Monthly Archives: April 2010

制服の芽CD

終於到手啦!!(雖然已經聽咗幾日^^)

我自己好鍾意綠色,所以佢呢隻碟我係鍾意到爆!

內附一張親筆簽名嘅相!我果張係矢神久美。雖然唔係rena,但係kumi係我SKE48嘅第二位,所以我已經覺得自己好好彩啦!不過如果有朋友有rena而鍾意kumi多d想交換我非常之樂意!!

我驗咗好耐好多次,真係似親筆呀。印落去果d唔係咁架!

俾大家睇下內頁啦~

哇~~~~~
攞住個suitcase擔住打遮!好萌嘅rena啊~!!!

呢隻碟,就咁睇已經好靚好正啦!
但係最仲要係d歌真係好好聽。
以往我好少成隻碟直聽落去唔飛歌!
但係上次SKE48果隻「手をつなぎながら」同呢隻「制服の芽」我都係一直聽,shuffle再聽,日聽夜聽~!!
雖然隻隻歌都真係好鍾意,但係特別介紹以下三隻!

1)枯葉のステーション
唔洗講太多,rena仔solo!不同佢真係唱得好好!呢首歌一定要睇一次佢個公演聽返見有feel!!因為我似秋元P都話,佢可以將一首歌演到一套戲咁,rena嘅演出力係好強架!我自己好鍾意果段仔讀白… 佢一開口話:「れなです。」我已經暈咗。(爆)

2)手紙のこと
呢首歌係講寫信。成員嘅角度係收fans信,幻想下當中埋藏咗幾多幾多心意同故事。而fans角度,就真係同歌詞咁,有一日好想寫信俾佢地,但係都唔知覺咩好,寫咗好多但係最後無寄出嘅感覺。歌詞好正。東京公演入面除咗jurina之外rena都有一段仔對白,rena講講下仲講到喊。好感動嘅一首歌。一定要留意歌詞。

3)水のないプール
呢首歌好自然令人覺得好懷念。唔同嘅人當然有唔同嘅野會懷念,而呢首歌會幫你搵到果種感覺。melody令人好舒服。

哎呀~ 其實鍾意有feel真係唔只三隻!!>_<
好多感想想講!唔得,唔講真係太浪費!簡直係對唔住rena,對唔住SKE48呀!

聽日或者後日補一篇全曲感想!

排名?(未經證實,只供參考!〞笑)

見到blog友個blog玩咗個AKB48成員排名嘅遊戲,呢d我梗係忍唔住要自己玩一次架啦!!出黎嘅結果… 唔,有少少出人意表 首先講下頭三位先啦,我其實係好想好想好想按DRAW(打和)架。但係如果咁樣,個排名就會有好多好多好多同名次,咁就唔好玩啦嘛!所以我諗咗好耐好耐之後,我都唔記得我玩嘅時候按咗邊個啦,出黎嘅結果… 吓?乜原來我鍾意優子多過由紀咩??無理由架!(笑)咦?一直係我第一嘅敦子幾時跌到第三位啦?(爆) 除咗頭三位,我最估唔到係我搞到小嶋陽菜排第5咁高架喎!講真果句… 我同佢唔熟囉==;小嶋陽菜呢個一定係有d咩搞錯咗。可能係我按錯制… 再之後出奇嘅係,第7同第9都…我竟然鍾意佢地多過渡邊麻友?無理由喎又係!!第9位之後果d都叫做比較正路… 之但係其實唔係個system有事喎,大家唔好誤會!因為我知道出咗呢個結果係我自己舉旗不定…信唔信吖,我分分鐘次次玩都唔同結果!(爆) 至於18以下果d… 我基本上唔多識佢地…都無諗住要去主動識佢地。不同都貼埋個結果出黎啦! 幾時整返個SKE48玩下呀?我估個結果會正常好多!! Continue Reading

決擇

呢一陣子更新減少咗,除咗真係話生活上多咗野搞同懶之外,其實係有一樣野令到我好煩。對好多人黎講,可能我呢一個煩惱係根本不值一諗嘅事。但係對我黎講,呢個係一個大決定。 原來唔係開始一樣野要勇氣,要結束都需要好大勇氣。 一件做咗近四年嘅事,而家呢一刻,我打算將佢了結。要為呢件事畫上句號。 究竟我呢個決定係啱定錯呢?究竟我會唔會後悔呢? 响呢一刻我無答案。但係其實唔捨得真係有。 要唔要俾個機會”佢”呢?嗯,就俾一個月”佢”。如果”佢”想繼續生存,就俾一次100我吧。作為我對rena嘅一個少少嘅交代。話晒,我而家已經”移藉”咗,如果無成績,呢件事都好難做落去。嗯,就咁話啦。 呢編post係咪好鬼玄呢。哈哈。 Continue Reading

泣きながら微笑んで

AKB48之友應該全部都知道,呢首歌係大島優子响Team K公演獨唱歌曲。 泣きながら微笑んで Request Hour倒數年年都入選嘅金曲。一首好好聽嘅慢歌。 大島優子 一個我好鍾意好鍾意佢性格嘅人。佢响我個AKB48 Ranking入面係數一數二嘅位置。(同柏木由紀爭持中) Team K AKB48入面我最鍾意嘅一個Team。唔知點解,總係覺得Team K好有親切感。 以前曾經聽優子講過, 童星出身嘅佢,到而家都係鍾意做戲。 雖然唔係話唔鍾意唱歌跳舞做偶像,但係志願都係演戲。 佢都試過覺得迷惘,唔明自己點解會站响台上面。 當佢苦惱嘅時候, 秋元P同佢講咗一句說話: 「你就當自己係一個演員,而家响台上面飾演住歌手呢個角色就得啦」 呢一句說話响優子心入面叮咗一叮。 從此之後,優子就專心咁演佢呢個偶像歌手嘅角色,並等待得到其他角色嘅機會。 「泣きながら微笑んで」呢首歌,自此之後對優子黎講就更加重要啦。 注:以上講都係AKB48,唔包括SKE48!因為如果係講成個48家族,我最愛嘅成員係松井玲奈,最愛嘅Team係Team S! 呢首歌嘅歌詞都好正架! 泣きながら微笑んで 差し出したサヨナラを 掌(てのひら)で包んでくれた やさしさが脈を打って 暖かくなる 風に舞う粉雪は 愛しさのように 溶けてしまうなら ずっと このままで・・・ 泣きながら微笑んで あなたを見送りましょう 何度も立ち止まって 心配そうに 振り返るけれど・・・ 泣きながら微笑んで 一人に慣れるまでは ここから まだ 動けなくて そっと 手を振り 小さくなる思い出の近くにいたい 強がりと泣き虫が この胸で喧嘩をしてる 聞き分けのいい未来が 間に入る 木の枝にうっすらと 粉雪が積もり それでも 消えない 愛のその重さ どうすればいいのでしょう? こんなに切ない時・・・ 傘なら 差してるのに 頬を伝う 悲しみの雫… Continue Reading

一試無妨!

呢排有d唔得閒,blog都無寫添!其實又唔係話咩好唔得閒,不過我一向雨天陰天寫故仔寫小說呀果d都會好順。咁上個星期日日都陰陰濕濕咁,啱晒!所以就不斷寫不斷寫。其他野要先等下囉。 但係其實blog呢邊都堆積咗好多好多要寫但係未寫嘅野。唉。好似今日要寫嘅,就係兩三個星期之前就應該要寫嘅野。 3月24日出嘅SKE48細碟!青空片想い! 呢隻碟係SKE48第一次嘅選拔細碟!上一隻強き者よ係Team S全員唱。而且今次呢隻呢,勁就勁在選拔成員只有7個!呢個數字之少,係連AKB48都未試過!當然,我買得嘅,一定有rena份啦! 好,睇下入面。 CD同DVD: 今次我都係响日本HMV買,因為之前都講過,日本HMV多野送。買到黎嘅驚喜係… 送rena相相!!!!即時HIGH大咗! 呢隻碟入面有一張投票券,係用黎投票選出SKE48 30大名曲嘅! 佢大大隻字寫到明,話只可以用日本本土手提電話到果個網站投票!所以我開頭放棄咗…但係上個星期日我手痕… 用電腦入去佢個website…結果==;竟然俾我投到==;搞錯==;早知一早就投啦!By the way,我投咗俾Team S嘅「遠くにいても」。 Continue Reading

夢之計劃R^2010 (4日目-最後衝刺)

做完要事,就返屋企啦!今日回程,但係飛機係夜晚,所以起身後checkout,托管咗行李就出街行一陣!由於唔想行咁遠,所以就搭ゆりかもめ去一個站距離嘅青海站嘅Palette Town!就係摩天輪附近! 由車站行去嘅時候,發現咗傳說中(?)嘅Zepp Tokyo! 原來响呢度~!下次有演唱會就識黎啦! 講返Palette Town,入面有d似威尼斯人==; 之後唔知行咗去邊,搵到間遊戲機店!竟然有我一直好想玩嘅「反枱遊戲」! 玩完出黎,竟然見到Starbucks!!本來放棄咗以為無得飲,竟然最後嘅最後搵到!rena仔強烈推介嘅さくらスチーマー! 好味呀!返咗黎成個月,都仲好掛住呢杯野…! 最後一日,個相照竟然無電==;所以得好少相咋…!呢幾日行程就係咁,寫真會呀,買咗咩呀果d就日後再講啦! Continue Reading

48?

今日偶然睇到呢段新聞。http://www.sponichi.co.jp/entertainment/news/2010/04/04/04.html 係一段有關Hello! Project新組合「S/mileage」嘅報導。佢地嘅製作人淳君作出咗以下發言。 「メンバーが増えたり減ったりするかもしれんけど、48人とかはやらんから」 大約意思係話S/mileage係會加員減員,但係唔會加到48人咁多。 咁多數字唔講,係都要講48,令到我覺得有d奇怪。佢究竟想講乜?係响度串人定係點? 無論佢本身係想搞笑定係點都好,我覺得佢講呢句說話唔多大方囉。有d串。 值得高興嘅係,而家好明顯,佢地已經意識到某48對佢地有威脅。 Continue Reading

夢之計劃R^2010 (3日目-写真会+台場編)

我都知我實在係拖得太耐啦==; 第三日又一早起身去寫真會!事前當然要食早餐!我堅持每日早餐都食rena最愛嘅蜜瓜包。之前果日食咗LAWSON,今日呢個就係rena仔嘅最愛OK嘅蜜瓜包! 食後感?呢個的確比LAWSON果個脆d,但係個包心都係好軟熟。正!好味道! 寫真會都係主要係見rena!另外加插大島優子同指原莉乃。寫真會內容就後話。 大約1點,玩晒寫真會d飛,就出發去行街街啦!由於之一日嘅慘痛經歷(行到腳軟),今日只係响台場附近行。 第一站,DECKS! 佢入面好過癮架喎,做返好耐以前嘅日本出黎! 室內仲有鬼屋!不過我怕怕,無入到去。 餓啦!食個中午飯先啦!間餐廳都好特別,係佈置成以前d學校咁! 而食物,就似日本學校嘅給食。 DECKS入面有間大型室內遊樂場JOYPOLIS!但係我地都無心機玩,所以無入去到。只係响出面「到此一遊」咗就算啦。 離開DECKS,行埋旁邊嘅AQUA CITY,我地就向下一站出發。 下一站係!!富士電視台!!!! 可惜入面好多野都係唔俾影相,所以無乜野可以show俾大家睇。只能夠,俾大家睇下身處圓波波下嘅感覺! 歡迎黎到紐約!!! ==;蝠,你是白痴嗎?係人都知道台場有個自由神像啦! 今日就係咁完咗。好攰,一早就返咗酒店hea。但係就係今日!地震囉==;我當時响酒店,覺得搖搖下咁。我仲以為自己攰得滯暈添(←果然係白痴) Continue Reading

熱飲♪

以下,係一杯櫻花牛奶。最近晚晚都整一杯,飲完就暖笠笠發個好夢。 呢杯野係都係rena仔介紹。做法好簡單,將牛奶加熱,加少少糖,加一朵櫻花,搞掂!而小蝠用嘅櫻花,係响成田機場買嘅。一包都有排飲架~! 由呢單野,又可以證明俾大家睇小蝠係幾咁容易受人影響==;以前嘅小蝠其實係一個唔會飲熱野嘅人!無論天氣有幾凍,小蝠都只係會飲凍野!公司同事如果見到小蝠倒熱水會覺得好出奇架!(其實我之前倒親熱水都係用黎洗杯… 哈!)但係鍾意咗rena仔之後,成日都見佢飲熱野。rena係同以前嘅我完全相反!佢係真係只會飲熱野囉(講緊係冬天啦!)同佢「相處」耐咗,小蝠竟然被佢同化咗!!==;尋日果杯昆布茶已經係熱架啦,櫻花牛奶又係熱架喎! 我都估唔到,自己竟然會愛上熱飲! Continue Reading