Monthly Archives: October 2010

Q10(第三話)

又到咗一星期嘅期待,Q10嘅日子!

不過今集俾上一集更加少Q10。同埋今集嘅故事幾乎係完全唔係圍繞住佢。Q10 fans黎講,呢集有少少唔夠喉嘅感覺。

今集嘅Q10,偶爾會出現好似以下咁嘅非機械人表情。呢個係あっちゃん,唔係Q10!哈哈。

今集係講文化祭,但係Q10完全同呢個無關。除咗… 無啦啦俾人帶咗去化特殊化妝…

今集最爆就係以下呢一幕:

原來Q10睇嘅野係會錄影咗,插條線入隻耳度就可以播返出黎。笑死!

Q10為咗幫同學酬返30000yen,佢就日日去擺檔,用個花生袋酬款

搞到自己污糟晒返黎。

仲機件過熱出晒煙。

後來都酬到,任務完成!

今集平太以為Q10燒毀咗而大喊果part,真係好正。
不過小蝠今隻最鍾意最鍾意嘅一幕係以下呢一幕。

平太同Q10一齊充電。
Oh My GOD!我都好想我瞓覺嗰時Q10坐响我隔離…

包裹2

連續兩日有包裹收,真係開心到癲!(信用卡單黎嘅時候先會知痛… ==;) 今次有三隻碟一支年曆!年曆我未得閒開佢,但係啲碟就開晒啦! Begining A + HMV特典寫真。 廊下走るな!A + HMV特典。 走れ!夏休み + HMV特典。 WR嘅碟都有trading card,呢個係我期待嘅野之一! 打開廊下走るな!… 嘩… なっちゃん… 再打開走れ!夏休み… 嘩… なっちゃん… 話俾大家知,唔好嚇一跳。我到目前為止trading card抽到なっちゃん嘅機率係100%… Continue Reading

Beginner劇場版

本來今日想打「東主感冒,休息一天」就走去瞓覺,點知今日有野到~點都要post下啦! 今日收到嘅係由キャラアニ.com寄出嘅Beginner劇場版。小蝠一向最鍾意都係劇場版。可能A版B版呀嗰啲得來全不費工夫(訂就有),所以總係覺得劇場版正啲。 同埋今次買劇場版,其實係為未來做一個實驗。大家都知道而家AKB事務所方面為打擊握手劵嘅炒賣,而家要去個別握手會多咗好多步驟。又要確定張飛係你自己訂返黎,又要確認你係本人。所以小蝠上次去寫真會時用嘅買飛方法已經唔可能再用。雖然話AKB有好多握手會,但係個別握手會真係差好遠架嘛!所以為咗以後都能夠有機會去日本參加個別握手會,所以我今次就試咗一次成唔成功。 開盒!呢張綠色野就係今次嘅關鍵!!唔好以為你有飛就入到去。以後嘅個別握手會,就要帶埋呢張綠色野,加埋你個passport先俾你入! 話明係個別握手會,所以訂嗰時已經選定你想同邊個握手手。由於今次係實驗,同埋我訂得都幾遲,所以我已經click唔到玲奈。但係はるごん仲有,所以就選咗はるごん。 劇場版仲會加送一張你選嘅成員嘅相相!太正啦,はるごん! 呢盒野嘅主角但係嚴重黎講係配角係Beginner CD。 今次實驗成功。雖然11月呢個個別握手會我唔會去,但係試好咗,下一年我就會搵時間走去東京一趟。目的,當然係去見佢地啦!下次我一定要訂到玲奈!! Continue Reading

TWO ROSES

Youtube嘅SKE48 Official Channel放出咗珠理奈+玲奈嘅期間限定組合「キネクト」嘅PV-TWO ROSE 老實說一開始被嚇了一跳。雖然歌名嘅「ROSES」已經俾咗一個心理準備我呢首應該係一首比較大個成熟嘅歌。但係個PV令我呆咗。好新穎嘅拍攝手法,好豐富嘅造型,好特別嘅PV。呢首PV可以俾大家睇到好唔到嘅珠理奈同玲奈! 好鍾意佢地淡妝,頭髮蓬鬆果一part。而最最最鍾意就係玲奈歇斯底理大叫果幕。小蝠為之一呆! 呢個PV同歌10粒星推薦!! Continue Reading

今季日劇…

2010秋嘅日劇應該大部份都已經開始晒。今季好似有啱小蝠嘅口味咁。有好多劇都選擇追落去。「Q10」,「霊能力者小田霧響子の嘘」呢兩套必追啦,另外現時為止,小蝠仲追緊以下幾套: SPEC一句說話:好睇到不得了! 獣医ドリトル動物片,小蝠鍾意~ 不過都幾喊得。睇兩集喊兩集。 ギルティ 悪魔と契約した女俾title嘅「悪魔」吸引咗去睇。第一集睇到個女人嘅復仇方法之後覺得好正! フリーター、家を買う。睇完第一集之後有同感到爆!第一集最後發現阿媽有抑鬱症開始發奮嘅主角令我好想知佢會變得幾生性。 流れ星有上戶彩令我卻步嘅劇。但係無奈有北乃きい,所以俾佢一個機會。第一集開頭悶悶地,之後主角個妹有肝病要做移植,因為日本法例係唔可以俾宿生人捐器官,所以竹野內就想同上戶結婚,因為佢想要佢個肝… 個故仔幾正。一陣寫完呢個就睇第二集。 闇金丑島くん超唔鍾意山田孝之,諗住打死都唔睇嘅呢套竟然俾我發現有崎本大海~!!無計,睇埋。睇咗兩集,講主角係高利貨,點樣用方法要人還錢,又迫良為娼。好癲嘅題材。無呀~我都係想睇下崎本咋! 好!收工! Continue Reading

Q10(第二話)

一個星期嘅等待之後,終於今朝睇咗第二集! 充電中嘅Q10。生物要瞓覺,機械人一樣要~ 攞住塊吉他pick話係人魚公主嘅麟嘅Q10。 今集有個宅男因為最鍾意嘅二次元人物同Q10好似,所以做咗Q10嘅跟蹤狂。後來平太應承咗俾佢同Q10行一次街街,叫佢之後唔好再痴住Q10。 cosplay Q10係最近見過最cute嘅野!! 玩咗一日,回程嘅時候Q10突然之間無電,行行下突然關機。 之後仲落雨!!平太怕會整濕Q10,於是用膠袋包住佢再揹佢返屋企。 呢幕小蝠勁鍾意!! 下一集終於到福田麻由子登場!! 今集尾尾果度有佢睇緊本相簿,最多玄機係,啲相全部都係「真人版嘅Q10」!究竟…!! 今日最cutie嘅一幕: 平太叫Q10自己返屋企,Q10回答:「ぱふ!」 今集嘅宅男講,有呢一個回憶佢就已經好開心。因為佢鍾意嘅係二次元嘅人,無辦法同佢一齊。小蝠好認同啊~雖然我鍾意嘅唔係二次元。果然阿宅心理略同! Continue Reading

週刊AKB球技大會

而家開始睇週刊AKB嘅球技大會!呢個球技大會以我所知係傷咗最少兩個member==; 玩太癲了吧? 挑戰:你能在5秒內找到你的本命嗎?(上圖) Continue Reading

「1!2!3!4! ヨロシク!」PV

SKE48嘅PV解禁。當然要睇下啦~ 睇咗之後,令我再從新一次感覺到我其實係有幾咁愛SKE48。講到尾,SKE48先係我嘅神推,玲奈先係我嘅本命。 雖然最近都專注咗喺渡り廊下走り隊,但係我嘅最愛都係玲奈同SKE48。 講少少個PV。今次新曲叫「1!2!3!4! ヨロシク!」可能今次人多,曲風同上兩隻好唔同。今次有種party嘅感覺。好多人跑跑跳跳咁。當中嘅對白部份真係非常之令我想大嗌~~~!!! 16人選抜,5個主力,2個中心。珠理奈,玲奈,明音,久美,茉夏。 5個入面5個鍾意。我仲可以complain啲乜呢?滿足! 題外話:11月17號出嘅SKE48都出PV了,Beginner去咗邊呢? Continue Reading