Monthly Archives: September 2010

僕だけのvalue

啱啱睇咗AKBINGO!
原來最後有18th UG(アンダーガールズ)嘅PV!!早知就早啲睇啦…

18th嘅Beginner選拔無はるごん,好老實,有少少失望。
不過諗深一層,要响以下呢張圖入面放入はるごん的確有啲難度。

はるごん都係比較適合開開心心跳跳紮紮嗰種feel。當然,有個框唔係太好… 但係我真係想像唔到==;

Anyway,今次呢首歌我覺得超可愛!個feel有少少似僕のYELL。
而且還有一大堆我最鍾意member!

はるごん啦~

くーみん啦~

ちゅり啦~

仲有安奈同茉夏啦~又有菊地啦~
實在係… 太豪華啦~

話時話…
最近係咪好少見玲奈出現响小蝠個blog呢?
其實小蝠都搵緊佢!!!唔知點解我最近好似好少見到佢???何解呢???
好彩今集AKBINGO!有佢份!

AKB魂!

早兩日由紀個blog出現咗Hello! Project嘅真野恵里菜。 前一陣子我勁勁勁勁鍾意真野。但係唔知係咪我實在係太愛AKB48啦…當佢同由紀企埋一齊嘅時候,我竟然覺得由紀cute佢幾班。 呵呵。偏心,又如何?AKB魂! 好重要嘅題外話:有無blog友已經知道AKB澳門concert嘅地點?小蝠到而家都未收到風,開始有啲不安… Continue Reading

Beginner陣式

大家都應該極度關心嘅Beginner陣式。究竟邊個會企中間?係第1位嘅優子,定係睇慣睇熟嘅敦子呢,還是係其他人? 答案原來係預料之外:http://www.nikkansports.com/entertainment/news/p-et-tp0-20100926-683203.html 雖然睇圖似乎係敦子企返正,但係原來係有6個唔同嘅陣式。分別由優子,敦子,麻里子様,板野,麻友,珠理奈同高橋企中間。而每一次表演,都由高橋示意跳邊個陣式。就好似排球手開波之前打手勢咁。每一次表演,每一個演唱會都會唔同。 太令人驚喜嘅一個消息啦!呢一首歌嘅performance,將唔會令fans係厭!因為會次次唔同! 天呀,點解AKB48會咁正咁好睇咁令人期待架!! PS. 可唔可以唔好乜都有珠理奈份咁呢??? Continue Reading

神之尾音♪

還記起上年啱啱開始鍾意AKB48嘅時候,我做咗fans之後佢地出嘅第一隻碟就係RIVER。 當時唔係好熟AKB48,只係狂聽狂睇狂煲!超努力將佢地嘅data入腦。 記得RIVER入面有一段我極鍾意,就係大約3分24秒果段比較靜,得敦子同高橋兩個唱果段: 君の目の前に川が流れる広く 大きな川だ暗く深くても流れ速くても 呢一段我真係鍾意到不得了。當中,「流れ速くても」呢一句嘅「はやく」嘅「は」果個音,我用headphone聽真係鍾意到不得了。每次聽RIVER,我都會好期待聽到呢一part呢一句嘅呢一個音。呢個「は」字佢地兩個唱嘅時候,其中一個唱呢個音嘅時候有個尾音仔,呢個尾音我稱之為「神之尾音♪」,因為實在係太好聽啦。(我係咪睇得超級巨聲多得滯呢?==;) 而呢個神之尾音♪,我當時一直都以為係敦子唱出黎嘅,但係鍾意AKB48嘅日子耐咗… 我就慢慢發現,果個應該唔係佢,係高橋先啱… 其實我發現咗好耐架啦… 但係無講到出黎…因為當初我好大聲咁話晒俾全世界聽果個係敦子… 哇哈哈哈哈~~~ 俾我呃咗嘅朋友們~唔該唔好搵我算帳… Continue Reading

母さんに誓って、ガチです

11位嘅玲奈! 20位嘅はるごん! 我絕對知道自己係鍾意玲奈多啲。呢個無容置疑。不過今次我睇以上兩段片,唔知點解係睇はるごん果part比較眼濕濕。 好感動… by the way,はるごん6月果時真係都… 幾「圓」吓… 哈哈。 Continue Reading

栞と紙魚子の怪奇事件簿

最近實在係愛敦子愛得不能自控。我自己都唔知發生咗咩事! 就快10月了!我鍾意咗AKB48快一年了!當時都係因為愛上敦子而睇AKB48,唔通每年接近10月都會無厘頭地好愛佢? 今日放假~無意中响外置Harddisk入面發現咗敦子嘅一套舊劇。 「栞と紙魚子の怪奇事件簿」 一套野無聊但係又幾搞野嘅劇。第11,12集有優子添架!而家睇返,覺得敦子好細個好可愛呀~!! 2008年頭嘅敦子。可愛到爆燈! 唔知係咪我諗多咗,不過硬係覺得敦子比其他偶像歌手有多啲戴眼鏡嘅機會。呢套又有戴,マジすか学園又有戴,大声ダイアモンドPV都有戴。我本人係極鍾意人戴眼鏡,所以我對呢啲安排毫無抗議~嘻嘻。而且我覺得敦子戴眼鏡幾順眼。可能係因為佢自己本身都有戴眼鏡,所以好自然掛。 2008年可以話係敦子幾起飛嘅一年。除咗呢套劇之外,2008年夏天就拍咗「太陽と海の教室」,而呢套劇就係令我鍾意佢啦! 嗯!突然之間睇返啲舊野嘅一日! Continue Reading

[劇透注意] Beginner PV

AKB迷高度注目嘅Beginner PV。由於首播响包剪揼大會現場,所以大量fans未有機會睇到,而令呢個PV嘅話題更加hot! 聽完個錄音之後,同blog友們討論完,令我忍唔住走咗去日本fans網搵下有無人形容下個PV。搵到呀,所以講少少啦。以下含有PV嘅內容。如果你想親眼睇個PV之前keep住個神秘感,就唔好睇落去啦! 來源:http://kazu-o-uzak.at.webry.info/201009/article_35.html 首先個PV就係敦子打機… 幾個成員就變成遊戲中嘅人物(CG人物)。 遊戲中嘅成員一個一個以幾殘暴嘅方法死,到優子死咗之後現實中嘅敦子隻手就狂爆血!(呢part就係敦子大嗌果part)高橋出現cool down返敦子,之後敦子繼續打埋個game… 就係咁。我講就講到好淡淡然咁,但係其實個畫面應該幾正。 越來越想睇添… >_<救命呀~快啲出啦,PV!! Continue Reading

Beginner

Thank you大勇嘅修正!Beginner唔係12月8號出嘅19th,正確係10月27號出嘅18th。 包剪揼大會當日好似播咗個PV出黎,聽聞好暴力血腥。不過小蝠未睇過,所以呢方面唔講咁多。同埋其實好多感想都寫晒响尋日個post嘅comment度。所以都真係無乜野好講架啦。不過都有少少想補充。 首先想講下首歌。因為音源係現實錄音,所以全無質素可言。只能說聽到佢大概。先唔討論敦子嘅大嗌部份,我覺得Beginner呢首歌好catchy。一聽就入晒耳上晒腦。同ヘビーローテーション又係另一種類嘅搶耳。首歌好型,有好強烈嘅存在感。生存嘅感覺,好正。文字上形容唔晒我嘅感覺,總之第一次聽我已經好鍾意呢首歌。 再來就不得不提敦子响入面嘅大嗌部份。未睇個PV,唔知發生咩事。但係就如各位blog友所講,佢嗌得好有畫面。會令人响腦入面爆出好多影像。我第一次聽覺得好心寒,雞皮都起埋。但係諗深一層就覺得敦子真係好犀利。淨係把聽已經可以做到咁強嘅效果!唔知只係PV有呢段,定係首歌都有呢?好想朝朝行返工嘅時候俾佢爆一爆個耳。哈哈。 最後就係陣容。上面嘅16位就係今次嘅選拔。玲奈終於到返翻黎啦!除咗呢樣之外,我最關心就係邊個企中間。以上圖睇黎,敦子似乎已經「歸位」。睇到後即時鬆咗一口氣。之前都唔知原來自己咁關心敦子。小蝠真係既無聊又犯賤。之前一直都係敦子擔正,就嫌佢成日霸住個中間位。所以上次選舉優子第一位我仲差啲燒炮丈慶祝。但係到真係見到優子企中間敦子做support果時,又硬係覺得怪怪地唔多舒服咁。之前仲擔心要捱足一年… 呵呵,估唔到咁快就歸位!所有野都順眼返晒… 呼~真係鬆一口氣。 播PV當日嘅現場錄音有人放咗上youtube。未聽嘅朋友好去聽下啦! Continue Reading

はるごん@インディ学院11

最新一集インディ学院,出現咗一個又唔聽清楚人地講野,又唔用腦,又懶叻叻爭住答嘅小朋友。(但係呢位小朋友誤打誤撞又俾佢猜到個第4位返黎!叻女!) 「說到喺全世界都好活躍嘅日本人會聯想到邊個呢?」呢個問題度,高中畢咗業都依然俾人叫細路嘅はるごん舉手搶答。佢嘅答案係: 「奧巴馬」 小姐,奧巴馬邊一忽係日本人呢?喺日系留言版見到好多人因為呢件事鬧佢蠢,又話佢白痴得好難頂。 小蝠都係嗰句:唔得咩?はるごん笑容搭夠! 好老實吖,我就係鍾意佢傻傻地,蠢蠢地~可愛嘛! Continue Reading

じゃんけん大会 – 最終結果

因為第二round之後要list出黎太過複雜,所以skip咗排位戰嘅實況,直接跳最終結果。 AKB48 19th Single「Beginner」16選抜メンバー: 1)内田真由美2)石田晴香3)小嶋陽菜4)仲川遥香5)前田亜美6)佐藤すみれ7)佐藤夏希8)高城亜樹9)中塚ともみ10)倉持明日香11)小林香菜12)田名部生来13)河西智美14)松井咲子15)前田敦子16)近野莉菜 跟以往一樣,上電影上雜誌係頭12位。PV會喺10月27日出街!大家留意啦^^ 今次選拔真係達到咗秋元P嘅目的,就係想要新鮮。大佬,真係新鮮到爆。呢16個入面有5個我係連樣都唔認得,當中包括咗第一位嘅內田。大鑊==;敦子呢,佢呢個排名只可以叫做「勉強入到」選拔,不至於打斷佢由AKB48第一隻碟開始入選拔嘅記錄。 至於我最支持嘅兩個人… 菊地あやか同仲川遥香。菊地實在係太不幸啦。第一回合已經say goodbye。不過はるごん就厲害啦!!!連贏4個回合!不但入到選拔,仲要係第4位!!呢次真係威威啦~!!第4位喎!!佢今日真係有啲運仔!! 本來我已經決定如果はるごん入唔到的話我呢隻碟係唔會買嘅!而家唔洗cancel個order啦!! はるごん!再一次恭喜你!連續兩次入選拔啦!keep住個勢!小蝠支持你!! Continue Reading