Monthly Archives: November 2009

VERBATIM

Verbatim請咗AKB48做廣告。

佢地唔單俾錢AKB48洗,
仲為廣大AKB48 fans謀福利!!你話呢d廣告商响邊度搵〜

Verbatim設立咗一個名為AKB4800嘅Project,
放咗4800張AKB48成員嘅相响佢地個網頁任人下載。
我當然唔會執輸啦,極速去下載,並print出咗好多出黎…

用黎做咩?見到右上角d blu-tack都未估到?
估到未?

不如睇下完成圖見啦?

無錯!就係貼牆!
呢度大約用咗100張,分別有6個人。

1)前田敦子
2)大島優子
3)多田愛佳
4)渡辺麻友
5)小野恵令奈
6)高橋みなみ

應該唔會有人見唔到Acchan同Yuko,Aika都好易搵。但係最後三個可能會有d難度?
不過fans一定會搵到架!

都無多年無貼到成牆都係相…
由紐西蘭返黎都無咁做過lu…

係AKB48令我有返少少火做呢d野… 哈哈

嗚謝Verbatim…!電腦產品我會多d用你架啦!!

YUKO

好。上次講完AIKA,今次就講YUKO。同樣,我都認識3個YUKO。 第一個係前Morning娘隊長嘅中澤裕子(Nakazawa Yuko)。 第二個呢,就係睇Hexagon識嘅小倉優子(Ogura Yuko)… 不過同佢唔係好熟… 最後就係我最愛嘅AKB48,TEAM K嘅大島優子(Oshima Yuko)! 我最鍾意邊個??真係要問?? 我實係咁答你啦: 梗係大島優子啦!! ha… ^^)/~ Continue Reading

AIKA

So far,我認識3個叫AIKA嘅人。 一個係Morning娘嘅光井愛佳 (Mitsui Aika) 一個呢,係最近睇電影,暮蟬鳴泣時嘅時候睇到嘅あいか (AIKA) 最後一個呢,係我最愛嘅AKB48入面同Acchan同屬Team A嘅多田愛佳 (Oota Aika) 如果你問我,呢3個AIKA入面我最鍾意邊個,我會毫不猶疑咁答你: 梗係多田愛佳啦!咁都要問!! ha~ ^^)/ Continue Reading

祝!第60回NHK紅白歌合戰出場決定!

重大消息!! AKB48今年有份出演紅白歌合戰!! 今日各AKB48成員嘅BLOG都响度講緊呢個消息!!好勁呀!我好開心呀!!今年終於又可以睇紅白啦!! Hello! Project上年無得出,就話賴mo娘出得兩隻細碟。今年出足四隻碟,都係無得出… 無得賴啦掛? Anyway!! AKB48!!恭喜你地今年出到紅白! あっちゃん!加油呀!超期待!! Continue Reading

蝙蝠電影館 – 暮蟬鳴泣之時

由於要乖乖俾隻手抖下,所以上個weekend無乜用電腦。唔用得隻手,悶就唯有睇劇睇戲啦~ 其實都有好多存貨。鍾意嘅AKB48成員個個都有戲拍,所以真係唔愁無野睇。今日等我先講下暮蟬鳴泣之時。 放心。唔會有劇透!因為我睇完都唔知套野講乜… 哈…主要係想講下有份演出呢套戲嘅AKB48成員小野惠令奈。 其實佢嘅戲份真係唔多,對白又少。個角色唔係好出。成套戲幾乎都只係有團體Shot。 「暮蟬鳴泣之時」係一個改編自動畫同遊戲嘅電影。出名在殘酷同血腥。我未睇過動畫,亦未玩過隻game。我第一次接觸就係呢套真人電影版。套野大致係講,有一個男仔因為一d事同佢父母由大城市嘅東京搬咗去一條古老嘅村莊,村莊有一個古老神明,而每年都有一個祭典叫「綿流祭」。個男仔本來同村莊嘅女仔相處得幾好,但係有一日,佢聽到一d傳聞,話每一年綿流祭當日,都會有人死或者失蹤。個男仔開始發現,村裡面嘅人有d野隱瞞佢。佢開始猜疑身邊嘅人同埋疏遠佢嘅朋友,覺得佢地會對佢不利… 我睇得明嘅就係咁多。有好多都唔知佢想點。但係好奇怪我又唔覺得佢悶喎。 呢套戲係第一部,有續編。第二部叫「暮蟬鳴泣之時﹣誓」。我都已經煲埋啦。個人覺得第二部好睇同易信明過第一部。可能係因為第二部多d惠令奈嘅戲份掛。第二部下回再講。 Continue Reading

衫仔

布施久未露面,大家有無掛住佢呢? 今日天氣涼咗,著返件衫仔先啦~! 好型架!係史迪仔黎架! 不過其實件衫仔唔係暖架咋…純粹係我見佢著覺得好可愛咋!哈哈。 Continue Reading

非難殺到!

奇怪,點解識咗我咁耐,過咗咁多個開放期,都仲會有人質疑我架呢? 當然,我最近嘅態度可能令人誤會… 但係… 認識我夠日子嘅正常都知道掛? 近排我係: 日日都講Acchan入手咗好多AKB48嘅野對Hello! Project有好多不滿改買咗Acchan用暦Cancel咗幾個Morning娘嘅Order狂批評Hello! Project (註:係H!P唔係愛妹呀)放咗Hello! Project D 野上ebay停咗無更新Aigokoro.com… (等等太多不能盡錄) 但係咁樣都唔代表我放棄愛妹架喎!係,我都認我最近係少咗諗起佢,我認我係掛住Acchan多過佢。我都認我想見Acchan多過佢,我認我因為Acchan所以唔去福井改去秋葉原。 之但係咁都唔代表我唔要愛妹架喎!雖然如果你而家問我鍾意邊個多d我會唔識答你… 我鍾意咗愛妹8年,我無諗過要放手架喎。愛妹已經係神級(笑),唔係咁易郁得到。講真吖,有好多時我自已都唔知唔覺,好唔了解自己咁覺得我已經離開咗H!P,但係過咗咁多次開放期,雖然唔覺,但係我已經知道,無論我鍾意咗d咩人都好,都唔會郁到愛妹。 所以朋友仔s,唔洗再誤會啦,亦唔好再問我啦! By the way, 今日Reina 20歲生日!生日快樂!! == 日文漢字解說: 非難=指責殺到=蜂擁而至 Continue Reading

Trading Card

對新一輩Hello! Project嘅fans黎講,真係可以話唔知Trading Card係何物。我有幸响7, 8年前見過最後一Set Morning娘嘅Trading Card。但係當年仲係貧苦學生嘅我無緣從日本購入果Set卡,只係後來零零碎碎得到幾張。所以雖然我唔係新一輩嘅Hello! Project fans,但係我都係都無玩過Trading Card呢樣野,直到最近… AKB48處於向上期,自然有好多公司為佢地出精品。而唔似Morning娘,佢地鍾意出個人。哈哈,啱晒!咁多個AKB48成員,我數埋都係鍾意5, 6個,如果佢出全隊,我估我唔會買,但係Acchan單人,值得一玩!! 其實Acchan set卡早响夏天出現,而呢類精品會响短時間內缺貨。我最近幾先鍾意Acchan,其實都放棄咗。但係Acchan似乎留咗條生路俾我。竟然俾我响陶寶好偶然咁搵到。二話不說,入手! 外盒: 盒內小包:(一共有12包) 一包有7張卡,有12包,加1張盒裝附送卡,所以有85張: 由於係隨機,開之前永遠唔知有咩卡响入面。外盒都有註明,話入面有相同卡唔出奇。 不過,奇蹟發生咗响我身上!!我呢盒卡,85張全部都係unique!係連半張相同都無!!係咪好神奇呢???不過當然我唔齊啦!因為有好多張特別卡!但係我响呢方面唔執著,買到一盒已經非常滿足啦! Continue Reading