Monthly Archives: January 2010

ゲキカラ@マジすか学園(第4回)

今次真係無晒野講啦。
opening一樣,劇入面無提過佢,無見過佢。
唔好講ゲキカラ吖,今次係連ブラック都唔見lor。

只好cap咗rena個blog入面早幾日佢拍攝時影嘅一張相。
本人堅持唔响呢度直接貼rena blog入面嘅相,請見諒)

最近rena都幾次提到佢响度拍マジすか学園。
Acchan今日提到佢地拍到第7同8集,
而兩日前Acchan終於响佢個blog入面提ゲキカラ啦!

同日,rena個blog都post咗一張係晒血漿嘅暖貼相…

激戰???似乎幾狠… >_<
相信後半會多d見到ゲキカラ架啦。

綜合咗好多情報同小道消息…(←d小道消息成日都唔準嘅!究竟响邊度聽返黎=_=;)
我相信ゲキカラ會極之有可能响第六集出現!
如果我嘅預預感係啱嘅話,下一集(第五集)做完之後嘅預告片將會係我最最最期待嘅預告!

其實好少睇劇會開始咗睇都每星期期待!期待!咁。
上一年同期,都有一套我非常之期待嘅日劇。
倒數100日之後有得睇啦,但係之後就無再話過期待。而家隔咗咁耐先講返吖,上一年果套直頭係睇咗第一集之後有d失望添。
所以マジすか学園我而家睇到第四集都依然係好期待下一集,真係好難得lor,我覺得。

之但係其實我又諗,會唔會係因為我最愛最想睇嘅人一定直都未出所以我見咁期待呢?咁係咪即係ゲキカラ一出咗我就會無晒動力咁呢?

哈哈,又响度諗埋d無謂野啦!唔會嘅!應該係佢出咗之後我會更加期待先啱!

期待第五集!!…………………………………. 播完之後嘅第六集預告!(笑)

[含劇透] マジすか学園(第4話)

今次遲到了,抱歉。因為尋晚响度睇「極度鮮師電影版」,所以無寫blog。最近唔知點解睇親都係不良電視電影… 奇怪。 Anyway,入返正題。今集出現嘅係三隻… 噢,我意思係三個扮晒可愛但非常之危險嘅人物-山椒姊妹。 佢地叫姊妹咋,但係唔係真係姊妹黎架。一開波用好狠毒嘅方法打到一個女仔流晒鼻血。而且佢地仲變態到打完影佢相。 佢地雖然好強咁,但係對學校最強嘅吹奏樂部四天王都係要卑躬屈膝。 由於副部長Sado下咗令响優子部長返黎之前唔可以搞事,所以四天王都唔郁得。シブヤ其實極唔妥前田敦子,既然自己郁唔到手,就暗中叫山椒姊妹出手,仲話如果件野搞得好,佢地可能有機會入到吹奏樂部。於是山椒姊妹就行動啦。 佢地走入敦子嘅2-C教室搵佢,但係咁啱佢唔响度,佢地就同燒肉五人組嘈。山椒仲串佢地話佢地敦子嘅手下敗仗。搞惡晒2-C d人之後走人。 敦子响打工嘅醫院再次見到優子同其他入院嘅人响天台玩閃避球。而優子同敦子終於有第一次嘅對話。其實越睇就越覺得優子唔係咩壞人。唔~唔知啦! 敦子响優子同其他入院者嘅嘅對話當中,聽到優子話越強嘅人就越容易成為目標,話如果唔想再俾人當成目標就快d輸。(←其實佢地只係講緊閃避球)敦子聽咗到,覺得好有道理,所以當山椒打到黎,佢一於唔還手。 得手之後嘅山椒就同シブヤ去Sado度領工,點知Sado不但無讚佢地,反而好唔高興。 山椒姊妹想入吹奏樂部嘅計劃終告失敗,條氣好唔順就打算去打敦子出氣。 佢地衰就衰格在,用手銬銬住敦子黎打。 後來個肥妹梗係會黎救佢啦。肥妹講無論發生咩事佢都會保護敦子,因為敦子係佢嘅伙伴。山椒姊妹就笑佢老套,之後加多一腳。 敦子其實俾肥妹感動咗,而肥妹又係因為佢俾人打,佢就除咗眼鏡…!但係因為佢有一隻手俾人銬起咗,本來都唔夠打。但係後來山椒姊妹自己內訌… 敦子就一野飛腿… KO咗佢。真係好型! 今集題外話。烤肉五人組入面有一個要「ムクチ」嘅女仔。ムクチ漢字係「無口」,故名思義,佢係唔多講野嘅人。In fact,做咗4集,佢一句野都無講過!零對白!但係今集我發現咗件好得意嘅事,就係呢個叫ムクチ嘅女仔唔係唔想講野,係佢每天想講都咁啱俾人講咗先…!哈哈,原來佢係無機會講野咋可能! 順便一提。佢响AKB48入面係研究生。 ゲキカラ專post要等今晚啦! Continue Reading

AKB激辛部入部希望!

今日同公司同事去咗皇朝一間火鍋店打邊爐。最近一直都口痕痕想食辣野,去到見到麻辣湯底講真,真係有d興奮。 但係呢煲野比想像中要辣。因為開始咗野菜生活(後註),所以多數食菜同埋魚,但我唔知嘅係,最大嘅敵人原來隱藏咗响菜度! 上圖嘅金菇同冬瓜上面癡住極多嘅紅紅黑黑嘅點點,而呢點點就係令到煲野辣嘅兇手。 食完之後手痕想知道有幾多呢d點點,於是。。。 係咪見到都辣呢?真係幾辣架!但係係一種令人上癮嘅刺激感。 我覺得經過呢煲野嘅洗禮,我應該可以加入AKB激辛部同rena並肩作戰!哈哈! Continue Reading

ゲキカラ@マジすか学園(第3回)

上次話過opening度會見到ゲキカラ玩廁紙。今次cap到圖!唔係睇副部長呀,係睇右下角!!睇下佢玩得幾開心。呢個完全係rena,唔係ゲキカラ!哈哈。 第三集四天王出巡嘅時候,烤肉五人組同四天王+副部長都有提到ゲキカラ! 烤肉五人組幫手交代咗ゲキカラ係因咩事俾人拉: ゲキカラはまだネンショに入ってんのか。ゲキカラ仲响少年院喔?地元のチンピラを半殺しにしたら、警察沙汰にもなるわね佢打到d小混混半死梗係會有警察介入啦。 而四天王之一嘅シブヤ就提到ゲキカラ就黎返出黎: そういや近々ゲキカラがバカンスから帰ってくるらしいっすよ。講開又講,聽聞ゲキカラ好快就會渡完假返黎啦喎。 綜合今次嘅情報,我地知道原來ゲキカラ俾人拉係因為同街邊d飛仔打交,而如果シブヤ無講大話,ゲキカラ應該好快就會歸隊架啦!! 信晒你架啦,シブヤ! Continue Reading

[含劇透] マジすか学園(第3話)

第三集!今集其實有d搞笑劇feel… 首先!女校男生出場!! 其實呢個人都係女仔,但係佢一路覺得自己係男仔。呢個人一開始就鍾意咗Acchan身邊個肥妹,但係個個都以為佢係鍾意咗Acchan… 結果後尾佢搵Acchan單挑爭女。 結果咪又係Acchan打贏。不過呢個女校男生都幾叻,可以打得中Acchan。 第一滴血~~!! 今集最最最最最型呢,係(三缺一嘅)四天王出巡!! 佢地身後嘅五個烤肉小妹開始變成本劇嘅笑點。 偷睇人地單挑… 偷望四天王… 仲同肥妹一齊烤肉! 補多張可愛到爆嘅さっし!今集就係咁上下! ゲキカラ依然未出場,不過有人講佢!ゲキカラ專post會詳細講!聽日送上! Continue Reading

Angel Bank (1)

由於マジすか学園有大量嘅AKB48同SKE48成員出演(其實SKE48出演只有兩個,而兩個都未曾正式出現),大家嘅注意力都會去咗マジすか学園度。但係其實AKB48成員嘅活動並唔係得咁少。 除咗响マジすか学園做第二女主角之外,大島優子其實仲有一套劇出,就係Angel Bank啦!(豬豬字幕組好似譯成「轉職必勝班」) 既然優子係我top5入面嘅人,就等我講下呢套劇啦!放心睇,無劇透! 優子响入面係做一間獵頭公司嘅一個職員。係一個有好高工作能力但係性格上有d… 麻麻地嘅女仔(唔係話佢心地唔好果d,而係佢都幾奄尖同對上司唔係話咁尊重嘅人) 叫人做野嘅樣。 睇下佢呢個樣幾咁搞笑!呢一幕係講佢上司走出黎响新人(右)面前大講冷笑話,優子就咁嘅衰樣啦。哈哈。 講真,故事嘅主線唔响優子度,都真係無乜野好講。純粹以AKB48迷嘅身份,post下佢d劇照咋。 Continue Reading

ゲキカラ情報更新!

最近post野不停都係講ゲキカラ,大家應該無悶親吧?不過寫AKB48同SKE48應該比寫我自己好吧?反正都應該無人想知道我嘅野。 講返ゲキカラ。啱啱rena更新咗一篇blog有提到ゲキカラ。 ==(以下引用自rena公式blog)== かなーりの変わり物なので、放送が進むにつれて嫌われなければいいのですが・・・(´・ω・`)
変わり物のゲキカラも好きと言ってもらえますようにっ!


 ==(引用終了,以下翻譯)== 佢係一個都幾奇怪嘅人,希望故事一路發展落去唔會令人討厭佢啦。希望大家都會鍾意怪人ゲキカラ。 ==(翻譯終了)== 終於參加到公演嘅rena今日見到佢好想見嘅其他SKE48成員。咁d成員就响度討論ゲキカラ呢個角色,佢地都話好鍾意個角色。rena就講咗上面果段野啦。 由此可見,對rena黎講ゲキカラ係一個怪人。加埋佢上一次輕輕咁提過ゲキカラ係一個好情緒化嘅人,咁ゲキカラ應該係一個好情緒化嘅怪人!(←喂! 繼續期待。。。 Continue Reading

ゲキカラ照片更新!

今日マジすか学園嘅網頁更新咗ゲキカラ同シブヤ嘅相,シブヤ姐唔多關我事啦,貼ゲキカラ出黎就夠啦! 有好留心睇第一集嘅朋友仔應該一睇就知呢張就係貼咗响白板果張相啦!!呢張相入面係ゲキカラ(暫時)最兇狠嘅樣…大佬,俾佢咁睥一睥真係心都離埋…不過我唔洗驚!我係佢”舍弟”嘛(笑)斷估佢唔會無啦啦濕自己人掛? 都係果句啦,快d出場啦,ゲキカラ! Continue Reading

ゲキカラ@マジすか学園(第2回)

上次都講咗啦,第2集無ゲキカラ。唯一可以見到佢嘅地方就係opening啦。 好就好在呢,今集個opening好似同上一集有(非常)少嘅分別。 但係今集好似好明顯見到rena响鏡頭嘅右下角玩廁紙。我無cap到圖,因為太細都唔係好睇得清。 噢,早幾日講開話rena已經開始拍攝。之後我去咗AKB48其他成員嘅blog考察(笑),發現果日無人提過佢。唔~奇怪。諗諗下果日rena個blog都無講過佢見到d咩人。唔通果日得佢一個拍咁奇怪??因為果日好明顯係佢收咗工Acchan先開工。yuko個blog都無提過rena!事件實在係太奇怪了。 仲有一點就係,話說好似係尋日定前日,acchan响佢個blog提到當日拍マジすか学園嘅時候吹奏樂部全員集合。佢講到咁,我好自然地覺得四天王之中嘅ゲキカラ都在場。但係睇返rena個blog,果日佢似乎唔係拍野。唔~好離奇啊!還是係acchan根本無當過rena係四天王之一呢?? 以上全部都係我個人無聊得滯响到諗呢樣諗果樣嘅結論…事實係點真係得佢地先知。 是但啦!對我黎講,最緊要都係快d睇到ゲキカラ出場。 Continue Reading

[含劇透] マジすか学園(第2話)

マジすか学園第2集。首先,今集全集都無rena,仲慘過上集,相仔無得見,連最後出credit都無咗佢個名。不過個opening轉咗少少。噢,rena嘅話題一陣rena專post先講啦。 今集一開波就見Acchan响度洗手。似乎係响度諗返頭先打到人地仆晒响度嘅感覺。咁俾佢打果幾個而家點呢?自己䏲下。 yeah~個個又瘀又膠布… 陰公lor,打到我個さっし咁… 講開さっし。佢叫指原莉乃。花名さっし(Sasshi)。最近真係幾鍾意佢。都好,起碼rena出之前,我都叫做有個人俾我跟下。睇多張好型嘅さっし先啦! 左邊先係呀,唔好認錯人! Anyway,今集搞事嘅,係「歌舞伎姊妹花」。 都唔明好地地做乜要畫都塊面咁… =_=; Acchan响戲入面真係EQ爆燈。俾人蝦到上心口都唔出聲。 但係後來,成日跟住佢果個肥婆因為保護佢而俾人打,Acchan就終於除眼鏡。除眼鏡=作戰狀態。 呢張圖我覺得好搞笑。有無小小似街頭霸王?哈。 之後其實都唔洗諗,Acchan實win。 打敗咗怪獸嘅超人…(爆) 今集就係咁多啦,補一張型爆由紀先! Continue Reading