Monthly Archives: January 2011

SKE48学園!

今日因為腸胃炎而留咗响屋企嘅小蝠…
唔想瞓但係又唔想郁,於是由朝早開始搵野睇…

SKE48学園真係實在堆得太多。第6集之後就無睇…
無計,佢又長又唔係特別好睇又唔係特別好笑,所以病病地嘅日子就最啱啦!

今日嘅發現:

久美真係好型!!

同埋:

我真係好鍾意亜香里嘅笑容。

以上,小蝠要抖抖啦!

告白。

今日嘗試將堆埋要睇但係未睇嘅非AKB野清減一啲。 本当にあった怖い話3D。LADY~最後のプロファイアー3、4話美しい隣人2、3話告白大切なことはすべて君が教えてくれた1、2話 也未免堆得太多了==;; 加埋AKB關連嘅話… ==;我唔想諗了。 當中特別講嘅,係電影「告白」。 朋友睇咗話好好睇,勁推薦。同事又話呢個係必睇之作。响日本又好收得。加導演响戲內起咗用AKB嘅歌同海報,同埋小蝠鍾意小演員芦田愛菜… 咁多理由,我咪好期待咁睇囉。但係… 唔知係咪我太膚淺呢?點解我一啲唔覺得好睇架呢?可能係我唔識睇呢啲咁有message性嘅戲啦。又可能我唔太鍾意睇戲用腦啦。或者呢啲戲種真係唔太啱我…. 講得直接啲… 我覺得好悶…嗚~嘥咗我兩個鐘==; 我鍾意睇嘅係,簡單直接又感動嘅野。嗯。期待「桜からの手紙 ~AKB48 それぞれの卒業物語~」。 Continue Reading

世界中の雨

チームドラゴン(Team Dragon)嘅C/W世界中の雨。 大家都知啦,呢首歌已經係大半年前嘅事。一路都想講但係一路都無機會講。見今日無乜野,就講呢首歌啦! 雖然チームドラゴン有由紀,但係唔知點解呢隊野我無乜太大興趣。但係我當我聽到首C/W「世界中の雨」嘅時候,我就非常之鍾意呢首歌。我聽「世界中の雨」仲多過「心の羽根」! 小蝠本身鍾意雨天,對雨呢樣野非常之正面,所以呢首歌嘅歌詞我已經係好鍾意。個melody我覺得好有動畫feel,好有畫面!每一天聽我都可以响個腦入面picture一個環境出黎! 呢首歌入面有好多敦子嘅solo,我鍾意聽敦子把聲,所以呢方面都好滿足啊~ 可惜呢首歌入唔到top100… Continue Reading

握手天才

早一排(應該係大約兩個星期之前)睇返SKE嘅節目「SKE48のIDOL x IDOL」。呢一個節目好似係名古屋嗰邊嘅電視台响2月份播嘅,只有4集。每一集呢,佢地請到以前嘅偶像歌手出黎傾下計,咁SKE呢,就唱下佢地以前嘅名曲,交流下做偶像之道咁。仲有出名猛推48系嘅藝人山里亮太做主持。 雖然我覺得以前嗰套而家已經唔work,但係畢竟有機會俾SKE嘅小妹妹多了解同接觸佢地嘅前輩都不失為一件好事! 我唔記得咗係邊一集,好似係第一集?佢地提到握手會對偶像歌手嘅重要性。身為AKB fans嘅山里,就講咗去握手會嘅fans嘅心情。 當中佢提到,去咗握手會嘅fans大部份都會好緊張,所以佢地嘅對應係好重要。佢地要識得lead住個mood。如果fans講到野就當然好,但係如果fans太緊張而開唔到口,咁佢地嗰邊要懂得打開個話題。 山里仲講咗一件事出黎,大讚由紀係握手天才。話說有一個好怕羞嘅中三生去同由紀握手。由於佢真係好怕羞,佢全程都唔敢望由紀,只係伸隻手出去,低著頭佢由紀講,話佢今年要考高校,希望由紀同佢講一句加油。點解等咗一陣,由紀都係無出到聲。個男仔覺得好奇怪,做乜由紀唔同佢講嗰句加油。於是佢慢慢咁抬起頭,睇下發生咩事。呢個時間由紀就笑住咁望住個男仔,話:「終於望到你啦,你高考要加油喔!」(原文:やっと目があったね!受験頑張ってね!) 我聽到呢件事,真係覺得好精彩。證明咗由紀握手,唔係敷衍了事,而係用心對待每一個前來握手嘅fans。而且佢嘅態度係會令人好舒服。聽完呢件事之後,我一年來嘅心結終於解開咗(←洗唔洗講到心結咁誇張啊?) 其實呢篇post我都講過,我上次去個別握手會(其實係寫真會啦)嘅時候,4個成員入面,我最relax就係由紀。去到握手會係真係會緊張到個腦一片空白啊。尤其係我呢啲唔係成日見到佢地嘅人。 但係去之前用咗好大嘅努力去不停練習我要同玲奈講乜,所以玲奈基本上係唔用腦都講到要講嘅時。 HOWEVER,其他成員我就零準備啦。所以我係超級無敵地緊張啦。入到去幾乎係唔知講乜。但係唔知點解喎,排嘅時候仲好驚,但係一入到去見到由紀,竟然覺得好舒服咁。同佢講完野,影完相,我仲要同佢講我後面嘅人(我識嘅人啦of course)唔識日文,叫佢多多指教。當時由紀俾我嘅反應同態度,我到而家都仲好記得。之後聽返同我一齊去嘅人講,佢不停咁用英文同由紀講野,由紀好明顯係唔識聽,但係佢依然好用心咁聽佢講好努力咁去理解佢想講乜。同我一齊去嘅呢個人本身唔係fans,但係佢去完,就有少少鍾意咗由紀,仲講咗幾次由紀真係好nice咁話。而我亦都要認嘅係,我去完呢次握手會之後,比之前更加鍾意由紀。 我返黎之後一直都响度諗,點解會咁呢?點解係得由紀一個會咁relax呢?仲要因為咁relax所以我反而記得好多同佢交流時嘅細節!同玲奈嘅時間反而係無乜記憶==; 聽完山里講嘅故事,我就恍然大悟嘅感覺!明白晒啦。原來因為由紀係握手嘅天才!佢可以令到前來握手嘅fans覺得relax同舒服!嗯!呢個就係小蝠嘅結論。 講開由紀,今朝俾佢嚇死。一返到公司開佢個blog睇,就見到以下呢張相。 本來都無乜特別,最嚇人係佢竟然話自己染咗頭髮。噹!==;小蝠係黑髮族,亦都係黑髮萌。係咪黑頭髮對我黎講係非常之重大嘅事!!當時即時呆咗,心諗:唔係掛?搞啲咁嘅野!!! 好彩,最後發現係由紀玩野,我俾人呃咗。呼~唔係講笑,由紀如果真係染咗頭髮,佢响我心目中嘅分數可能會減半… Continue Reading

Not yet

AX2011第二日公佈嘅AKB48最新派生組合「Not yet」。由於我無去到睇第二日,無緣睇到佢地嘅表演。但係純睇陣容小蝠就已經覺得要注目。(雖然未去到 “高度注目” …) 北原里英,大島優子,橫山由依,指原莉乃 小蝠注目嘅就梗係新寵由依啦。今次嘅派生,佢同優子企中間!勁啊~又係明捧!但係對我黎講係好事吖。雖然我知道咁嘅安排同時會為由依帶來好多anti… 加油呀,由依!! Not yet!我雖然Not yet真正認識你地,但係3月16號隻碟我一定會支持~!期待聽佢地首歌「週末Not yet」!(呢個亦係小蝠而家嘅心聲… 週末啊~你幾時黎?Not yet??) (以上圖片出全部來自優子個blog) Continue Reading

SKE48 2011年年曆

敗家蝠… ==;訂年曆嘅季節剛好係小蝠最鍾意WR嘅時期,所以「一時衝動」買咗WR。冷靜下來之後,就開始後悔… (唔係後悔買咗WR,而係後悔無買SKE48)。 由於覺得一年無理由要兩個年曆,所以一直都忍住手…但係實在係太後悔啦,有一日經過一個地方見仲有得訂,就忍唔住入去訂咗。其實都成個幾月前嘅事。嗯,一月都尾啦,先到。算了。自己衰嘛。 攞上手嘅時候已經覺得好重手。返到屋企一打開,竟然發現連埋封面有13頁!一般B2嘅年曆係兩個月一頁,48系嘅會多一張bonus响最後,所以係8張。呢個SKE嘅,竟然係一個月一頁! 封面 1月 2月 3月 4月 5月 6月 7月 8月 9月 10月 11月 12月 係咪覺得好抵呢?哈哈~WR既然買咗,所以都會掛出黎!好啦,今年小蝠會有兩個大年曆陪我過啦!! Continue Reading

AKB48 リクエストアワーセットリストベスト100 2011

警告:今日個blog會超長。 啱啱過嘅星期六同星期日,小蝠有幸去到香港睇AX2011嘅直播。多謝晒幫我搵飛嘅大勇同埋一齊去睇blog友們! AX係AKB48一年一度嘅盛事。高橋話齋,AX就係AKB48歌曲嘅大選!竟然今年香港有直播,當然唔可以錯過啦!就算幾懶都要去!所以身邊嘅朋友都話,「能夠將小蝠拉出房門口嘅似乎只有AKB…」。呢一句comment唯一嘅錯處係,仲有SKE可以拉我出房門口… (笑) 回到正題。小蝠只係去咗最後兩日,因為不竟星期四同星期五係平日要返工,而且唔係實時直播而係delay轉播,所以首兩日斷念~週末本來都只係打算去一場,因為懶。思前想後之後,選擇咗睇星期六,因為我嘅主要都係想睇SKE,覺得SKE嘅歌唔會入到咁高,所以第三日差唔多架啦。但係其實事前覺得自己睇完第三場會想睇埋第四場,所以諗住去唔去都好買定飛!結果… 我只可以講一句:我太了解自己啦!哈! 星期六(AX第三日)一開波就係我鍾意嘅歌!50位「僕だけのvalue」!估唔到一開場就見到ゆりあ!個人即時high爆!雖然話係睇銀幕,但係個screen又大,聲音又大,又有其他fans一齊,其實都幾high下。小蝠係嗰種自己一個响屋企睇DVD都大嗌嘅人,所以第一首歌已經睇到不停怪叫~哈哈。(隔離左右嘅朋友,抱歉!) 出現劇場歌嘅時候,因為我基本上都唔太熟,所以就乖乖咁聽歌直到42位嘅「完璧ぐ〜のね」出現!呢首係我微薄嘅兩票之中其中一票嘅去向。大銀幕後面嘅はるごん實在係太可愛啦!! 之後38位嘅「マジジョテッペンブルース」。ゲキカラ玲奈出場又再令我怪叫。大銀幕超清地睇到玲奈,實在係好感動!另一個注目點係,由依响呢首歌都take over咗小野嘅位置。連句「あんたが憎い!」都俾埋佢。如果我未鍾意佢之前可能會好震驚,但係因為而家推緊佢,所以非常之高興。一見到佢出現响熒幕就大叫「ゆいちゃん~!」 32位係小蝠另一張投票券嘅去向!SKE48嘅「ごめんね、SUMMER」!呢首歌我實在好鍾意。而家且係少數選拔,又有ゆりあ!當然,我最愛嘅玲奈我都會pay attention啦!不過ゆりあ真係好cute… 跳咗31位嘅Choose Me(其實都好鍾意呢首歌!),30位嘅「てもでもの涙」真係超正。當然,我係推由紀嘅,點都會覺得正。但係今次唱嘅版本係由紀同畢業生嘅佐伯唱嘅原版!鍾意咗AKB只有一年多嘅我其實係唔多識呢個畢業生,只係聽過佢個名。但係成個performance好正! 29位有名曲「Bird」!實不相瞞,我鍾意呢首歌係因為明音成日都話鍾意。同埋佢自己都唱過一次。其實睇呢首歌嘅時候,我比較在意坐响雛壇上嘅明音嘅反應。可惜嘅係,我呢個願望傳唔到去個攝影師度… 高橋中段甩咗隻翼,明音事後嘅blog狂講話佢睇到嘅時候感受到命運?佢上次唱嘅時候係咪响同一個時候甩咗隻翼? 28位嘅君について,27位嘅ずっと 前から同26位嘅RESET我都好鍾意。特別係ずっと 前から!由紀實在太靚啦!當日佢係紮咗辮(係咪叫卷髮馬尾?),小蝠就覺得好好睇!雖然如果講唱French Kiss嘅歌,由紀直頭髮可能會襯啲,但係偶爾咁樣好有新鮮感呀! 嗌咗一輪ENCORE之後出現响台上嘅竟然係NMB… 即時無晒mood(誇張!)。好快咁趕走咗佢地之前,出現嘅竟然係French Kiss嘅三個成員!!因為第二日encore已經唱咗If,我星期五晚响屋企睇twitter,日本fans寫已經唱咗If我仲响度拍晒枱以為無得睇。點知end up第三日佢地再唱一次!嘩!好開心!由紀紮住辮唱If呀!If呀!!!(太興奮了,失禮晒!) French Kiss唱完之後,見到高橋出黎,唱咗no3b新大碟高橋版入面佢嘅solo歌「奇跡は夜生まれる 」。因為encore有限,當時以為只有高橋嗰首,所以即時同坐隔離嘅大勇講,話我寧願聽峯岸嘅「私は私 」多啲。但係話口未完,就見到著住白色歌衫嘅峯岸行出黎!本身已經好鍾意呢首歌,好感動。峯岸唱到熱淚盈眶咁,搞到我都眼濕濕。峯岸唔係一個我特別鍾意嘅成員,但係佢又好多時都感動到我,同埋會令我好想支持佢。佢唱完之後,到陽菜出黎唱埋佢隻「Cloudy Sky」,就直入MC。MC入面no3b三個成員都喊。都唔出奇,最好笑係出黎做MC嘅優子無啦啦又喊埋一份。原來佢係為咗佢最鍾意嘅陽菜演出成功而喊。大家都取笑佢話佢好似陽菜嘅阿媽咁。計我話,點睇佢都似阿爸多啲… 哈哈。 AX第三日嘅最後,宣傳咗佢地套Documentary Movie,而結尾就唱咗套戲嘅主題曲「少女たちよ」。 睇咗AX第三日(對我黎講嘅第一日),印象最深嘅竟然係橫山由依。因為佢實在係出得太多啦!真係太多==;我唔係專登搵佢都成日見到佢!仲要係大頭喎!營運!未免捧得太明顯了吧?不過話說,佢剪咗頭髮個look又真係幾可愛。小蝠就幾鍾意啦! 星期日(AX第四日)25位好型嘅高橋唱完「愛しさのアクセル」之後,就係今日最大嘅驚喜!!24位係SKE48嘅「1!2!3!4! ヨロシク!」!!驚喜在我根本唔知有得投呢首歌(爆)!如果唔係我應該就會投呢首了。不過唔緊要吖,佢都入到幾高嘅位置!AX最終日唱喎!SKE,你地好叻呀!當中最受我注目嘅當然係亜香里同ゆりあ啦!ゆりあ嘅髮型實在係好可愛!而亜香里之前嗰日(第三日)無佢份,所以第四日可以見到佢真係好開心啊!佢真係成日好似好enjoy表演咁!响個台上面永遠都咁開心! 其實最終日嘅歌曲,要估有邊首歌入真係唔難,只係難在排位係乜。除咗「1!2!3!4! ヨロシク!」之外,玲奈嘅solo「枯れ葉のステーション」都入到最終日!22位!响384首歌曲入面,SKE有兩首歌入到top25,實在係好令我驕傲了! 之後三首,21位嘅「初日」,20位嘅「涙サプライズ!」同19位嘅「あなたがいてくれたから」我都忍唔住大叫咗一句:「咁低????」… 兩年前嘅AX第一位「初日」已經跌出20大… 雖然有啲可惜,但係無所謂嘅,佢係我心目中依然係極高位!最鍾意係開頭嗰個円陣:「いつも感謝!冷静に、丁寧に、正確に皆の夢が叶いますように!チームB!!!!」!另外我估會入到top5嘅「あなたがいてくれたから」竟然得19… 實在有啲跌眼鏡… 想提一提嘅係,16位嘅「First Love」。小野嘅solo曲。小野畢業+由依昇格之後,小野嘅舊位機乎由由依頂晒。如果呢首都執埋,恐怕真係會有好多反對嘅情緒!小心俾人擲蕉啊!好彩,音樂一起,走出黎嘅係麻友… 呼~鬆一口氣。 由紀嘅「夜風の仕業」擠上12位了~雖然都係贏唔到第8位優子嘅「泣きながら微笑んで 」,但係以個人金曲黎講,佢已經係第二位啦!勁呀由紀!下一年希望沈默都入到最終日啦!!呢首歌唔係咪嘴而係唱live。自從有一次電視節目由紀唱live走到離晒譜之後,佢一唱live我就會好緊張。但今次唱得唔錯!well done! 上年嘅第二位「君のことが好きだから」今年第六位。我一直都無講過,但係其實我對呢首歌真係又愛又恨。愛嘅係呢首歌真係好好聽。恨嘅就係呢首係當年大選玲奈29位入咗UG嘅歌,往後幾乎一年玲奈都無入過AKB嘅選拔… 所以對我黎講呢首歌其實係有啲Bitter。 今年AX team歌入面最高位係teamB嘅「チームB推し」!呢一首歌係我自己好鍾意嘅一首歌。劇場嘅team歌其實我唔係太熟,會heavy rotation咁聽嘅只有teamB嘅歌。呢一首係B5入面我覺得好high嘅一首,因為會逐個成員叫名!講真,A6,K6同B5入面,我幾只有聽teamB呢… 感覺上teamB嘅歌都幾受歡迎… 好似當年攞到第一嘅「初日」,都係teamB嘅歌喔! 頭四位就係Single當道啦。第4位係上年嘅第1位「言い訳Maybe」,3位係小蝠到而家都記唔得個前奏嘅「ポニーテールとシュシュ」,2位係「Beginner」,而今年AX嘅1位係優子坐正嘅「ヘビーローテーション」。… Continue Reading

French Kiss – If (B版)

因為有人問過我French Kiss嘅If嘅B版隻DVD係乜野,之前我未睇所以答唔到,啱啱過咗目,所以講少少啦。 A版收錄嘅短劇叫「If ~今日、恋をはじめます〜」原來,「今日、恋をはじめます」本身係一本漫畫。作者係水波風南,漫畫嘅譯名係「今天開始談戀愛」。小蝠唔睇少女漫畫,所以唔知有呢套野。Anyway。 咁又關French Kiss咩事呢?原來B版就正正係呢一本漫畫嘅動態版(唔係動畫版呀吓)。而French Kiss嘅三位成員就响入面為女主角配音。 其實所謂嘅配音,只係將格仔入面嘅字讀出黎俾你聽。用DVD係漫畫我都係第一次。 三位成員都係配同一個人物,同埋同一段故事。所以fans們可以比較一下佢地三個邊個配得最好。因為時間關係,小蝠只係睇咗由紀嘅版本。嗯,我不嬲都鍾意由紀把聲,聽起來好舒服~~~ 最後有花絮,睇到佢地嘅配音情況。都係因為時間關係(偏心關係?),小蝠飛過咗其餘兩位成員嘅部份,只睇咗由紀。嗯,Perfect! 努力寫AX感想中… Continue Reading

マジすか学園2+桜の木になろうPV

今日想講AKB48即將推出嘅Single「桜の木になろう」嘅PV。但係我另外一樣野我覺得一定要今日講~~就係2011年4月開始,我地一眾fans又係有「マジすか学園」睇啦!!雖然而家乜都未知!但係對我呢個ゲキカラfans黎講已經係期待滿分啦!睇黎小蝠嘅2011年都係屬於AKB48&SKE48架啦! 〜☆〜☆〜☆〜☆〜☆〜☆〜 好,講返「桜の木になろう」。PV尋日(定係前日?)放出,呢啲點忙都要即睇啦! 其實未睇PV,未聽歌之前,知道佢地隻新歌叫「桜の木になろう」我已經响度諗,「變成櫻花樹」?點變?做乜要變?但睇咗個PV之後,嘩,個PV真係好貼題。※以下會透露劇情※ 首先個「故事」係講一班朋友一齊坐巴去一個地方。 竟然係掃墓。第一次睇嘅嗰一刻我係有好多問號! 直到睇到佢地回母校,到操場見到啲學妹就想返起自己學生時代嘅野,包括咗珠理奈。 各自回到自己嘅生活,幽靈珠理奈就出現啦~ 陽菜考試幽靈珠理奈坐响度陪佢一齊諗… 又幫高橋令到佢鍾意嘅男仔坐响佢隔離… 又睇住優子同佢個女玩~ 之後仲有去「探」敦子同友美… 最後珠理奈見晒佢地咁多個之後,企响櫻花樹前。之後最佢五個朋友推佢埋去。原來要變櫻花樹嘅,係珠理奈… 呢個scene我唔知點解好感動… 感覺好似係佢五個要送幽靈珠埋奈走。好唔捨得呢個朋友,但係就送佢走佢嘅路咁。 我講得真係唔好,但係呢個PV都幾有深度。但係我表達唔到我睇嘅個PV嘅時候嘅感受。我第一次睇呢個PV嘅時候,已經睇到喊晒。好鍾意呢個PV呢首歌。 今次16個選拔,但係除咗以下呢個scene之外,只會見到敦子優子友美高橋陽菜珠理奈。其餘想睇下樣都無… 大佬,係要考我眼力嗎?俾個close up仔都好吖?陰公,我想睇下玲奈個樣都咁難? Continue Reading

Valentine Kiss ~by WR7~

大家睇到呢個blog嘅時候,小蝠應該就坐咗响香港某個戲院度睇緊AX2011嘅直播啦!因為怕太夜返無時間寫blog,所以預先寫定一篇設定咗時間post! 好,入正題!啱啱睇咗WR7嘅PV。小蝠好鍾意WR,但係就好唔鍾意WR7。一向都鍾意少人數,WR已經由4個升到5個,而家做乜要加多兩個?有意義嗎?可能我唔鍾意小森同岩佐,所以我只覺得其餘5個我鍾意嘅成員嘅出鏡率被分薄咗! Anyway,撇開佢兩個唔講,今次WR嘅呢首歌一樣係好可愛。當然,ギュッ!係無敵嘅,但係呢首都好啱WR唱。 粉紅色背景真係cute到爆!首先我嘅はるごん!不愧係WR嘅「最年長嘅孻女」!KAWAII十萬點! 睇完以下呢張麻友,我只可以講一句:你可唔可以唔好咁cute? 另外就係菊地!呢張我個人超鍾意!!菊地好多時都俾人覺得佢好成熟好大個咁。但係其實佢都係得嗰17歲。好似以下呢啲咁嘅可愛表情先啱佢架嘛~! 聽咗睇咗今次嘅PV,除咗不滿加咗兩個之外其實我都幾鍾意~好彩就係,企位方面新嗰兩個企好邊邊。如果佢地一入就踩過界,我諗我會反枱。哈哈。 希望呢隻係WR7唯一嘅碟… 下次可唔可以俾返WR我? Continue Reading