Monthly Archives: November 2010

チャンスの順番

AKBINGO!出咗チャンスの順番嘅PV。

我覺得今次都真係幾公平。
包剪揼係贏咗就贏咗,啲排位就照返當日嘅排名。
我都唔係太記得有咩人,總之就係はるごん第4!我嘅目光都係痴住佢架啦。
果然佢一直都响前排。嗯~好滿意!
大頭啊!はるごん人生第一次响AKB48嘅PV入面有大頭啊!就係呢一刻已經夠同佢慶祝啦!

啲歌詞都幾正。
我諗呢次選拔嘅成員個個聽咗都會好有同感。我都深受感動。
今次隻歌唔係嗰啲好爆嘅歌,聽落去都幾順耳嘅。不過,個melody好似無特別… 又唔搶耳又唔係特別順口。我聽咗幾次,轉個頭又唔記得首歌係點。

至於個PV,我唔知佢係咪想製造一個白色聖誕嘅效果。
個背景又白茫茫,啲衫又白茫茫…
白色其實係一個幾刺眼嘅顏色,會睇對眼好易攰。所以,以健康角度黎講,還是少看為妙(爆)
[補充一下:其實個PV話就話白色啦,不過其實有少少粉紅色底嘅~]

不過,唔知係咪心理作用,我硬係覺得,今次呢個PV比起其他AKB48嘅PV,屬低成本製作…

Happy Birthday, ちゅり!

今日係咩日子?YEAH!今日係SKE48 teamKII嘅Captain,高柳明音嘅19歲生日! 首先,ちゅり,生日快樂!(留咗言响Ameblog啦!) 明音入SKE選拔之後我先發現佢。繼而愛上KII。直至到6月選拔,我關心玲奈之餘,最最最關心就係佢入唔入到。結果佢入到UG,我幾乎開心過玲奈11位。澳門concert,見到佢過黎high到我狂大叫。我個人不嬲都好鈍,有時鍾意咗都唔知自己鍾意咗~永遠都要有啲事例自己先會知。 明音一直都係我嘅SKE48第二位。而家綜合都應該係第二位(最update情報)。 茉夏成日都話佢鍾意攬晒啲野上身。明音對自己嘅要求好高,好努力。雖然係好事,但係希望佢唔好俾咁大壓力自己~SKE嘅成員同所有fans都會支持你架,明音! Continue Reading

週刊AKB 仁義なき闘い!名古屋篇

好多好多好多野要講,呢排… Q10啦,AKB新歌啦… 等等等等。但係呢個無論如何都要打尖~!!因為佢地實在係太太太太耐無出現過响週刊AKB啦!講緊嘅當然係佢地啦! 玲奈+珠理奈+兩個4期生! 話說佢地因為一粒野食而嘈起上黎。 (post呢張相純屬個人喜好…) 於是佢地又用兩人賣廣告嘅KINECT對決! 第一回合跨欄跑步竟然俾玲奈贏咗。估佢唔到!但係佢玩完就攰到趴底咗。 但係今次嘅重點係,跳舞game!玩緊就唔講啦,直接睇結果: 以上左邊係玲奈,右邊係四期生。A喎,我已經覺得佢好叻好勁!但係點知… 以上左邊係四期生,右邊係珠理奈。呆==;AA… 雖然短短地,但係我已經覺得呢一part嘅週刊AKB好正!唔知其他四期生幾時有機會上AKBINGO!或者係週刊AKB呢? Continue Reading

SPEC 第7話

今季睇開嘅日劇SPEC,第7集有真野恵理菜。Hello! Project內來說,真野還算值得跟。所以呢一集特別期待。 ~以下含劇透~佢嘅角色係一個可以讀心嘅女仔。衣著,動作等等都幾似平常响舞台上嘅佢…不過佢嘅角色唔係好人黎喎!呢個係最正嘅地方。I mean,陰險版嘅真野,唔係咁易見嘛!! 不過呢,對我黎講,真野嘅風頭俾另一樣野搶晒佢啦! 故事講到真野嘅角色捉咗個人,迫佢做一啲野。因為佢知道人地個腦諗乜,所以嗰個人為咗唔俾到讀到,就响度唸經淨心。因為只要唔諗野,先可以唔俾佢讀到。 嗰個人唸咗幾句,聽聽下,咦…? 佢唸嘅竟然係AKB48 ポニーテールとシュシュ嘅歌詞!最妙嘅係,真野入面嘅角色聽聽下都發現咗係AKB48嘅歌,講咗一句: 「(粗譯)竟然係AKB!同我轉唸Hello! Project!」 呢一句我爆笑咗出黎。首先係,AKB48嘅日本嘅浸透度已經超乎咗好多人嘅預測。一套普通嘅電視劇都有意無意加啲AKB48入去。其二係,大家都認定咗AKB48係Hello! Project嘅宿敵,而AKB48好明顯係贏緊。 Anyway,之後嗰個人仲會唸RIVER啲歌詞。呵呵,太有趣了。 Continue Reading

青春は恥ずかしい by紅組

尋日講咗白組,今日就梗係要講B版嘅紅組啦! 紅組嘅主要成員如下:木崎、木下、須田、松井(玲)、矢神、古川、向田、木本 紅組呢8個入面,除咗古川之外我全部都鍾意。後面仲有小木曽!所以其實論成員,我絕對諗都唔洗諗會鍾意紅組多啲。但係如果論歌論PV,就必定係愛白組!紅組首歌都好正,其實!好搶耳!甚至比白組嘅更加易上口。無啦啦响公司做做吓野會响度唱「服を買おうか、やめようか、迷う!」,一係就「最後のチャイム鳴ったら 即行 帰ろう」。但係… 就係鍾意コスモスの記憶多啲啲。 紅組入面我最滿意嘅,係無珠理奈!(爆)嗱,為免又俾人以為我唔鍾意珠理奈,我而家澄清咗先呀吓!(笑)我好鍾意珠理奈架!只不過有佢响度,玲奈就好似點都係第二咁。作為玲奈嘅支持者,都想睇佢搵次企正! Anyway,紅組嘅PV,影得玲奈真係好鬼靚。 又有cute樣喎! 另外我覺得好正嘅一幕,係亜香里! 呢個感覺,呢個角度,令我覺得自己好似坐响佢隔離咁! 另外,跳舞scene極度難cap圖==; 最靚呢兩張架啦…!上面嘅亜香里,可愛到震! 另外有blog友話見唔到花音。post幾張出黎啦! 佢始終係4期生~所以話就話係前排8個入面,但係佢站到好邊邊。 個PV就無乜故事性架啦。只係跟返歌詞,睇下佢地揀衫,去卡拉OK唱歌咁。至於跳舞shot嘅制服,好多人話似bus guide。但係小蝠反而覺得以貴族學校嘅校服~嗯嗯。 Continue Reading

コスモスの記憶 by白組

今次嘅single,SKE48分裂了!!!由於人少少,所以可以全人類分成白組同紅組。由於白組跟A版,咁就講白組先啦! 白組嘅主要成員有:大矢、桑原、松井(珠)、石田、山田、高柳、中西、平松 以上呢8個成員中,特別鍾意嘅有三個。排名不分先後係珠理奈,安奈同明音。 當中,明音無疑係最鍾意嘅一個。 白組嘅歌「コスモスの記憶」,無論係個PV定係首歌小蝠都好鍾意。吹泡泡嘅畫面影得佢地好可愛! コスモスの記憶嘅歌詞好正。又係有故仔嘅。今次都係用男仔嘅視線。(SKE48好多歌都係用男生視點)講話個男仔一路都鍾意個班上嘅女仔,但係一直都只係暗戀。當個女仔話俾佢聽要轉校嘅時候,個男仔仲懶瀟灑咁只係叫佢保重。女仔要搬走嗰日,個男仔就踩住單車去送佢。又响度諗佢响新學校可能會交到男朋友,有少少後悔無同佢表白。睇住自己嘅「初戀」被大貨車運走,個男仔覺得好寂寞,但係佢話唔會忘記個女仔。 成個故事都好正。而且真係好似明音講齋,呢首歌真係好似之前兩隻single嘅續篇咁。 青空片想い春天嘅歌。講主角嘅男仔留意咗一個女仔,日日都見到佢。但係佢唔出聲,唔表白,只係靜靜地睇住佢。 ごめんね、SUMMER夏天嘅歌。認識咗個女仔之後,同佢只係朋友嘅關係。暑假一齊去玩,睇海數浪。留意PV最後,珠理奈係有追車嘅一幕! コスモスの記憶秋天嘅歌。個女仔要搬走啦,但係個男仔一直都無同佢表白過。就咁由佢嘅初戀走咗。 真係好似連續故事呀!明音果然係天才~! Continue Reading

無限cute之笑容~

尋晚玲奈個blog出現咗可愛到爆嘅花音。 仲講咗少少來澳門期間有關花音嘅事。話說佢地來澳成日都食中餐。一聽到中餐,花音就以為有餃子食(因為日本嘅中華料理入面包括咗餃子)。但係次次都無。咁回程嘅時候,玲奈就同佢講,「如果有餃子食就好啦」,花音就俾咗個比上圖可愛兩倍嘅笑容佢做回應。 比上圖可愛兩倍嘅笑容…嗯… 我諗我有幸見過!就係佢可愛到連玲奈都會溶嘅笑容,令我响不足兩小時內愛上咗佢! Continue Reading

質 vs. 量

今日返工返屋企嘅時候,仍然係狂repeat SKE48嘅新碟。自從1!2!3!4!ヨロシク!出咗之後,每日上班下班嘅路上,公司內工作中都係聽住呢4首歌。 等過馬路嘅時候突然之間諗,近兩個星期都無聽過Beginner。隻碟出咗都唔夠一個月,佢已經變咗「舊歌」。AKB48嘅新碟仲有兩個星期又出啦,呢隻1!2!3!4!好快又會變成「舊歌」。 最近嘅歌好似走馬燈咁係咁轉。太多新碟出,太多新歌聽。嚴格黎講,可以話根本係聽唔晒! 以前新歌唔多,一隻歌聽幾個月。聽到滾瓜爛熟,印象深刻。SPEED以前嘅歌,鍾意嗰幾首(White Love呀,Alive呀,Precious Time呀嗰啲)我到而家都仲可以成隻連歌詞唱出黎。Hello! Project早期嗰啲(例如Morning娘。嘅I wish,後藤真希嘅涙の星)而家都可以唱得到。但係後期啲嗰啲(呢兩三年出嗰啲),中間部份都可以叫做唱到,但係歌詞都成日記錯。 到而家AKB,問題更加嚴重。ポニーテールとシュシュ我到而家都認唔到個intro。上次澳門演唱會一出個intro,我仲狂諗係咩歌。自己都覺得有問題。48系內嘅歌我可以成隻唱出來+歌詞90%以上啱嘅,恐怕只有SKE48嘅強き者よ同遠くにいても,仲有係WR嘅アッカンベー橋。其他我真係無信心,最多可能只記到50%左右(仲已經係多嗰批架啦喎==;) 而家聽歌,好似好唔重質咁。只係一味講量。其實真係唔係唔想聽,但係新歌倒水咁黎,要隻隻聽到好熟真係好有難度==; 有時真係覺得好浪費。一首用咗幾個月製作嘅歌,只係聽得一個月。唔得唔得。我諗我要改變吓自己聽歌嘅態度。 最少,當下我希望可以唱到成隻コスモスの記憶。 Continue Reading

無限cute之「このへん!!トラベラー」

第一次睇玲奈打劍道都係呢個節目:「このへん!!トラベラー」。 响個tracker搵搵吓,見到花音個名。即將刻down落黎睇下。 俾人話佢同個主持人似兩父女。的確,生得佢出有餘。 SKE48我只有大約5個成員係唔鍾意。其中一二之爭嘅就係木下。 睇完呢個節目更加唔鍾意佢。阻住晒。 希望未來有多啲節目可以見吓花音啦!如果可以上AKBINGO!呀,週刊AKB呀,咁就好啦~! Continue Reading

Q10(第五話)

Q10嘅更新delay咗一個星期。上個星期真係唔係講Q10嘅mood。Anyway,而家一切已經回復正常。 一開波,Q10就想為自己定位,想知自己係乜野。人地同佢講佢係「女高中生」,佢就走去學做女高中生。 第五集嘅Q10係我so far唯一一集係睇到喊。宅男發現咗Q10係機械人,但係話佢會保守秘密。條件係要平太將Q10俾咗佢。 平太其實好唔捨得,但係又唔想人地覺得佢想獨占Q10,所以就將Q10交咗俾宅男。當佢教緊宅男點用Q10嘅時候,Q10一路都望住平太。有一秒我响度諗,Q10究竟有無感情架呢?佢會唔會都唔捨得平太呢?佢會唔會覺得平太唔要佢呢? 但係原來要reset Q10,要平太先做得到(應該係因為佢係開機嗰個),平太諗咗幾諗之後,決定都係唔俾宅男。 之後宅男仲以跳樓威脅平太俾Q10佢。佢問平太人重要啲定係件機器重要啲,平太話Q10,因為對佢黎講,Q10已經唔係一件物件。 後來拉扯之間平太跌咗落街。好彩係Q10响下面接住佢! 今集我覺得最cute嘅一幕: 平太唔開心嘅時候,Q10想同佢一齊唔開心。問咗老師意見之後,佢俾咗啲貼紙佢貼响塊面到。cute到爆炸!仲要加個「ガーン」。 好想要一隻Q10啊~麻由子,求你做一隻俾我吖~! Continue Reading