Monthly Archives: December 2010

回顧2010!

終於到咗2010年最後一日啦。回顧一下今年嘅大事先。

首先1月就當然係我正式愛上玲奈啦。
2009年年尾嘅歌唱節目我只係望住佢,加埋2010年1月1號早上發夢見到佢見到佢之後,我已經覺得自己應該係最鍾意佢。後來「桜の栞」嘅AKBINGO!表演佢企响我當然最鍾意嘅敦子後面我都只係睇住佢之後,我就知道我個心已經俾玲奈偷咗。

2月終於到ゲキカラ啦!
之後就係「マジすか学園」啦!雖然有部份fans唔鍾意呢套劇,話同AKB48嘅形象相距太大,更有人覺得破壞咗AKB48嘅形象,但係小蝠就好鍾意呢套劇。有少少搞笑,又有少少感動,雖然好暴力,但係又有少少道理响度。加上呢套戲對好多AKB48成員黎講係第一次演戲,意義都幾仲大。個人黎講,對於當時啱啱開始鍾意玲奈嘅我,ゲキカラ對玲奈嘅我個心入面嘅development起咗好大作用。

人生第一次握玲奈隻手嘅3月!
不得不提就當然就係我去日本嘅寫真會啦。
當時鍾意咗玲奈先兩個月,就有咁嘅機會去見佢同佢傾計影相,對我黎講,感受都幾深。以前追日星,鍾意咗幾年然後有機會去演唱會離遠見到已經覺得好勁。而家係切切實實去同佢見面,握手,真真正正去擁有玲奈人生入面嘅幾分鐘,仲要有相留念。呢一次嘅活動,打破咗我一直以來嘅追星觀念。同埋真係好高興見到玲奈!

4月開始正式轉戰SKE48!
鍾意咗玲奈之後我最大嘅改變就係我嘅主攻由AKB48轉咗去SKE48。
唔係話變咗唔鍾意AKB48,但係個主力點係變咗。投資落去嘅精神,金錢同埋時間都係以SKE48優先。鍾意玲奈之後,就鍾意咗越來越多嘅SKE48成員。雖然未係DD,但係我認自己係SKE48嘅MD應該無人會反對…

幾多事發生嘅5月。同追星無關,係一啲家事。
年邁嘅嫲嫲因癌症離開了。我同嫲嫲嘅感情好好,佢非常之疼我。我到而家都仲好掛住佢。有時會怪自己愛得太遲,嫲嫲在生時無一得閒就去探佢。我當時一個星期會去睇嫲嫲一次,但佢入院前嘅嗰個星期六因為一啲事而無上去,估唔到就係咁就以後都無機會再响嫲嫲屋企見到佢… 遺憾。

6月最大嘅事當然係AKB48総選挙啦。
結果大家都知道晒架啦!小蝠鍾意咗AKB48之後第一次嘅総選挙。我都有落足力去支持玲奈架!結果,高興得黎有少少失望啦!高興就係玲奈一野跳升好多好多位,仲可以入到media選抜。唔開心嘅係佢都係贏唔到珠理奈。好開心可以參與嘅件大事!但係最震撼莫過於総選挙之後嗰日有三個AKB48成員同三個SKE48成員黎咗澳門!仲要係開記者招待會公佈11月會响澳門開演唱會!我記得嗰日我睇見佢地啲blog去咗澳門邊度邊度,但係我人就塞响公司,真係有點無奈嘅感覺。

7月小蝠生日~又係玲奈生日~又係敦子生日~又係由紀生日~好多人生日~
呢個月最多生日。AKB48好多7月生日嘅人呢!定係我錯覺?7月最大嘅大事就係小蝠愛上咗明音同埋玲奈嘅「枯葉ステーション」响SKE48嘅best 30入面攞咗第一位!強呀,玲奈!同時感受到玲奈真係變得好紅啦… 突然之間嘅太紅其實令到我有點兒不知所措…

8月愛上「渡り廊下走り隊」。
突然之間因為電影「×ゲーム」而愛上咗はるごん同あやりん。威就威在,係未睇套戲都可以鍾意咗。はるごん突然之間無啦啦成為咗我嘅次命。好突然嘅一件事。可惜嘅係次命呢個位已經跑返去SKE48成員嘅手中啦。不過因為當時好鍾意佢兩個,所以幾乎日日都响度睇渡り廊下走り隊… 8月中某日,小蝠開始日日都有寫blog!4個幾月啦,堅持到而家都幾大進步呀^^

9月最大嘅event就係包剪揼大會啦!
史無前例嘅選抜方式。亦係以我所知SKE48成立後第一張完全無SKE48成員參與嘅Single。唔知係咪有少少意味著,SKE48要開始脫離AKB48嘅保護呢?最近AKBINGO!呀,週刊AKB嗰啲都無晒SKE48… 希望唔好啦!雖然我都想玲奈佢地集中火力响SKE48,但係畢竟AKB48嘅出鏡率高好多嘛!!

10月就梗係Q10啦!
雖然話就話Q10不如預期中好睇~但係敦子實在太可愛啦,Q10依然係AKB48迷嘅必睇之作。另外就係優子嘅「霊能力者小田霧響子の嘘」啦。10月新番有兩套都有AKB48嘅成員,10月梗係日劇月啦!(AKB48以外,流星都係一套我幾鍾意10月日劇)

11月啦喎,除咗AKB48 SKE48 Live in Asia之外,仲會有咩大事?
搞飛搞到幾乎演唱會前最後一日嘅小蝠。正途最終都係只搞到B區嘅飛,反而朋友就幫我炒到兩張好野。演唱會當日仲要响大三巴遇到珠理奈… 淨係咁已經係2010年最大最大嘅開心事啦!真係估唔到一年內竟然可以見到我最愛嘅玲奈兩次。實在係萬幸… 愛上AKB48真係太幸福啦~

第12個月,手不離PSP!
期待已久嘅AKB48 PSP遊戲終於到手。狂玩狂玩狂玩中!呢個遊戲係今個星期日本遊戲榜第二位,僅次於「芒亨」!9月15號開始接受預訂之後連機版响幾個鐘頭內網上全部售罄。嚇死人。

作為一個48系fans,2010年真係多采多姿。
雖然有人批AKB48會响2011年快速走下坡。我同意會走下坡,但係會唔會快速,我就覺得未必會好快。不過點都無改我地AKB48 fans對AKB48嘅熱情!只要繼續支持就好!

希望2011年可以好似2010年咁開心,希望AKB48可以keep住個勢,希望SKE48可以穩步上揚,希望快啲可以有機會再近距離見SKE48!

感謝2010年嘅一切因緣,感謝同我一齊分享AKB48嘅blog友們。
祝各位2011年開開心心,健健康康,順順利利,見多啲AKB48!

與AKB48戀愛的第2天

今日因為夜晚出咗街食返,所以未有時間同AKB約會。 而家開始作戰~!今日嘅目標係追三個。暫定為: 渡辺麻友中塚智美多田愛佳 好!START!(掛住打機,廢blog) Continue Reading

與AKB48戀愛的第1天

尋晚同今日放工後一直PSP不離手。差啲沖涼都想帶住佢(爆) 基本上呢隻game幾乎係零遊戲性。一啲遊戲上嘅難度都無。只係你想追,嗰個一定,係一定會追得到。仲要係好快隻。如果你有目標,咁1個小時內一定玩到個ending出黎。 唯一嘅難度係,你有無能力去拒絕佢地。 我第一次玩嘅時候,因為唔忍心拒絕佢地任何一個,所以超快開到敦子個ending。但係又覺得,咁快就玩完?所以佢告白之後我狠心拒絕咗佢。點知原來拒絕佢都會玩完==;第一個ending就好快地變成bad ending。(泣) 之後有目的地追由紀,唔小心中咗はるごん,同埋純game內鍾意咗すーちゃん。連玩三個good ending。 另外有一次我嘅玩法係,個個都keep,個個都date。咁就睇多好多約會scene,都耐玩好多。但係嗰次就係由紀嗰一次,佢約我出黎告白我無法拒絕~所以又完咗。 而家想追なっちゃん同らぶたん,然後想補返一次敦子嘅good ending。 原來bad ending都係會有得keep,即係話如果要真正complete個game,最少要玩96次… 都唔知啲相儲唔儲得齊架喎! 呢個game絕對係fans向。無乜遊戲性,但係fans一定會愛到爆。萌萌萌萌萌~小蝠就一路玩一路怪叫啦… (笑) 嚴重要求出SKE版…!! Continue Reading

AKB 1/48 アイドルと恋したら・・・

各位觀眾~!萬眾期待嘅「AKB 1/48 アイドルと恋したら・・・ 」終於到蝠手! 呢個係Premier Special Pack!內含一部PSP!打開~嘩~ 右邊白色嗰盒係PSP主機,左邊係嗰48隻電池蓋。 我仲諗緊要用邊個… 以下係主機背部: 電池蓋下面就係初回限定生產版盒! 打開是遊戲碟/UMD碟: 下層是花絮DVD! 仲有48個封面+10張相+48個唇印貼紙。 但係附屬品我都未得閒理!超快打開個game玩! 好多選擇之中,我覺得第一個都係應該同敦子約會咗先。 遊戲真係好簡單。一大堆未接來電入面,你一次可以選一個成員去回覆。一回䨱就會去約會。之後三選一答案:一個係會令好感度UP,一個係keep,一個係拒絕。 我so far date過三個成員:1)敦子,2)亜美菜,3)內田。敦子當然係選好感度UP啦,亜美菜按錯制變咗keep。內田好感度UP。要選擇唔會有難度,因為邊一個答案有邊一個後果係非常之obvious。 呢個game非常之危險,就連我麻麻地嘅成員(so far係內田)都覺得好可愛而撇唔落手。唔通呢個就係呢個game嘅難度?!?!?! date完呢三個member之後北原突然之間因為我「唔理佢」而消失咗>_< 咩事呀?? 好啦,唔講啦,去打機啦! 在HMV訂嘅嗰盒仲未寄出… 究竟發生什麼事?唔係無貨吧? Continue Reading

耳機改裝記

小蝠身為蝙蝠一族,固然就有一對蝙蝠耳。所以對earphones都比較奄尖。 上年10月,買咗一對Ultimate Ears嘅Super fi. 5。到10月為止,已經壞咗兩次。由於有得壞換新,所以換咗兩次。但係因為唔係即刻有得換,要驗屍咁驗一輪係天生定係人為,所以第一次等候期間(約一個月)我就買咗對cheap cheap地頂住先。新一對返黎之後聽咗唔夠半年,又再一次壞。好彩係保養期到期前一個星期,所以又好命地再一次有得換。但係今次我已經對佢完全失望。所以响送佢去驗嘅同時,我就入手咗一對Ultimate Ear Triple Fi. 10。 買TF10係因為佢有得換條cable。同事同好多網上嘅文章都話過,UE生產好嘅耳機,但係條cable非常強差人意。唔單止易壞,甚至係發揮唔到對耳機嘅音色! 但係無理由一買返黎就換咁唔環保,所以都聽住先,等佢壞先換。條cable本身已經戴得唔多舒服。哼。估唔到短短三個月就玩完。 research咗少少之後,決定入手嘅係Zephone嘅Aurora(極光)升級線。 Aurora係高級線材之一,主攻係人聲。聽說Aurora加TF10係完美嘅組合。本來有一種中級嘅線材叫田園,平一半。但係考慮過之後,都係選擇咗較高級嘅Aurora。 組合比我想像中要簡單得多!(定係我之前想得太複雜?)話咁易就拆好。 插上新線,加埋我最鍾意隔聲一流嘅comply耳綿… 完成了! 感覺非常之良好!我用來試聽SKE48嘅「1!2!3!4!ヨロシク!」同「コスモスの記憶」,竟然聽到一啲我之前聽唔到(唔多覺)嘅野。看來係物有所值! 注:响街見到小蝠可以慳返啖氣唔洗叫啦,我係唔會聽到架… Continue Reading

狂煲AKB嘅Boxing Day 2010!

放假其中一樣好重要嘅任務就係將儲埋儲埋好多未睇嘅AKB48/SKE48相關影片消滅。 今個X’mas略為多咗啲街去,令到睇嘅時間少咗好多。啱啱今日抽到幾個鐘頭連續可以狂睇。(我好唔鍾意睇睇下俾人嘈住晒!尤其係睇緊AKB48。但係偏偏有時我爸爸又好鬼鍾意叫我==;佢今日下午去咗街,fit晒!) 最近幾個星期都無睇AKBINGO!同週刊AKB,今日一次過睇晒佢。睇完之後發現… 我原來都唔係miss咗好多野。哈哈… 但係最近嘅一集週刊AKB我就幾鍾意。 峯岸みなみ,柏木由紀,宮澤佐江,渡辺麻友對談! 難得地,四個入面四個我都幾鍾意。 由紀我就不嬲一直都鍾意架啦。 麻友我又都係不嬲都好鍾意架啦。今次仲有眼鏡look… 好可愛… 峯岸我真係好佩服佢。佢無論有幾逆境,佢都會好努力又好積極。雖然了解佢多咗之後發現佢原來都幾negative thinking,仲要幾多野諗,又唔鍾意自己。但係反而令到我好想支持佢。 小蝠好怪。我好少會最鍾意啲風頭躉。我比較鍾意啲响後面嗰啲。當然,我唔會因為佢係後面而鍾意,但係我比較鍾意睇住佢上,可能因為我想參與同見證佢嘅成長。就好似,我開始鍾意玲奈嘅時候,佢都仲係响中間爬緊上黎。(我估唔到嘅係,佢一年內升得咁鬼快啫) 至於佐江,我以前都幾唔鍾意佢。但係有一集AKBINGO!睇佢講返以前响學校俾人蝦嘅事,又睇咗AKB 5400sec. 之後就覺得原來佢都唔錯。佢最近剪咗個新髮型之後,我真係覺得佢好cute又好型咯! 佢地講咗好多野,包括自己見到其他成員好叻,自己又好似無乜野做咁好唔開心之類。又講咗AKB48,話今年已經係AKB嘅頂點,問麻友覺得以後會點,佢只係做咗個手勢表示會下滑。之後四個人又响度諗可以點樣先可以維持AKB嘅人氣,等等。 好有多心底話聽,有好多又係我想知想問嘅野。 睇咗呢集野,好似令我了解呢四個人多咗好多咁。有點啲野仲好感動喎! Continue Reading

ゆりあ姫

聖誕節前夕~今晚平安夜,大家去邊度玩呀?小蝠怕攰怕多人,又無人約,所以呢啲節日多數都巻响屋企。 可惜嘅係,AKB48隻game未寄到過黎… 如果唔係就可以趁凍凍地卷响床上面打機… 真係可惜~(喂!) 好,入返正題。應該有好多朋友發現咗,一排之前開始,我個blog嘅「個人照片」由木本花音轉咗為木崎ゆりあ。 其實當時已經好想發表一下,但係太多話題堆積咗,所以遲遲未講ゆりあ。 呢個小妹係我最近最新重點關注嘅SKE48。睇澳門演唱會嗰時都未有feel。見到佢只覺得佢可愛但係無話好鍾意嗰隻。反而係中咗無限cute木本花音嘅毒。 不過可能早一排久美响佢個blog講得太多ゆりあ,令到我對佢產生咗興趣,想知道呢個小妹有咩咁特別可以吸引到久美咁愛佢。點知一睇就中招啦…(弱==;)推埋囉~唔淨嗰一兩個==; ゆりあ唔係我會一見鍾情嗰種type。但係睇睇下佢真係好可愛。面圓圓眼大大咁。同埋佢嘅性格都係十分可愛嗰隻。佢同久美都係失魂魚… 兩個可以鬥一番睇下邊個唔記得帶野多啲… 如果得佢兩個自己去旅行,一定… 一定不得了。唔漏晒啲野先出奇! 表演上,三期生嘅ゆりあ响森紗雪走後,頂上同久美唱「狼とプライト」。早幾日睇SKE48嘅Request Hour,呢首歌入選第18位。鍾意咗ゆりあ之後第一次睇呢首歌嘅表演,不禁長期望住佢。嘩!好cute!好cute!好好好好cute!!對於唔多鍾意森紗雪所以唔多睇呢首歌嘅我黎講,轉咗ゆりあ之後令我重新認識呢首歌!原來真係好正! 另外,仲有一點令我鍾意佢。有點特別嘅理由-因為佢個名。我個人好鍾意女仔個名叫「ゆり」。以前Hello! Project Egg嘅澤田由梨,Berryz工房嘅熊井友理奈… 等等。唔知點解我就係對有「ゆり」嘅名有好感。當初養布施,都有諗過想叫佢做「ゆり」!所以ゆりあ都包含咗嘅入面! 近幾個月我個SKE48 Ranking好似大執位咗咁…應該係時候玩一下SKE48 Ranking啦… (可惜大家熟悉嗰個Ranking Site未有四期生… 麻煩Update一下啦,網主…) Continue Reading

絵里,生日快樂!

今日係Morning娘。嘅亀井絵里嘅22歲生日。oops,手多咗添。佢已經唔係Morning娘啦。12月15號,佢已經畢咗業,離咗隊。 絵里我係由出道睇到佢走。當然,同期嘅田中同道重我都係睇住佢地大。本來以為會好有感觸,點知… 竟然非常之淡然。可能情感已經抽離咗。 尋日將我儲嘅Morning娘。產品pack箱嘅同時,其實我睇緊佢個畢業演唱會。以往嘅畢業演唱會,無論畢業嘅人我鍾唔鍾意,睇到成員同畢業生講野嘅時候我都會喊。今次,竟然無乜感覺!只係响道重同純純&絵里講野嘅時候睇到我有少少眼濕濕。而且係因為道重,唔係因為佢地兩個畢業生! 無論點都好,可以由佢入嘅一刻睇到佢走,同埋有一段時期極度鍾意佢,我覺得已經好夠啦~! 絵里,恭喜你畢業&生日快樂! Continue Reading

當呢個盒蓋上…

就代表咗一段關係(?)嘅結束… 俾咗一年時間佢地,但係响我心目中一啲無死回生嘅跡象都無,所以今日,2010年12月22號,決定要宣布死亡啦。 咁樣唔係代表我以後唔再睇Morning娘。都唔代表我唔鍾意Morning娘。只係,我要放棄追佢地啦。 今までありがとう。 Continue Reading