Monthly Archives: May 2010

Bloody Monday 2

睇咗三集之後投降咗嘅Bloody Monday 2,今日終於睇完。
老實說,本來以為自己一世都睇唔晒嘅呢套劇竟然俾我煲得完我覺得自己好叻。
記得第4,5,6,7集我特登放佢入去iPhone,打算去日本時坐飛機無無聊聊都煲咗佢啦。點知竟然悶到瞓著咗==;
去完日本之後都係無睇。收齊成套之後,為咗空出harddisk,第一時間燒碟同佢say goodbye。真係真係覺得自己唔會再睇架啦。
點知原來仲有幾集响手機入面唔記得delete。
早幾日响街悶悶地開咗出黎睇。其實都係一路做其他野一路睇架啦,就俾我捱到第6集。睇完第6集,反而又覺得有d追嘅意欲。於是見今日放假得閒,就一氣吞咗第7,8,9集。好睇完!又了咗件事!哈!

no,其實都唔係話太衰嘅。
真係嘅,由第6集開始,d野開始明朗化,謎團開始解開嘅時候,呢套野都叫做睇得過。結局出人意表係Bloody Monday嘅特點。咁係咪真係好驚喜呢?其實又唔係。一般啦。都係果句,睇得過囉。

中間発表!(2010-05-26)

順位 チーム タレント名 投票数 1 A 前田敦子 6846 2 K 大島優子 6317 3 B 渡辺麻友 4072 4 K 板野友美 3802 5 A 篠田麻里子 3765 6 A 高橋みなみ 3319 7 B 柏木由紀 2985 8 S 松井玲奈 2673 9 K 宮澤佐江 2616 10 A 小嶋陽菜 1506 11 A 高城亜樹 2252 12 K 小野恵令奈 1558 13 B 河西智美… Continue Reading

超級巨聲

近呢一兩年我對TVB嘅節目可以話零興趣。我呢種咁鍾意睇戲睇劇嘅人,最後一套睇多過1集嘅TVB劇竟然係「家好月圓」。之後可以過乜都無睇過。 但係有一個節目我係個個星期追睇。就係「超級巨聲」。嘩,真係好好睇。我唔否諗我絕對係巨聲一班嘅大大大fans~^^ 今日放假,一大早就將以前咁多集嘅超級巨聲睇一次。唔~~~真係好好聲。好多都聽到好享受。 雖然我好鍾意超級巨聲,但係我真係好唔鍾意超級巨聲2。大佬,超級巨聲2果班人真係十分之不知所謂。唔係咁都叫巨聲吓嘛?? 一班果班巨聲,就算係out咗果d,基本都唱得好好。你會係一聽就覺好聽,同埋會記住。次都果班(二班)實在係唔掂囉。喂,係「超級巨聲」呀,唔係唱K囉==; 唉,等我之前仲好期待==;講真,真係好失望。同時感覺到一班嘅實力。 嗯嗯。永遠係一班嘅fans!! Continue Reading

嫲嫲, 多謝你

上個星期,嫲嫲離開了。 但係其實一直感覺都好唔實在。直到今日,告別式完成咗,先切切實實明白原來以後要見嫲嫲就只可以响照片同回憶裡面。 嗯。不過我唔會喊。因為總算唔係愛得太遲。 阿嫲!我愛你!多謝你從小到大的嘅照顧。辛苦晒。一路走好! Continue Reading

私かられなへの質問、れなから私への回答。

730ルビーは何歳ですか?動物好きな玲奈ちゃんは、コウモリが好きですか ルビーはおそらく4、5歳のはず・・・いやもっと上かもしれません。 一緒にすごしすぎてわからなくなりました。笑っ 私の中では3歳で止まっています。 コウモリは好きですが、昔追いかけられた記憶があって大群でみるとトラウマが故に少し嫌いになります。笑っ Continue Reading

問答!

N個月之前。。。rena响ameba果邊個blog發起咗一次史無前例嘅大計劃。就係响comment度問佢問題,佢會逐條回答。果一個post嘅comment多到直逼上限嘅3000!!我一見到個post就問佢問題,結果都排到7百幾先到我。 今日!!!!!!!!!就响今日!!!!!!!!!!!!!!佢答咗我嘅問題啦!!!!!!!!!!!!!! 哇噢!!!! 至於我問咗d咩佢同答咗d咩。。。。。 因為實在係太無聊我唔多敢post出黎驚俾人笑(爆) 明明係有好多好多好多好想問佢,好想知而又好有意義嘅問題,但係一到咗可以真係問佢果一刻,竟然係個腦實晒囉==;又唔想話排到好後,所以結果問咗兩條非常之九唔搭八嘅問題==;而家係幾萬個後悔囉==;不過!呢兩條問題都係我好想知道嘅野,而rena都好有心機佢答,所以我好開心呀~! 多謝你個rena仔!唔知幾時下次又再整一個問答遊戲啦!到時我會再問!而且會問一d我想知又有意義而rena你又想答嘅問題!! Continue Reading

SKE48 POSTER

星期五,我終於手持著我人生第一張SKE48 Poster!感謝一位網友嘅幫忙! 收到之前都唔知係咩poster,只知道有teamS同teamKII。打開,哦~!原來係「手をつなぎながら」CD嘅宣傳海報! 越睇越覺得teamKII「岩岩慚慚」… (笑)不過都有幾個值得注目。Namely:高柳明音&石田安奈&小木曽汐莉(注:小木曽汐莉當時仲未係teamKII成員,所以呢張poster無佢架!) Continue Reading

爆笑一刻

呢幾日都有D忙, 至於忙D乜, 就遲D先同講. 話說今日又成日响一個地方.好彩有得上網, 都叫做有D野搞下無咁悶. 啱啱睇咗さっし一篇BLOG,食緊飯嘅我好自然就噴咗出黎.搞笑之餘, 又好溫馨架喎! 識得睇日文嘅朋友仔請去さっし個BLOG度睇.唔識嘅朋友就請繼續look下去. >>>>>>>>>>> さっし因為懶同貪舒服嘅關係, 成日都著鬆鬆嘅汗褲.話說有一日, さっし又著住佢最愛著嘅汗褲. あっちゃん見到, 就走埋さっし度. 敦: 喂喂…指: 係?敦: 你點解成日都著住條汗褲嘅?指: 因為舒服囉!敦: 你唔會係無衫著呀嘛? 無事呀嘛?指: (泣)………… 溫柔嘅敦子, 見到さっし日日都著住條汗褲, 好擔心佢無衫著.AKB48, TeamA.一個非常溫馨嘅地方 (笑) Continue Reading

反則

兩個字形容呢張相:「反則」(反則係日文,意思係指「犯規」) 呢張係高橋愛6月出嘅DVD「フィギュア」嘅封面。有無搞錯呀!家下分明係搞事啫愛妹你!我都話咗,我5月尾有好多錢要洗,話咗無錢留俾你架啦!你而家整個咁嘅封面,即係局我買埋你隻DVD架啫!呢個封面簡睇係10全10美之中嘅代表作==;102%啱晒小蝠嘅胃口… 嗚~愛妹,俾條生路行下好喎… Continue Reading