蝠式追星論SP-勢力分佈表2018年

蝠式追星論SP-勢力分佈表2017年上半期
蝠式追星論SP-勢力分佈表2017年下半期

半年一次嘅勢力分佈表,現階段都打算寫落去,不過就由半年一次改成一年一次。由2017年開始蝠越來越偏H!P,到而家幾乎都冇望境外嘅團,所以… 境外團唔寫啦!

モーニング娘。’18

自從工藤遥畢業之後,蝠一直有意無意咁同MM保持住一個(自認為係)安全嘅距離,老實說到咗而家蝠睇她們嘅時候依然有種好難表達嘅喪失感,硬係覺得少咁啲嘢。當然我仲好愛佢哋,亦絕對唔係感情變淡,但就係有種冇咗目的、「我究竟要睇咩?」嘅感覺。而家12位成員我都鍾意,只係都冇對どぅーちゃん嗰種投入。不過以團做單位嘅話MM嚴格嚟講呢幾年一直都唔係蝠嘅首推團,而家嘅狀況都只係保持狀況減咗どぅーちゃん而已,對大局嘅影響(?) 應該不大。

9期

得返兩個嘅9期而家俾我嘅感覺係group入面已經變成家長。時而有滿滿嘅好媽媽感嘅ふくちゃん同間唔中好man嘅爸爸えりぽん。雖然兩個都係一時時,但我個人覺得MM係從來都需要有父母ww

譜久村聖-我真係真係好鍾意呢個leader。佢好努力做好leader呢份工真係睇得出,而且越做越好係有目共睹。我一向都覺得leader唔一定要至高無上、一定要乜嘢都自己攬曬上身。ふくちゃん適度嘅依靠同期或者10期+對較新後輩們嘅照顧形成到一個我作為fans覺得幾個嘅平衡。不過唔只係作為leader,ふくちゃん作為一個人我都好欣賞,作為偶像又對fans好好>__< 同ふくちゃん接觸過嘅一定有觸過電!擔保!

生田衣梨奈-えりぽん嘅傾向其實唔係我鍾意嘅類型。I mean佢而家一係唔開口,一開口就不停hardsell自己呢樣嘢我有少少覺得佢好煩。of course呢個係佢嘅character我接受嘅,但唔係好鍾意囉。不過佢真係好錫よこやん,令到我又放唔底佢(^^;;;

10期

無咗どぅー嘅10期,估唔到(?) 真係影響咁鬼大。首先係完全冇咗份偏愛。我知どぅー係現役又好唔係現役都好佢一世都會係「10期」,但少咗同どぅー嘅互動係直接令到我冇曬興趣睇佢地。

飯窪春菜-由於佢係どぅー嘅お姉ちゃん,同埋佢本身係好好又好funny,所以都幾鍾意佢。但最近真係突然有一日起身對佢冇曬興趣(喂)。唔係唔鍾意,只係唔係太care。佢最近又留長陰又染頭髮係加速咗我對佢嘅… 無感。唔緊要啦,都畢業咯。

石田亜佑美-唔知點解我覺得あゅみん我覺得佢喺度迷走。佢可能唔係,只係佢俾咗個咁嘅感覺我。所以我睇佢唔係話睇得好舒服,但我就鍾意睇佢演戲,可能因為嗰個唔係佢XDD 不過同えりぽん一樣,佢好錫よこやん,よこやん又好鍾意佢,所以佢而家喺我10期嘅最高點!(雖然唔高w)

佐藤優樹-まーちゃん一直都同どぅー有雙子效應,所以喺我心目中一直都有一定嘅地位,but原來成件事又係靠曬どぅー一個orz 呢一年真係未覺得佢可愛過orz 有覺得佢搞笑,但唔覺得可愛呢個問題真係好嚴重。而且佢而家有返咁上下大個,都叫做係大前輩吖,唔係太想佢成日講埋啲九唔搭八嘅嘢。可能呢個係佢嘅style,但佢自己都覺得自己講嘢成日俾人誤會,咁係咪應該檢討一下呢?至於on stage,只要佢嗰日個喉嚨OK佢幾乎係perfect!唔OK嗰日就… 唉。

11期

小田さくら-從來都好少覺得ODAかわいい,但我好鍾意佢而家喺MM嘅定位。一個喺台上有實力,對後輩又好,talk又做到收拾殘局嘅效果。ODA除咗把聲正之外,演劇都一流!

12期

現役中我最無感就係12期。唔係唔鍾意佢地,只係冇嗰種好愛好錫佢地嘅感覺。

野中美希-ちぇる呢一年靚咗,但係見到佢唔會好愛,同埋佢嘅American Style我到而家都唔係好慣ww ちぇる對我嚟講就係乜都冇乜火花,佢唱到但又唔吸引我,佢演劇ok但又唔會令我閃電咁囉。

牧野真莉愛-唔知係巧合定點,呢一年成日有機會覺得牧野呢個人嘅人品真係好好… 都依然覺得佢可愛嘅,但係睇咗佢本最新寫真集覺得佢大個曬lu… 少女味少咗可愛度都冇以前咁強(個人認為

羽賀朱音-雖然佢唔係好吸引我,但其實我係覺得佢可愛嘅,同埋佢呢一年靚咗好多。

13期

10期最強說隨住どぅーさん畢業喺我心目中已經過去,而家對蝠嚟講係13期最強說!如果唔介意我可以加埋14期(喂w)13期兩個我都好鍾意,佢兩個嗰種唔係CP但超濃密(?) 嘅關係令我真心愛13期!!13期加入嘅timing同狀態同人物我都零抗拒,呢個情況都幾難得!

加賀楓-DiDi一向好感度都好高,唔會好似包包咁愛佢,但佢係一個唔會令我討厭佢嘅人。佢嘅認真同努力同堅持我真係好respect!另外佢同よこやん嘅關係我好鍾意。佢兩個嘅距離感係咁多期之中最正、最似兄妹!注意:係兄妹唔係姊妹ww 佢同よこやん唔會過痴,唔會只會13期自己一個圈子咁。但佢兩個會互串,會成日吵吵鬧鬧咁玩。同時我覺得DiDi只係唔講出聲但佢都幾留意よこやん。最近睇咗條片よこやん件衫個袖嘅蝴蝶結甩咗佢走過去幫佢綁返我爆心心爆到一天都係wwwwww

横山玲奈-冇咗どぅー之後如果唔係よこやん我都唔知而家咩環境!鍾意佢之後到最近為止我都好病態地覺得佢好可愛orz 但最近開始冷靜咗少少,唔知係咪好事(^^;; 不過よこやん我有終生承諾(注:係佢嘅idol終生,唔係我終生ww),所以稍微穩定都好嘅~!不過點穩定佢都係生物中最可愛!!

14期

森戸知沙希-ちぃ,多謝你加入MM。真係好appreciate!因為有佢先同よこやん啟動到雙子效應!而家嘅H!P入面對我最重要”雙子”就係呢一對!所以對ちぃ真係有十萬樣嘢要感謝。呢一年嚟了解ちぃ多咗,知道佢係點樣嘅一個人,都睇到真嘅佢。明白咗同佢嘅”相處”方式♡ 不過今年最正真係ちぃちゃんアリ!無敵!

アンジュルム

雖然我都仲係好鍾意睇アンジュ,但係比起1年前已經相常地冷靜下來了。而家アンジュ蝠係推個人唔係推團,不過依然好鍾意アンジュ自由嘅團風,如果有多啲DMag俾我睇多啲佢地就好啦>__< 其實和田さん畢業我係有少少擔心,唔知冇咗佢之後アンジュ會向邊個方向走。話就話2期有秉承佢嘅作風,但點都會有啲唔同,希望一切順利!

初期

和田彩花-Single parent嘅和田さんw 但佢呢一個家長真係好正。我覺得佢做H!P leader真係幾好,同矢島舞美都係嗰種唔會太強勢嘅leader係好事!至於アンジュ內,呢一年我覺得和田さん成熟咗,玩嘅時候佢都係會玩得最癲,但係而家多咗佢企埋一邊睇成員玩。我鍾意和田さん,但唔會好迷佢,佢畢業我會唔捨得T__T Good Luck to her!

2期

我係因為2期嘅加入而對當年嘅Smileage失去興趣嘅人,當時真係一個都冇興趣… 而家… 都係冇大興趣ww 但係因唔鍾意變成覺得佢地好重要自覺已經好大進步ww 不過講真而家睇返2期,真心覺得佢哋4個(包括めいめい)係one of a kind… 完全係個性派。

中西香菜-かななん真係好friendly,有聲過我同佢嘅嗰事件嘅人應該會好同意(^^;; 但基本上我係好少留意佢。

竹内朱莉-唔知係佢變咗定我變咗,呢一、兩年真係對佢大大改觀。可能又聽得かみこ講佢點幫佢之類啦,真係成個感覺唔同曬。加上我真係真係好鍾意佢寫嘅大字!次次都好有feel!越來越鍾意佢,但唔係as Idol,而係as書法家XDDD

勝田里奈-完全冇feel。可能我唔鍾意佢而家嘅style同佢串串嘅性格>_>

3期

3期加入嘅時候我啱啱回流Smileage,又增員又改名咁挑戰我嘅接受能力ww 最後頂唔住放咗手ww 所以雖然鍾意むろ,但3期我幾乎係等埋かみこ先開始入場(^^;;;

室田瑞希-睇むろ同睇あゅみん嘅感覺有少少似,兩個都俾到我一種佢地喺度迷走嘅感覺。雖然むろ都係咁癲婆,但唔知點解我覺得佢唔知想點咁,感覺佢好似冇以前咁投入… WHY?むろ你唔好密謀畢業呀!

佐々木莉佳子-同上年冇乜變,我喜歡佢嘅人品… 尤其是佢對我家かみこ太好,かみこ又好愛佢ww 只係我技術上唔係太鍾意佢,而且絕對同佢係混血兒無關。蝠default係唔鍾意混血兒嘅,但佐々木莉佳子應該已經係我最鍾意嘅一個啦w

4期

上國料萌衣-我嘅H!P最愛かみこ!佢亦係帶我離開MM only嘅生活嘅重要人物(^^;;; 唔知點解かみこ我真係只要見到佢就會愛情度暴升。unlikeよこやん我唔係會次次都覺得佢無敵可愛,但佢就係可以好吸引我。我唔會成日搵佢啲嘢睇、唔會follow得佢太貼或者太過度地緊張佢,但我會知道佢喺我心裡面好重要。

5期

笠原桃奈-終於等到ももな14歲,本來係個好開始(因為蝠覺得idol妹妹14-17歲係黃金期),但同一時間佢直入反抗期,アンジュ團風又自由… 我依然覺得佢係一個好麻煩嘅小朋友ww 不過skill嘅進步佢係大嘅,呢一方面非常值得期待!

6期

由於佢兩個都唔係喺街度執返嚟,未入之前已經有一定認識,就好似MM 13期一樣,所以抗拒係少嘅。不過就兩個都唔係特別就好鍾意咁囉。

船木結-入咗アンジュ1年嘅ふなっき… 順眼咗超超超多!開始間唔中覺得佢幾可愛!間唔中咋!

川村文乃-過咗1年都唔知佢喺アンジュ有咩大影響,不過都好嘅!唔一定要有reaction,fit-in都幾好吖。知道咗佢同よこやん好friend之後又再順眼咗啲ww

Juice=Juice

5個人嘅汁汁已經唔吸引我,7個人嘅汁汁更加唔要!8個人嘅汁汁… 咦?w

初期

其實汁汁嘅出現我係好期待架。I mean,當年有邊個唔期待かりん嘅出道?但係出咗嚟嘅結果… 初期佢5個set嘅style唔係好啱我囉。變咗都冇乜點睇佢地,5個入面我真係淨係住かりん咋。

宮崎由加-唔討厭但無感嘅類別。由一開始到而家都係。不過最近多咗機會接觸佢(睇H!P DVD嘅時候之類),覺得我都幾鍾意佢呢個leader,覺得佢真係個個成員都好了解,尤其係初期5個。

金澤朋子-我記得自己有一段好短嘅時間幾鍾意佢,但又無疾而終咗。呢一年… 都係冇乜見到佢,都係咁上下。

高木紗友希-hmm… 我已經唔記得咗咩事令到我由好耐之前覺得佢幾可愛到汁汁出道嘅時候咁唔鍾意佢,甚至到我係唔想聽到佢把聲(that’s why我極少聽汁汁)。近呢一年感覺好咗啲啲,雖然依然係冇必要都唔好見面嘅感覺,但起碼有必要嘅時候我都唔太抗拒見到佢。好大進步架啦!

宮本佳林-我對かりん有絕對嘅偏愛同偏心!因為佢揸住咗我嘅初心。而且真係由細睇到佢大,點都放唔低佢(我亦無意要放)。近一年雖然對汁汁都係咁上下無感,但對かりん我係跟多咗嘅,最少會得閒去睇下佢啲blog。我真係好鍾意かりん架!

植村あかり-有一段時間我對あーりー仲有feel過かりん!走到嚟呢個moment已經冇曬feel。唔係唔鍾意佢,只係… 冇feel。

2期

中段插入嘅呢兩個同アンジュ嗰兩個一樣,其實抗拒唔大。不過就對呢兩個人唔係太大興趣咁囉。

梁川奈々美-唔知係本身係咁定係嗣永桃子搞(教?)到佢咁,佢嗰啲作狀扮嘢oh I am kawaii嘅舉動係令我相當討厭。加上佢入咗汁汁我又冇乜機會睇到佢,所以對佢嘅印象都係咁上下冇乜改變。

段原瑠々-佢入嘅係汁汁令我冇乜機會去了解佢,但我都知道佢唱歌得。but佢強悍嘅大嗌又唔會係我成日想聽嘅歌,所以又唔會令我撲過去聽。end up到而家都係唔太認識佢…

3期

稲場愛香-嗱嗱嗱,呢個有啲危險。估唔到休養完返嚟嘅稲場會入汁汁!OMG!I mean,其實之前已經幾鍾意佢,不過可惜佢喺カントリー。然後睇咗套舞台劇(気絶するほど愛してる)之後有想發展落去,但原來佢已經停咗工。返到嚟入咗我最唔睇嘅汁汁… 心諗好嘢,慳返~ 點知… 而家又有危機。因為本來就知道佢係好叻帶我去發掘新事物,我擔心緊佢會唔會搞到我無感咗幾乎6年嘅汁汁開齋。

カントリー・ガールズ

カントリー由一開始已經無感,特別係當嗣永桃子仲喺度嘅時候。佢走咗之後カントリー又玩兼任,又唔會令我想接觸佢地。但因為有ちぃ嘅關係,我認我係望多咗佢地幾眼。有冇進展?係冇嘅因為我都係睇ちぃ架啫ww 仲有一個我好厭惡嘅人喺入面,所以都應該唔會有咩起色。不過佢地啲歌有啲都幾好聽♪

こぶしファクトリー

繼續係蝠嘅首推團!原來都hold咗over一年!而家仲要係越來越愛喔!完全箱推狀態!我有機會同佢地一齊經歷咗由8個人變7個人變6個人到而家得返佢地5個。但講真… 我反而最愛而家嘅こぶ。包包喺3rd Annversary都講,每一個時代嘅こぶ佢都愛,蝠都係,8個人嘅時候我鍾意,7個嘅時候都鍾意,6個都鍾意,只不過我最鍾意嘅係而家呢5個而已。而家嘅こぶし真心最強!佢地5個嘅合拍,佢地歌路,清唱skill我都覺得係H!P no.1!只希望多啲人知道多啲人認識佢地嘅音樂!蝠個人希望營運keep住呢個形態,真係唔好亂咁加人… 唔該曬。

広瀬彩海-阿包呢每一年都會喺debut記念日同成員們,話好多謝佢地接受同埋follow呢個咁嘅leader,而我每次見到成員嘅反應都好感動 – 因為佢地俾我知道,佢地都唔覺得自己個leader唔好。有時見到包包係會擔心佢hand唔handle到leader呢個角色呢?會唔會因為做leader令佢發揮唔到或者係多咗好多煩惱呢?就係知道佢係一個會轉牛角尖嘅人(比如嗰3個嘅脫隊,阿包係有怪自己做leader做得唔好令到成員離開),所以8個人嘅時候我係覺得佢辛苦嘅。但係而家變咗5個之後,我反而覺得佢啲嘢handle得順利咗好多,一來而家呢5個一齊經歷咗低潮,二來走嗰幾個的確本來就係問題兒。所以而家睇佢呢,係會睇到有少少輕鬆。而因為心裡嘅重壓輕咗呢,呢一年嘅包包係勁搞笑ww 有時見佢好似傻咗咁XDD 個blog瘋狂狀態XDD 但我睇得好開心呀!最鍾意睇成員感情爆發ww

野村みな美-My Pace又Positive嘅のむ喺個group地低潮真係無限有用!我成日都覺得因為有のむ喺度こぶ先咁快企得返起身。阿包都話成日受到のむ嘅樂天嘅幫助。我都幾鍾意睇到のむ突然嘅一句九唔搭八嘅搭嗲ww 最近呢… 發現佢有啲角度有少少少少少少少少少少似ちぃ。maybe而家對のむ冇我第一次聽佢唱《記憶の迷路》時嘅大愛,但佢喺我心目中依然係一個好重要嘅人!

浜浦彩乃-宇宙最可愛嘅はまちゃん!(唔可以話同よこやん撞咗w)こぶ啱啱組成嘅時候呢,成日覺得はまちゃん好認真咁工作,但係隨住成員嘅相處時間越來越長,佢好似倒退緊XDD 而家嘅はまちゃん係勁funny XDDD 我鍾意而家呢個はまちゃん多好多♡ はまちゃん呢… 係嗰種一見難忘嘅可愛!はまちゃん同こぶし係一定要一定要live同近距離接觸!真係!!

和田桜子-ママ〜♡ XDDD 見到さこ就覺得好安心ww 唔知點解呢?可能係佢嘅溫柔同包容力掛。不過同佢近距離接觸嘅時候蝠永遠唔知講咩好。目標係下次見到佢嘅時候要同佢講多幾句嘢!今年さこ剪嘅頭髪真係好啱佢!成日見到有人話さこ好大份… 但我想講… 真人只係average size…!さこ同包包一啲都唔肥!唔好再話佢地啦!(怒

井上玲音-蝠而家都仲會冇啦啦大叫「れいれい〜♡」XDD 呢一年れいれい外觀長大咗好多喔!但依然搞鬼可愛!れいれい好叻玩自己把聲,佢嘅真人Beat Box唔錯架,越唱越好越玩越多!同埋れいれい繼續係最近蝠嘅 “家族設定” 嘅人!

つばきファクトリー

蝠喺2期加入之後完全冷下來嘅つばき。而家有冇起色?係冇嘅。加上上年認識嘅嗰兩個Antiこぶ嘅つば推令我對つばき嘅感情越來越負面。佢地嘅歌有時都幾搶耳,但唔會係我想不停repeat嘅曲種。我有少許唔明點解啲人講到佢地啲歌咁正… R曬頭。暫時而言我未見到つば有機會搶到我嘅注意,除非有舞台劇w

初期

其實初期6個人嘅つば我係鍾意架!不過當時單品唔給力… 1個鍾意1個NG其他一般,但我都有聽佢地啲歌睇佢地嘅DVD。

山岸理子-呢個咩leader嚟架XDD 完全無從入手了解佢。佢真係最難觸摸嘅成員(沒有之一w)。但呢個唔係問題,唔知點解我都幾鍾意佢,我自己都解釋唔到。

小片リサ-而家發展到好鍾意佢啦!yeah~其實まるねえ係我第一個接觸嘅つば,因為MM嘅舞台劇。當時以為自己唔會鍾意佢,但世事嘅嘢,下,冇人知嘅。而且呢佢仲要係nice girl project嘅人,同包包れいれい係同鄉,有時見到佢地friend呢,加好多分架!!

新沼希空-我越來越唔知佢想點>_> 最近唔係太鍾意睇佢。

谷本安美-繼續NG!唔得呀真係!

岸本ゆめの-唔~ 我知佢個人其實幾可愛,見佢同好多跨團成員都好friend就知佢人緣幾好。但係我對佢嘅feel真係未到。

浅倉樹々-最近嘅樹々ちゃん超超超可愛呀!咩事呀!佢嘅個髮型將我完全KO咗!不過佢個人太認真呢… 睇佢唔係太過有趣。but then我又唔係成日睇つば~

2期

佢地嘅出現令我對つば冷淡咗好多。不過最近睇慣咗啦,轉機嚟啦!

小野瑞歩-嗱,中啦!嚟架啦!我放低咗對2期嘅抗拒就即刻睇中咗小野啦!真係覺得佢好cutie~成日傻笑唔知點咁。有少少興趣多啲了解下佢!

小野田紗栞-各位觀眾!我覺得現時我對つば嘅最大路障嘅呢個人!呢個人我係由心抗拒出嚟。don’t get me wrong, 我其實成日都覺得佢好可愛,有時候睇嘢會不經以望咗佢然後再有意識地避開。原因係之前佢同樹々ちゃん嘅一件事令到我覺得呢個人有少少恐怖。OK,我知佢係小朋友,呢啲係小朋友嘅事唔洗太認真,但係我真係… 接受唔到。不過我覺得佢唔係死症,我同佢係有機會和解嘅。所以當有一日我接受到、鍾意到小野田紗栞嘅時候,我覺得將會係我會迷上つばき嘅時候!

秋山眞緒-我又係唔明點解成員成日話佢可愛… 我get唔到… 但maybe我又唔係好睇つば所以feel唔到佢嘅可愛掛?

以上~下年再見!

Share on FacebookShare on Google+Tweet about this on Twitter

2 Responses to 蝠式追星論SP-勢力分佈表2018年

  1. [6/10]
    話說意外地,Do畢業對我對mm沒有太大影響
    あゅみん係二推沒有改變(哎二推for me也就不會積極追著看,就連看MV看番組也是,只是在心中有個位置
    所以而家睇mm確實有失去焦點的感覺
    但企後一步好像令我更平均地喜歡這個團,喜歡這個Do存在過付出過的團。
    ---P.S.---
    1. 比較喜歡こぶし5人form,然後發現自己有刻意避開唔睇5+時代的影片
    2. 唔知你同小野田有過節www

    • 你咁先係正常,應該。鍾意MM,之中最鍾意嘅成員係どぅーさん。但我完全係どぅーさんmain曬。而家都鍾意MM,不過個priority低咗囉。

      こぶ我又冇唔睇8人。因為太鍾意而家嘅こぶ,有而家嘅こぶ係因為有8人嘅こぶ… 而且我當時鍾意8人嘅,7人嘅,6人嘅こぶ我都真係鍾意。有過嗰3個人,而家嘅こぶ先有而家嘅感覺。(純屬個人意見

Leave a reply


Optionally add an image (JPEG only)