Monthly Archives: August 2010

當AKB48遇上Morning娘。

上星期六&日,NTV做24小時電視。
當中AKB48係今年嘅「代言人」之一,所以部份成員係玩足24個鐘!

其中,星期日朝早,Hello! Project都派咗人出黎支持。
於是,就出現咗呢個難得一見嘅場面。

就係因為有呢一幕,我就發現咗,原來當AKB48响度,Morning娘我係可以眼尾都唔望佢地。我嘅心已經完全俾AKB48帶走咗啦。

果位响MSN度不斷咁send message同我講話咩Morning娘唱歌唱得好過AKB48好多嘅朋友仔:
我唔知係咪叫唱得好,但係Morning娘係大聲過AKB48。不過如果話Morning娘唱得好好,不如話高橋愛唱得好!我個人只係覺得佢把聲好出!講完!我唔會响MSN度同你嘈架啦!

好重要的書(?)

尋日提過嘅「好重要嘅書」到手! YEAH!就係×ゲーム(X-Game)嘅原著小說! 因為電影即將上畫,所以書帶上面出現咗はるごん同あやりん! 同包裹入面仲有呢隻×ゲーム電影嘅制作花絮DVD! 好!而家睇吓隻DVD先!一陣就開始睇小說!! Continue Reading

分身抹殺行動

一向有睇開藍秀朗嘅小說。所以收到風佢有新作,都一路想買。但係澳門出書慢,香港書展後個幾月之後終於買到。 由於聽日or最遲後日應該會有一本好重要(?)嘅書要睇,所以我本來打算呢個weekend之內睇晒呢本書,如果唔係又要唔知等幾耐之後先會再睇返佢。 點知,藍秀朗先生嘅小說依然貫徹佢嘅作風:完全無令人好想睇落去嘅感覺。 呢本書我覺得屬於科幻推理小說。故事一開始係放咗好多謎團同伏線,然後隨著故事發展慢慢將呢啲謎團解開。照理呢一類小說應該係會令人睇到欲罷不能先啱。但係呢本書依然同佢過往嘅作品書一樣,係可以隨時放手嘅作品。 奇怪嘅係,盡管每一次都有點失望,我仍然响度追看呢個作家嘅作品。 Continue Reading

ぷっちょ x AKB48

勁多廣告嘅AKB48。其中對小蝠最有意義嘅係ぷっちょ!本來已經好鍾意架啦,而家係更加更加鍾意! 講下少少廣告。有好多版本嘅ぷっちょ廣告。當中我最鍾意嘅係呢個: 正!超爆笑! http://www.akb48cho.jp/ Continue Reading

Best Shot!

個人認為今期最best嘅shot! 可愛到癲咗嘅一幕。 有時候覺得敦子同玲奈好似無乜交流點。好似得佢兩個成日都唔埋欄咁。就算响マジすか学園入面直接嘅對手戲,响戲外嘅花絮我睇到爛都似乎唔見佢地有交流。 但係好耐無睇敦子個blog之後有一日突然睇返,竟然見到玲奈出現响敦子個blog。 究竟佢兩個係咪friend咗呢最近?? Continue Reading

前田敦子的態度問題

 人紅就梗會有好多負面新聞。就正如秋元P所講,越係center就越多anti。 敦子响握手會嘅態度一直都係日本AKB論壇一個經常被 bring up嘅話題。有不少fans投訴話敦子嘅握手會嘅態度冷淡,對fans無乜反應,目無表情。 就等我响呢度幫敦子平反一下!話說小蝠有幸3月去咗AKB48桜の栞嘅寫真會。雖然目的係玲奈公主,但係都有同其他成員握手影相,其中一個就係敦子。 當時我分兩日分別同玲奈,優子,由紀同敦子握手影相,場內偶然碰到宮澤佐江同仲川遥香,同埋排隊嘅時候咁啱望到隔離行嘅珠理奈同小野惠令奈。 碰到望到果啲唔計啦,因為無交流嘛。就同我傾過計嘅四個成員當中,我可以好肯定咁話,敦子絕對係最最最熱情嘅一個。其他三個都係等我同佢講野,然後作出反應。除咗玲奈响我見佢嘅第二,三,四次係講多咗野之外,其他成員都係適當地俾反應我。of course,我見到佢地嘅時候係超緊張所以可能我唔係話咁識聊佢地講野。由紀嘅反應係最大,就只係睇佢嘅反應已經好好玩,哈!同埋唔知點解,同由紀影相果時係最舒服,無乜點緊張。優子最大獲。入到佢一見到佢唔知點解之前想同佢講嘅野唔記得晒,腦內空白一遍==;結果我只係同佢講咗佢多謝就玩完。佢都無同我講咩野。唉~呢個係一個好大嘅遺憾>_< 好啦,講返敦子啦。我入到去,佢站咗起身同我打招呼,然後請我坐低。影完相大家站返起身,佢同我握手。我話佢知我係外地黎,佢就話多謝之類咁嘅野。本來我以為又就咁玩完,點解佢都未肯放手。同我講叫我下次一定要去秋葉原個劇場度睇佢表演。果時其實工作人員已經想推我走,但係敦子就未放手,仲要等我回應佢話我會去,佢再加多一句「我會响劇場等你」之類嘅說話先放手。仲有!!佢握手嘅時候係最出力嘅!!隻手係有種俾佢”鏈”住嘅感覺。 咁都叫態度唔好,我真係唔知要expect啲乜。 所以當我响啲論壇見到啲人咁話敦子嘅時候我真係覺得有啲驚訝。究竟我地係咪講緊同一個前田敦子架?我有响果啲論壇度同敦子平反過,話我同佢握手嘅experience好好。但係有回應就話因為我好彩,話佢10次有9次半都係黑口黑面。咁我又有疑問,如果佢10次有9次半都係咁嘅衰樣,佢會有咁多人鍾意??當然,敦子都係人,佢都有開心唔開心嘅時候。偶爾可能有一兩次唔係狀態都唔出奇,但係係咁啲人講到咁誇張「10次有9次半」呢? AKB48 唔係走大明星路線。佢地標榜佢地係「可以去見嘅偶像」。當然而家佢地fans多咗好多,劇場嘅公演唔係好似以前咁話去就可以去。但係佢地嘅理念係無變,都係比較同fans們親近嘅偶像。我有個唔鍾意AKB48嘅Hello! Project朋友話,AKB48而家紅到咁都仲會搞啲好似寫真會呀,個別握手會之類嘅活動令到佢覺得好出奇。因為Hello! Project紅咗之後就將啲成員升晒上神枱,只可遠觀。AKB48就唔係呢一回事。如果敦子真係成日黑口黑面咁,我覺得幾鍾意佢嘅fans係會 “推し変” (轉去鍾意其他成員)囉。 究竟我果次真係好彩到咁,還是係有人有心中傷敦子,就等大家自己判斷啦! Continue Reading

優子,你可唔可以唔好咁cute呢?

AKB48好多成員都show過佢地小時候嘅照片。但係要數最cutie,我諗都唔洗諗就會答:絕對係優子!! 小蝠好奇怪嘅。10多歲以上呢,我就鍾意睇女仔(唔係都唔會鍾意AKB48啦!)。但係bb呀,幾歲果啲呢,我就只鍾意男仔。所以我好少可會覺得一個女仔小朋友係可愛嘅。就算覺得可愛,都唔會有好鍾意超鍾意嘅感覺。 但係優子小時候係cute到連我呢個咁麻煩嘅人都覺得佢無敵cute!!無論係上圖幾幼兒時代,還是係下圖嘅小學生時代! 真係唔怪得佢做童星啦!如果佢唔係住咁遠(栃木県),我諗佢細細個就已經紅咗。 當然啦,而家嘅優子一樣咁可愛,一樣咁靚! Continue Reading

過去&復歸

前日講過,因為呢幾日狂睇はるごん,令到我鍾意埋經常同佢一齊出現嘅菊地あやか。其實尋日同朋友仔chat嘅時候,除咗はるごん之外,都有講あやりん。 佢唔鍾意亦唔討厭はるごん,完全中立。但係對於あやりん,佢就好明顯有啲抗拒。 我一同佢講我好似有少少鍾意咗あやりん,佢嘅反應就好大,問我點解。咁我咪話,鍾意咪鍾意咗囉,有乜咁出奇?我鍾意はるごん都係突然一click。佢就話,我一定係唔知之前發生咩事。 好奇!!就去「查」吓佢。原來佢真係有啲過去。 菊地あやか原來係同はるごん一樣,係三期生。亦都係teamB嘅初期成員。佢當時都幾有人氣,曾經同柏木由紀同渡辺麻友一齊係teamB嘅三神!就响佢慢慢build up緊佢嘅人氣嘅時候,網上傳出咗一啲佢同一個男性嘅貼紙相。禁止戀愛嘅AKB48立即行動,响幾日之內cut晒佢嘅活動。半個月之後,宣佈解雇佢。三個月之後,佢參加咗AKB48嘅第7期研究生選拔而再一次入返AKB48。其後升格入teamK,同埋加入渡り廊下走り隊。 知道事情之後,小蝠嘅朋友就話,呢個人唔抵鍾意。但係我又有唔同見解喎! 首先我唔覺得佢唔抵鍾意。好小事啫其實。身為AKB48可能拍拖真係違約,就當佢真係做錯野,但係唔洗咁就判佢死刑呀?當時佢點同事務所傾我唔知啦,可能佢無乜悔意都唔定,唔知啦呢啲,但係我又覺得事務所因為幾張貼紙相殺咗佢有少少判刑過重。可能果時佢地係想殺一儆百。對一個得15歲嘅小妹妹,真係即時解雇呢個懲罰係重咗架啦。 但係我佩服佢嘅係,佢有咁嘅膽識同決心去再試。俾我可能我真係唔會。你估佢好過癮咩!俾人革走咗之後返黎,佢受嘅壓力絕對比任何一個成員大。唔知人地會唔會安排工作俾佢,唔係fans會唔會接受返佢。明知條路唔好走都要向自己嘅夢想努力,我真係俾佢感動咗喎。 唔係咁都唔俾次機會佢呀?? 雖然我呢個朋友仔絕對唔係唯一一個對佢有偏見,但係小蝠覺得菊地あやか唔單只抵鍾意,佢仲係一個我覺得好值得支持嘅小妹妹。加油,あやりん! (From “Choose Me!” PV) Continue Reading

角度。

啱啱睇咗「僕のYELL」嘅PV。 當然啦,唔係第一次睇。不過有無一個好鍾意嘅成員响個畫面入面對我黎講分別好大。ポニーシュ出果時我未鍾意はるごん,而家鍾意咗,所以睇返就好多野想講啦。 首先要曬一曬はるごん嘅cutie樣先! 仲有呢個look我覺得佢超型。 講返個topic:角度。今次想講個角度,係fans同members睇同一件事嘅角度。 「僕のYELL」嘅PV入面,はるごん嘅企位,出鏡時間,故事內容都係响中心。要形容嘅話,佢嘅「僕のYELL」嘅PV入面就係敦子平時响AKB48嘅PV入面嘅位置。AKB48嘅細碟就首係coupling都有PV,以一個單純係想睇佢嘅fans嘅角度黎睇,其實比起選拔可能更加想佢响UG或都TG。 AKB48家族成員人數眾多,入唔到選拔嘅成員永遠都比入到嘅多。甚至有初期成員到而家都從未入過選拔。入選拔嘅成員上電視機會多出鏡率高,多人識fans多,於是下首歌又入選拔。唔知可唔可以叫惡性循環。以致到而家嘅AKB48入面真係廣為人知嘅成員其實數埋有無10個都唔知。 有少許離題了。總之想講嘅係,成員都好清楚唔入選拔就無運行。所以每一個成員都希望入咗選拔。就算係拉車尾都要入選拔。 はるごん終於响今次選舉入面入到選拔。雖然只係車尾嘅20位,但係對佢黎講已經係好大嘅一步啦。上一次選拔佢係連UG都入唔到。ポニーシュ嘅UG都無佢份,跌咗入TG。所以對佢黎講,算係兩級跳?但係入咗選拔嘅ヘビーローテーション嘅PV入面,除咗dance shot之外,連條毛都唔見==;不過又講真,10同11嘅珠理奈同玲奈都係得果幾野,20位有得俾佢响後面跳跳下,就應該滿足啦? 今日小蝠同個朋友講開はるごん,佢唔鍾意亦都唔討厭佢。佢問我,今次はるごん入咗選拔但係個PV入面佢連樣都睇唔清,我會唔會寧願佢入UG。但係我答佢:唔會。因為入選拔對佢嘅意義實在係太重大啦!而且我唔可能唔希望佢進步,即使只係一小步。 小蝠唔係一個「單純想睇佢嘅fans」-小蝠係wota。但願今次選拔係はるごん嘅一個起點。 Continue Reading

狂睇「渡り廊下走り隊」嘅weekend!

都唔洗點講理由架啦應該。而家係人都知我狂迷はるごん中。要睇はるごん就唔係睇AKB48架啦。太多名人,點都輪唔到佢。所以就狂睇渡り廊下走り隊。down得幾多就睇幾多。 但係都係舊野比較難down,好就好在我啱啱鍾意AKB48果時都迷過一陣まゆゆ,所以渡り廊下走り隊都有啲存貨。不過小蝠不嬲都唔係咁鍾意睇舊野,所以mainly都係睇最近果三隻single(未包括未出嘅ギュッ) 睇睇下… 本來覺得都幾難頂嘅アッカンベー橋都幾搶耳。個PV都好正!同埋暫時最新嘅青春のフラッグ都超catchy!我勁鍾意個PV!因為はるごん打排球呀~ 可能因為狂睇渡り廊下走り隊,不知不覺間… 小蝠發現自己… 鍾意埋菊地あやか… ==; oops==; 不過又有咩問題呢~又跟多過之嘛!哇哈哈~但係又未鍾意あやりん到要貼佢上牆果隻嘅~はるごん就貼咗啦! (咦?右邊果塊白板上面…) Continue Reading