Monthly Archives: March 2011

越來越沉迷…

越來越沉迷嘅,除咗AKB SKE之外,仲有GOSICK!

之前話過,今季嘅最動畫最後只係選擇咗GOSICK同君に届け2(好想告訴你2)。
但係因為君に届け嘅第一季我未睇晒,所以第二季我遲遲都未開始認真睇。因為仲有追日劇,所以最近追貼嘅動畫只有GOSICK。

GOSICK係一套有偵探解謎成份嘅動畫。
故事嘅地點係,歐洲一個小國,時間係第一次世界大戰之後。男主角久城一弥係一個來自東洋嘅留學生。有一日响圖書館嘅最上層遇見一個金髮綠眼嘅少女維多利加(Victorique)。維多利加係一個超級天才,經常用佢嘅「智慧之泉」同久城一齊解決一件又一件嘅事件。

呢套動畫最吸引我嘅除咗係有loli之外,就係個世界觀!古歐洲嘅背景真係太過令人興奮啦!雖然最愛都係古日本啦,但係有坤士+Gothic太正啦!

沉迷程度已經脫離咗只係睇動畫。原著小說全卷入手!(最新號同叫GOSICKs嘅番外篇小說未到~)

如果見到Victorique嘅figure,我諗我會即買。唔知有無呢?

横山由依☆勉強会@ANTI

横山由依學習會第6回。 今次想講啦由依嘅ANTI。ANTI我意思係反對/唔鍾意佢嘅人啦。一個人一多咗人識,尤其係响AKB呢個”迷你世界”入面,就會多ANTI。好似敦子優子佢地咁,有咁多人鍾意就有咁多人反佢地。其實都係幾正常嘅一件事,但係由依嘅ANTI無論數目定係激烈程度都好強… 主要係有少少有感而發啦。好偶然之下睇到某日本留言版。嗰邊啲人鬧得佢好犀厲。再睇下另一啲留言版,雖然都有支持佢嘅人,但係ANTI實在好多。以佢嘅年資,究竟响邊度搞出咁大班ANTI? 原因不容置疑就係營運同秋元P推得佢太行。睇返上一年嘅選舉,佢嘅成績係圈外。仲要係速報,中間,最終結果都係圈外。相反,同係9期生嘅山內鈴蘭,島崎遥香同已脫退嘅石黑貴己都入到UG,但係由依就影都唔見。咁證明咗當時唔係太有人氣。 AKB48不嬲都強調fans有份produce呢班女仔。只要明顯知道佢有一定數量嘅支持者,嗰個member就會得到多啲機會。由依嘅case係,明明有人紅過佢,但係營運依然堅持執佢上位,呢樣野經已令到一眾9期其他成員嘅fans嘅不滿。In fact,响小野走嘅時候,好多人都認為會係島崎昇格。但係end up係由依,不滿嘅聲音就變得更大。 但係營運同秋元P推由依嘅動作不但無減少,甚至有所增加。首先當然係大家都知道嘅Not yet啦。昇格無幾耐就入到優子帶領嘅派生!其次就係「マジすか学園2」。雖然消息未確實,但係有傳由依有唔少戲份。而佢更加正在做現場REPORT(雖然好耐無更新過==;),好多人都覺得秋元P有心响呢套戲入面推佢。响佢個REPORT入面,佢提到佢有同敦子單獨嘅對手戲,令好多人覺得佢將會係「マジすか学園2」入面嘅一個key person。實際上係點,當然要等On Air先知啦。 雖然咁推佢法,引起咗極多fans嘅不滿,但係佢被推其實有其原因。我都講過好多次,由依係AKB48內公認嘅努力家。只要俾咗個課題佢,佢就唔會話做唔到。唔得就一直練到得。無論要俾多幾多努力落去,佢都要做到為止。其次就係,佢有佢自己嘅夢想。佢希望成為一位歌手,呢個夢想佢由加入嘅第一日已經非常之明確。而對佢黎講,AKB48係一舊踏腳石。呢個正正就係秋元P嘅concept! 優子都曾經講過,1-7期生都係抱住自己嘅夢想入隊,希望藉著成為AKB48嘅成員經歷同吸收一啲對佢地將來嘅夢想有益有幫助嘅野。但係8期生打後嘅成員好多都係因為鍾意AKB48而入AKB48。入AKB48已經係佢嘅夢想。入到AKB48佢地嘅夢想已經成真,所以佢地無之前嘅成員咁有鬥志。 照優子嘅說法,由依係少數8期以後「有目的」地加入AKB48嘅成員。而呢點亦係營運同秋元P buy佢嘅合理原因。 以上嘅發言純屬個人意見,資料上如有錯漏請多多包涵。(Keep in mind,呢篇野係由一個推由依嘅人寫嘅。Thanks!) Continue Reading

SKE48 Weekly Calendar

第二年用嘅SKE48 Weekly Calendar! 呢本係2010年4月開始至2011年3月嘅。 呢一年來多謝你,而家要換走你啦! 今日上工嘅2011年4月至2012年3月: 淨睇封面都知道SKE48呢一年成長咗幾多!淨係睇人數都塞滿一版啦!呢個Weekly Calendar除咗係月曆之外,仲可以幫我認人呀!正! 今年又同SKE48一齊過啦!! 〜☆〜☆〜☆〜☆〜☆〜 多謝blog友大勇報料,今年又有総選挙呀!含投票劵嘅21st Single將會响5月25號發售!又係支持自己本命嘅時候啦!其實支持嘅唔係本命都得嘅~小蝠嘅本命係玲奈,但係我今年想投俾ゆりあ呢…http://ameblo.jp/akihabara48/entry-10844561596.html Continue Reading

くーちゃん

くーちゃん(Ku-chan)。 呢個係玲奈叫矢神久美嘅時候嘅叫法。亦都係我叫久美嘅時候嘅叫法。(當然係受玲奈影響啦!不過我自己個人都覺得呢個叫法好可愛!) 尋晚發夢見到久美。好似好耐無發夢見過佢啦!雖然夢嘅內容已經唔記得,但係見到久美都令我好興奮。加上起身後一去ameblo就見到久美終於再開始寫返blog,突然令我對佢有點百感交雜嘅感覺。 久美係我第三個認識同鍾意嘅SKE48成員。呢個pattern我相信好多人都係一樣。 我已經忘記咗我具體地係點樣開始鍾意佢,可能係我本來就對SKE48嘅成員特別偏愛,响電視節目見到佢之後,就開始留意佢啦。 16歲嘅久美同玲奈,珠理奈一樣,係SKE48嘅1期生。亦都係到目前為止除咗玲奈同珠理奈之外唯一一個由SKE48嘅第一隻single「強き者よ」到最近single「バンザイVenus」連續入選嘅成員。fans間都稱佢為SKE嘅三神之一。(雖然小蝠覺得佢已經被一啲新入嘅成員過咗頭…) 久美現用嘅自我介紹係: 「にゃは〜ん。わくわくーみん! きらめくーみん! きっと明日も、にゃはっぴー。16歳のチームS(くーみんこと)矢神久美です」 我個人其實比較鍾意佢以前嗰個… 久美俾人一種軟綿綿嘅感覺。加埋佢把都幾嗲嘅聲,佢絕對係「癒し系」(治癒系)。樣子呢,佢以前成日俾人話佢似AKB嘅仲川遥香,而仲川一提到久美就會話久美係佢細妹。其實都有少少似嘅,但係並唔係話真係太似。不過可能係因為咁,我最初以為久美會係紮紮跳無時停嘅小妹妹,但係事實上,久美個人其實都幾定。有少少怕醜,講野唔係太叻嘅人。有事會自己收埋唔太識得尋求協助嘅人。佢偶爾會為自己表達唔到自己嘅想法而煩惱。 但係唔好睇佢好似好受保護嘅弱者咁,但係其實佢型起上黎都幾爆得起。好似佢响演唱會上唱AKB嘅「虫のバラード」,我真係覺得佢好有型。仲有就係响モウソウ刑事入面飾演著男裝嘅角色,第10集入面保護可奈子嘅時候真係好鬼man。而且雖然佢平時好似傻下傻下咁,佢係屋企嘅長女黎架,對落有兩個細妹。 事業方面,久美從小就有學跳舞(HipHop),所以跳舞嘅姿勢上係幾好睇。另外記step佢都係比較快嘅一群,跟beat又都比較準。唱歌嘅話,佢唱歌把聽唔算太特別,但係都唔錯架啦。而且營運都算係俾足機會佢架啦。如果我無記錯,佢應該係三個出演過「マジすか学園」成員嘅其中一個。齋計出場率,佢嘅演份甚至比珠理奈更多!而家正拍攝嘅「マジすか学園2」入面,佢都應該有一定嘅戲份。最近就密密同玲奈珠理奈响東京趕拍喔! 响SKE48入面,佢係teamS第四最年少。而ゆりあ同るみ未入之前佢更加係第二最細。所以都深得成員嘅疼錫。曾經有人要玲奈選擇久美同珠理奈,玲奈講佢兩個都鍾意,但係久美一齊佢會不停被治癒(癒される),所以佢選擇咗久美。而久美最錫嘅後輩,就係現時同佢同係teamS係ゆりあ。佢錫ゆりあ錫到出晒面架啦! 至於學業… 今年4月升高二嘅久美成績就好一般啦。佢應該讀緊通信制,所以唔係需要日日上堂,只要定期去上一上,交報告就好。佢成績有幾得其實大家都應該嘅「週刊AKB」度見識過架啦。久美主要係記性麻麻,又失魂。佢嘅失魂史响SKE入面已經變咗名物。平日唔記得帶呢樣帶嗰樣,漏呢樣漏嗰樣已經係家常便飯。最經典係佢放咗自己部IPod入個超級市場袋入面唔記得咗就成個袋丟咗去。最終部機搵唔搵得返我就唔知啦。哈。 踏入2011年無幾耐久美就出咗事。就係佢同一個男仔影嘅相流出。久美當然已經澄清咗,呢個男仔其實係佢一大班朋友入面嘅其中一個,而唔係傳聞嘅佢男朋友。因為AKB SKE NMB等48系都有「戀愛禁止條約」,所以都有傳過久美會好大件事。幸好就係事務所選擇咗企响久美嗰邊。但係即時久美都停晒ameblo嘅更新。因為ameblo係選拔成員先有權寫,所以曾經有傳話久美因為呢件事而被踢出選拔。好彩呢啲都係假嘅,久美已經再開始更新ameblo啦!希望呢件事唔會影響到久美以後嘅發展啦。 頑張れ!くーちゃん! 姓名:矢神久美(Yagami Kumi) 暱稱:くーみん(Ku-min) 出生日期:1994年6月13日 血型:A型 出生地:愛知県 身高:158.0 cm 所屬:SKE48 teamS(1期生) Continue Reading

二ノ国

今日入手咗隻NDS嘅RPG game。 想玩咗好耐架啦,但係一直都無買到。(資金都去晒SKE度嘛!)今日再經過,都係買啦!玩咗個幾鐘,感覺幾鍾意,但係最近狀態不佳嘅我開始眼瞓,所以,遲啲再玩吧!先去睇個動畫吧! 尋晚因好奇睇咗一個Mo娘嘅節目。新成員加入咗我都未睇過佢地,於是咪睇下囉。估唔到淳君今次咁搏,搵咗兩個小6生入隊。未免太細個啦吓? 隊長嘅高橋愛帶住4個新成員上節目,感覺太奇怪啦… Continue Reading

Lucky Yui?!

尋日發生咗一件好lucky嘅野。話說郵局嘅人送件黎我屋企,但係我屋企無人。就慢佢一步,我媽咪返到屋企樓下。看更話佢知有人送件俾我,所以媽咪就响樓下捕佢。結果當然係收到啦~!(如果佢收唔到我就要親自去郵局收架啦!) 而收到嘅就係呢件,小蝠將之命名為「Lucky Yui」嘅包裹! 改到個名咁靚仔,其實入面都只係Not yet嘅CD。 實不相瞞,其實我已經响AmazonJP買晒三隻(type-A B C)架啦… 但係送到黎嘅特典相好普通(係四個人,同type-A封面有啲似),好失望。偶爾响網上發現咗Tower Record嗰張好好好好好好好好靚!!我就忍唔住手再買… (敗家啊…) 以下就係令小蝠甘願買多兩隻Not yet嘅Tower Record特典相啦!! 好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依好鍾意由依(下刪七萬字) 尋日下晝响公司大show呢張相,有唔識AKB嘅同事問我佢兩個我鍾意邊個多啲,我竟然指住由依。究竟~呢個係真相,定係一時衝動呢? Continue Reading

HIDDEN

一如以往,今年AX嘅DVD都有隱藏內容。 由於我睇AX嘅DVD從來都唔會專心,同埋成日飛歌,如果無攻略,我一定乜都搵唔到。所以照慣例,我都係出咗貓。呵呵。 所有ENCORE都係HIDDEN CONTENT,所以全部都要搵出黎。當中我最想睇嘅,係チームZ嘅表演!有三個SKE咁多喎~ 今次第一次睇,因為我1月無去睇轉播。超鍾意日本文化嘅我,見到佢地個個著和服我已經high到short咗。仲要係好靚喎!玲奈唔洗講啦,明音… 超萌啊~~~!呢隻歌應該會出碟吧?我一定支持架! 之後就sure睇UG20嘅「偶然の十字路」啦。花音+由依… 超無敵啊! 不過我都係希望嘅响UG見到ゆりあ… 最後响網上搵到嘅第五隻碟嘅隱藏內容列表入面,見到一個咁嘅標題: 「ゲキカラの総括」 一見到「ゲキカラ」呢四粒字就會有過剩反應嘅小蝠立即搵出呢個隱藏內容黎睇。結果,其實只係玲奈演唱會後,著住ゲキカラ嘅衫,講關於今次AX2011嘅感想。途中珠理奈走過黎,對住鏡頭講ゲキカラ嘅經典對白:(雖然我話係”經典”,但係佢成套野咪就係得呢幾句對白囉==;) 「ねえ、怒ってる?」「みんな、壊れちゃえばいいんだ!」 你睇,搞到玲奈痴埋牆!超可愛呀你,珠理奈!!! Continue Reading

支え

AX2011終於出咗。因為直播我只係睇咗最後兩日,頭兩日我超想睇返,所以即刻入手。 好多歌都想講,但係今日就特別講一講63位嘅「支え」。係K4最後一首歌。(啱啱去search過!) 呢首歌我一聽就喊啦。個melody好好聽,啲歌詞又好正。はるごん响之後嘅MC入面話,坐佢隔離位嘅珠理奈聽到喊。唔出奇吖,珠理奈其實好鬼感性。 當中成員一個一個講自己個名嘅時候,後面嘅大熒幕播返畢業咗嘅成員講自己個名嘅部份出黎。當中有兩個我諗如果佢地無畢業,我會end up鍾意咗佢地。一個係早野薫,另一個係成瀬理沙。可惜佢地畢咗業啦!残念! 支え 出会ったのは 一昨年だった 同じ夢を 目指す人たち 年齢も 住んでる街も バラバラだった 十七人よ 馴染めずに 話もできず 孤独を感じた 数ヶ月 つらかった あのレッスンを 共に過ごして 気づいた 仲間はいつだって ここにいる 私は一人きりではないんだ 一緒に あの星を見ている みんながいること 支えだった 他の星 見つけて去った 彼女は 今も 心のメンバー 新しい 後輩も増えて 生まれ変わった 十六人よ 思うように 道を進めず あきらめかけた日も あったけど 夜明けまで 長電話して 励まし合って わかった 仲間はいつだって ここにいる 時にはケンカをしても変わらず 泣いたり 笑ったりしながら 友達以上の 支えだった 仲間はいつだって ここにいる… Continue Reading

從SKE48學會的AKB48

一連兩集嘅「從○○48××的○○48」系列!尋日講咗我由迷AKB48變咗迷SKE48。今日要講嘅,係通過SKE48令我調返轉認識更多關於AKB48嘅野。 尋日講咗啦,其實由我2009年10月迷上48系,到我2010年1月正式轉戰SKE48,扣埋啲頭頭尾尾,我真正投入响AKB48入面只有大約2個月。(當然,我而家都好鍾意AKB48,亦都跟緊佢地嘅野,但係主力放响邊度,始終會有啲分別) 所以細心嘅blog友應該會發現,其實我對AKB48嘅劇場公演歌唔係太熟悉。上次去睇AX我就特別覺得呢個問題好嚴重。因為一出劇場嘅公演歌,我幾乎都係唔識嘅。就算係有啲覺得有點耳熟,但都係聽過一兩次咁。有啲一出啲fans就會尖叫嘅名曲,除咗我响AKB48入面最愛嘅teamB嘅歌之外,好多我都係一頭霧水。但係歷年咁多公演歌,要我spare啲時間去逐一重溫嘅話,對我係有啲難度。因為我專攻SKE48嘛,有時間其實都想用黎睇SKE48啦… 但係有一個都既有效又舒服嘅方法,就係通過SKE48去學識AKB48嘅歌啦! 就响SKE48出咗無幾耐嘅演唱會DVD入面,我就好感受到呢樣野啦。因為佢地唱咗啲我之前唔係好留意嘅AKB48公演歌。 例如一開場就唱嘅「ガラスの I LOVE YOU」。 有無blog友可以話我知係咩team第幾公演嘅歌呢?今次SKE48由須田亜香里,平田璃香子,小野晴香,古川愛李四個唱。我覺得首歌好可愛呀! 另外就係桑原みずき同加藤るみ唱嘅「となりのバナナ」。 呢首我都好鍾意!るみ好cute呀!!佢著咗嗰set衫,真係好似幼稚園生==;哈哈。呢首我都唔知original係咩team咩公演==; 仲有就係高柳明音,高田志織,佐藤聖羅三個唱嘅「Bird」! 嗱!!呢首我有印象呀!我記得見過高橋唱!所以我估係teamA嘅歌?但係其實都係因為明音成日提住我先响AX2011留意到高橋唱(企佢後面係咩人我都唔知呢==;)。 至於矢神久美唱嘅「虫のバラード」我第一次睇嘅時候係呆咗嘅。 因為我知呢首歌嘅原唱係秋元才加!(又係啱啱嘅AX知道==;)估唔到久美一個人perform呢首咁「憤青」嘅歌!比起原唱者,佢當然唔太夠power。不過我個人都幾鍾意,可能係新鮮,又可能係我偏心SKE48(笑)久美真係可以幾型! 松井玲奈+小木曽汐莉+松本梨奈唱嘅「愛しさのdefense」都幾好聽。但係有感玲奈再唱呢類型嘅歌恐怕真係會被定型… 成日俾人話佢就黎死。呵呵。 以上係Disc1昼公演我之前唔識or唔熟,但係而家有咗印象嘅歌!!另外佢地都唱咗其他AKB48嘅公演歌,例如係「禁じられた2人」同「おしべとめしべと夜の蝶々」。但係呢兩隻歌我一早就識啦!(懶叻!)當中「禁じられた2人」嘅JCB演唱會係令我愛上由紀嘅一大原因! 以下就係Disc2夜公演嘅歌。優子成日話佢好鍾意嘅「背中から抱きしめて」,我好似… 第一次聽?(可能之前聽咗但係零印象)。 SKE48版由高柳明音,石田安奈,向田茉夏,古川愛李,斉藤真木子,松本梨奈,山田澪花七個人唱。原版係咪都係七個人唱架呢?係咩team嘅歌呢? 有一首歌我鍾意到不得了,就係「あなたとクリスマスイブ」。 呢首歌我覺得係AKB48嘅歌黎嘅但係我so far只係聽過SKE48嘅版本。係由出口陽同佐藤実絵子兩個唱嘅。好聽!好聽!好聽啊!! 以上我提過嘅八首AKB48嘅歌,响我個腦入面都幾乎只有SKE48版。但係通過SKE48而學會AKB48嘅歌,我覺得都唔錯吖? (呵呵,有無留意到我呢個blog寫嘅SKE48成員名全部都係全名?因為我嘅SKE48全員制覇大作戦!實行緊啦!!) 追伸:尋日講嘅マジすか学園2,真係延咗期!而家定咗4月15號做,大家留意啦! Continue Reading

從AKB48認識的SKE48

永遠都只講我點開始鍾意AKB48,但係我好似好少提我同SKE48嘅第一步。 我同48系嘅歷史,係由2009年10月開始嘅。當年我無意中發現咗敦子,咁就同48大家族結下不解之緣啦。(詳細可以睇返小蝠呢個舊post) 睇開我個blog嘅朋友都應該知道,我係專攻SKE48嘅。但係理所當然地,我認識SKE48,係通過AKB48嘅「介紹」。 First off,同好多AKB48嘅fans一樣,我第一個接觸嘅SKE48成員係珠理奈。理由就當然係因為佢入咗AKB48嘅選拔啦。我鍾意咗AKB48之後佢地嘅第一隻single係「RIVER」,而雖然珠理奈嘅呢隻single入面唔算太搶鏡,但係都足夠令我見到佢。 呢個,就係我同SKE48嘅開始。 我spot到呢個小妹妹之後,第一個shock當然係佢(當時)得12歲啦。同埋就發現佢雖然同AKB48一齊出碟,但係佢實際上係屬於SKE48嘅。初步了解咗SKE48之後,立即對隊初出茅廬嘅師妹隊好有興趣啦!因為我一向都比較鍾意東京以外嘅人或事。SKE48處點係名古屋,淨係呢個都加分不少啦!不過當時我都仲係因為AKB48太多野睇搞到我好忙而未有太多時間去理SKE48。加上SKE48當時本身出嘅野好少,所以我都依然係比較痴AKB48。 呢個情況响松井玲奈踏入我嘅生命開始產生變化。當時好努力咁翻睇所有AKBINGO!同週刊AKB嘅我因為鍾意由紀而好鍾意睇週刊AKB嘅「激辛部」。我開始深入認識玲奈就係因為佢响「激辛部」入面食辣野食到好知味嘅樣。响人地食到噴晒火嘅時候,佢仲可以面不改容咁食。越睇就越覺得呢個妹妹仔好過癮。後來有一集週刊AKB嘅「激辛部」係全SKE48成員嘅,睇完嗰一集之後,我就發現自己真係鍾意呢SKE48啦。 大家都知道,年尾AKB48好多show出。而好多珠理奈同玲奈都有得出。呢堆show我發現咗,我睇佢地嘅時候對眼已經係自動追蹤住嘅,已經唔係AKB48嘅成員而係SKE48嗰兩個!加埋我2010年1月1號發夢都見到玲奈,我就知道SKE48响我心入面已經霸咗一個好重要嘅位置!從嗰日開始,其實我已經轉戰SKE48啦! 後來令我瘋狂地迷上玲奈嘅,當然就係マジすか学園同ゲキカラ啦!(愛上嘅程度係令我曾經懷疑過自己係鍾意玲奈定係其實我愛上嘅係ゲキカラ!) 2010年SKE48開始發力,令到我有機會接觸到好多其他嘅SKE48成員。除咗teamS嘅成員之外,仲愛上KII。期待已久嘅teamE都組成… 我對SKE48嘅著迷已經一發不可收拾~!2011年嘅SKE48非常之令人期待呀! 追伸:講開マジすか学園,地震後去マジすか学園2個website睇,發現無咗「4月8日ON AIR!」嘅字句。唔知係咪會延期ON AIR呢? Continue Reading