Monthly Archives: March 2010

交流<->影響

小蝠係一個好容易受影響嘅人。無論係情緒上定係意見上都係。
一早已經發現咗呢個問題,所以小蝠好多時都會「意見接受,態度照舊」。
雖然咁樣外表會令到人覺得我好有主見,但係其實心入面已經俾呢個別人嘅意見動搖咗,只係強硬地照自己原來嘅意思做事罷了。呢種感覺其實好難受。

所以,對於自己好鍾意嘅野,如非必要,我都唔太鍾意同人交流。
尤其係偶像。
我基本上係一個極極極極極唔願意同其他fans交流嘅人。
因為我實在太容易太容易被人影響到啦!
對於網路上有果句講果句嘅系統,我係極極極極度想迴避…
所以我咁咁咁咁鍾意AKB48同SKE48,你都唔會見到我周圍去睇論壇果d野。

Blog留言我可以接受到,唔鍾意咪delete咗佢囉。論壇呀果d,都可以話想睇就睇,唔想睇就唔睇。
但係最最最最可怕嘅一種就係CHAT。
CHAT,你真係避無可避。唔應咩?有時d人仍然會繼續send過黎。
好驚呀!唯有唔online最穩陣啦!

如果… 你發現咗我最近唔多睬你唔多理你,而你又唔知發生咩事嘅話…
不如你試諗吓,你最近會唔會鍾意咗AKB48並試過不停咁响度高談闊論佢地?

唉,呢d真係避之則吉。

嗯嗯。我呢種叫做自閉式宅女…!

題外話,
今日下午响公司飲咗响日本買返黎嘅「梅子昆布茶」。

rena仔拍マジすか学園嘅時間日日都飲!
飲到要自己買返屋企飲嘅茶!
响強烈推介之下,我都買咗黎飲。好好味呀!
我條脷果然係好接受日本野!哈哈!

祝!3位!

又有喜慶野啦!! SKE48上個星期三(3月24日)出嘅細碟 – 青空片想い打入咗今週ORICON細碟榜第三位!! 上次隻 強き者よ 第五位, 今次進步咗兩位, 真係好叻呀!! 雖然唔係話強勢大賣, 但係呢隻只係佢地第二隻碟, 都仲算係新人, 新人入到三甲已經好叻叻架啦!! 不過就如我所料, 背負 “AKB48師妹” 嘅名號出道, 開頭條路外界睇黎似乎會比較易行.但係往後嘅路就會比其他無背負任何名義出道嘅歌手來得辛苦. 一個唔小心仲會好容易自滅…. (>_<) 不過我相信SKE48唔會嘅!! 支持! 繼續加油SKE48!! PS: 尋晚TeamS有d人事變動, 新海里奈同森紗雪因為要以學業為重所以由TeamS降返落去研究生. 搞到個個都好感觸… 我自己今年都遇到幾次類似咁嘅野, 都叫做幾明白佢地嘅心情. 不過尋晚從rena個blog睇得出佢down down地. 明架, rena! 實在係, 有d sad架. 就連一向都唔多鍾意佢兩個嘅我, 睇睇下大矢真那同平田璃香子(<- 其實呢兩個都唔多鍾意= =; )個blog都睇到喊. rena尋晚好似好平淡咁, 但係其實都知佢好鬼down. 無計啦, 呢d無得安慰… 唯有自己諗通架啦. 不過rena都好叻女架啦, 今朝就重新做人! 唉, 不過加埋松下唯件事, 今年TeamS真係多事幹… 希望唔會太影響到rena仔同埋現役TeamS嘅成員啦. GO!! SKE48!! Continue Reading

好彩入唔到…

呢個其實唔係咩特別消息or新聞。係人都知,而家AKB48 Team B隊長柏木由紀响未入AKB48之前,曾經參加過Morning娘第八期成員嘅選拔。 當然佢入唔到啦,如果唔係大家而家都唔會响AKB48度見到佢啦。 講真,如果你問我,我而家真係好慶幸佢當年入唔到。對Morning娘黎講,如果當年唔係光井愛佳入,而換咗係柏木由紀,成件事可能會唔同晒。因為現時嘅Morning娘就係缺乏柏木由紀呢類反應大多野講嘅成員。不過你都可以話係AKB48教到柏木由紀咁。兩睇,我唔知啦。我而家係AKB48同SKE48 fans,好鍾意柏木由紀,咁當然我好開心Morning娘當年唔要佢啦!哈哈。 當時15歲嘅柏木由紀,參選嘅時候竟然係清唱「恋ING」。嗯。好聽!佢真係唱得幾好囉。 嗱,佢又無學唱歌果d,一開口就可以唱都咁,其實真係唔錯。如果你問我,我覺得佢唱得好聽過原唱者嘅亀井絵里… Continue Reading

ゲキカラ@マジすか学園(第12回)

最後啦。真係最後啦。但係最後嘅最後,俾我睇到ゲキカラ嘅人性,我覺得好滿足。 未播出第8集,rena已經講過,ゲキカラ對白唔多。所以要真正了解呢個有點狂氣嘅小妹妹,就要好小心咁留意佢每一個表情,每一個小小嘅動作。 第12集,同其他四天王一樣,一句對白都無嘅ゲキカラ,反而俾咗個機會我向ゲキカラ再走近一步。 平時都嬉皮笑臉,唔知諗乜,又好似唔識煩唔識性嘅ゲキカラ,响畢業禮上嘅呢一個認真嘅表情,你覺得係為咗咩呢?我認為一定唔會係為咗個畢業禮。咁係咩呢?就係優子部長。 講真,我之前真係好有疑問,好似ゲキカラ咁嘅人,點樣睇都係一個喜歡獨來獨往嘅人。點解佢會做咗四天王?呢d咁嘅名譽野,我覺得佢唔多care。睇咗第12集,有種真相大白嘅感覺。ゲキカラ會入咗ラッパッパ,會跟咗優子部長,其實係因為優子部長係一個ゲキカラ都尊重嘅人。所以無論佢性格有幾偏差,有幾喪,响優子部長面前嘅ゲキカラ,都會好乖女。 呢一個笑容,唔係平時見到ゲキカラ果個令人覺得好驚嘅笑容。呢一個,似係佢打從心底好高興見到優子部長達成到佢嘅心願嘅笑容。一個好溫柔衷心嘅微笑。 以下呢一張圖,係優子叫咗敦子出黎之後呢一幕。俾著平時,ゲキカラ已經衝咗出去。但係佢無。呢一個時候,佢只係望住優子。優子同佢嘅伙伴(四天王&副部長)講咗句多謝。多謝d咩?我想像嘅係,多謝佢地做佢嘅伙伴,同埋一直同佢一齊保護住學校同埋所以馬路須加學園嘅學生。唔好睇ゲキカラ傻嘅,佢都有身為四天王嘅重責。 記唔記得上一集サド同敦子打完出返黎之後跌底嘅一幕?當時ゲキカラ係完全無表現到擔心同關心。但係你睇下當優子部長跌倒嘅時候佢嘅反應?? 佢明知呢個時候優子係要自己行,但係從佢眼神睇得出,佢係好想出去扶佢。 優子打咗敦子一拳之後ゲキカラ嘅表情。係人都睇得出,果一拳係無力水嘅。任人睇到,都會覺得心酸。就連ゲキカラ都會。 本編嘅記事都講過。ゲキカラ嘅呢一行眼淚,係非常之震撼。一路睇其實都好感動,但係ゲキカラ嘅呢一滴眼淚,係令我喊出黎嘅原因。 副部長サド同ブラック都有喊。但係ゲキカラ喊,係比佢地喊更加有影響力。需知道ゲキカラ係咩人。能夠令到佢為一個人落淚,呢個人,對佢一定好重要。 我睇戲睇劇鍾意諗野,尤其係我鍾意嘅角色。ゲキカラ係我近年睇嘅所有野入面我最鍾意嘅一個角色。所以我更加會諗好多好多關於佢嘅野。我响度諗,優子當年收ゲキカラ做四天王,其實會唔會想幫下佢呢?優子部長係一個飛女。係一個好強嘅飛女。但係佢咁強,同埋成立咗ラッパッパ,其實會唔會係想要保護馬路須加嘅學生呢?好似上次サド話過,佢救敦子係唔想見到馬路須加嘅學生俾矢場久根蝦。呢一個就係優子成立ラッパッパ嘅原因吧?收四天王,其中一個目的,當然係要加強ラッパッパ嘅實力。但係另一個目的,會唔會係想响某個層面上保護佢地呢?シブヤ係一個好衝動嘅人,優子同サド控制住佢唔俾佢搞大多事,係咪幫咗佢呢?トリゴヤ覺醒咗係好強,但係平時佢就弱到不得了。記得優子唔想サド令佢覺醒嗎?如果只係想增強實力,留トリゴヤ响度真係無乜用。但係トリゴヤ係四天王。會唔會係優子想保住佢呢?ゲキカラ就更加之啦。大家都睇得到佢有幾狂。入埋少年院。嗜血又殘暴。但係優子都可以控制到佢,唔俾佢搞事。咁對ゲキカラ黎講,唔係好事咩?再俾自己空想一下,ゲキカラ會出事搞到入少年院,會唔會係因為優子病咗入咗院之後再無人控制到佢而出事呢?ブラック… 呢個我暫時未諗到(爆) 雖然我好鍾意好鍾意狂氣嘅ゲキカラ,但係優子部長嘅死,會唔會令到佢有d改變呢?畢業啦,ゲキカラ!要乖乖啦! マジすか学園終於做完啦。响呢三個月入面,都期待住每一個星期五嘅來臨。マジすか学園發掘咗AKB48同SKE48好多成員嘅可能性,而同時都激發咗我嘅恆心。原來,我都可以堅持將一件事做完,做好。雖然マジすか学園係一套比較另類嘅劇,唔係話個個人都接受得到。 但係佢都會令人有啟發嘅。 2010年3月,响我生命入面,實在有好多野要完結,要改變。但係人還是要向前望,因為就如優子部長所講: 「有明天就已經係一件好開心嘅事」 將最愛嘅ゲキカラ同マジすか学園放响回憶入面好好收藏,成為自己人生中其中一件寶物。但係我唔會永遠將自己收埋响回憶中嘅快樂!人要向前,明天依然有好多新嘅期待。 ゲキカラ、お疲れさまでした! Continue Reading

[含劇透] マジすか学園(第12話)

最終回,是マジすか学園的畢業式。本來從來無人到嘅畢業禮,竟然坐滿人。其實大家都唔係想參加畢業禮,而係想睇敦子同優子大戰。 但係佢地都唔知道,其實優子部長已經病到連畢業禮出唔出席到都唔知道,唔好講打交啦。 但係出席畢業禮攞畢業證書,係優子的最大心願。無論幾辛苦,佢都要出席。於是,佢由四天王同副部長サド護架出現。 大家睇下,就連ゲキカラ都咁乖咁定性,就知道優子對佢有幾重要。 優子其實已經病到好嚴重。上台都要人扶。 幾型,成班人陪佢攞證書。 睇下,對住優子,ゲキカラ真係超乖乖。仲識笑(唔係傻笑喎!) 攞完證書,優子叫敦子出黎。 打咗佢一拳(應該無乜力),將馬路須加學園嘅頂點交托俾敦子。 最後由敦子推佢走。 大家都好傷心。(因為大概都知道優子唔得架啦) 就响呢個時候,世上最震撼嘅事發生啦。 ゲキカラ哭了。果個唔識痛,唔識死,睇起上黎毫無感情嘅ゲキカラ,竟然為咗優子而喊。從佢綠色嘅眼睛流下來嘅呢一滴眼淚,意義比任何一個人喊更加重大。 就响敦子推優子出去嘅時候,優子靜靜地離開了。 至於敦子,佢承接咗優子,成為馬路須加學園嘅頂點。唔再戴眼睛啦。 做咗頂級,當然會有人黎挑戰。 好恐怖嘅珠理奈…. 唉~要捧珠理奈都唔好捧得咁明顯啦!頂,好似要留伏線俾續集咁!講明呀,有續集無ゲキカラ我唔睇架!不過,拍續集不如拍前傳啦!好想睇下優子健康嘅時間有幾強。又想知道乜野搞到ゲキカラ咁喪,又想睇下トリゴヤ做乜咁怕雞… 又好想知道優子係點樣收四天王… 好多好多野都無交代到呀,秋元P… 全劇終! Continue Reading

ゲキカラ@マジすか学園(第11回)

效法一下rena嘅密集式update先~! 失蹤咗好耐(其實都係兩集啫…)嘅ゲキカラ終於返黎。 感覺上佢係俾人召返黎把關… 話晒都係四天王呀嘛,副部大戰前田敦子,點都要返一返黎做下勢嘅… 依然係不停傻笑。妹妹,你今日食咗藥未?(笑) 看咗第8集嘅朋友都知道ゲキカラ有幾喪。而亦都有個疑問:咁失控嘅人,响要協調性嘅群體生活入面點生存?雖然大家都睇到,サド唔係咁食得住ゲキカラ-應該話,ゲキカラ唔係咁服サド。但係呢集發現咗一個幾得意嘅現象,就係ゲキカラ似乎又幾聽ブラック話架喎! 話說敦子要上樓,而當大家都要讓路俾佢嘅時候,貪玩嘅ゲキカラ可能上次未玩夠,又想走埋去… ブラック輕輕咁伸手,唔俾佢走近。 慢慢咁將佢推返後… 如果ゲキカラ真係痴線嘅,第一時間打咗ブラック先啦!仲佢同咁多嗲?但係佢好順攤咁由得ブラック阻止佢。估唔到ゲキカラ响ラッパッパ入面又幾聽話喎~!! ゲキカラ真係好型。企都企得串過人。但係除咗ゲキカラ之外,我相信你永遠都唔會見到rena咁企。因為rena仔係無時無刻,無論企定係坐,個背脊都係好直架! 第11集最正最正嘅一幕: 前田敦子打敗咗サド之後行出ラッパッパ部室嘅時候,ゲキカラ第一次好認真好凝重咁望咗敦子個背影一下。 見到佢呢個表情好出奇?第12集大結局入面嘅ゲキカラ會嚇親你! Continue Reading

[含劇透] マジすか学園(第11話)

終於要同サド交手了。同サド合作過嘅敦子,唔想同サド打。但係優子話,佢已經行到樓梯嘅一半,而家佢只可以繼續向上爬。 而敦子聽完優子同佢講嘅一番說話,都決定同サド一戰。 優子部長同敦子講,無論佢贏定輸,就算佢輸晒所有野,佢都仲會有將來。仲話有「明天」真係好。優子明顯知道,自己已經時日無多。上圖優子見血,唔好似為敦子打佢。佢只係流鼻血。 敦子決定同サド一戰,佢正式要步上吹奏樂部嘅樓梯。當然ラッパッパ嘅樓梯唔係任人上。門口已經有一年生响度把關。敦子後面嘅人全部唔入得。 過咗d一年生,敦子行上去就見到四天王。 上次都提過,四天王一齊出現嘅畫面,呢集係第一次!好貴重嘅一幕呀! 四天王個個個樣都好沉重,但係ゲキカラ都仲係只係識笑。 吹奏樂部部室入面有專用單挑房。真係吹脹==; サド第一次除咗件毛毛衫… 原來佢套校服背面好靚架! サド同敦子响入面打,出面四天王就只可以响度等佢地出黎。唔講以為佢地响產房門口等BB出世… 哈哈。 (睇下!原ゲキカラ都識得緊張架喎~) 呢場仗,就如敦子所講,應該算係打成平手。佢同サド都傷。 敦子最後扶(抬?)返サド出黎,放返俾四天王,自己就走返落去。 除咗ゲキカラ之外嘅三天王都好擔心咁即刻走埋サド度睇下佢有無事。ゲキカラ就返而望咗敦子先,再望返過去睇三天王同サド。而佢由始至終都無踎低睇サド。呢一幕度我覺得可以睇到ゲキカラ其實都真係幾冷漠。(其實都無計。都話佢俾人打到扁咗果時,サド都只係睥咗佢一睥…)但係就係因為佢呢一幕,大結局嘅“果一幕”就非常之震撼… 好啦,マジすか学園,而家就只剩返大結局啦! Continue Reading

ゲキカラ@マジすか学園(第10回)

第10集嘅ゲキカラ,繼續失蹤!! 唉,好心啦!佢出返黎就同佢影過張相啦!又係用返張舊野。仲要佢打完一場就失蹤…!好sad呀,真係好想知道多d關係ゲキカラ嘅野囉!但係又無… 秋元P,麻煩你可唔可以將マジすか学園小說化咁呢? 第9第10集無佢份,但係第11集會出場喎! 雖然俾d Credit遮住咗==;但係ゲキカラ失蹤完啦!!唉~好囉~返來囉!幾驚佢又搞事搞到俾人踢返入少年院><! 而且大家有無發現!!四天王第一次一齊出現喔!呢個勢,似係响度幫吹奏樂部把關喎!正!好想見多dゲキカラ呀! 題外話。最近多上日本嘅Yahoo!知識玩。啱啱早幾日見到有人話,ゲキカラ應該係「Psychopath」。呢個字放入英漢字典,會譯咗做「精神病患者」。但係其實唔係架喎。因為英文同日文中,呢個字嘅意思同中文譯嘅呢個有少少出入。日文譯成「精神病質」,同英文一樣,主要係講果個人嘅性格同所謂嘅正常人有d偏差,係人格障礙嘅一種。以前呢d人會被人捉去精神病院,但係而家似乎唔會。 我做咗d research之後,「Psychopath」有以下特徵: 異常地無良心 對人冷淡,同其他人無共鳴 非常平常地講大話 不能對自己嘅行動負責 完全無罪惡感 過大嘅自尊心同自我中心 單睇第8集嘅ゲキカラ,喂,以上6項佢起碼中咗一半==;唔怪得d人會話佢有病。不過呢…啱啱睇完大結局嘅我,認為ゲキカラ唔係「Psychopath」…佢只係性格有d特別….. 噢~唔可以講太多~呵呵!第12集先同大家分享! Continue Reading

[含劇透] マジすか学園(第10話)

同四天王都交過手之後,以為敦子會同サド打啦,點知其實唔係!而係以下呢個妹妹仔。話說呢個妹妹仔係敦子死咗嘅好朋友みなみ嘅細妹。而呢個細妹成日都認為係敦子累死自己個家姐,所以對佢恨之入骨。所以要同佢打一場。仲要出埋挑戰狀。 但係其實呢個睇黎咁弱嘅小妹妹又點會打。佢只係幫老鼠女幫敵對校矢場久根女高約敦子。而唔小心偷聽咗佢地計劃嘅啞妹(烤肉組嘅無口)竟然………….. 講野!!!!!!好感動嘅一刻呀!一直都唔講野嘅佢,竟然為咗敦子開口!!敦子都… 嚇咗一跳(笑) 佢同敦子講嘅係一句好簡單嘅句子:「我都去!」佢嘅老友見到佢咁,都知道事態嚴重。所以隊長ヲタ都話要同敦子一齊去。佢地都有眼見,佢地俾人打嘅時候,敦子都有為咗佢地而發火。而且敦子為咗唔想佢地有麻煩,所以一直都唔肯認佢地係伙伴。但係敦子同佢地講,佢自己會搞掂。佢始終都係唔想麻煩到佢地。 敦子去到,先發覺係一個局。要同佢打嘅人唔係みなみ個妹,而係矢場久根嘅人。而且唔係一個,係一班。 咁樣俾人圍,令敦子回憶返以前,當佢俾人圍嘅時候,佢嘅好朋友みなみ出黎救佢。 みなみ原來已經打算唔再打交,但係見到敦子俾人圍,先唔可以見死不救而出山。原來當初想做介護士嘅係みなみ,佢當時叫敦子都唔好再打交啦,同佢一齊讀書。而敦子成日戴住嘅手繩,係みなみ整俾佢嘅,同埋係佢同みなみ話要一齊努力嘅承諾。 後來,有一班人要搵敦子報仇,去問みなみ敦子去咗邊。但係みなみ話,敦子已經唔會再打交,佢代敦子同佢地道歉,希望佢地放過敦子。 佢甚至為咗敦子,對呢班人下跪。 但係佢地不但無放過佢同敦子,仲成班人一齊打みなみ。結果打死咗佢。 呢個就係敦子嘅過去。而現實中,敦子俾矢場久根班女打到都就死。就响呢個時候,サド出現了! 佢黎,係為咗救敦子!佢不能夠俾矢場久根班人打敗馬路須加嘅人!於是,佢同敦子聯手對付呢班人! 要响戰場上交個背脊俾人,必定要對呢個人有絕對信任。而呢一刻企响同一陣線嘅敦子同サド,都決定信任對方。 佢地聯手,好快就搞掂咗班矢場久根女。而サド亦都表明,佢救敦子係因為唔想馬路須加嘅人輸。佢依然要同佢打!下一集,就係敦子同サド嘅大戰! UPDATE一下ヲタ個鼻先。過咗兩集佢都做痛喎!ゲキカラ果然出手夠狠! Continue Reading

ゲキカラ@マジすか学園(第9回)

同敦子交過手之後嘅ゲキカラ,同想像一樣,第9集無出現到。一早就知會咁啦!事關之前シブヤ同ブラック打完之後都無再出現。 咦咦咦咦咦!咪住!!吹奏樂部部室個白板果張應該俾ゲキカラ撕爛咗嘅相又出現返喎!! ZOOM近d睇下…上面嘅字由「おつとめ中」,變咗做「失そう中」!! ゲキカラ失咗蹤???同敦子打完之後失咗蹤???有無搞錯呀!!有!無!搞!錯!呀!!搞到ゲキカラ好似潛逃咗咁。不過如果話佢潛逃,倒不如話佢去咗唔知邊度搞事好過啦。 突然之間諗到,佢又唔整一集四天王圍毆前田敦子架呢吓?? Continue Reading