Monthly Archives: February 2010

[含劇透] マジすか学園(第8話) ゲキカラ歸隊篇

話晒都係四天王之一,出咗黎就梗係要返入房坐下。

唔知點解佢係要サド捉佢返黎喎。而且個樣極度不悅。

サド由佢enjoy玩下d後輩,ゲキカラ係嚇到果四個吹奏樂部一年生死囉!走埋去無啦啦拉人地個耳環==;サド仲要同佢地講,「呢條友(指住個頭)呢度有問題,你地最好同佢保持距離」。嗯,非常如實嘅忠告。

玩完d靚,ゲキカラ發現自己張相貼咗响白板… 就即刻走埋去攞…

攞黎做咩??就係親手撕爛佢…

然後餵個後輩食!

佢真係有病==;
不過我好鍾意啊~超癲超正。

ゲキカラ無血無傷就只有呢一幕架咋!

[含劇透] マジすか学園(第8話) ゲキカラ出場篇

終於!終於等到ゲキカラ出黎啦!!平時一集cap到大約30張圖,今集… 我唔小心cap咗200幾張==; 而且有太多野要講,太多野要show,無辦法,唯有灘長黎講啦。 呢個係第一篇-ゲキカラ出場篇。 第8集第一次見到佢已經係打晒雷。你都咪話唔驚。 ゲキカラ嘅特點係,佢一出現就不停咁「呀哈哈哈哈~~~~」==; 第一次出現,就係敦子同肥妹發現歌舞伎姊妹俾殘酷地打敗綁咗响條街之後。ゲキカラ一出場就成身血。 喔!睇到敦子啦。 好「禮貌」咁見到敦子就笑。 ゲキカラ恐怖在,佢做乜都好似好開心咁,不停笑不停笑不停笑,唔知佢笑乜… 不過成日都咁開心,幾好吖都~? 唔好似為ゲキカラ乜都唔識淨係識笑同打喎!其實佢會聽人講野架! 唔信?你睇下!佢明明狂笑緊,肥妹一同佢講野,佢就唔笑啦。 ゲキカラ另一個特徵係,佢一諗野就會咬手指。唔知諗緊乜呢?但係應該唔係咩好野。 出一出,笑下咬下手指,就笑住咁走咗去。有時呢,其實我覺得ゲキカラ已經係病到唔識理解人地同佢講乜架啦。所以人地同佢講緊,佢會好認真咁望住,好似好想知人地想講乜咁。其實佢都好努力去理解架啦~大家,包容下啦! 呀哈哈哈哈哈~好正嘅出場篇~呀哈哈哈哈哈~! Continue Reading

發夢

唔知係因為天氣關係定係呢排成日都諗住夢想夢想, 呢幾日一瞓覺就不停發夢. 而且仲係古靈精怪嘅夢. 繼前晚發夢見到木下優樹菜(唔好問我點解係佢…我唔鍾意佢架!)打算挑戰ゲキカラ我狂阻止佢話好危險之後, 尋晚又發夢見到優子同指原. 好好笑, 尋晚個夢, 個feel係我好鍾意好鍾意優子, 係點都要跟住佢果隻. 連佢去廁所我都要跟埋去囉(爆). 我仲記得有個佬(唔通係經理人??)拉住我叫我唔好跟咁貼添! 哈哈. 至於指原, 我就記得我一路行一路同佢傾計. 佢話佢想做演員, 我就同佢講話如果係咁佢要努力d上位, 因為佢前面有好多前輩. 我仲list俾佢聽有北原, 柏木, 高城… 真係痴線, 關咩事啫! = =;; 都唔知夢入面嘅自己諗緊乜. 記得嘅就係咁上下啦! 前晚見到rena, 尋晚見到yuko同sassi…如果我鍾意嘅AKB48成員會出現晒的話,今晚我係咪可以期待有柏木由紀同前田敦子呢??出埋佢兩個就出晒架啦喎!! Continue Reading

單純&夢想

鍾意咗AKB48同SKE48之後,我習慣咗今日都去睇下佢地嘅blog。當然尤其係我最愛嘅rena嘅blog啦。除咗想知道佢地嘅近況之外,其實我睇佢地嘅blog仲有一個對自己黎講好大嘅得著。 人大咗,好多野都變得現實咗。乜都利益行先。工作都尚算穩定,過慣咗平淡無風波嘅日子。工作快三年,工夫都上晒手,腦都唔洗點用。刻板式咁上班望下班,嗯,又一日。又刻板式地星期一等星期五,嗯,又一個星期。四個星期過去,嗯,又一個月。十二個月後,嗯,又一年了。 小學時有夢想,要做一個博士。中學時雖然係混過去了,但係都有以去日本為目標。大學時因為鍾意電腦,希望成為程式設計員。大學畢業後,唔知點解目標希望夢想都消失了。 開始工作之後,情況更加嚴重咗。無目標,前路不明。無路牌,感覺响度原地踏步。工作似乎變咗一個交代。更好笑嘅係,唔係對我自己嘅交代,係對父母交差:「係呀,我有返工架。有野做架,唔係日日無所事事架。」 人總係不知不覺咁選擇易行嘅路。惰性嘛。加上我個人性格比較唔鍾意改變,如果唔係太大問題,咁咪得過且過囉,平平淡淡,幾好。即使知道咁落去自己會一事人無成,仍然咁由自己去死。夢想,離我越來越遠。 大個咗,其實諗野複雜咗。做一件事之前思前想後,諗諗諗諗諗。諗好多如果,諗好多野嚇自己。諗完之後驚唔得,驚改變,驚呢樣驚果樣,之後就:「唉,都係唔好啦,不變勝萬變。」結果,拖拖拖拖拖。又一年。又係一事無成嘅一年。 AKB48同SKE48 d靚妹同我唔同。佢地思想好單純。想做就去做。覺得啱就去做。有衝勁!每一日抱住自己嘅夢想,每一日無論有開心野定係唔開心野,都會感恩,反省。好好瞓一覺,第二日又抱住夢想再努力過。佢地嘅單純同直接,以及對夢想嘅熱誠,真係俾到好大嘅刺激我。 每日睇佢地嘅blog,最大嘅得著就係佢地教咗我做野諗野唔能夠將佢複雜化。其次係令到我反思,令我覺得我唔能夠就咁就一世。不斷咁幫我提醒自己,我都要為一d野而努力。 最近發現,原來咁嘅我都仲有夢想。而且機會一直都响我身邊無離開過。 人,不論幾多歲都應該抱有夢想。並用最單純嘅心態去努力。 我決定了,唔好諗太多太複雜。一句就夠:我有夢想,我想充實,我要努力! Continue Reading

夢之計劃R^2010

之前响blog度提過,我响度plan緊「某計劃」。 雖然一月頭之後就無再提過,但係其實我暗地裡仲响度好積極咁準備呢個行動。 而經過個多月嘅努力,「某計劃」已經基本上準備好,並重新命名為: 「夢之計劃R^2010」 現階段我做未能透露呢個計劃嘅詳程,但係好快就可以講架啦。 雖然基本嘅需要都已經搞掂到手準備好,但係有幾樣額外嘅野仲係搞緊。 希望順順利利入到手啦… Continue Reading

♪對策♪

SKE48成員嘅blog已經响2月18號全面變成有料。而無俾錢嘅朋友就只能夠睇到最新嘅一篇更新。 本來都一心諗住俾錢佢地洗,但係原來事情唔係咁簡單。原來就算你想俾錢,都要你有手機先得。仲要係日本本土有得上網嘅手機先得。我聽有d fans投訴,就算你住日本有手機,都有幾個機種唔支援==; 日本住民都有可能睇唔到,我地呢d日本國外在住嘅人就唔洗花精神諗點樣可以以正途睇到啦!不如花d時間諗下對策。 我係一個無論任何時候都有網嘅人。屋企,公司,去街都有iphone。所以要keep住有得睇唔係問題。但係有時想睇返以前果d就無得睇。呢一點令我好沮喪… >_< 而且rena每晚都有更新高峰期,一個鐘頭內會更新幾次。呢個時候係非常之容易miss。 所以我正在諗緊對策。 响未有結論之前,我暫時正以人手複製rena blog入面所有內容,並開設一個私人blog,將內容貼上。校好出post時間同rena一樣。希望可以用自己方法將rena嘅blog再現及保存。但係呢個方法其實令到我自己嘅心情過份緊張,因為怕會miss。In fact,我今朝11點起身,已經miss咗rena三個post之多。所以而家正用自己嘅有限知識希望可以減輕自己嘅壓力(追星都有壓力,真係慘) 加油,自己! Continue Reading

ゲキカラ@マジすか学園(第7回)

終於等到啦!!ゲキカラ終於出所啦!! 第7話本編入面佢只係出咗兩秒==;咬咗兩咬手指就完。但係果兩秒已經充份表現到ゲキカラ係癲嘅… 今個星期ゲキカラ嘅著眼點係第8集預告!因為第8集ゲキカラ係主角啦!!(死啦,30秒預告都cap咗十幾張圖,本編會cap幾多呢==;) 預告中見到佢嘅第一幕,已經係成手成面成頸血!! 你睇佢打到女校男生?? 同以往咁多集嘅主角都唔同嘅係,ゲキカラ似乎唔係話想要咩打敗人之後嘅榮譽同地位。佢好似唔care贏定輸!佢嘅目的根本就係打嘅過程,虐待人嘅一刻,同埋見血嘅瞬間。佢唔係話想快快手手搞掂果d,而係要慢慢同佢玩殘對手… 極之變態! 不過預告中最最最最最變態嘅都係呢一幕: 嘩~ 佢似乎想咬甩敦子隻耳!! 好癲。ゲキカラ真係好癲。佢俾我之前想像嘅癲好幾千倍!連サド都話佢係癲架囉!マジすか学園做咗咁多集,都未見過咁多血。我可以sure佢之前7集用嘅血漿加埋都唔夠第8集一半咁多!!不過佢一出黎就搞「血祭」,我真係好擔心佢又會即刻俾人的返入少年院==; 但係我鍾意~~!血,打交,耳仔… 真係我最愛。ゲキカラ似乎同我嘅嗜好非常近似(嚇! ゲキカラ!你太正啦! 講真,我估唔到rena做ゲキカラ可以做到咁恐佈。佢d眼神,令人心生畏懼!仲有就係佢超陰險嘅笑容… 嘩!勁到吖!敦子(戲入面啦,講緊)睥人嘅時候,都只係好兇狠咁啦。但係ゲキカラ果d係,點講呢,好似係好尖銳咁。佢望人一d都唔兇狠,但係就會令人好驚。我覺得選角果個人(應該係秋元P?)好勁。I mean,正常你見到rena,根本唔會諗到佢可以做到一個咁恐怖咁殘暴嘅角色囉!我覺得對rena黎講都係一個新挑戰,而so far我睇到嘅,出黎嘅效果好好! 真係要同ゲキカラ講一句:You are insane!! But I love you! 補錄:(第8集文字預告) #08 「四天王最凶 ゲキカラ・笑う」 シブヤに続き、ブラックも倒した前田。四天王の2人を倒されあせるサドは、これ以上やられるわけにはいかないと、少年院を出所した四天王 ゲキカラを送りこむ。 残酷に喧嘩を楽しむゲキカラには、ラッパッパの1年達も恐怖を感じおののく。 ある日、前田とだるまは学校帰りに悲惨な状態の歌舞伎シスターズを発見する。 それ以来、チームホルモンをはじめ前田のまわりの人間が次々と残酷に負傷していき…。 Continue Reading

[含劇透] マジすか学園(第7話)

四天王之一嘅ブラック出動! ブラック動作極快,永遠响你未來得及反應之前已經打咗你。而且佢最鍾意係左閃右避,成日响d黑暗位行出黎… 又或者係失驚無神响你後面出現… 今日敦子竟然無出手。肥妹加歌舞妓(第2集)加女校男生(第3集)4個打一個。 都唔夠打架其實佢地。俾ブラック打到傷晒仈晒地架。 但係當佢心口嘅十字架俾人扯斷咗之後,佢個樣就變晒啦。 之後俾人連打兩拳,加一個頭鎚,KO。 估唔到ブラック竟然唔係同敦子打。感覺有d唔憤氣!輸俾敦子都叫做心甘情願,輸俾班廢柴真係好唔開心。(我話個角色,唔係真人呀!fans們唔好追打我…==;)而家係咪睇唔起ブラック先?? 講真吖,四天王真不醜係四天王。四個打一個佢真仲係處於上風。只係出咗d意外,搞到佢分咗心。根本四個打一個就已經係好卑鄙!俾你打低咗佢都唔叫贏咗囉!呢d叫做勝之不武!仲學人食勝利雞翼,不知所謂。人地一個人想同敦子單挑,你做靚嘅就call馬黎圍毆人,仲大大聲話咩「伙伴」。有無睇過極道鮮師呀??伙伴唔係咁用架囉==;離晒譜。 不過講開又講…四天王好似個個都不堪一擊咁嘅點解?上集シブヤ又係一個頭鎚KO,今集ブラック又係一下KO。感覺上四天王好似好打得但係好唔捱得打… Anyway,咁今集敦子無打交,去咗邊呢?其實佢係同優子走咗出醫院出面玩。(係咪應該話,俾優子捉咗出去玩?) 而今集都交代咗優子同サド之間係關係。 原來佢地係不打不相識。サド眼角嘅疤痕原來都係優子整架囉!同埋サド呢個名都係優子改架囉! サド俾優子打敗咗之後佢地做咗親密戰友。好正! 不過今集最正嘅都唔係以上果d… 最正係… 認得佢嗎? Continue Reading

出動啦!!!!

有預告睇啦!! 有預告睇啦!!!! 有預告睇啦!!!!!! ゲキカラ返黎啦!!!!!!!!! http://www.tv-tokyo.co.jp/majisuka/index.html 好正呀!!!!! 好夠血呀!!!!!!!!! ゲキカラ嘅人物介紹更新咗!! ラッパッパ四天王の一人。(吹奏樂部四天王其中一個) 残酷に喧嘩を楽しむ。(好enjoy殘酷地打交) 少年院から戻ったが…(雖然由少年院出返黎) rena猛話佢只係個怪人….呢點我唔係好同意lor…!!==;淨睇預告我覺得佢好恐佈!!!!直頭係變態殺人狂果隻lor!!!正呀~正呀~正呀~~!! 第8集-27億個期待!!!!!不過咁即係話黎緊嘅呢個week將會好好好好好難過…………………… >_唔怕!!我同rena一齊努力!! 多謝今日所有因緣!!多謝ゲキカラ終於出現!!! ゲキカラ様!歡迎回來!!! Continue Reading

桜の栞

AKB48新碟「桜の栞」通常版到手!呢隻碟勁呀,首日賣咗20萬隻… ==; 今次通常版有A版同B版,主要分別係個封面,Coupling(第三首歌)同埋隻DVD。 A版:封面係Acchan自己一個大頭。第三首歌係Team PB。DVD就係成員同你講「卒業おめでとう」(恭喜你畢業) B版:封面就係松井J+Acchan+高橋みなみ。第三首歌係Team YJ。DVD就係成員同你講「本当は好きだった」(其實我好鍾意你) 明明鍾意PB多過YJ,但係我考慮過之後,終於都決定咗買B版。 原因有以下:1)B版封面有三個人,感覺上抵d(死==;重量不重質嗎?2)覺得B版嘅DVD果句野較萌(爆 到手後當然要影下入面。AKB48的碟嘅內容明顯地俾Hello! Project嘅用心。大至整體制作小至紙質都令人覺得物有所值。可能係小蝠一直都只係買Hello! Project吧,對比好大。 背面:(覺得優子超靚) 「桜の栞」嘅歌詞: 內頁:(可惜無rena…) CD,B版: DVD,B版: 留意下隻CD同隻DVD嘅暗花係唔同架! 全國握手會參加券: 雖然無得去,但係留意,右手邊係一張書簽黎架!寫住叫你剪出黎用。今次首歌叫「桜の栞」。日文「栞」意思係「書簽」,所以佢送書簽!心思爆燈! 呢兩張係HMV特典,係响HMV買先會有架!所以而家轉咗去HMV訂碟,唔幫襯AMAZON啦~哈! 今晚播マジすか学園第7集啦!出手嘅係我嘅第二或第三最愛嘅ブラック柏木由紀!(點解係第二或第三?因為我唔知自己鍾意Acchan多d定係佢多d lor!)所以今晚我唔會實時睇啦~!質素唔夠清嘛!聽朝一早down HQ睇!嘻嘻!不同我今晚都會等到佢做完即時去website睇下一集嘅預告!如果又唔見ゲキカラ… 咁我又要將行動升級架啦!ヽ(*`ω´)ノ 首先,如果今晚(第7集)出,咁我就會响MSN, GoogleTalk同Facebook出現返!如果第8集預告有,咁我就會維持現狀直到下個星期五播第8集見到ゲキカラ之後,就全面復歸!如果第8集預告都唔見人… 咁我就連BLOG都唔鬼寫架啦!(マジすか報告除外)再如果下個星期(2月26號)第9集預告見到有ゲキカラ,咁就BLOG單一復歸,其他等ゲキカラ正式响本編出現先復歸! 好!就咁決定! Continue Reading