Monthly Archives: April 2011

[含劇透] マジすか学園2 (第3話)

今集精彩。
有人不停打不停打,又有人不停被人打。

一開始歌舞伎姊妹因為マジ女有人被打而去矢場搵人算帳。响嗰度,佢地發現咗シブヤ成為咗矢場嘅總長。於是,唔洗講啦,打起上黎。

唔好話矢場咁多人啦,就算單挑佢地都未必贏到シブヤ。雖然佢唔係話真係咁強,但係話晒都係舊四天王吖!結果佢兩個就俾人打到咁…

之後,佢地跑去矢場嘅一戰俾人貼咗相。而家全校都知道シブヤ過咗檔。出賣咗マジ女。

會做得咁嘅小動作嘅人,當然又係老鼠仔啦!

藉著呢個咁爆嘅消息,老鼠仔走去想激起ラッパッパ啲人嘅衝動。佢一心就想四天王自爆,令到ラッパッパ自毀。呵呵,但係有啲腦嘅新部長おたべ阻止咗佢地。

之後老鼠仔又去搞事,自己走去搵シブヤ。結果俾人打(wow~),然後路上先到烤肉隊。好弱雞但係好有義氣嘅烤肉隊為咗老鼠仔同矢場班人對抗!結果…

全軍覆没。(意料中事)

而老鼠仔嘅同伴珠理奈見到老鼠仔咁,已經再忍唔住要出手。

點… 點知原來老鼠仔扮晒野!真係可以奸成咁?我真係開始擔心珠理奈啦…

敦子繼續响外面打交。究竟佢想點??

而由依應該係知道咩事,但係佢又乜都唔講。Well,佢嘅出現本身都係一個謎。

雖然唔知咩事,但係小蝠極之鍾意下一集嘅呢一幕!!!

如果個故仔係佢兩個打天下我諗我會high到暈!

ゲキカラ專post,明天。

しゃわこ

估唔到自己會又講KII嘅成員,更加諗唔到自己會咁快講佢。今日嘅主角係,SKE48嘅第3期成員,KII嘅秦佐和子。 呢個SKE48嘅成員係我少有地唔太鍾意嘅成員。小蝠最唔鍾意嘅SKE48成員top5應該有佢個名。但係點解明明唔太鍾意都咁快講佢呢?其實係因為前幾日睇咗上星期嘅嗰集「週刊AKB」(2011/04/22)。 「週刊AKB」我已經唔係集集睇,因為我覺得好悶。同埋佢地好識搵錢,好睇少少嘅佢都會出DVD。但係因為我鍾意嘅須田亜香里話佢自己有份出演,所以為表支持,我今集搵咗黎睇。原來今集係要研究佐和子,所以有部分SKE成員有出場。 點解會要研究佢呢?原因係上次佢出演學力試驗嘅時候嘅奇怪表現。佢攞咗第一位,答咗好多標準答案。但係無論人地係讚佢又好,笑佢又好,普通同佢傾計都好,佢都表現得極度之怕醜。講野細聲兼低頭唔望鏡頭。同佢講多幾句,佢就好似就黎喊咁。呢個古怪嘅SKE member有鏡頭恐懼症。鏡頭對住佢,佢就會用手或者頭髮遮住自己塊面。 咁點解一個咁怕鏡頭嘅人會走去考SKE48仲要入埋? 原因係佢夢想成為聲優。因為見到松下唯入咗SKE之後有機會做聲優嘅工作,所以佢都希望可以學佢咁,而入咗SKE。佢本人都講過,佢係極怕醜極唔鍾意受注目。但係入咗SKE之後,其實已經好咗,起碼佢可以抬起頭上舞台。 呢個咁奇怪嘅成員,怪嘅並唔只呢樣野。 佢係一個極端地怕麻煩嘅人。佢一個人擁有7部PSP,仲要係去街都會帶超過1部。理由係佢「覺得換碟好麻煩」,所以有一部PSP係專用黎玩佢最鍾意嘅 Monster Hunter。我聽到真係呆咗。雖然我都覺得換碟係好麻煩嘅一件事,但係我覺得帶咁多部PSP出街會更加麻煩囉==; 佐和子出生長大於大阪(又係大阪!呢排做乜咁鬼多大阪野!!)。 淨係呢個已經夠我ban佢啦!!唔係啦,講笑啫。佢雖然係大阪人,但係佢講野係零大阪音,其實都OK啦。我唔太鍾意佢主要都係因為佢唔太係我杯茶同埋佢話 野太太太太細聲啫。佐和子到而家都仲住响大阪,日日就去名古屋「返工」。因為其他成員嘅年紀問題所以公演都會好早就完成晒,所以佢搞掂啲野又會搭返車返大 阪嘅屋企。我估途中佢就會攞出佢嗰7部PSP黎玩… 其實… 不如唔好咁辛苦啦~移藉去NMB算罷啦! 雖然好怕醜,但係身為大阪人嘅佢都有大阪人嘅性格,就係你叫佢就會做。而佢唔多唔少都有想表現自己嘅一面嘅我覺得。所以好似响週刊AKB咁,叫佢跳舞佢就跳==;同佢同係3期生嘅須田亜香里形容佐和子嘅時候話,佢係一粒扭計骰。因為無論你幾想認識佢,都唔係咁易做得到。 佐和子係小提琴高手啊!呢一點小蝠俾咗好多分佢呀!不過佢拉完返埋位,就喊==;話自己拉得唔好。其實佐和子真係要俾多啲自信心自己先得。 最後要講嘅係。呢個9月14號出生嘅秦佐和子咁啱同Morning娘嘅高橋愛同月同日出生(唔同年),咁啱又係A型血。仲啱嘅係,兩個都係宝塚迷。Well… 其實都無乜特別,我只係想發表一下我呢個小小嘅發現啫 如果你對呢個有鏡頭恐懼症嘅SKE48成員有興趣,建議你睇下2011年4月22日嘅「週刊AKB」!一定大有得著! 姓名:秦佐和子(Hata Sawako) 暱稱:しゃわこ(Shawako) 出生日期:1988年9月14日 血型:A型 出生地:大阪府 身高:161.0 cm 所屬:SKE48 teamKII(3期生) 自我介紹:あんまり見つめられると照れちゃう。そんなシャイな私のこの気持ち、届いてますか? しゃわここと、秦佐和子です! Continue Reading

Everyday、カチューシャPV (AKBINGO!版)

尋日嘅AKBINGO!播出咗一個短版(?)嘅「Everyday、カチューシャ」PV。 「Everyday、カチューシャ」個PV好得意,因為佢似乎係用咗好多過往嘅PVs嘅場面。鍾意咗AKB48有一段時間嘅fans應該會覺得好好玩。而啱啱鍾意嘅又可以當新PV睇,幾好?哈哈。 今日就等小蝠試下pick up佢地用咗啲咩scene啦!! 呢個敦子同宮澤佐江打交嘅scene直頭係「大声ダイヤモンド」嘅名場面啦! 畫畫… 應該係「桜の花びらたち2008」吧? 三個人食雪條,呢個仲唔係「ポニーテールとシュシュ」! 踩單車+麻里子大人嘅呢個著名嘅戴超鏡頭,一睇就知係「言い訳MAYBE」啦! 呢個响車上面睇信嘅畫面,我覺得似「10年桜」最後敦子响巴士上面睇高橋俾佢嘅嗰封信… 咦?定係我諗多咗呢? 呢一個唔係「涙サプライズ」嘅話,我就唔配叫自己做AKB48 fans啦!! 小蝠淨係搵到咁多咋。後悔之前無用心去翻睇又翻睇每一個AKB48嘅PV… >_<有無達人搵到啲小蝠未搵到嘅場面呢? 疑問:點解PV嘅導演永遠都鍾意搞到敦子好似好唔合群咁嘅呢? Continue Reading

TOP x 3

啱啱路過見到「Everyday、カチューシャ」嘅劇場版封面。 呢… 呢個封… 封面… 未… 未免… 太… 太… 可愛了吧…?! 小蝠覺得珠理奈可愛嘅機率其實好低。「可愛」呢個詞我真係好少用响珠理奈身上。但係呢張我第一眼就望住佢,第一個感覺就係佢實在太可愛了。(珠理奈,你真係唔洗再remind我暗地裡其實有幾鍾意你架啦… ) AKB48,SKE48,NMB48嘅TOP。敦子同珠理奈都睇得好舒服啦。至於”佢”,還好。不過小蝠還需要啲時間適應。 Continue Reading

優子在哪裡?

尋日個blog問大家搵唔搵到優子逃咗去邊,雖然無乜人陪我癲真係去搵,但係都要開估嘅! 答案: 綠色箭嘴指住嘅就係優子嘅所在地啦!見到佢個頭架!!睇唔清楚就click一click張圖睇大圖啦 Continue Reading

風船

AKB嘅孩子王,天不怕地不怕嘅優子都有一個死敵。就係風船(氣球)!佢驚氣球嘅程度係去到見到都想逃走。之前响AKBINGO!入面,一個小小嘅氣球已經可以搞喊佢。 尋日終於抽到時間睇AKB嘅新節目「なるほどHigh School」。當中有一part講氣球。啲氣球一出現,優子已經好想走。 之後仲要出現咗一個5m嘅超級大氣球! 而個節目想知道可以入到幾多個AKB入去裡面。優子梗係唔會入去啦!行近佢都唔會啦!!有咁遠走咁遠! 大家睇唔睇到優子逃咗去邊?↓↓↓(爆笑) 話時話吖,呢個show有兩個NMB混咗入去。山本彩我認得,另一個應該就係今次隻single嘅另一個NMB選拔吧?個pattern同SKE當初滲入AKB嘅時候一模一樣。5月1號NMB又會踩到去SKE個劇場度公演…唉~相信我可以無視佢地嘅日子都所剩無幾了。可能係時候接受了。 Continue Reading

ゲキカラ@マジすか学園2(第2回)

ゲキカラ,真係生性晒啦!(感慨中…) 話說今集珠理奈激起咗ゲキカラ嘅鬥性(獸性?),要同珠理奈打返場痛快。 由激辛變咗甘口嘅ゲキカラ,今集話自己係中辛喎!所以殺人都要「ほどほどに(唔好去到咁盡)」。(但係殺人點唔去到咁盡?) 好難得又有機會嘗到血腥味,睇下佢幾開心?但係佢唔係好似上一輯咁喪晒!佢一路打都一路記住佢同優子前輩嘅承諾。「ほどほどに」,所以佢係留咗手。 明明打到興起,途中俾人阻咗。 佢都竟然會真係停落黎聽。俾著以前嘅佢?阻住佢嗰個都死埋啦!! 幾認真聽?上一輯第8集我有講過佢真係喪到好似唔識聽人講野咁。但係今輯嘅ゲキカラ已經會聽啦!係咪好叻女呢~? 最令小蝠震驚嘅係,「孖優」入黎叫佢地打咗外敵先,但係珠理奈仲想打落去。呢個時候,ゲキカラ竟然拒絕再同佢打!仲同珠埋奈講嘅一句話:「我係咪激嬲你?係嘅話我道歉。」 真係生性啦!識得以大局為重啦。今時嘅ゲキカラ唔同往日啦!!!實在令我越來越愛佢啦! 下一集嘅ゲキカラ。 佢摸住シブヤ張相呢個好寂寞嘅樣,好剎食呀~ 本來第二輯未做之前我有諗過我嘅角色專post仲會唔會做ゲキカラ,因為怕無咁多野講。但係睇咗兩集,我覺得今輯嘅ゲキカラ依然係一個好要跟嘅角色。所以ゲキカラ專post會一直做到劇尾。ゲキカラ様、よろしく! PS:玲奈,你病成點呀?快啲好返啦~小蝠好擔心你呀! Continue Reading

[含劇透] マジすか学園2 (第2話)

今集一開場小蝠就笑到拍晒手。 雙胞胎都算啦,做乜要整三胞胎!!總之,原來無鬼==;係優子前輩嘅兩個姊妹啫。佢地話優子死前一個星期聯絡佢地叫佢地搵敦子,原因不明。所以佢地就黎搵敦子,但係敦子又無返學。 老鼠仔同珠理奈搞晒全校啲人反吹奏樂部。班烤肉隊即時用漫畫做避彈衣。 成班人要沖上吹奏樂部室之際,聽到令人毛骨悚然嘅笑聲。 今集叫中辛嘅ゲキカラ… ==;大佬啊,可唔可以唔好集集都改一改個名呢? 將個頭fing兩fing就由甘口變中辛再變激辛。由POP變返做ROCK。 fing完個頭可以髮型都變埋!喂勁啊!我都想學==; Anyway,珠理奈恨打架恨到出晒面,難得ゲキカラ喪喪地,就梗係打返兩手先啦!但係真係只係打得兩手。 因為好快,就有人阻住晒。 响マジ女內鬨緊嘅時候,本來簽定咗和平條約嘅矢場久根嗰邊就四出搞事,仲搞埋ラッパッパ嘅人,一啲都唔放マジ女在眼內。 於是優子… 唔係,係優香同優希(笑)就出黎話無論幾想打,都要對咗外先。 原來矢場久根嗰邊嘅總長都畢咗業,TOP個位空咗出黎。三年生嘅三個人諗緊要邊個坐正嘅時候,佢地嘅二年生出踢館! 就係呢四個。 好型呀,菊地!!最妙嘅對白係,SDN佐藤同佢講:「你就係嗰個退咗學之後又返翻黎嗰個?」仲要個名叫Come Back。菊地,呢幕你型晒啦真係! 但係點解呢四個會咁勇出黎搞事?梗係有後台啦!! シブヤ(Shibuya/渋谷)?!?! 唔只佢添呀… 佢仲帶埋ダンス(Dance)過檔!!久美啊~你做乜要入矢場!! 點解畢咗業嘅四天王之一嘅シブヤ會响度?佢唔係入咗IT公司做咩?唉~原來佢俾上司鬧,之後就打人兼唔撈! 正呀,如果我都可以咁就好啦…(怨念… 怨念…) 總之,シブヤ姐就過咗矢場,因為佢好憎前田,要打倒佢,打倒馬路須加! 下個星期好似好太獲… 老鼠仔都會出事?不會吧? 以下呢張無乜特別意思。只係小蝠覺得幾靚罷了。(I mean個天空) 明天,ゲキカラ專post。 Continue Reading

街街~♪

呢期個blog太多AKB,好耐都無機會俾布施出下場啦!見今日放假,就帶布施去街街,順便影咗幾張近照。 一聽到金毛人人都以為好大隻,但係其實我阿小布唔太大隻架咋。俾個全身look大家睇下。 响屋企好似好大隻,阻住晒咁但係一出到街就會覺得佢唔多大隻啦。同佢一齊唔洗旨意佢保護到我… Continue Reading

あいりん

AKB48 SKE48入面嘅宅女實在唔少。講起AKB48嘅宅女一定會諗起麻友,至於SKE48方面,應該點都唔會數漏古川愛李。 SKE48 teamKII所屬嘅古川愛李係SKE嘅2期生。 恕小蝠直言,話靚佢又唔係太靚,話可愛佢又唔太可愛。雖然一啲都唔係差,只係感覺上唔係太偶像嘅料。但係愛李勝在得寵!!得邊個寵?之唔係就係玲奈囉! 自從玲奈對對佢忽冷忽熱嘅小野晴香死心之後(爆),玲奈就轉投愛李嘅懷抱。自始之後,玲奈嘅blog不斷咁有愛李嘅出現。私底下佢地都非常之恩愛。愛李被同team嘅安奈踢爆,佢電話收email嘅鈴聲係玲奈把聲,而玲奈電話收email嘅聲就係愛李把聲。握手會佢地一pair嘅時間,愛李表示同玲奈一齊佢既興奮又緊張,氹到玲奈見親佢就開心晒。霖住SKE雙塔之一嘅玲奈,實有運行啦!! 以上都係講下笑啫,雖然佢兩個真係好鬼恩愛… 其實愛李強在MC。轉數快,口齒伶俐,又識搞笑又識配合人。呢樣野對於佢將來想响二次元業發展都幾有優勢。佢都係聲優志望喔! 我好鍾意愛李畫嘅公仔。簡單得黎又可愛。佢間唔中都會响個blog度公開佢畫嘅野。呢個迷你版嘅愛李叫做ちびりん,係愛李嘅分身。 愛李畫嘅野當中,最經典嘅莫過於佢畫嘅ゲキカラ啦! 其實愛李嘅藝能經驗算係多嘅一群。佢曾經參加過Morning娘同aver嘅甄選,甚至以藝名「春川瑠花」出過道。後來點解會不了了之,咁就唔知啦。總之佢2009年參加咗SKE第2期甄選,之後順利入咗KII。 小蝠對愛李嘅印象其實一直都係一般,可能又因為佢係KII啦,所以初期比較少接觸。直到真係玲奈多咗講佢,同埋佢連續入咗最近兩隻single嘅選拔,我先開始對佢有正面嘅評價。最深刻嘅一次係AX2011佢同明音麻友同指原嘅MC入面,一講到動畫同聲優,佢同麻友兩個好似相認咗咁,我覺得好可愛。後來多睇咗佢寫嘅blog之後,發覺佢啲blog其實幾啱我睇。除咗有佢畫嘅公仔之外,仲有講吓game,講下動漫。佢玩嘅嗰隻貓貓村我都有玩,所以啲話題好似好夾咁。 KII入面,明音,茉夏,安奈,小木曽之後,第5粒星應該就係愛李吧?聲優其實真係唔係話太過好行嘅一條路,希望愛李有機會夢想成真啦! 姓名:古川愛李(Furukawa Airi)暱稱:あいりん(Airin)出生日期:1989年12月13日血型:AB型出生地:愛知県身高:155.0 cm所屬:SKE48 teamKII(2期生)自我介紹:三度の飯よりアニメが大好き! あなたのヒロインになりたいなぁ♥ あいりんこと古川愛李です! Continue Reading