Monthly Archives: December 2009

倒數12!!!!!6!!!!18!!!!

離「マジすか学園」On Air仲有12日咋!
網頁都整好咗啦!有30秒預告睇啦!
http://www.tv-tokyo.co.jp/majisuka/

我一直都只係倒數住「マジすか学園」,
其實あっちゃん另一套劇「龍馬伝」比「マジすか学園」更快做!
倒數7日…!
雖然あっちゃん大慨要3月先會出現,但係唔一路睇住我怕會唔明,所以都打算由頭睇…
http://www9.nhk.or.jp/ryomaden/

而其實優子套劇都係1月出街!
1月14號… 倒數18日!
http://www.tv-asahi.co.jp/angelbank/

倒數16!!

仲有兩個星期多d就On Air啦!預告都出咗啦! マジだよ…嘩… あっちゃん好凶啊~ 優子都好型呀~~!!仲有,大家留意優子行緊嘅時候嘅左手邊後面!! RENA!!!!!!!松井玲奈出現!!!!!!! 太期待啦!! Continue Reading

Thank You Very Very

尋日同懶懶熊一齊睇嘅DVD其實係Berryz工房嘅舞台劇。 故事性就無乜架啦。又係一套偶像劇lor。如果你問我,我覺得早幾個月睇嘅C-ute果劇仲好睇lor。 不過,嗯嗯,以fans角度出發,呢套野都可以一睇嘅。當中我真係最最最最鍾意Captain嘅清水佐紀。 啱啱睇佢果時佢10歲。而家18歲,過幾個月就高校畢業。真係大個女啦。睇住呢班小朋友大,先會發現自己老啦(爆) 不過Captain都算係Berryz內成長得做好嘅一個。當然,係以我嘅標準計啦。 劇入面有首歌我好鍾意。係向身邊嘅人講多謝嘅歌。你知啦,有時對離自己越近嘅人就越怕醜。明明係好感謝佢,但係就硬係講唔出口。衷心講句多謝都需要好大勇氣。呢首歌就係叫人唔好吝嗇你果句「多謝」。 サンクユーベリーベリーThank You Very Very 大好きな人がいて 今日もニコニコしてる 最喜歡的人就在身邊 今日也在對我微笑 それは当たり前のことじゃなかった其實這樣不是理所當然的 大好きな人がいて おんなじ息を吸って 最喜歡的人就在身邊 跟我呼吸著同樣的空氣 この気持ち 唇にのせよう 不如就將這個感覺說出來吧 消えてゆく声の余韻 生まれてくる声の予感聲音的餘韻慢慢消失 我很快就可以將我的感覺傳達給你 その間の一瞬 せーので飛び出す言葉 就在這一瞬間 我們一起說出來吧 サ・ン・キュ・ベ・リ・ベ・リーThank You Very Very 永遠と思っていた 時間永遠じゃないから我一直以為是永遠的時間原來不是永遠的 今 この時がその時現在就是要說出來的時候 ありがとうって いつも思ってたよ我一直都很感謝你 腹筋が鍛えられる くらいよく笑えるのは可以令歡笑成為鍛鍊腹肌的力量 あなたがそこにいるから都是因為你在我身邊 ありがとう そう サンキュベリベリー 謝謝 對 Thank You Very Very 大好きな人がいて おんなじ方を向いて最喜歡的人就在身邊 向著同一方向邁進 深呼吸 さあ歌おう深呼吸一下 我們一起唱吧 消えてゆく声の余韻 生まれてくる声の予感聲音的餘韻慢慢消失 我很快就可以將我的感覺傳達給你 その間の一瞬 せーので飛び出す言葉 就在這一瞬間 我們一起說出來吧 サ・ン・キュ・ベ・リ・ベ・リー Thank You Very Very おんなじ方を見てると 顔はわからないけど 雖然我們向著同一方向令我不能看到你的臉 でも笑い声が聞こえる但我能聽見你的笑聲 ありがとう そう サンキュベリベリー 謝謝 對 Thank You Very Very 腹筋が鍛えられる くらいよく笑えるのは 可以令歡笑成為鍛鍊腹肌的力量 あなたがそこにいるから都是因為你在我身邊 ありがとうって いつも思ってたよ 我一直都很感謝你 永遠と思っていた 時間永遠じゃないから 我一直以為是永遠的時間原來不是永遠的 今 この時がその時現在就是要說出來的時候 ありがとう そう サンキュベリベリー Thank… Continue Reading

まったりゴロゴロ

連續4日嘅假期。 星期六,星期日都有野做要出街。但係其實我最鍾意係就响屋企まったりゴロゴロ。 まったりゴロゴロ。 まったり… ゴロゴロ… 响日文入面,我最鍾意嘅兩個字… 現在係太啱我啦~! まったり呢個字,字典入面可能無。呢個字如果用响食物度,意思係恰到好處嘅味道。但係呢個字仲有另一個意思,就係形容放鬆舒服嘅狀態。 ゴロゴロ形容嘅就係無無聊聊乜都無做响屋企碌來碌去嘅狀態。 兩個字加埋…まったりゴロゴロ…一句講晒就係响度hea。 今朝一早就响我嘅自製こたつ(日式暖爐枱)度食柑。 之後就攬住隻懶懶熊睇DVD… 今日真係hea得出色! Continue Reading

Final Fantasy XIII

上個星期入手咗期望嘅PS3,隨便買咗兩隻GAME返去玩。但係真正期待嘅,係12月17日出嘅Final Fantasy XIII。 本來我對RPG遊戲真係無乜好感。覺得又悶又嘥時間。但係最近成日都見愛妹話Final Fantasy有幾正有幾好玩,搞到我有d想試下。又聽聞咗話今次Final Fantasy個故仔好正,所以決定要入手玩下。 日本17出,我地澳門18號有。我就19號買到手。 尋日唔係好得閒,所以無即刻玩。今日就一直玩一直玩… 嘩!原來Final Fantasy真係好正!!我終於明白,點解愛妹話佢會一路玩一路喊!原來真係會架!!好感動!個GAME我未爆,但係玩咗4個幾鐘,覺得真係好正!!一d都唔悶喎!! 好,繼續玩先! Continue Reading

My Girl

今季日劇開始步入尾聲.一直追睇嘅幾套日劇當中嘅其中一套, 已經完結, 我尋晚都完成任務, 睇晒啦!! 由於我唔係好鍾意嵐呢隊組合, 所以知道係相葉雅紀做主角我都打算唔睇. 但係後來發現套野係講小朋友, 又見到做主角個女嘅小女孩咁可愛, 就開始咗睇. 結果不知不覺就成套睇晒. 呢套劇, 係一套好溫馨又好感人嘅電視劇. 好易令人投入同佢一齊喊, 一齊笑. 故事係話有一個24歲的年輕人有一日响公園遇到一個5歲小女孩, 並發現原來呢個小女孩原來係佢個女! 小女孩嘅媽媽係主角嘅初戀女朋友, 6年前因為個女仔要去外國而分開咗. 原來當時個女仔已經有咗bb, 佢無通知主角就自己生咗個女出黎, 自己一手一腳養育佢. 但係個女仔因為車禍而死亡, 女仔嘅媽媽帶住個小女孩到東京嘅時候遇到主角. 就係咁, 主角就發現原來自己做咗老豆. 個小女孩話要同主角一齊住, 主角就答應咗. 於是, 佢就開始咗同個女一齊生活嘅日子. 突然之間多咗個女, 主角嘅生活起咗好大變化. 但係佢通過同個女一齊解決生活上一件一件事情而慢慢成長. 心態上亦都改變咗好多. 佢由一開始很抗拒被人知道佢有個女, 到後來好proud of個女, 好想同佢一齊同好想佢開心, 等等. 如果鍾意睇小朋友, 溫情片嘅朋友, 呢套戲我會推介俾你! Continue Reading

倒數24

1月8日係「マジすか学園」嘅首播日。距離呢個日子,仲有24日! 上一年呢個時候,我都响度倒數。倒數「Q.E.D.証明終了」。 經過上年嘅經驗,我發覺,倒數嘅日子比睇嘅日子更加令人興奮!當然,開始做係好開心,但係總係覺得,開始咗之後就進入咗距離完結嘅倒數。 所以雖然好想快d睇,但係呢24日我覺得都要好好珍惜! Continue Reading

☆☆☆NOW☆☆☆

以往開放期,我好多好多好多時都係鍾意咗某一個時期嘅某一個人。因為我中招多數都係因為戲劇。戲劇又有好多時唔係現在式。以前最明顯一個咁樣嘅例子,就係岩田さゆり。唔詳細講啦,總之就係我當時鍾意嘅係過去嘅佢,唔係現在嘅佢。所以當我見到現在嘅佢的時候,就唔能夠再愛下去。 但係今次AKB48有d分別。我係睇咗一年前嘅Acchan,而愛上咗現在嘅Acchan。 呢個亦都係今次AKB48中毒中得咁嚴重嘅原因. 因為同以往咁多次開放期唔同,今次我係愛上咗現在。 過去 ﹣ 現在 ﹣ 未來 呢個次序係永遠都唔會改變。昨天嘅翌日永遠係今天,唔會係明天。昨天同明天係唔會相連,佢地嘅中間一定要夾住今天。所以智者話要活在當下。 過去係好重要。但係過咗去就成咗HISTORY,無得改變。所以現在比過去更加重要,因為只有現在可以創造未來。 講咗咁耐,其實我都係想講AKB48。我過去唔鍾意佢地。但係現在我鍾意。未來就靠我同Acchan去創造! Continue Reading

成功了☆AKB48 SHOP!

係係係。呢度有個白痴仔Capture咗自己個Mailbox俾人睇 Sorry,但係我今日收到嘅呢個Email實在太令人興奮啦!!可能圖太細,大家睇唔到! 但係星咗嘅Email,其實係由AKB48 Online Shop發過黎嘅!係一封商品已寄出嘅通知! 大家明唔明咁代表咗d咩??呢封email代表咗我成功响AKB48 Online Shop買野!當然,當中係有些少技巧…(商業秘密 “笑)但係咁即係我要買AKB48,我唔洗買貴野!!唔洗好似買Hello! Project精品咁俾人當水魚! 實在係太令人興奮啦!雖然今次我只係買咗少少野,用黎測試。但係呢個測試意義非常重大!商品真正到手後,我會post相出黎~ 有興趣嘅朋友仔過幾日再黎睇下啦! Continue Reading