Monthly Archives: June 2010

ごめんね、SUMMER

今日應該會玲奈公主式嘅更新!(即係密集式)

SKE48出咗新曲嘅PV啦!其實出咗好多日,大家都應該睇晒架啦!
但係in case有人未睇,我又post一post佢出黎啦!

今次都係一首好清爽嘅歌!
最近天氣好熱,但係聽咗呢首歌之後感覺好似涼咗啲咁(心理作用?

SKE48嘅PV終於有故事設定啦!(拍手!)
師姐AKB48幾乎每一個PV都有故仔,但係SKE48頭兩首歌都無。終於今次有啲設定啦!
就係佢地每一個成員跑嘅目的啦!留意下啦^^

SKE48第3單曲選拔

今朝如常起身之後第一時間check晒要check嘅SKE48 blog,順序分別係:1)玲奈公式2)ameblog3)明音公式4)茉夏公式5)安奈公式 但係今日check到第二個已經呆咗。咦!轉咗野!↓↓↓ 原來係第3單曲昨夜响teamS公演後解咗禁,所以「青空片思いBLOG」已經玩完,取而代之係「ごめんね、SUMMER BLOG」。而頂圖都要第2單曲嘅選拔,變成第3單曲嘅選拔。 未講有咩人入到之前,好令我注目嘅係,今次選拔都係得7個人。本來以為上次咁少人係一次性嘅,但係似乎暫時SKE48都係想行「小班制」。小蝠其實係鍾意少人,因為人少少搵自己鍾意果個都易d嘛。而且,同某d其他成員嘅fans唔同,我個玲奈公主係現時嘅台柱之一,我一d都唔擔心佢入唔到選拔,咁人少d又何妨呢?哈! 講返今次選拔。好平均地3個teamS,3個teamKII,1個研究生。teamS果三個幾乎係留咗位咁:玲奈,珠理奈,久美。teamKII有兩個都似係留咗位:明音,茉夏。踢走咗上次嘅汐莉,換上咗安奈。研究生方面我唔係太熟,但係我諗佢應該係木崎ゆりあ。 如果你問我今次選拔滿唔滿意,我會同上次選拔一樣,俾98分。上一次選拔有一個我都幾唔鍾意嘅人。今次佢走咗,換上咗我鍾意嘅安奈。GREAT!但係唔開心就在於汐莉都換走埋。呢個研究生我唔係好識,但係睇佢都唔乞人憎嘅。 今朝見到汐莉同木下嘅ameblog度道別,因為ameblog果邊只有選拔先有權寫。响歡呼木下走人之際,原來我好唔捨得汐莉><留咗第一個亦係最後一個言俾佢,祝福佢下一次選拔入到啦! Continue Reading

SKE48 teamKII

尋日係teamKII嘅一週年記念。睇到成員啲blog,先知道原來KII嘅歷史咁短。不過其實諗真啲, S都未足兩年。年齡上黎講,SKE48仲係幼兒,連幼稚園都未入。KAWAII~~ 我由啱啱開始鍾意AKB48,到識得分Team A,Team K,Team B。後來轉戰SKE48,由只鍾意teamS到而家因為鍾意咗明音而睇埋teamKII,其實都係呢大半年嘅事。真係充實(笑) 從頭到未都無anti過KII,但係就算我而家追咩KII,我都依然覺得KII嘅質素好參差。好嘅野就好好,唔好嘅呢,真係有點兒不堪入目。當然,呢個係小蝠個人嘅喜好,每一個成員都係有自己嘅一班支持者嘅! 話說星期日下午要做功課,需知道做功課呢件事係好需要有野睇。唔係就會瞓著覺架啦嘛!咁啱星期五响DMM購入咗KII嘅東京公演,就攞佢出黎睇下啦!(唉,S嘅大阪公演買咗都未睇咋><) KII現時嘅公演係「2nd手をつなぎながら」。呢個公演亦係S對上一個公演。 因為係完全一樣嘅公演,相信好多人都會將佢地同S作比較。但係呵呵,小蝠無做到呢樣野!!點解?.................. 因為小蝠未正式睇過S嘅「2nd手をつなぎながら」(爆!) 我講真架… 真係未睇過得S嘅公演。之前睇過「天下を取るぜ!!」 。雖然呢個演唱會嘅曲目同「2nd手をつなぎながら」一樣,但係KII都同場演出。所以嚴格黎講,我係未睇過S嘅「2nd手をつなぎながら」。 唔~仲好啦~我咁偏心S,無得比較對我了解KII有幫助! 首先,KII嘅公演係出奇地好。歌,舞,表情,等等都好流暢。原來KII都有自己嘅天地。不過KII有一個好致命嘅問題,就係佢地有好多位成員把聲都好刺耳。佢地唔係淨係尖咁簡單,仲要加埋沙。好似有一個話係大阪出身嘅女仔,佢把聲係極刺耳,勁破音,最慘係佢仲要大嗌。真係好攞命。另外仲有幾個把聲都係新海里奈果啲料,真係好難頂。其實KII全員個tone係比S高起碼一個key。可能我聽慣咗S,一聽KII就覺得做乜隻歌尖咗。我諗係時候將KII隻「2nd手をつなぎながら」放埋入IPhone啦。 以下就介紹一下小蝠鍾意果幾位KII成員啦!(介紹次序與名次無關) 首先係KII隊長高柳明音! 明音最剎食就係佢嘅笑容。佢笑起黎係真係十萬個cutie。佢响公演入面差唔多係由頭笑到尾。佢係現在我追得最貼嘅KII。明音上個星期正式就任咗KII嘅隊長一職,恭喜晒呀,隊長!不過根據我近日嘅觀察,明音都屬於多野諗有少少多愁善感嘅女仔(不過同玲奈又唔同種類),希望隊長嘅個名稱唔會俾太大壓力佢啦。另外,佢今年係KII之星呀!因為KII成員就只有佢响AKB48選舉入面有排名!雖然只係Under Girls,但係已經係好大嘅一步啦!玲奈公主上一年都係Under Girls咋!其實如果俾心機,Under Girls仲著數過入選拔架!起碼,拍PV上鏡唔洗同啲神人爭嘛!加油,明音! 第二個就係小木曽汐莉! 汐莉係我响SKE48 7人選拔入面第一個留意嘅成員。當然第一次留意佢係因為佢個樣啦!佢係一個好似縮細咗嘅人仔咁,乜都的的骰骰咁,超可愛!最近睇得佢多,發現佢有少少柏木由紀嘅質素。我唔係話外表果種似,係佢似乎都有腹黑嘅素質(哈) 第三個就係小惡魔石田安奈! 安奈係我第一個有興趣嘅KII!第一次見佢係响玲奈個blog。當時已經覺得佢好可愛,可以話係我鍾意嘅類型!一般可以用八個字黎形容安奈:聰明醒目百厭反斗!據了解,安奈係好頑皮嘅小妹妹。成日帶住啲蛇蟻鼠蟻嘅玩具黎嚇其他成員,搞到人地V嘩鬼叫佢就响度笑。好可愛嘅14歲!好期待佢將來上電視節目搞事嘅曳樣! 最後係正統美少女向田茉夏! 茉夏係我第一個接觸嘅KII,第一次見佢就係响玲奈打劍道果個電視節目。果個show佢咗自我介紹之外幾乎無講過野。感覺上佢係一個好怕羞,好文靜嘅小妹妹,而實際上,佢真係咁!KII東京公演最後一個MC由佢主講,佢講講下唔記得咗講咩,之後眼水汪汪咁(留意:佢並唔係因為唔記得對白而喊!)重覆講:「なんだっけ…なんだっけ…」(意思係有時唔記得講乜,响度話:「係咩呢… 係咩呢…」咁),果一刻我被佢嘅萌炮擊中重傷… ><茉夏係到目前為止唯一一個我覺得萌嘅KII。硬係覺得呢個小妹妹有好多野未發揮出黎,呢個都係期待大! 以上就係我重點追緊嘅四個KII成員。事實上,四個當中有三個已經入咗SKE48第二首單曲嘅選拔。感覺上佢地三個暫時係台柱,應該唔會飛佢地。拭目以待睇下第三隻單曲佢地會唔會入選啦! 今個夏天KII將會有佢地自己嘅原創公演啦! (呢篇blog係寫第二次架啦。之前寫咗好大段野無晒><唉~) Continue Reading

千里眼

鍾意得優子嘅人應該都知道,優子係子役出身。子役,就係所謂嘅童星。但係其實優子唔係真係拍過好多戲同劇,除咗大個d(13歲)嘅時候拍嘅「アンティーク 〜西洋骨董洋菓子店〜 」之外,要搵返佢拍過嘅野黎睇真係有d難度。 早一排無意中响屋企搵到「千里眼」嘅DVD,就開咗黎睇。結果,優子只係做一個好細好細嘅角色。戲入面佢做主角嘅小時間,出現响主角嘅回憶入面。 優子,果然係藝能界嘅料。你睇吓佢小時候已經係可愛到不得了。 Continue Reading

AKB48総選挙2010{個人感想}

総選挙之後,我基本上鍾意嘅幾個成員馬不停蹄咁東撲西撲。因為難得近在咫尺,所以小蝠又因為要追蹤佢地嘅行蹤而身心疲累… 噢,大家唔好似為我行動上追蹤佢地,我只係個心飛咗去啫。同埋見佢地更新個blog嘅時候d圖片嘅地方熟口熟面咁就極度興奮。雖然最終都係無緣見到,但係都好高興佢地响咁大個地球上咁多國家地區中選擇咗小蝠嘅地頭到訪。心中真係榮幸到爆。要多謝聽秋元P先! 終於三神(敦子優子麻里子)响琴日返咗日本,而我嘅玲奈公主,真那同優希子轉飛咗上海之後,我終於可以安安樂樂咁追世界杯啦。 响睇南韓vs希臘之前,講一講我對今次総選挙嘅結果嘅感想啦。首先,我覺得今次嘅結果基本上都叫做正路。除咗1同2之外個結果同我預想嘅都差唔太多。以下重點講下我特別關注嘅幾個部份。 1)11位松井玲奈呢個無疑係小蝠最最最關心嘅一件事。第一次速報發表之前,其實我只係希望佢可以入到選拔(21內)。第一次速報之後,我知道「入選拔」已經唔係一個目標,而係一個必然。所以我將我對佢嘅期待值推高,希望佢可以入到10大。其實睇第二次速報前已經估到佢會跌。因為第一次速報佢實在騎住太多猛人。呢個現象好明顯就係老手隱票。第二次速報。嗯,果然不出所料。但係只係跌咗兩名,呢個反而係驚喜。不過,睇完第二次速報,發現佢依然騎住幾個我覺得無可能低嘅人。我就開始驚驚地。因為我真係唔想佢只係入到21。最少都要入12啦。唔係無得上電視,無得上雜誌,無得上封面,PV又唔知見到幾多秒。如果係咁其實做Under Girls仲著數!所以求神拜佛都想佢入到12內。結果,大家睇到,佢無令我地fans們失望呀!11。我覺得對而家嘅玲奈黎講,真係一個幾適合嘅位置。 2)35位高柳明音AKB48選拔中,咁耐都未試過有KII入過。S有珠理奈長期入到同玲奈長期Under Girls,加埋新碟矢神久美,好似永遠都只有S同AKB48可以連上關係。所以當第二次速報見到明音仲响40內,我就好希望佢頂得住!因為如果佢入到就算係Under Girls都好,呢個都會係好有意義嘅一步!所以其實我除咗玲奈公主之外,最最最留意就係明音嘅成績。結果,明音都無令我同佢嘅fans失望,成功入咗Under Girls,仲高名次過矢神!KII有望增加知名度啦! 3)10位松井珠理奈唔好誤會。我關注佢唔係因為我鍾意佢,而係佢係我地今次打擊嘅對象。我同另一位朋友仔都希望今次玲奈可以贏返一次,唔好成日都好似俾珠理奈踩住咁。而事實上,珠理奈係真係有少少後台,我地就係好唔妥佢呢一樣野。但係好可惜,結果佢都係以一名,80多票之差贏咗玲奈。我同朋友嘅「隱藏目標」達成唔到。我朋友聽到結果之後好唔開心,大叫話好憎珠理奈。至於我呢,我都因為呢件事有少少失望,但係我真係無論如何都叫唔到自己去憎一個只得13歲嘅小妹妹。其實佢都幾可愛架!有後台唔係珠理奈錯嘅。而且佢都真係好努力… 無計,有時光芒太大,係會同時招到負面嘅野。(我寫呢段野係冒住俾人打嘅危險架…!) 4)1位大島優子,2位前田敦子呢兩個係第一第二就係人都知架啦。但係有幾多人會估到優子會贏?我真係發夢都估唔到囉。敦子响速報都係第一,但係臨門一踢竟然撻Q?!我自問係鍾意優子多過敦子(雖然唔係差好遠),但係當我睇到個結果,為優子攞第一而高興之餘,竟然有少少失落。唔知呢,梗係覺得,AKB48=前田敦子。佢攞第一好理所當然,但係佢攞唔到就好似AKB48已經變咗質咁。咁講可能係有少少誇張,但係個感覺有少少奇奇怪怪咁囉。不過,敦子上次攞咗第一之後好辛苦好大壓力,今年就俾優子同你分擔一下吧。下次再戰! 好啦,講住咁多先啦。開波啦因為! Continue Reading

AKB48 SKE48 LIVE in ASIA

AKB48 SKE48 LIVE in ASIA AKB48同SKE48 11月會响澳門開演唱會, 到時會有96人黎!!http://hk.news.yahoo.com/article/100610/3/ik0r.html 各位澳門同香港嘅fans!!! AKB48同SKE48要黎見我地啦!!一定要去啦吓嘛~!!! 澳門方面請咗好多方面嘅朋友幫我留意住, 而家好多野都未confirm, 一有消息就會同大家報告!! (但係因為我係封閉式fans, 消息可能唔夠大家快. 所以麻煩如果有新消息都請大家話俾我知啦!!) 到時如果買飛方面有需要, 小妹做得到都會幫下大家~!! ((經常留言俾小妹嘅幾位朋友仔, 如果你地會黎, 不妨一齊去支持佢地吖!! ^^)) Continue Reading

AKB48総選挙2010最終結果

40 石黒〜 39 松原〜 38 矢神久美 37 片山〜 36 山内〜 35 高柳明音 34 米沢〜 33 藤江れいな 32 梅田〜 31 佐藤すみれ 30 小森美果 29 仁藤萌乃 27 島崎〜 27 石田晴香 26 平嶋〜 25 増田有華 24 大矢政那 23 倉持明日香 22 多田愛佳 21 宮崎美穂 20 仲川遥香 19 指原莉乃 18 佐藤亜美菜 17 秋元才加 16 北原里英 15 小野恵令奈 14 峯岸みなみ 13 高城亜樹 12 河西智美 11 松井玲奈 10 松井珠理奈 09 宮澤佐江 08 柏木由紀 07 小嶋陽菜 06 高橋みなみ 05 渡辺麻友 04 板野友美 03 篠田麻里子 02 前田敦子 01 大島優子 ※後尾加咗「〜」係我唔知佢個名※ Continue Reading