 而家都係咁諗,只係冇咁擔心而已!

ODA!ODA喺呢幾年唱腔唔同咗,由佢自己都話之前不斷咁去模彷前輩嘅唱法,到慢慢摸索到自己嘅一套唱法,而家嘅ODA簡直係出神入化!我真係覺得佢好勁!而且冇咗啲作狀嘅唱法,ODA與身俱來嘅靚聲完全表現出嚟。而家蝠無論係佢講嘢定係唱歌,我都好enjoy聽佢把聲,可以一直聽一直聽嘅聲線… 人類中最治癒嘅聲線就係佢啦!(我覺得ww

講聲講唱唔講むろたん點得?むろ係攞嚟嗌嘅,我鍾意佢大聲唱嗰把聲,反而絲絲細唱我覺得佢把聲太刷存在唔係最舒服。不過講開嗌… るーちゃん嘅出現可能會將H!P嘅唱歌high power set去一個唔同嘅level…!之前我覺得むろ可能係最強,even though佢唔穩定(我成日都話佢唱大器晚成次次都係買大細XDD)。るーちゃん有佢嘅power(或者更勁)同時有佢冇嘅穩定。蝠好少聽或者睇汁汁,所以唔知佢咁多嘢,可能遲啲有機會認真聽下るーちゃん唱歌嘅時候會有驚天大發現w

然後到my dearちぃたん。ちぃたん把聲意外地有少少咁多多沙沙地,可能因為我聽どぅーさん聽到對少沙有情意結,雖然預設都係最鍾意玻璃聲(清徹、高尖),但沙沙哋而家俾到我一種難以形容嘅安心感(爆)。而事實上ちぃたん把聲係好聽㗎!不過我略嫌佢唱歌嘅時候我無意識地會有少少擔心… 佢唱高音真係唔係好到orz 同埋我覺得佢聲量都唔夠。我覺得比起カントリー嘅歌佢更適合唱MM啲歌。另外有少少mania嘅角度講,我好鍾意ちぃたん笑住講嘢時嗰把聲ww 冇留意嘅朋友不妨聽下,超可愛♡

講到玻璃聲,絕對唔可以唔提かりん。捱過咗出唔到聲嘅黑暗日子,かりん返嚟嗰把聲依然都係我最愛嘅佢把聲。真係心口嗰舊大石可以暫時放下。當年《ほたる祭りの日》同《最高視感度》かりん嗰把聲都仲聽得返!不過かりん而家唱歌會加調味料,可能係汁汁嘅歌種偏sexy,而家かりん唱歌會自然扭ww 最近又再聽返佢嗰次SOLO唱NEXT YOU嘅「大人の事情」,同かみこ同ちぃ比較,佢係好明顯幫首歌加咗料。

こぶし包包~ 而家嘅こぶし個個都唱得,簡直係無敵!但當中個人最鍾意係あやぱん把聲。一開始聽我唔覺得佢太特別,但聽熟咗之後佢把聲係有種吸引人嘅要素。加上佢由細就學唱歌,明顯地佢知道點運用自己把聲,好似かりん咁喺適當嘅時候佢可以加少少調味。另外可能有少少離題,但我好鍾意佢講嘢嘅語氣XD

現時蝠最期待發展嘅聲線,係ももな。自從聽咗最新嗰首《君だけじゃないさ…friends(2018アコースティックver.)》佢喺後段嗰首SOLO之後,我對ももな把聲產生咗無限嘅期待,原來ももな把聲可以咁好聽!!之前我腦內就只有佢啱啱出道冇耐Birthday Event嘅歌聲… 真係嚇到發惡夢架w 一時唔記得咗佢各方面都係成長期~ 嗱嗱,而家把聲就開始有成績聽到啦,如果佢唱得再穩返少少就真係大期待啦!!

最後呢個可能各位會有少少surprise,因為我完全冇提過我其實好鍾意かえでぃ把聲。DiDi把聲有種幾特別嘅磁力w 無論係高音定係低音,唱歌定係講嘢我都非常鍾意。DiDi把聲對蝠耳嚟講幾乎係有同ODA同level嘅舒適♡

以上!

Share on FacebookShare on Google+Tweet about this on Twitter

6 Responses to H!P Best Voice 2018

  1. [1/10]w
    有啲抗拒「加料聲」… 唱得有感情係好但over左就變左作狀…
    btw 想不到あーりー沒上榜哎~植村把聲對阿禾嚟講好”ear-friendly”~(其實野村都係)

    • 不得了啦… 被計住wwwwww

      我超同意你對加料聲over咗嘅感覺!但係我印象中嘅汁汁嘅歌幾乎全部都有啲作狀,所以かりん點加料我都唔覺得有違和感(但我又有咩資格分析汁汁呢XD)

      あやぱん嘅調味係加喺power度,最近首ナセバナル後半佢solo嗰句用headphone聽簡直人間極樂…!

      のむ把聲我都鍾意,不過又唔係特別地鍾意,聽得舒服但so far未突然有驚喜咁囉。
      あーりー你指係講嘢定唱歌?

    • (托眼鏡)好好記錄www
      我鍾意聽あーりー唱歌吖~ 點講呢, 有厚度然後有種慵懶(?)的感覺~好舒服w
      ナセバナル真係個個都唱得好好!

    • (*O*)!!
      哦哦哦~ 我諗我明!汁汁最初我都有聽過下,都覺得佢有嗰種厚度。呃不過你冇覺得佢作狀?

    • 又唔係好覺喎~
      可能聲線上懶洋洋,視覺上(都有影響)表情無其他members咁撩掛(relatively)w

Leave a reply


Optionally add an image (JPEG only)