Monthly Archives: February 2011

考試與AKB

之前提過小蝠尋日要參加考試。地點係香港。
因為人懶,所以本來諗住直接去考,考完直接搭返船返澳門。
但係見到blog友話尋日去專門店or展覽館買野有張好靚嘅poster送,咁我就決定要為AKB走一趟啦!

上次到專門店係1月尾,感覺係放咗好多野但係無乜野吸引到我去買。
事隔一個月,今次去到,竟然搵到一見鍾情嘅商品!

呢三個Key Holder我一見到就鍾意啦!價錢仲要非常之經濟!28大元就買到一個!
如果有SKE就好啦… 我要SKE呀…

買滿咗100蚊,就可以登記C3嘅握手劵同搵一張「桜の木になろう」嘅poster!

好鍾意呢張poster呀!最重要係,有玲奈呀嘛!真係不枉此行!
今個月係展覽優子嘅相。我決定咗,有由紀嘅時候會再去睇!

至於因為游咗落銅鑼灣同响展覽館唔捨得走而令我差啲考試遲到就細細聲講咗就算啦… 哈!

謎之歌

AKB48 SKE48澳門演唱會嘅MC入面,亜香里唱咗一首所謂嘅「中文歌」。演唱會當日當然地聽唔出佢唱咩。 出咗DVD,再三細聽… 都依然係唔知佢唱咩。我甚至放咗上自己嘅facebook叫朋友們玩下估歌仔,結果都係無人認得出。 究竟有無人知道佢唱緊乜? Continue Reading

横山由依☆勉強会@AKBINGO! (110223)

因為聽日小蝠有考試關係,今日同聽日個blog將會好簡短。 啱啱嗰個星期三嘅AKBINGO!有久違了嘅漢堡包店遊戲。由依有份玩呀~ 平時睇佢好似好正經咁嘅由依。但係我覺得佢其實都幾盞鬼,只係昇格無幾耐未熟環境所以未發揮出來罷了。 回正題。題目係:「柏木由紀」 由依出嘅hint係:「ブラック」。好正路嘅答案!但係就搞到由紀咁嘅樣↓↓ 哈哈。 到畫畫。題目係:「獅身人面像」由依用綠色筆。 畫嘅野意味不明,俾主持人串嘅時候嘅樣超cute~。啊~我被萌暈了~ 以上!横山由依第4回勉強会でした! Continue Reading

マイペース

題目:My Pace。 呢個係一個常用詞,用來形容一個人唔會隨波逐流,永遠都照自己嘅步伐前進。呢個詞可褒可贬,但係近年應該係比較中性。大部份人都唔介紹自己俾人話My Pace,甚至會自己形容自己為My Pace。 AKB入面My Pace嘅成員實在太多。但係當中嘅頂級My Pace,我覺得真係非敦子莫屬。佢真係隨時隨地都表現到佢呢個性格。 唔洗講大家常見佢响AKBINGO!遊雲…我之前睇嘅Happy Music,當大家都好忙咁介紹緊隻歌,敦子竟然… 响度好認真咁睇緊佢手上嘅兩隻碟!! 睇完後面仲要睇埋前面。好似佢從來無見過呢兩隻碟咁!哈哈! 好多人會覺得佢唔pro,覺得佢自我,覺佢態度唔好。但係我都係嗰句:呢個就係前田敦子。我鍾意嘅前田敦子! ~☆~☆~☆~☆~☆~ 早幾日心情唔好,因為嬲自己怕事而唔肯走前一步。咁啱原來AKB48嘅新歌「桜の木になろう」係一首鼓勵同支持大家踏出第一步嘅歌。 於是我就好自個我滿足地覺得AKB48支持同鼓勵緊我啦!哈哈! Continue Reading

私出るんですか?死んじゃいましたよ?

有去到睇AX嘅朋友,都知道最終日嘅特報播咗一段成員聽到要拍マジすか学園2嘅時候嘅反應。呢段影片較早前已經出現咗响個website度。http://www.tv-tokyo.co.jp/majisuka2/ 我睇得最high嘅,當然係玲奈講講吓野變咗ゲキカラ啦。但係我覺得最可愛嘅,係優子好認真嘅一段話: 「え?やるんですか?私出るんですか?死んじゃいましたよ?」(譯:吓?要拍嗎?我會出場嗎?我已經死了喔?) 我覺得優子用咁認真嘅表情+咁輕鬆嘅口吻講呢句野好可愛。 唔知佢真係有無得出呢?佢真係死咗架啦喎? ~☆~☆~☆~☆~☆~☆~ 講開マジすか学園2,今朝玲奈個blog話佢今日拍緊マジすか学園2。今次好似拍得幾密咁喎。多戲份預感不過可能只係行行企企嘅佈景都唔定… 佈景真係好多戲份架… 差在個鏡頭影唔影之嘛… ==;今次個造型似乎都仲係秘密。所以玲奈講咗咁多少都無post到相出黎。不過ゲキカラ應該唔會有太大改變吧? Continue Reading

1!2!3!4!ヨロシク! 勝負は、これからだ! 〜2010.11.27 @ 愛知県芸術劇場大ホール 〜

多謝各位blog友嘅關心同鼓勵呀!小蝠已經無事啦!雖然仲係想改變自己緊張大師嘅性格… 一步一步來吧!經過尋日心情大起大落嘅一日。小蝠發現咗,原來自己都… 幾快可以恢復。個唔好嘅心情唔會拖好耐。呢個,都可以話係自己性格上嘅小優點吧? 今日收到兩份SKE48送來嘅禮物! 今次隻演唱會DVD個盒勁靚呀! 但係個盒邊又係… 約10個月前呢個post,我話過公司再咁hardsell珠理奈,我就罷買SKE48嘅碟。10個月之後… 小蝠已經麻木了==; Continue Reading

自己

今日休息一天,唔講48系。 心情有點大上大落嘅一日。其實自己本身都係屬於比較唔識控制情緒嘅一群。雖然好少野就可以令到我好開心,但係同時好少野就令到我好失落。 越來越討厭而家嘅自己。記得中學嘅時候,我都有段時間唔鍾意自己。總係覺得自己乜都唔掂咁。後來讀大學嘅時候對自己嘅印象好咗啲… 但係近幾年真係好唔鍾意自己。 我都唔明自己點解會咁鍾意驚呢樣驚嗰樣。少少野都諗諗諗諗到自己驚為止。搞到乜都唔想試,乜都唔敢去試。明明係應該好開心嘅野,都可以諗好多野自己嚇自己嚇到唔想去做。如果咁,又如果咁… 唔知幾時開始太愛安定,少少刺激都唔想要。唔通真係人大咗就會有太多顧慮?三思而後行係好,但係想太多都唔係好事。有時有啲野,真係要坐言起行。想做就即做。錯過咗會後悔。 唉~好煩呀~自己!! 今年嘅目標:唔好諗太多,唔好驚太多!放鬆啲… 想做就努力去做啦! Continue Reading

横山由依☆勉強会@Music Birth+

1月某日無端端一時衝動決定推由依之後,因為幾乎完全唔識佢,所以成立咗個「勉強会」。今次已經係第三次啦!我就通過咗呢個公開嘅勉強会令我越來越鍾意佢,希望各位blog友都有得著啦! 今次係關於Music Birth+。 Music Birth+ 呢一個節目每個星期都會介紹Not Yet,而2月13號嗰集,就係關於由依架啦! 原來Not Yet本來只有優子,指原同北原三個成員。佢地甚至已經錄咗音!但係聽咗錄音嘅秋元P覺得有啲野唔夠! 所以就緊急招咗由依入伍。Not Yet就變成咗四人組合啦! 入咗Not Yet之後,由依剪咗佢長長嘅頭髮。佢話係為咗配合Not Yet嘅造型喎!小蝠就唔理佢為咗咩原因剪,我只係覺得好可愛好啱佢! 同優子嘅共同錄音。 响大前輩面前嘅由依表現得好緊張。 錄完之後,由依因為發現咗自己仲有好多野唔掂而好沮喪。 由依係一個好努力嘅女仔。做唔到嘅野佢會比其他人用多好多嘅努力去令到自己做到為至。呢方面都唔洗我講啦,AKB嘅成員每一個都對佢好評。佢昇格為teamK成員嘅時候,幾乎全部members都替佢高興。仲有其他team嘅成員出晒面話如果佢join佢地嘅team就好。 由依當年參加過SKE第二期成員嘅audition,可惜入唔到。如果唔係,佢應該會同明音佢地一齊响KII。話時話,由依都係同K有緣。入唔到KII,end up都入咗K。 最近發現因為營運過度明顯地推由依而令好多fans對佢有啲反感。不過都難怪,因為我諗如果我唔係決定推佢先發現呢件事,可能我都會係反感行列嘅其中一人。不過由依其實真係好努力,所以希望各位反感嘅朋友俾次機會佢啦! 當日我決定推佢嘅時候未真係鍾意佢(甚至未識!),但係我已經可以宣佈,我正式鍾意咗横山由依! Continue Reading

バンザイVenus PV

終於睇咗SKE48 5th Sg「バンザイVenus」嘅PV。呢首歌我睇一次睇公式嘅45秒版本我已經好鍾意。繼續上次「1!2!3!4!ヨロシク!」嘅曲風,「バンザイVenus」都係會令到人地聽到想跟住跳嘅歌曲! 今次嘅白 x 粉藍嘅衫有種好fresh嘅感覺!非常之適合好似花音呀,ゆりあ呢啲年紀嘅小妹妹著! (噢!我無話大啲嘅members唔襯呀吓!唔好誤會!呵呵) 今次個PV無乜故仔,但係都有校服look。大家睇下,明音嘅校服look真係好fit架~呢個珠理奈都幾cute~ 今次終於回歸選拔嘅小木曽!等咗你返黎好耐啦!! 走出課室同久美食団子嘅玲奈!唔好睇佢好似食得好開心咁。其實佢唔食呢樣野架!佢話佢唔鍾意食嘅原因係,佢唔知幾時吞喎~ 以下係我cap到最正面嘅ゆりあ啦(泣) 玲奈,麻煩你縮一縮你隻左手==;今個PV,好似唔多見ゆりあ… 唉~大人數選拔就會係咁。 「バンザイVenus」嘅PV係我cap圖咁耐cap得最辛苦嘅一條片。跳舞scene直頭係近乎cap圖不能嘅地步==; 雖然好鍾意SKE48唱呢類型嘅熱鬧歌,但係都希望at least個PV可以俾我清楚地睇到每一個選拔成員嘅樣… (响呢度特別指名想見ゆりあ同亜香里…) Continue Reading

偶然の十字路

AKB48「桜の木になろう」嘅c/w,由UG唱嘅「偶然の十字路」。 某程度上,我對呢首歌嘅PV嘅期望仲大過主歌嘅「桜の木になろう」。呢首歌係日本單車協會嘅CM歌。所以成個PV都放咗好重重點响單車度。 非常之唔出奇地,呢首歌嘅主角係AKB48力捧中嘅由依同SKE48力捧中嘅花音。 其次就應該係到明音同多田同すーちゃん? 首歌開心,隻PV都好開心。故事性就一般,只係講有三個男仔成日睇住班女仔同搵機會同佢地交流。 我就幾鍾意花音踩單車嘅嗰一幕。 好可愛嘅明音~~明音其實都幾異常地襯校服look。當然,整個48系都係以校服為主… 我想講嘅係,19歲嘅明音應該仲可以襯多好多年。哈哈。 現役中學生。响呢個PV入面花音真係出得勁多。佢咁cute,出多多都GOOD啦!不愧係無限cute! 被稱為SKE48三神之一嘅久美响呢個PV出得好少。上一首UG佢係「SKE幫」嘅首領,今次已經幾路人甲。明音絕對main過佢。 講真,久美而家頂多可以叫做teamS嘅三神之一。如果以整個SKE黎計,風頭一早俾後上嘅成員蓋過了。最近關於久美嘅嗰件事好似仲有啲啲手尾。希望佢無事啦! 今次嘅設定係全部成員都係同級生。部份成員係响離島住,朝朝要踩住單車搭船返學,放學就搭船走咁。當然兩位主角,由依同花音响PV個故仔入面都係同級生。但係我無論點說服自己佢地係同班同學,我都依然感覺佢地似兩姊妹==;個家姐(由依)同個妹(花音)一齊返學放學==; 可能係「桜の木になろう」嘅完整版PV無玲奈又無由紀,所以相比之下我係比較鍾意「偶然の十字路」嘅PV啦。不過學blog友話齋,呢個PV最扣分係嗰三個男仔。佢地嘅出現可能令個故仔完整啲,但係佢地唔出個視覺效果會完美好多。 嗯,取捨。 Continue Reading